Dibandu 4
4
Cain na Abel
1Adam amafubana yitsiga na mugatsi andi Eve agumadila dimi, amabura Cain na amavosarie: Fumu amakwamusa, nyimabura muana dibaala. 2Amamuebura muana dibaala, diina diandi Abel.
Abel amaba mubungulitsi ubindombu; Cain amaba muvaritsi. 3Banobanguga Cain amavagulila Fumu pagu jibiguji biandi; 4tumba Abel amavagulila Fumu pagu tsimugamba andi na matsi matsionyi. Fumu amasinga Abel na pagu andi, 5tumba asamasinga Cain na pagu andi, Cain amanyoga kabu jineni na amatunga dusisi. 6Fumu amawivula Cain rie: Dibandu yi gumanyoyila? Dibandu yi gumatungila dusisi? 7Mbe gumavaga adivu diwelimina mbe gusamasingu? Gusamavaga buranga kabogu disumu ulega diguleyi va munu ndagu agu. Nsala tsidionyi tsivu nagu, romba uditsiemusa. 8Cain amavosa na muana nguji andi rie: Tʼwendi o musiru. Ava bamabila o musiru Cain amagaanga muana nguji andi Abel na amamuboka.
9Fumu amawivula Cain rie: Muana nguji agu Abel aka? Amawagula rie: Ngejabi; tsie nyiji mukelisi umuana nguji ami?
10Nsambi amamuwivula rie: Yigumavaga? Malungu mamuana nguji agu mavu nderi mbeji ajikwivuli ugabusila pila. 11Ubongila namunyi gulogu: Mulogu agupalila mu butamba abumakamusa malungu mamuana nguji agu, agu gumaboka. 12La dibandu ava gusalila butamba bugomuegupalisila digumba. Guba murinitsi na yilayilayi. 13Cain amatsingula Fumu rie: Mukilu ami umapiolila. 14Namunyi guimbingi va mbura ejiji jinyega; ngeba menua, ngomuelaba yinsi yiagu; nyuba murinitsi na yilayilayi; uotsu agutasuna omboka.
15Fumu amamutsingula rie: Tsiri nana, pa mutu oguboka nyumugabusila pila yisambuali yikumbu.
Fumu amanamiga Cain yilimba yiri agoboku na mutu yika la mutu. 16Mbana Cain amakakana na Fumu amayetsana o bulongu buNod o yiari ayi wisi epalili yiEden.
Bategula baCain
17Cain amafubana yitsiga na mugatsi andi agumadila dimi na amabura Henok. Mbana amarunga musiengi agu amaluga diina dimuana andi Henok. 18Henok akabura Irad, Irad akabura Mehouyael, Mehouyael akabura Metouchael, Metouchael akabura Lemek.
19Lemek amawela bagatsi babeji: aguna diina diandi Ada, ususu diina diandi Silla. 20Ada amabura Yabal: jandi amaba taji jogu abetsani mu mandagu mamatsanda na abekelisi migamba. 21Diina dimuana nguji andi Youbal: jandi amaba taji jogu botsu abesiyi basambi na mambika. 22Silla wandi amabura Toubal-Cain, agumatulanga bisigu biotsu bibakunga na bimadilu, diina diyibusi yiToubal-Cain Naama.
23Lemek amasavila bagatsi bandi dusavu rie:
Ada na Silla guluanu diufi diami!
Bagatsi baLemek guluanu mambu mami!
Nyimaboka dibaala mu mbari amandemisa,
Nyimaboka mufudu mu mbari amamfubula.
24Nyiina, pila Cain jiugabusulu yisambuali yikumbu,
tumba pila Lemek jiugabusulu
magumidusambuali na yisambuali yikumbu.
25Adam amamuefubana yitsiga na mugatsi andi agumabura muana dibaala agu amaluga Seth. Eve amavosa rie: Nsambi amapega muana ususu udibaala va yivinga yiAbel agu Cain amaboka.
26Seth wandi amabura muana dibaala agu amaluga Enos. Avana temu eni bamabandila usambila mu diina diFumu.
Attualmente Selezionati:
Dibandu 4: PUU1992
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
La sainte Bible en langue Yipunu © Alliance Biblique du Cameroun, 1992.
Dibandu 4
4
Cain na Abel
1Adam amafubana yitsiga na mugatsi andi Eve agumadila dimi, amabura Cain na amavosarie: Fumu amakwamusa, nyimabura muana dibaala. 2Amamuebura muana dibaala, diina diandi Abel.
Abel amaba mubungulitsi ubindombu; Cain amaba muvaritsi. 3Banobanguga Cain amavagulila Fumu pagu jibiguji biandi; 4tumba Abel amavagulila Fumu pagu tsimugamba andi na matsi matsionyi. Fumu amasinga Abel na pagu andi, 5tumba asamasinga Cain na pagu andi, Cain amanyoga kabu jineni na amatunga dusisi. 6Fumu amawivula Cain rie: Dibandu yi gumanyoyila? Dibandu yi gumatungila dusisi? 7Mbe gumavaga adivu diwelimina mbe gusamasingu? Gusamavaga buranga kabogu disumu ulega diguleyi va munu ndagu agu. Nsala tsidionyi tsivu nagu, romba uditsiemusa. 8Cain amavosa na muana nguji andi rie: Tʼwendi o musiru. Ava bamabila o musiru Cain amagaanga muana nguji andi Abel na amamuboka.
9Fumu amawivula Cain rie: Muana nguji agu Abel aka? Amawagula rie: Ngejabi; tsie nyiji mukelisi umuana nguji ami?
10Nsambi amamuwivula rie: Yigumavaga? Malungu mamuana nguji agu mavu nderi mbeji ajikwivuli ugabusila pila. 11Ubongila namunyi gulogu: Mulogu agupalila mu butamba abumakamusa malungu mamuana nguji agu, agu gumaboka. 12La dibandu ava gusalila butamba bugomuegupalisila digumba. Guba murinitsi na yilayilayi. 13Cain amatsingula Fumu rie: Mukilu ami umapiolila. 14Namunyi guimbingi va mbura ejiji jinyega; ngeba menua, ngomuelaba yinsi yiagu; nyuba murinitsi na yilayilayi; uotsu agutasuna omboka.
15Fumu amamutsingula rie: Tsiri nana, pa mutu oguboka nyumugabusila pila yisambuali yikumbu.
Fumu amanamiga Cain yilimba yiri agoboku na mutu yika la mutu. 16Mbana Cain amakakana na Fumu amayetsana o bulongu buNod o yiari ayi wisi epalili yiEden.
Bategula baCain
17Cain amafubana yitsiga na mugatsi andi agumadila dimi na amabura Henok. Mbana amarunga musiengi agu amaluga diina dimuana andi Henok. 18Henok akabura Irad, Irad akabura Mehouyael, Mehouyael akabura Metouchael, Metouchael akabura Lemek.
19Lemek amawela bagatsi babeji: aguna diina diandi Ada, ususu diina diandi Silla. 20Ada amabura Yabal: jandi amaba taji jogu abetsani mu mandagu mamatsanda na abekelisi migamba. 21Diina dimuana nguji andi Youbal: jandi amaba taji jogu botsu abesiyi basambi na mambika. 22Silla wandi amabura Toubal-Cain, agumatulanga bisigu biotsu bibakunga na bimadilu, diina diyibusi yiToubal-Cain Naama.
23Lemek amasavila bagatsi bandi dusavu rie:
Ada na Silla guluanu diufi diami!
Bagatsi baLemek guluanu mambu mami!
Nyimaboka dibaala mu mbari amandemisa,
Nyimaboka mufudu mu mbari amamfubula.
24Nyiina, pila Cain jiugabusulu yisambuali yikumbu,
tumba pila Lemek jiugabusulu
magumidusambuali na yisambuali yikumbu.
25Adam amamuefubana yitsiga na mugatsi andi agumabura muana dibaala agu amaluga Seth. Eve amavosa rie: Nsambi amapega muana ususu udibaala va yivinga yiAbel agu Cain amaboka.
26Seth wandi amabura muana dibaala agu amaluga Enos. Avana temu eni bamabandila usambila mu diina diFumu.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
La sainte Bible en langue Yipunu © Alliance Biblique du Cameroun, 1992.