Dibandu 12
12
ABRAHAM
Nsambi amatsingula Abram usila bulongu buandi
1Fumu amatsingula Abram rie: Sila bulongu buagu na mukuta agu na ndagu taji agu, wenda o bulongu abu nyugulonsa. 2Nyufunisa bategula bagu te na boba tindi dilongu na nyugugabila miula; nyuroyisa diina diagu na bapuela bosalisa diina diagu ugabila basusu miula. 3Jogu abogugabila miula, nyubagabila miula, jogu aboguloga, nyubaloga. Mikuta miotsu va butamba miugabulu miula mu diambu diagu.
4Abram amasogama nana Fumu amamutsingulila, Lot amawenda nandi. Ava Abram amarambuyila o Haran amaba na magumidusambuali na bilima biranu. 5Abram amabonga Sarai mugatsi andi na Lot muana katsi andi na biotsu abimaba nogu na baviga aba amadila o Haran na bamawenda o bulongu buCanaan.
Abram uwenda ewendi o bulongu buCanaan na buEgypte
Banotola o bulongu buCanaan, 6Abram amayenalinganga te na amatola o mbura ajinengulungu Sichem, o yiari yimuiri uyingitsi uMore. Va temu eni bisi Canaan bamatsananga o bulongu bueni.
7Fumu amalabana na Abram na amavosa nandi rie: Nyuvega bulongu buebubu ombu bategula bagu. Abram amarungila Fumu yinyensulu yipagu vana mbura eni aji Fumu amalabinina nandi. 8Amagusuga vana uwenda o mikongu amimaba o yiari ayi wisi epalili yiBethel. Avana amavayila mulaku andi va gari musiengi uBethel agumaba o yiari ayi wisi ewendisini na musiengi uAi agumaba o yiari ayi wisi epalili. Avana wandi amamuerungila yinyensulu yipagu yisusu na ava amasambilila Nsambi amamunengila Fumu. 9Abram amayenakumuganga milaku uwenda o yiari yiNeguev.
10Dungosu dunsala dumaba mu bulongu; Abram amawenda uyetsana o Egypte mu mbari dungosu dunsala dumaba duneni mu bulongu. 11Ava amabambinina na Egypte amatsingula mugatsi andi Sarai rie: Diurungula uba yiri bogupatula mu diambu diubueji uagu. 12Kabogu ava bisi Egypte bogulabila bovosa rie: Aguna mugatsi andi! Mbana bomboka na guba mukuili. 13Kokolu tsiagu gukavosa yiri guji yibusi yiami, mbana nyukelusu buranga na mu diambu diagu nyuba sui.
14Ava Abram amatolila o Egypte, bisi Egypte bamalaba yiri mugatsi andi amaba tindi uboti. 15Baneni abamasala o ndagu Pharaon banomulaba bamamukakisa ombu Pharaon; kabogu mugetu eni amabegu o ndagu kaga. 16Bamakelisa Abram buranga mu diambu diandi, Abram amadila bindombu na bangombi na baburu na baviga bababaala na babagetu na bibusi bibaburu na bibasamo. 17Tumba Fumu amalasa Pharaon na bisi ndagu andi maguga maneni mu diambu diSarai mugatsi Abram. 18Mbana Pharaon amanengila Abram nomuwivula rie: Yina yi? Dibandu yi gusamansingulila yiri avu mugatsi agu? 19Dibandu yi gumavosila rie: Aji yibusi yiami? Yika tsie, mbe nyimamuwela? Tsie bonga mugatsi agu yenawendanganu!
20Pharaon amaruma batu bandi umuganina, kabogu bamayemuvetsiga na mugatsi andi na biotsu abimaba nandi.
Attualmente Selezionati:
Dibandu 12: PUU1992
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
La sainte Bible en langue Yipunu © Alliance Biblique du Cameroun, 1992.
Dibandu 12
12
ABRAHAM
Nsambi amatsingula Abram usila bulongu buandi
1Fumu amatsingula Abram rie: Sila bulongu buagu na mukuta agu na ndagu taji agu, wenda o bulongu abu nyugulonsa. 2Nyufunisa bategula bagu te na boba tindi dilongu na nyugugabila miula; nyuroyisa diina diagu na bapuela bosalisa diina diagu ugabila basusu miula. 3Jogu abogugabila miula, nyubagabila miula, jogu aboguloga, nyubaloga. Mikuta miotsu va butamba miugabulu miula mu diambu diagu.
4Abram amasogama nana Fumu amamutsingulila, Lot amawenda nandi. Ava Abram amarambuyila o Haran amaba na magumidusambuali na bilima biranu. 5Abram amabonga Sarai mugatsi andi na Lot muana katsi andi na biotsu abimaba nogu na baviga aba amadila o Haran na bamawenda o bulongu buCanaan.
Abram uwenda ewendi o bulongu buCanaan na buEgypte
Banotola o bulongu buCanaan, 6Abram amayenalinganga te na amatola o mbura ajinengulungu Sichem, o yiari yimuiri uyingitsi uMore. Va temu eni bisi Canaan bamatsananga o bulongu bueni.
7Fumu amalabana na Abram na amavosa nandi rie: Nyuvega bulongu buebubu ombu bategula bagu. Abram amarungila Fumu yinyensulu yipagu vana mbura eni aji Fumu amalabinina nandi. 8Amagusuga vana uwenda o mikongu amimaba o yiari ayi wisi epalili yiBethel. Avana amavayila mulaku andi va gari musiengi uBethel agumaba o yiari ayi wisi ewendisini na musiengi uAi agumaba o yiari ayi wisi epalili. Avana wandi amamuerungila yinyensulu yipagu yisusu na ava amasambilila Nsambi amamunengila Fumu. 9Abram amayenakumuganga milaku uwenda o yiari yiNeguev.
10Dungosu dunsala dumaba mu bulongu; Abram amawenda uyetsana o Egypte mu mbari dungosu dunsala dumaba duneni mu bulongu. 11Ava amabambinina na Egypte amatsingula mugatsi andi Sarai rie: Diurungula uba yiri bogupatula mu diambu diubueji uagu. 12Kabogu ava bisi Egypte bogulabila bovosa rie: Aguna mugatsi andi! Mbana bomboka na guba mukuili. 13Kokolu tsiagu gukavosa yiri guji yibusi yiami, mbana nyukelusu buranga na mu diambu diagu nyuba sui.
14Ava Abram amatolila o Egypte, bisi Egypte bamalaba yiri mugatsi andi amaba tindi uboti. 15Baneni abamasala o ndagu Pharaon banomulaba bamamukakisa ombu Pharaon; kabogu mugetu eni amabegu o ndagu kaga. 16Bamakelisa Abram buranga mu diambu diandi, Abram amadila bindombu na bangombi na baburu na baviga bababaala na babagetu na bibusi bibaburu na bibasamo. 17Tumba Fumu amalasa Pharaon na bisi ndagu andi maguga maneni mu diambu diSarai mugatsi Abram. 18Mbana Pharaon amanengila Abram nomuwivula rie: Yina yi? Dibandu yi gusamansingulila yiri avu mugatsi agu? 19Dibandu yi gumavosila rie: Aji yibusi yiami? Yika tsie, mbe nyimamuwela? Tsie bonga mugatsi agu yenawendanganu!
20Pharaon amaruma batu bandi umuganina, kabogu bamayemuvetsiga na mugatsi andi na biotsu abimaba nandi.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
La sainte Bible en langue Yipunu © Alliance Biblique du Cameroun, 1992.