Ebikhole 26
26
Paulo yeeteetse imbeli waAguripa
1Mana Aguripa namusunjila Paulo ari Ofuchiililwa okhusunga aka oli ninako. Mana Paulo yakololosia omukhono naboola akokhwiteetsakhwe, 2ari Enduutsi mbu endi oweikhabi, Omwami Aguripa, shinga olwa endi okhwiteetsa imbeliwo inyanga yino khumakhuwa ako kosi aka ndeenjililwa ninako nabaYahudi; 3okhushila muno shinga olwa wakamanyila elala akebiima nende amakhuwa kosi akali mubaYahudi; khulwako ekhusaaya mbu umbulile nobwisimilisi.
4AbaYahudi bosi bamanya okhwichendelesia khwanje shinga olwa khwalinji, okhurula khubusooliili bwanje, nimbeetsanga mubelihanga lieefwe, khandi eYerusalemu, okhurula khukhuchaaka. 5Bayamanya okhurula khukhuchaaka; ne nibaba nibakhachama, bakhanyala okhurumbula akobuloli, shinga olwa ndeechendelesia nindi omuFarisayo, ninondanga omwahukho omutinyilifu muno mudini yeefwe. 6Ne bulaano esinjiile okhuyaasibwa khulwa obunaayi bwobusuubisie obwa Nyasaye yasuubisia abakuuka beefwe; 7nabwo nibwo obwa tsimbia tsieefwe ekhumi natsibili tsinaayanga okhuula, nitsilumililanga okhumukhalabanila Nyasaye eshiteere neshilo. Ne khubunaayi buno nibwo obuchila ninzinjililwa nabaYahudi, Omwami! 8Ne nishiina eshichila nibupaarwakhwo mwinywe mbu shibusuubilikha ta mbu Nyasaye yakhalamusia abafu?
9Toto, isie ndapaaranga mumwoyo kwanje mbu ekhoyile okhukhola amakhuwa amanji akafukula eliira liaYesu weNazareti. 10Kata ndakholanga endio eYerusalemu; nimboha abanji abomubatakatifu mumbohe, olwa ndaheebwa obunyali nende abakhulundu babakuhani; ne olwa bali okhwirwa, siesi ndasangangakhwo. 11Ne ndateema okhubaluunyia okhunyeka Nyasaye, nimbakuumanga khandi akhanji mutsisinagogi tsiosi; ne olwa ndabatiililwa oburima shia oulaluushe, ndabasandia kata okhuula khumatookho kabamahanga.
Paulo yatoonya akokhwikalukhasiekhwe
(Ebikh. 9.1-19; 22.6-16)
12Haho ndali khunjila ninzia eDamasiko, nimalile okhuheebwa obunyali nende amalako nabakhulundu babakuhani; 13mana, Omwami, khusaa yeshiteere ndalola khunjila obulafu oburula mwikulu, obuyomba okhwakha khweliuba, nibulangaalila isle nende abo aba ndachendanga ninabo. 14Ne olwa khwali nikhukwile hasi fwesi, ndahulila omwoyo nikusunjila muluYahudi, mbu Saulo, Saulo, usandinjia mbushiina? Nobutinyu khwiwe okhuratsa khubilo. 15Nasi nisunga mbu Niwe wina, Omwami? Omwami nasunga mbu Nisie Yesu owa osandinjia. 16Ne buukha, osinjile nebilenjebio; okhuba kano niko akachilile nikhuloleshela, mbu ekhwahule obe omukhalabani khandi omurumbusi wobuloli khukeenako aka oluutsi khwisie, nende khukeenako aka ndilikhuloleshelamwo. 17Ndalakhuhoninjia mubandu, nende muBamahanga, aba ndalakhurumangamwo, 18okhutimbusia tsimoni tsiabwe, mbu bashiukhane barule khushiilima nibachooma khubulafu, nokhurula khubunyali bwaSetani nibachooma khuNyasaye; mbu baheebwe obuleshelwi bwebionoono nende obulaame mubeenabo abaahulwa khulwa okhusuubilila isie.
Paulo yarumbula akobuloli khubaYahudi nabamahanga
19Niko akachila, Omwami Aguripa, shindakhaya akelibisulo eliarula mwikulu ta; 20ne ndaranjilila okhubarumbulila abeDamasiko olwambeli, mana eYerusalemu, nende mushialo shiosi shiebuYahudi, khandi nende muBamahanga, shinga olwa bakhoyile okhwikalukhasia nibashiukhanila Nyasaye, nibakhola ebikhole ebiwinjana nende obwikalukhasii. 21Niko akachila abaYahudi nibandiilila muhekalu, nibateema okhunzira. 22Kho, nimalile okhunyoola obuhabini oburula ewaNyasaye, esinjilanga kata okhuula olwa leelo nirumbulila bosi, abakhongo nende abatuutu, akobuloli, nindaboola likhuwa liosi ta, habula aka abanabii nende Musa baboola mbu kakheetsa; 23shinga Kristo oyo olwa akhoyile okhusaalila, khandi shinga olwa yakhaba owambeli okhulamukha mukhufwa narumbula ario akobulafu khubandu beene khandi nende khuBamahanga.
Paulo yasaaya Aguripa mbu asuubilile Yesu
24Ne olwa yaboola akokhwiteetsakhwe ario, Fesito yasunga nende omwoyo omukhongo, ari Paulo, olaluushe; okhusoomakhwo okhunji khukhukwisiye omulalu. 25Naye Paulo nasunga mbu Shindaluushe tawe, owoluyali Fesito; ne emboola amakhuwa kobwatoto noburechelefu. 26Okhuba omuruchi yamanyila elala akamakhuwa kano kosi, nasi enyala okhukasunga katong'ane imbeliwe. Okhuba emanyile bulayi mbu libulaho likhuwa liosi mukano elimubiswakhwo ta; shichila kano shikakholekha mabiswi tawe. 27Omwami Aguripa, osuubilanga abanabii? Emanyile shinga olwa osuubilanga. 28Mana Aguripa namusunjila Paulo ari Mubwimbichiti wenyanga okhukhola omuKristayo! 29Naye Paulo ari Ndakheekomba, imbeli waNyasaye, mbu kata nikali mubwimbichiti kata muburambi, iwe halala nende bosi abambulila inyanga yino mwikhole shingana isie, habula ebibohelo bino ta.
30Mana omuruchi nabuukha, nende kafuna yesi, nende Berenike, nende abo aba bali nibeekhaale ninabo; 31ne olwa bali nibarulile, baboolelana bari Omundu uno shiakholanga likhuwa liosi elikwanile okhufwa kata okhubohwa ta. 32Mana Aguripa nasunjila Fesito ari Omundu uno yakhalekhuulilwe, nikaba nikarali mbu yahaabila Kaisari ta.
Attualmente Selezionati:
Ebikhole 26: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975
Ebikhole 26
26
Paulo yeeteetse imbeli waAguripa
1Mana Aguripa namusunjila Paulo ari Ofuchiililwa okhusunga aka oli ninako. Mana Paulo yakololosia omukhono naboola akokhwiteetsakhwe, 2ari Enduutsi mbu endi oweikhabi, Omwami Aguripa, shinga olwa endi okhwiteetsa imbeliwo inyanga yino khumakhuwa ako kosi aka ndeenjililwa ninako nabaYahudi; 3okhushila muno shinga olwa wakamanyila elala akebiima nende amakhuwa kosi akali mubaYahudi; khulwako ekhusaaya mbu umbulile nobwisimilisi.
4AbaYahudi bosi bamanya okhwichendelesia khwanje shinga olwa khwalinji, okhurula khubusooliili bwanje, nimbeetsanga mubelihanga lieefwe, khandi eYerusalemu, okhurula khukhuchaaka. 5Bayamanya okhurula khukhuchaaka; ne nibaba nibakhachama, bakhanyala okhurumbula akobuloli, shinga olwa ndeechendelesia nindi omuFarisayo, ninondanga omwahukho omutinyilifu muno mudini yeefwe. 6Ne bulaano esinjiile okhuyaasibwa khulwa obunaayi bwobusuubisie obwa Nyasaye yasuubisia abakuuka beefwe; 7nabwo nibwo obwa tsimbia tsieefwe ekhumi natsibili tsinaayanga okhuula, nitsilumililanga okhumukhalabanila Nyasaye eshiteere neshilo. Ne khubunaayi buno nibwo obuchila ninzinjililwa nabaYahudi, Omwami! 8Ne nishiina eshichila nibupaarwakhwo mwinywe mbu shibusuubilikha ta mbu Nyasaye yakhalamusia abafu?
9Toto, isie ndapaaranga mumwoyo kwanje mbu ekhoyile okhukhola amakhuwa amanji akafukula eliira liaYesu weNazareti. 10Kata ndakholanga endio eYerusalemu; nimboha abanji abomubatakatifu mumbohe, olwa ndaheebwa obunyali nende abakhulundu babakuhani; ne olwa bali okhwirwa, siesi ndasangangakhwo. 11Ne ndateema okhubaluunyia okhunyeka Nyasaye, nimbakuumanga khandi akhanji mutsisinagogi tsiosi; ne olwa ndabatiililwa oburima shia oulaluushe, ndabasandia kata okhuula khumatookho kabamahanga.
Paulo yatoonya akokhwikalukhasiekhwe
(Ebikh. 9.1-19; 22.6-16)
12Haho ndali khunjila ninzia eDamasiko, nimalile okhuheebwa obunyali nende amalako nabakhulundu babakuhani; 13mana, Omwami, khusaa yeshiteere ndalola khunjila obulafu oburula mwikulu, obuyomba okhwakha khweliuba, nibulangaalila isle nende abo aba ndachendanga ninabo. 14Ne olwa khwali nikhukwile hasi fwesi, ndahulila omwoyo nikusunjila muluYahudi, mbu Saulo, Saulo, usandinjia mbushiina? Nobutinyu khwiwe okhuratsa khubilo. 15Nasi nisunga mbu Niwe wina, Omwami? Omwami nasunga mbu Nisie Yesu owa osandinjia. 16Ne buukha, osinjile nebilenjebio; okhuba kano niko akachilile nikhuloleshela, mbu ekhwahule obe omukhalabani khandi omurumbusi wobuloli khukeenako aka oluutsi khwisie, nende khukeenako aka ndilikhuloleshelamwo. 17Ndalakhuhoninjia mubandu, nende muBamahanga, aba ndalakhurumangamwo, 18okhutimbusia tsimoni tsiabwe, mbu bashiukhane barule khushiilima nibachooma khubulafu, nokhurula khubunyali bwaSetani nibachooma khuNyasaye; mbu baheebwe obuleshelwi bwebionoono nende obulaame mubeenabo abaahulwa khulwa okhusuubilila isie.
Paulo yarumbula akobuloli khubaYahudi nabamahanga
19Niko akachila, Omwami Aguripa, shindakhaya akelibisulo eliarula mwikulu ta; 20ne ndaranjilila okhubarumbulila abeDamasiko olwambeli, mana eYerusalemu, nende mushialo shiosi shiebuYahudi, khandi nende muBamahanga, shinga olwa bakhoyile okhwikalukhasia nibashiukhanila Nyasaye, nibakhola ebikhole ebiwinjana nende obwikalukhasii. 21Niko akachila abaYahudi nibandiilila muhekalu, nibateema okhunzira. 22Kho, nimalile okhunyoola obuhabini oburula ewaNyasaye, esinjilanga kata okhuula olwa leelo nirumbulila bosi, abakhongo nende abatuutu, akobuloli, nindaboola likhuwa liosi ta, habula aka abanabii nende Musa baboola mbu kakheetsa; 23shinga Kristo oyo olwa akhoyile okhusaalila, khandi shinga olwa yakhaba owambeli okhulamukha mukhufwa narumbula ario akobulafu khubandu beene khandi nende khuBamahanga.
Paulo yasaaya Aguripa mbu asuubilile Yesu
24Ne olwa yaboola akokhwiteetsakhwe ario, Fesito yasunga nende omwoyo omukhongo, ari Paulo, olaluushe; okhusoomakhwo okhunji khukhukwisiye omulalu. 25Naye Paulo nasunga mbu Shindaluushe tawe, owoluyali Fesito; ne emboola amakhuwa kobwatoto noburechelefu. 26Okhuba omuruchi yamanyila elala akamakhuwa kano kosi, nasi enyala okhukasunga katong'ane imbeliwe. Okhuba emanyile bulayi mbu libulaho likhuwa liosi mukano elimubiswakhwo ta; shichila kano shikakholekha mabiswi tawe. 27Omwami Aguripa, osuubilanga abanabii? Emanyile shinga olwa osuubilanga. 28Mana Aguripa namusunjila Paulo ari Mubwimbichiti wenyanga okhukhola omuKristayo! 29Naye Paulo ari Ndakheekomba, imbeli waNyasaye, mbu kata nikali mubwimbichiti kata muburambi, iwe halala nende bosi abambulila inyanga yino mwikhole shingana isie, habula ebibohelo bino ta.
30Mana omuruchi nabuukha, nende kafuna yesi, nende Berenike, nende abo aba bali nibeekhaale ninabo; 31ne olwa bali nibarulile, baboolelana bari Omundu uno shiakholanga likhuwa liosi elikwanile okhufwa kata okhubohwa ta. 32Mana Aguripa nasunjila Fesito ari Omundu uno yakhalekhuulilwe, nikaba nikarali mbu yahaabila Kaisari ta.
Attualmente Selezionati:
:
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975