1 Timoti 1
1
Paulu aa vumenena Timoti
1Yame no Paulu, kanganda ka Krisitu Yesu ko thsiraerera thsa Nyambi Muyoyithsi wetu, nethsi thsa Yesu Krisitu okurupero wetu.
2Naa ñorera Timoti, mwanange shemwa mu thsitawo. Nyambi Tata na Krisitu Yesu Fumu wetu a ku pe thsihemo, ñeke no thsiyaro.
Thsiraerera mukaci kerongithsa yo mbango
3Eci diya na ku adikanenine paya o ku ni thza ku Masedonia, o wikare mu Efese ci o kanithse anu amweya awa rongithsa erongithsa yo mbango. 4O wa tongwere ci a thsie ao matangu no mindandwe thzothzire thzo mahumo. Eyo po yaa reta pohuma dikanyi, kupita ku twara ku rupara ekwama ya Nyambi ko thsitawo.
5Eanekera yothsi thsiraerera po ku reta thsishimo ku tunda mu mucima oukenu, no mumoneno ouwa no thsitawo thso shemwa. 6Anu amweya na tundu mu dikuñwa dyeyi, no ku yemburukera kwiambaura i shikwathsa thsimweya. 7Aa fota kwikara arongithsi o murao wa Nyambi, unone ka dimukire eyi a amba nji eyi a tanarithsa ku amba.
8Tu na dimuka ci murao po uwa ngeci munu aa u cikwathsithsa omu ku na roera. 9Eyi tu na roera ku dimuka po eyi, murao ka wa kwamiwerire anu owawawa, unone shime wa kwamiwerire anu a shiremeka murao nakwamahanyi, anu wevi nashiremeka Nyambi, epaa atata wo namama wo, nepaanu. 10Waa kwamiwera akwaruthziho, akwaruthziho ro ku tenda naenthzo akwerume. Akwakuurithsa anu, akwakwangera nakwa ku pa ombangi o mbango, nji akwa ku kwama enu yo kukana ku enderera nerongithsa yoshemwa. 11Eyi yaa enderera no Muthzimbu Ouwa o kutethzima kwa Nyambi shathsiyauthzi ou na u pakiwa mu moko ange.
Krisitu Yesu shime a keyerire ku na yoyithsa anu wevi
12Naa kanderera kwa Krisitu Yesu Fumu wetu, oyu na a ni pa okoro mwikwama yenthzi. Na a ni vara ci naa rurama no ku ni hangura ci ni mu kwamene. 13Shaanga i ninge ci pa kutanga shime naa yengweranga Krisitu, na ni nyandithsanga anuenthzi no ku mu shwahura, Nyambi na a ni fera ñeke inene shime na i tendangire ko kukana ku dimuka no kukana ku tawa. 14Fumu wetu naa pingurwera kongi thsihemo thsenthzi pa pange, naa ni pa thsitawo no thsishimo ethsi thsi di mwa Krisitu Yesu.
15Edi diambo po dyaa kuruperiwa no ku roera ku tamburiwa ko kuyara dyo ku ninga ci: Krisitu Yesu shime naa keya muno mu kaye ku na yoyithsa anu wevi. Ame yame no mumango nene ku wa pita. 16Eyo ngeyi na monithsiwerire ñeke ci kange ame no mukwevi yo ku piterera, Krisitu Yesu nga a monithse kukwatamucima kwenthzi, ci nikare muro kwanu awa a ku tawa ku kwenthzi ci a ku wane mwoyo o diyere. 17Kwa Fumu o diyere, aye shifu, aye shimoniwa, Nyambi yofoci pohuma ku kwenthzi ku piwe direma no kutethzima diyere na diyere! Ameni.
18Timoti mwanange, naa ku pa ethsi thsiraerera ci o thsi kwame kokuthza ko maywi okethzi aa a ambiwire kare keyi yoe, ci keyo eraerera nga o twethse ku rwa nawa ethzo mvo. 19O tanarithse thsitawo no mumoneno ouwa. Amweya na i kana, mweyo, na rowethza thsitawo thso. 20Amweya kukwo po a Himenea na Alekisanda, awa na ni pa mu moko a Satana ci a cirongithse ku thsia ku yengwera Nyambi.
Attualmente Selezionati:
1 Timoti 1: mho
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
©2023 The Seed Company