SAN LUCAS 21
21
Shuc huaccha viuda huarmi cullquita Diosman churashcamanta
(Mr 12.41-44)
1Diosman mañana huasipi chayuccuna Taita Diosman cullquita cushpa, churanapi churacuctami Jesusca ricurca. 2Shinallatac shuc huaccha viuda huarmipish, ishcai ashalla valic cullquita churacuctami ricurca. 3Chashna ricushpami, yachacuccunaman Jesusca:
—Cai huaccha viuda huarmimi, caishuccuna cushcata yalli Taita Diosmanca cushca. Chaica chashnatacmi. 4Caipi cunan churacuc chayuccunaca puchushcallatami churashcacuna, ashtahuanpish cai huarmica paipac causaipac ashallata charishpapish, Taita Diosmanca tucuimi churashca— nirca.
“Diosman mañana huasitaca urmachishcami canga” nishpa,
Jesús huillashcamanta
(Mt 24.1-2; Mr 13.1-2)
5Chai q'uipaca tauca runacunami: “Cai Diosman mañana huasica sumac rumicunahuan ruhuashca, Diosman cushca cullquihuanpish, curihuanpish sumactami allichishca” nishpa parlanacurcacuna. 6Chashna parlanacucpimi Jesusca:
—Cunan cancuna ricucushcaca, shuc rumillapish mana pircashca saquirina punzhacunami chayamucun— nirca.
Cai pacha manarac tucuricpi llaquicuna tiyanamanta
(Mt 24.3-28; Mr 13.3-23)
7Chashna nicpimi yachacuccunaca:
—Yachachic, ¿ima punzhatac chashnaca tucungayari? Ña chashna tucungapacca, ¿imacunatac ricuringayari?— nishpa tapurcacuna.
8Shina tapucpimi Jesusca:
—Achcacunami ñuca shutipi shamushpa: ‘Ñucami Quishpichic Cristoca cani’ ningacuna. Shinallatac: ‘Cunanmi pai cutimuna punzhaca chayamun’ ningacunami. Shina pandachisha nicucpipish, cancunaca pacta c'atinguichicman, ashtahuanpish alli yuyaihuan puringuichic. 9Cancunaca ‘llactapura ñami macanacugricuncuna, shinallatac shuc llactacunapica ñami macanacucun’ nicta uyashpapish, ama mancharinguichicchu. Chai llaquicunaca cai pacha manarac tucuricpi tiyanallatacmi can. Chashna tucucpipish, cai pachaca manarac tucuringachu— nirca.
10Jesusca caitapish nircami:
—Shuc llactapi causaccunaca, caishuc llactapi causaccunahuanmi macanacungacuna. Shinallatac llactacunata mandaccunapurapish macanacuchingacunami. 11Mai llactacunapica, allpa chucchushpa llaquichingami. Ima mana p'ucucpi yarcaipish, ung:uicunapish tiyangami. Shinallatac jahua cielopica, jaicapi mana ricushcacuna ricurishpapish manchachingami.
12Manarac chashna tucucpimi, cancuna ñucata c'aticushcamantaca p'iñashpa, mana ricunachishpa japingacuna. Cancunataca juchanchishpami, tandanacuna huasicunaman tapungapac apangacuna. Carcelpipish churangacunami. Shinallatac llactacunata jatun mandaccunapacmanpish, quiquin llactata mandaccunapacmanpish apangacunami. 13Chashna cancunata apacpica, paicunamanpish ñucamanta huillanguichicmi. 14Paicunapac ñaupapica: ‘¿Imatashi nishun?’ nishpa, ama chai yuyailla canguichicchu. 15Ñucallatacmi cancunamanca imata rimana alli yuyaicunata cusha. Chashna allita rimacpica, cancunata p'iñaccunaca mana imata ni pudishpa, upalla saquiringacunallami. 16Cancunataca alli ricsishcacunallatac, quiquin huasi ucupurallatac, huauquicunallatac, taita mamacunacamanmi huañuchichun japichingacuna. Chashna japichicpica, maijan cancunataca huañuchingacunami. 17Ñucata c'aticushcamantami, cancunataca tucui gentecuna p'iñashpa mana ricunachingacuna. 18Chashna cacpipish cancunapac shuc uma acchallapish mana chingaringachu. 19Chashna llaquichicucpipish, tucui shunguhuan c'atirashpami quishpiringuichic.
20Cai Jerusalén pueblota achca soldadocuna muyundic shayacucta ricushpaca, ña tucui chingachishca cashca shinata yachanguichic. 21Chashna tucugricpica, Judea llactapi caccunaca urcucunapi miticugrichun. Jerusalenpi caccunapish llucshishpa richun. Shinallatac chagrapi caccunapish ama cutimuchun. 22Chai punzhacunaca, Taita Dios llaquichina punzhacunami canga. Dios quillcachishcapi tucui ima nishcacunaca chai punzhacunapimi pactanga. 23Chai punzhacunapi Taita Dios cai llactapi causaccunata p'iñarishpa llaquichicpica, munai llaqui huacaimi tiyanga. Chaipica huicsa junda huarmicunapish, chuchucuc huahuayuc huarmicunapish, ¡aij, imachari tucungacuna! 24Chai punzhacunapica maijancunataca macanacuipi espadahuanmi huañuchingacuna. Maijancunataca huatashpami, tucui llactacunaman prezu apangacuna. Taita Dios llaquichichun saquishca punzhacuna pactangacamanmi, Jerusalenpi causaccunataca mana israelcunaca*f** paicuna munashcata ruhuashpa llaquichingacuna.
Apunchic Jesús ima shina cutimunamanta
(Mt 24.29-35,42-44; Mr 13.24-37)
25Chai q'uipaca intipipish, quillapipish, shinallatac lucerocunapipish jaicapi mana ricushcacunami ricuringa. Cutin cai pacha llactacunapi causaccunaca mama cucha yacucuna caiman chaiman cuyurishpa huajiacta ricushpaca, mancharinacushpami yuyaita chingachingacuna. 26Cai pachapi chashna mai llaquicuna c'atipi shamucpi, shinallatac jahua cielopi imalla tiyaccunapish chucchucpicarin, gentecunaca ashtahuanmi mancharishpa, yuyaita chingachingacuna. 27Chashna tucucpica, Runa Tucungapac shamushca*f** ñucataca tucui imatapish ruhuaclla, sumaimana achiclla cashcahuan achicyachishpa, p'uyupi shamucuctami ricungacuna. 28Chai tucui llaquicuna callaricpica, Taita Dios cancunata ña quishpichigricushcatami yachanguichic. Chaimanta cancunaca ñahuita huichaiman churashpa chaparacuc shina, cushicuihuan chaparacuichic— nirca.
29Cai yuyaita japina parlohuanpish Jesusca cashnami parlarca:
—Cancunaca higo yurata, mana cashpaca ima yuracunatapish ricushpa alli yuyarichic. 30Chai yuracunapi p'angacuna ña jundarimucta ricushpaca, ña usiai punzhacuna chayamucushcatami cancunallatac yachanguichic. 31Chai shinallatacmi ñuca huillashcacuna chashna ña pactamucucta ricushpaca, Taita Dios mandana punzhacuna ña chayamucushcata yachanguichic.
32Cunan punzha causaccuna manarac huañucpimi, cai ñuca huillashcacunaca tucui pactanga, chashnami canga. 33Cai pachapish, jahua pachapish tucuringami. Chashna tucucpipish, ñuca huillashcacunaca pactacungallami.
34Cancunallatac alli yuyarichic. Pacta machanallapi, micunallapi, cai pachapi imatapish charinallapi cancunapac shunguta churashpa causacunguichicman. Chashna causacucpica, pacta cancuna mana yuyashca horas chai punzhaca chayamunman. 35Tucui cai pachapi causaccunataca, shuc tucllahuan japic shinami chai punzhaca chayamunga. 36Chashna tucuna cashcamanta cancunaca allichirishca, ña rinallami cana canguichic. Chai tucui llaqui japinamanta quishpiringapacca, Runa Tucungapac shamushca ñucapac ñaupapi alli ricuringapacpish, Taita Diosman mañaracuichiclla— nirca.
37Punzhaca Diosman mañana huasipimi Jesusca yachachic carca. Tutaca Olivos urcumanmi ric carca. 38Jesús imalla yachachishcata uyashun nishpami, gentecunaca utca jatarishpa, Diosman mañana huasiman shamuc carcacuna.
Attualmente Selezionati:
SAN LUCAS 21: QXR96
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Quichua Cañar Nuevo Testamento © United Bible Societies in Ecuador, 1996.
SAN LUCAS 21
21
Shuc huaccha viuda huarmi cullquita Diosman churashcamanta
(Mr 12.41-44)
1Diosman mañana huasipi chayuccuna Taita Diosman cullquita cushpa, churanapi churacuctami Jesusca ricurca. 2Shinallatac shuc huaccha viuda huarmipish, ishcai ashalla valic cullquita churacuctami ricurca. 3Chashna ricushpami, yachacuccunaman Jesusca:
—Cai huaccha viuda huarmimi, caishuccuna cushcata yalli Taita Diosmanca cushca. Chaica chashnatacmi. 4Caipi cunan churacuc chayuccunaca puchushcallatami churashcacuna, ashtahuanpish cai huarmica paipac causaipac ashallata charishpapish, Taita Diosmanca tucuimi churashca— nirca.
“Diosman mañana huasitaca urmachishcami canga” nishpa,
Jesús huillashcamanta
(Mt 24.1-2; Mr 13.1-2)
5Chai q'uipaca tauca runacunami: “Cai Diosman mañana huasica sumac rumicunahuan ruhuashca, Diosman cushca cullquihuanpish, curihuanpish sumactami allichishca” nishpa parlanacurcacuna. 6Chashna parlanacucpimi Jesusca:
—Cunan cancuna ricucushcaca, shuc rumillapish mana pircashca saquirina punzhacunami chayamucun— nirca.
Cai pacha manarac tucuricpi llaquicuna tiyanamanta
(Mt 24.3-28; Mr 13.3-23)
7Chashna nicpimi yachacuccunaca:
—Yachachic, ¿ima punzhatac chashnaca tucungayari? Ña chashna tucungapacca, ¿imacunatac ricuringayari?— nishpa tapurcacuna.
8Shina tapucpimi Jesusca:
—Achcacunami ñuca shutipi shamushpa: ‘Ñucami Quishpichic Cristoca cani’ ningacuna. Shinallatac: ‘Cunanmi pai cutimuna punzhaca chayamun’ ningacunami. Shina pandachisha nicucpipish, cancunaca pacta c'atinguichicman, ashtahuanpish alli yuyaihuan puringuichic. 9Cancunaca ‘llactapura ñami macanacugricuncuna, shinallatac shuc llactacunapica ñami macanacucun’ nicta uyashpapish, ama mancharinguichicchu. Chai llaquicunaca cai pacha manarac tucuricpi tiyanallatacmi can. Chashna tucucpipish, cai pachaca manarac tucuringachu— nirca.
10Jesusca caitapish nircami:
—Shuc llactapi causaccunaca, caishuc llactapi causaccunahuanmi macanacungacuna. Shinallatac llactacunata mandaccunapurapish macanacuchingacunami. 11Mai llactacunapica, allpa chucchushpa llaquichingami. Ima mana p'ucucpi yarcaipish, ung:uicunapish tiyangami. Shinallatac jahua cielopica, jaicapi mana ricushcacuna ricurishpapish manchachingami.
12Manarac chashna tucucpimi, cancuna ñucata c'aticushcamantaca p'iñashpa, mana ricunachishpa japingacuna. Cancunataca juchanchishpami, tandanacuna huasicunaman tapungapac apangacuna. Carcelpipish churangacunami. Shinallatac llactacunata jatun mandaccunapacmanpish, quiquin llactata mandaccunapacmanpish apangacunami. 13Chashna cancunata apacpica, paicunamanpish ñucamanta huillanguichicmi. 14Paicunapac ñaupapica: ‘¿Imatashi nishun?’ nishpa, ama chai yuyailla canguichicchu. 15Ñucallatacmi cancunamanca imata rimana alli yuyaicunata cusha. Chashna allita rimacpica, cancunata p'iñaccunaca mana imata ni pudishpa, upalla saquiringacunallami. 16Cancunataca alli ricsishcacunallatac, quiquin huasi ucupurallatac, huauquicunallatac, taita mamacunacamanmi huañuchichun japichingacuna. Chashna japichicpica, maijan cancunataca huañuchingacunami. 17Ñucata c'aticushcamantami, cancunataca tucui gentecuna p'iñashpa mana ricunachingacuna. 18Chashna cacpipish cancunapac shuc uma acchallapish mana chingaringachu. 19Chashna llaquichicucpipish, tucui shunguhuan c'atirashpami quishpiringuichic.
20Cai Jerusalén pueblota achca soldadocuna muyundic shayacucta ricushpaca, ña tucui chingachishca cashca shinata yachanguichic. 21Chashna tucugricpica, Judea llactapi caccunaca urcucunapi miticugrichun. Jerusalenpi caccunapish llucshishpa richun. Shinallatac chagrapi caccunapish ama cutimuchun. 22Chai punzhacunaca, Taita Dios llaquichina punzhacunami canga. Dios quillcachishcapi tucui ima nishcacunaca chai punzhacunapimi pactanga. 23Chai punzhacunapi Taita Dios cai llactapi causaccunata p'iñarishpa llaquichicpica, munai llaqui huacaimi tiyanga. Chaipica huicsa junda huarmicunapish, chuchucuc huahuayuc huarmicunapish, ¡aij, imachari tucungacuna! 24Chai punzhacunapica maijancunataca macanacuipi espadahuanmi huañuchingacuna. Maijancunataca huatashpami, tucui llactacunaman prezu apangacuna. Taita Dios llaquichichun saquishca punzhacuna pactangacamanmi, Jerusalenpi causaccunataca mana israelcunaca*f** paicuna munashcata ruhuashpa llaquichingacuna.
Apunchic Jesús ima shina cutimunamanta
(Mt 24.29-35,42-44; Mr 13.24-37)
25Chai q'uipaca intipipish, quillapipish, shinallatac lucerocunapipish jaicapi mana ricushcacunami ricuringa. Cutin cai pacha llactacunapi causaccunaca mama cucha yacucuna caiman chaiman cuyurishpa huajiacta ricushpaca, mancharinacushpami yuyaita chingachingacuna. 26Cai pachapi chashna mai llaquicuna c'atipi shamucpi, shinallatac jahua cielopi imalla tiyaccunapish chucchucpicarin, gentecunaca ashtahuanmi mancharishpa, yuyaita chingachingacuna. 27Chashna tucucpica, Runa Tucungapac shamushca*f** ñucataca tucui imatapish ruhuaclla, sumaimana achiclla cashcahuan achicyachishpa, p'uyupi shamucuctami ricungacuna. 28Chai tucui llaquicuna callaricpica, Taita Dios cancunata ña quishpichigricushcatami yachanguichic. Chaimanta cancunaca ñahuita huichaiman churashpa chaparacuc shina, cushicuihuan chaparacuichic— nirca.
29Cai yuyaita japina parlohuanpish Jesusca cashnami parlarca:
—Cancunaca higo yurata, mana cashpaca ima yuracunatapish ricushpa alli yuyarichic. 30Chai yuracunapi p'angacuna ña jundarimucta ricushpaca, ña usiai punzhacuna chayamucushcatami cancunallatac yachanguichic. 31Chai shinallatacmi ñuca huillashcacuna chashna ña pactamucucta ricushpaca, Taita Dios mandana punzhacuna ña chayamucushcata yachanguichic.
32Cunan punzha causaccuna manarac huañucpimi, cai ñuca huillashcacunaca tucui pactanga, chashnami canga. 33Cai pachapish, jahua pachapish tucuringami. Chashna tucucpipish, ñuca huillashcacunaca pactacungallami.
34Cancunallatac alli yuyarichic. Pacta machanallapi, micunallapi, cai pachapi imatapish charinallapi cancunapac shunguta churashpa causacunguichicman. Chashna causacucpica, pacta cancuna mana yuyashca horas chai punzhaca chayamunman. 35Tucui cai pachapi causaccunataca, shuc tucllahuan japic shinami chai punzhaca chayamunga. 36Chashna tucuna cashcamanta cancunaca allichirishca, ña rinallami cana canguichic. Chai tucui llaqui japinamanta quishpiringapacca, Runa Tucungapac shamushca ñucapac ñaupapi alli ricuringapacpish, Taita Diosman mañaracuichiclla— nirca.
37Punzhaca Diosman mañana huasipimi Jesusca yachachic carca. Tutaca Olivos urcumanmi ric carca. 38Jesús imalla yachachishcata uyashun nishpami, gentecunaca utca jatarishpa, Diosman mañana huasiman shamuc carcacuna.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Quichua Cañar Nuevo Testamento © United Bible Societies in Ecuador, 1996.