Lukga 24
24
1Egi hamb jornira haramihehambregi hainixjinig warnaxi‐hoshueja hahirena, maka pana phi hirushjahirera harniahirena, egi hijane wakishu hahirena.
2Egi ini warnaxi‐hoshuejanagra hijahi hawarnainagire hajairena.
3Egi hijokawairena egi Jesus Hirukanara rora inke hieranina.
4Egi herena de‐e wowewiharejirena, horuxujre, wangra nupi nashianjena waini rukanakanap‐u.
5Egi naxirairena, egi wakhu hakikaraninena egi wawagairena: Jagu‐u niamb‐hisha horani harajeshe d’e‐horogregi?
6Inke higiniharnina, eshi kikawa‐ana, wewiwine jagu hironikit’awira, Galilea‐eja uniharegi.
7Wena: Wankshig‐hinigra wankshig washa woishana‐u nab warnineja rushjanehiregi phinana, egi naramiheja haisarajhiregi egi hamb hitanihangi shige kikawa‐ankjanena.
8Egi hoit’e warnira wawewinena.
9Egi warnaxi‐hoshueja unangra hakarairena, egi washa de‐e harnaj hishankirashanara wogiraghirena, egi hijanera harnaj.
10Maria Magdalena herena, egi Joanna, egi Maria Jakob hiunira, egi hinug hijane wakishu hahirera, e washa de‐e Apostelra wawogiraghirena.
11Egi hoit’e warninera, wowonk we wiranainena, egi inke warnaxguinanina.
12Egi Peter nashina, egi warnaxi‐hoshueja nuwanghina, egi hoisijshana linen waiperera wajarna injabnankshana, egi nigeowakerena, egi khoragshana washaisha herega.
13Egi horuxujre hambregi e nupiwi jhinag Emmaus higairera eowarairena Jerusalem‐eja hipara wigus akewena.
14Egi hokikit’arnankshana hambnanka eja jagu uinera.
15Egi herena, hokikit’arnank’u, Jesus exji wirahina egi wakishurena.
16Eshi hishjasura wagirukos‐hirege inke higiranina.
17Egi wawagena: Jaguisha haerashawangwishe naguregi sh’uwashawangwire egi jagu‐u najgeraniteg hashawangwishe?
18Egi hisha, Kleopas higairera, hornigiharna wagena: Neshana hijahi hereraniguni Jerusalem‐regi inke hiraperesni washaisha herera hambnagre egi?
19Egi wawagena: Washa jaguisha? Egi wagairena: Jesus Nasaretheja herera wagena, E prophet hisha herena, worera rokanara egi hoit’era mangishjana Maura jowehieja egi wankshigra harnaj jowehireja.
20Egi nabhoruxaj hirukana hungra jasgegigirera egi xete warniwira rushjare‐hiranaga d’ehiwagigirena egi naramiheja haisaraj‐hirena.
21Eshi Israelra E niambwahikjane hiarajawiu herena, egi shige de‐e hamb de‐e hambhitanihana herena, hipa washa de‐e uinera.
22Egi shige hinug wakishu hajiwira khorewinawina e warnaxi‐hoshueja hainixji hahirera.
23Egi rora inke hieranigi, hakirirena wairena: Washa hajawahire waxopiniwarajire hajairegi e niambshe aireshe airena.
24Egi hota wakishu hajiwira warnaxi‐hoshueja hahirena egi hinugnanka jagu airera, shesge hierena, eshi inke hajairanina.
25Egi wawagena: Inke warnaninksab winigaja egi najge washiniwira worushag‐kairegaja harnaxgura prophetra jarnaga washara airera.
26Inke washa de‐e Kristus hawegi phininashe, egi gloria harnieja hoikawarnashe?
27Egi Mosesga epa arena egi prophetra harnaj e wowagaxra harnaj wijanti wawogiragshana, jagushana higaire wagaxankhi.
28Egi jhinagra hiwusunsh hahirena, howarairera. Egi hiraijera hawinjeja howare wa’uank‐khina.
29Egi raxurugnainena wagairena: Hinkishu hiwushawire, hoxjarnaginige esge, egi hambra jowe harnaj hiunarnaginige. Egi hijokewena wakishu hiwusharna.
30Egi herena jaja warujeja wakishu minagkhi, waisgabra russana, egi wainapshana, rujharnaga egi wawogarna.
31Hishjasura gihas‐jinaghirena, egi higirena, egi higuana inke hinupahana hajairanina.
32Egi wakigairena: Jasge inke najgera wangataenishe, naguregi wangokit’agregi, egi wowagaxra wangagiruhashangregi?
33Egi howagix‐eja nashinena, egi Jerusalem‐eja howakarairena, egi hishankirashanara stornak’u wierena, egi hijanera wakishu unankshana.
34E wairena: Hirukanara hisgexji niambshana, egi Simon jantingikhina.
35Egi horaghirena nagueja jagu uinegi, egi jasgehiranaga higiregi waisgab rujhegaja.
36Egi hit’at’arnak’u, Jesus exji horoghireja nashinjena egi wawagena: Rashgunira harakishu sh’uharajena.
37Egi naxirairena, egi nakawairena, naxiragisha hajaireguni hirairege.
38Egi wawagena: Jagu‐u nanaxisharawishe? Egi jagu‐u najge washiniwieja wowewi shesge haxebrawishe?
39Nab warnira woruxujwire egi si warnira, nexji wa’uanjena. Hinkiowige egi hinjawire, naxiragra inke ro egi hushereg juninankshana, hinshjarajegaja.
40Egi jaja deshesge wige rashjangi nab warnira wagiwaharna, egi si waruira.
41Egi wogishawarnanke kheni harnaxguni‐nankshana egi khorananke, wawagena: Waruj hashiniwishe?
42Egi ho taxere nige egi hesigdanishu hok’uinena.
43Egi warus‐arnaga jowehireja warujshana.
44Egi wawagena: Hoit’era de‐e hererena, hironikit’awira harnikishu hauanjeregi, washara harnaj exji herena e Mosesga woehi harnieja wagaxangra, egi prophetra egi Psalmra‐eja newaigairera.
45Egi wagiruhas‐shana hornaxgu warninera, wowagaxra e naxguinekjege.
46Egi wawagena: Shesge wagaxankshana, Kristus hawegi phinkjanege, egi d’arnagra eja kikawa‐ahowakirikjanena hamb hitanihainja.
47Egi washa woishana u najgekarategra, egi washa woishana u wagit’une rash earnira wihokhuinegi phinana, wankshighokiraj horogeja, Jerusalem‐eja jorni uinekjanena.
48Egi ne washa de‐e wihohira neninewina.
49Egi horuxujwire, Jajiga washa manajra harninenigigiwina. Eshi Jerusalem jhinagregi hiwushawiginine, wangregi homashja howaji hashiniwingi egi.
50Egi Bethania‐eja hipa wakishu hina egi Jesus nab warnira waruana egi hopiowe warogiguna.
51Egi herena hopiowe warogigujau wat’una kerena, egi wangregi howakerena.
52Egi gikarajhirena egi Jerusalem‐eja howakarairena wogishawara rokana.
53Egi hoishib wohokhu‐hojhixeteja unankshana, Maura rajank egi wainginab. Amen.
Attualmente Selezionati:
Lukga 24: WIN
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Published by the American Bible Society in 1907.
Lukga 24
24
1Egi hamb jornira haramihehambregi hainixjinig warnaxi‐hoshueja hahirena, maka pana phi hirushjahirera harniahirena, egi hijane wakishu hahirena.
2Egi ini warnaxi‐hoshuejanagra hijahi hawarnainagire hajairena.
3Egi hijokawairena egi Jesus Hirukanara rora inke hieranina.
4Egi herena de‐e wowewiharejirena, horuxujre, wangra nupi nashianjena waini rukanakanap‐u.
5Egi naxirairena, egi wakhu hakikaraninena egi wawagairena: Jagu‐u niamb‐hisha horani harajeshe d’e‐horogregi?
6Inke higiniharnina, eshi kikawa‐ana, wewiwine jagu hironikit’awira, Galilea‐eja uniharegi.
7Wena: Wankshig‐hinigra wankshig washa woishana‐u nab warnineja rushjanehiregi phinana, egi naramiheja haisarajhiregi egi hamb hitanihangi shige kikawa‐ankjanena.
8Egi hoit’e warnira wawewinena.
9Egi warnaxi‐hoshueja unangra hakarairena, egi washa de‐e harnaj hishankirashanara wogiraghirena, egi hijanera harnaj.
10Maria Magdalena herena, egi Joanna, egi Maria Jakob hiunira, egi hinug hijane wakishu hahirera, e washa de‐e Apostelra wawogiraghirena.
11Egi hoit’e warninera, wowonk we wiranainena, egi inke warnaxguinanina.
12Egi Peter nashina, egi warnaxi‐hoshueja nuwanghina, egi hoisijshana linen waiperera wajarna injabnankshana, egi nigeowakerena, egi khoragshana washaisha herega.
13Egi horuxujre hambregi e nupiwi jhinag Emmaus higairera eowarairena Jerusalem‐eja hipara wigus akewena.
14Egi hokikit’arnankshana hambnanka eja jagu uinera.
15Egi herena, hokikit’arnank’u, Jesus exji wirahina egi wakishurena.
16Eshi hishjasura wagirukos‐hirege inke higiranina.
17Egi wawagena: Jaguisha haerashawangwishe naguregi sh’uwashawangwire egi jagu‐u najgeraniteg hashawangwishe?
18Egi hisha, Kleopas higairera, hornigiharna wagena: Neshana hijahi hereraniguni Jerusalem‐regi inke hiraperesni washaisha herera hambnagre egi?
19Egi wawagena: Washa jaguisha? Egi wagairena: Jesus Nasaretheja herera wagena, E prophet hisha herena, worera rokanara egi hoit’era mangishjana Maura jowehieja egi wankshigra harnaj jowehireja.
20Egi nabhoruxaj hirukana hungra jasgegigirera egi xete warniwira rushjare‐hiranaga d’ehiwagigirena egi naramiheja haisaraj‐hirena.
21Eshi Israelra E niambwahikjane hiarajawiu herena, egi shige de‐e hamb de‐e hambhitanihana herena, hipa washa de‐e uinera.
22Egi shige hinug wakishu hajiwira khorewinawina e warnaxi‐hoshueja hainixji hahirera.
23Egi rora inke hieranigi, hakirirena wairena: Washa hajawahire waxopiniwarajire hajairegi e niambshe aireshe airena.
24Egi hota wakishu hajiwira warnaxi‐hoshueja hahirena egi hinugnanka jagu airera, shesge hierena, eshi inke hajairanina.
25Egi wawagena: Inke warnaninksab winigaja egi najge washiniwira worushag‐kairegaja harnaxgura prophetra jarnaga washara airera.
26Inke washa de‐e Kristus hawegi phininashe, egi gloria harnieja hoikawarnashe?
27Egi Mosesga epa arena egi prophetra harnaj e wowagaxra harnaj wijanti wawogiragshana, jagushana higaire wagaxankhi.
28Egi jhinagra hiwusunsh hahirena, howarairera. Egi hiraijera hawinjeja howare wa’uank‐khina.
29Egi raxurugnainena wagairena: Hinkishu hiwushawire, hoxjarnaginige esge, egi hambra jowe harnaj hiunarnaginige. Egi hijokewena wakishu hiwusharna.
30Egi herena jaja warujeja wakishu minagkhi, waisgabra russana, egi wainapshana, rujharnaga egi wawogarna.
31Hishjasura gihas‐jinaghirena, egi higirena, egi higuana inke hinupahana hajairanina.
32Egi wakigairena: Jasge inke najgera wangataenishe, naguregi wangokit’agregi, egi wowagaxra wangagiruhashangregi?
33Egi howagix‐eja nashinena, egi Jerusalem‐eja howakarairena, egi hishankirashanara stornak’u wierena, egi hijanera wakishu unankshana.
34E wairena: Hirukanara hisgexji niambshana, egi Simon jantingikhina.
35Egi horaghirena nagueja jagu uinegi, egi jasgehiranaga higiregi waisgab rujhegaja.
36Egi hit’at’arnak’u, Jesus exji horoghireja nashinjena egi wawagena: Rashgunira harakishu sh’uharajena.
37Egi naxirairena, egi nakawairena, naxiragisha hajaireguni hirairege.
38Egi wawagena: Jagu‐u nanaxisharawishe? Egi jagu‐u najge washiniwieja wowewi shesge haxebrawishe?
39Nab warnira woruxujwire egi si warnira, nexji wa’uanjena. Hinkiowige egi hinjawire, naxiragra inke ro egi hushereg juninankshana, hinshjarajegaja.
40Egi jaja deshesge wige rashjangi nab warnira wagiwaharna, egi si waruira.
41Egi wogishawarnanke kheni harnaxguni‐nankshana egi khorananke, wawagena: Waruj hashiniwishe?
42Egi ho taxere nige egi hesigdanishu hok’uinena.
43Egi warus‐arnaga jowehireja warujshana.
44Egi wawagena: Hoit’era de‐e hererena, hironikit’awira harnikishu hauanjeregi, washara harnaj exji herena e Mosesga woehi harnieja wagaxangra, egi prophetra egi Psalmra‐eja newaigairera.
45Egi wagiruhas‐shana hornaxgu warninera, wowagaxra e naxguinekjege.
46Egi wawagena: Shesge wagaxankshana, Kristus hawegi phinkjanege, egi d’arnagra eja kikawa‐ahowakirikjanena hamb hitanihainja.
47Egi washa woishana u najgekarategra, egi washa woishana u wagit’une rash earnira wihokhuinegi phinana, wankshighokiraj horogeja, Jerusalem‐eja jorni uinekjanena.
48Egi ne washa de‐e wihohira neninewina.
49Egi horuxujwire, Jajiga washa manajra harninenigigiwina. Eshi Jerusalem jhinagregi hiwushawiginine, wangregi homashja howaji hashiniwingi egi.
50Egi Bethania‐eja hipa wakishu hina egi Jesus nab warnira waruana egi hopiowe warogiguna.
51Egi herena hopiowe warogigujau wat’una kerena, egi wangregi howakerena.
52Egi gikarajhirena egi Jerusalem‐eja howakarairena wogishawara rokana.
53Egi hoishib wohokhu‐hojhixeteja unankshana, Maura rajank egi wainginab. Amen.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Published by the American Bible Society in 1907.