Matsayo 16
16
AbaFarisayo nabaSadukayo basaba eshilolelo
(Mk. 8.11-13; Lk. 12.54-56)
1Haho abaFarisayo nende abaSadukayo nibeetsa, nibamuteema nibasaba mbu abamanyie eshilolelo eshirula mwikulu. 2Naye nakalusia, nababoolela mbu Khubwile, muboolanga muri Ifula shinayikwe ta; shichila likulu liakhaanye. 3Mana nibushia mutsuli, muri Imbumbuyeka yitsa okhubaho leelo; shichila likulu liakhaanye limaliihe. Mumanyile okhwahukhasia obukondo bwelikulu; ne mukorwa okhwahukhasia ebilolelo bietsinduukho. 4Olwibulo olumayaanu olubula obwisiikwa Iwenyanga eshilolelo; ne shilulaheebwakhwo eshilolelo shiosi ta, habula eshilolelo shiaYona. Mana nabarulakhwo niyeenyokha.
Amamela kabaFarisayo nabaSadukayo
(Mk. 8.14-21)
5Abeechi nabo niboola injelekha, ne bali nibeebiliile okhubukula emikaate. 6Yesu nababoolela, mbu Mubeetsenje meeso, nimwiyila kahala khulwa amamela kabaFarisayo nende abaSadukayo. 7Nabo bali nibeefuubilananga abeene bonyene khukachilile nibarabukuule omukaate ta. 8Yesu yamanya ario, nabasunjila ari Inywe abobusuubili obutuutu, mbushiina nimwifuubilananga abeene mwenyene murio khukachilile nimubula omukaate? 9Mushili okhumanya, kata okhwitsulila emikaate chiraano echia abo ebikhumila biraano, nende obunji bwebimwelo ebia mwatoola? 10Kata emikaate musaafu echia abo ebikhumila bine, nende obunji bwebimwelo ebia mwatoola? 11Mubeele murie nimuralola mbu shi'mubooleelenje akemikaate namikaate ta? Ne mbu mwiyile kahala khulwa amamela kabaFarisayo nabaSadukayo. 12Mana batiila khushisina, mbu shiyali nababiilanga okhwiyila kahala khulwa amamela komukaate ta, habula khulwa ameechesio kabaFarisayo nabaSadukayo.
Aka Petero yarumbula khukaYesu
(Mk. 8.27-30; Lk. 9.18-21)
13Nolwa Yesu yoola mumbali tsieKaisaria Filipi, yareeba abeechibe, ari Abandu baboolanga barie khuMwana wOmundu, mbu niye wina? 14Nibasunga bari Abandi baboola, mbu Yohana Omubatisii; abandi, bari Eliya; nabandi, bari Yeremia, kata mulala khubanabii. 15Nabareeba mbu Neenyu muboolanga murie, mbu nisie wina? 16Simoni Petero nakalusia, nasunga mbu Niwe Kristo, Omwana waNyasaye oubeetsangaho mwoyo. 17Yesu nakalusia, namusunjila mbu Oli oweikhabi, Simoni BariYona; okhuba shiali omundu namundu oukhufwimbuliile likhuwa elo ta, habula Papa ouli mwikulu. 18Khandi ekhuboolela mbu niwe Petero, ne khulwanda luno ndaloombakhakhwo ikanisa yanje; kata emiliango chieMakombe shichilachihula tawe. 19Ndalakhuheelesia ebibohololo biobwami bwomwikulu; ne shiosi shiosi eshia olabohanga mushialo, shilaba nishiboyilwe mwikulu; ne shiosi shiosi eshia olabohololanga mushialo, shilaba nishiboholoolwe mwikulu. 20Mana yakaania abeechi butinyu oburamuboolela omundu yesi mbu niye Kristo ta.
Yesu yaboola akokhufwakhwe
(Mk. 8.21—9.1; Lk. 9.22-27)
21Okhurula khushise eshio Yesu yachaaka okhumanyia abeechibe shinga olwa akhoyile okhutsia eYerusalemu, nokhwifwila amakhuwa amanji khubakofu nabakhuhani abakhulundu nabahandiichi, nokhwirwa, nokhulamusibwa khunyanga yakhataru. 22Petero namuyila halubeka, namukaania, nasunga mbu Akhukoosie, Omwami; elo shilakhwikholakhwo tawe. 23Naye nashiukhana, naboolela Petero ari Kalukha munyuma wanje, Setani; olieshiisichirasio khwisie; okhuba shiopaaranga amapaaro kaNyasaye ta, habula amapaaro kabandu.
24Mana Yesu naboolela abeechibe ari Omundu yesi naba niyeenya okhuba omulondi wanje, yeekaanie omwene, yeetuushe omusalabakwe, yanondenjekhwo. 25Okhuba owenya okhuhonia obulamubwe, alabukosia; ne oubukosia obulamubwe khulwanje alabunyoola. 26Shichila kamukaasila shiina omundu, naba niyeenyoolela eshialo eshilamba, ne obulamubwe nibumubukulwakhwo? Kata nishiina eshia omundu alanyala okhukulaasia obulamubwe? 27Shichila Omwana wOmundu aliitsa muluyali lwaSamwana halala nende abamalaikabe; nahabwenaho alamukalusilia buli mundu ebikholebie shinga olwa bili. 28Emuboolela toto, mbu baliho khubasinjiile hano bano abaralikoonyelelakhwo khukhufwa nibarashialolakhwo Omwana wOmundu niyeetsa mubwamibwe tawe.
Attualmente Selezionati:
Matsayo 16: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975
Matsayo 16
16
AbaFarisayo nabaSadukayo basaba eshilolelo
(Mk. 8.11-13; Lk. 12.54-56)
1Haho abaFarisayo nende abaSadukayo nibeetsa, nibamuteema nibasaba mbu abamanyie eshilolelo eshirula mwikulu. 2Naye nakalusia, nababoolela mbu Khubwile, muboolanga muri Ifula shinayikwe ta; shichila likulu liakhaanye. 3Mana nibushia mutsuli, muri Imbumbuyeka yitsa okhubaho leelo; shichila likulu liakhaanye limaliihe. Mumanyile okhwahukhasia obukondo bwelikulu; ne mukorwa okhwahukhasia ebilolelo bietsinduukho. 4Olwibulo olumayaanu olubula obwisiikwa Iwenyanga eshilolelo; ne shilulaheebwakhwo eshilolelo shiosi ta, habula eshilolelo shiaYona. Mana nabarulakhwo niyeenyokha.
Amamela kabaFarisayo nabaSadukayo
(Mk. 8.14-21)
5Abeechi nabo niboola injelekha, ne bali nibeebiliile okhubukula emikaate. 6Yesu nababoolela, mbu Mubeetsenje meeso, nimwiyila kahala khulwa amamela kabaFarisayo nende abaSadukayo. 7Nabo bali nibeefuubilananga abeene bonyene khukachilile nibarabukuule omukaate ta. 8Yesu yamanya ario, nabasunjila ari Inywe abobusuubili obutuutu, mbushiina nimwifuubilananga abeene mwenyene murio khukachilile nimubula omukaate? 9Mushili okhumanya, kata okhwitsulila emikaate chiraano echia abo ebikhumila biraano, nende obunji bwebimwelo ebia mwatoola? 10Kata emikaate musaafu echia abo ebikhumila bine, nende obunji bwebimwelo ebia mwatoola? 11Mubeele murie nimuralola mbu shi'mubooleelenje akemikaate namikaate ta? Ne mbu mwiyile kahala khulwa amamela kabaFarisayo nabaSadukayo. 12Mana batiila khushisina, mbu shiyali nababiilanga okhwiyila kahala khulwa amamela komukaate ta, habula khulwa ameechesio kabaFarisayo nabaSadukayo.
Aka Petero yarumbula khukaYesu
(Mk. 8.27-30; Lk. 9.18-21)
13Nolwa Yesu yoola mumbali tsieKaisaria Filipi, yareeba abeechibe, ari Abandu baboolanga barie khuMwana wOmundu, mbu niye wina? 14Nibasunga bari Abandi baboola, mbu Yohana Omubatisii; abandi, bari Eliya; nabandi, bari Yeremia, kata mulala khubanabii. 15Nabareeba mbu Neenyu muboolanga murie, mbu nisie wina? 16Simoni Petero nakalusia, nasunga mbu Niwe Kristo, Omwana waNyasaye oubeetsangaho mwoyo. 17Yesu nakalusia, namusunjila mbu Oli oweikhabi, Simoni BariYona; okhuba shiali omundu namundu oukhufwimbuliile likhuwa elo ta, habula Papa ouli mwikulu. 18Khandi ekhuboolela mbu niwe Petero, ne khulwanda luno ndaloombakhakhwo ikanisa yanje; kata emiliango chieMakombe shichilachihula tawe. 19Ndalakhuheelesia ebibohololo biobwami bwomwikulu; ne shiosi shiosi eshia olabohanga mushialo, shilaba nishiboyilwe mwikulu; ne shiosi shiosi eshia olabohololanga mushialo, shilaba nishiboholoolwe mwikulu. 20Mana yakaania abeechi butinyu oburamuboolela omundu yesi mbu niye Kristo ta.
Yesu yaboola akokhufwakhwe
(Mk. 8.21—9.1; Lk. 9.22-27)
21Okhurula khushise eshio Yesu yachaaka okhumanyia abeechibe shinga olwa akhoyile okhutsia eYerusalemu, nokhwifwila amakhuwa amanji khubakofu nabakhuhani abakhulundu nabahandiichi, nokhwirwa, nokhulamusibwa khunyanga yakhataru. 22Petero namuyila halubeka, namukaania, nasunga mbu Akhukoosie, Omwami; elo shilakhwikholakhwo tawe. 23Naye nashiukhana, naboolela Petero ari Kalukha munyuma wanje, Setani; olieshiisichirasio khwisie; okhuba shiopaaranga amapaaro kaNyasaye ta, habula amapaaro kabandu.
24Mana Yesu naboolela abeechibe ari Omundu yesi naba niyeenya okhuba omulondi wanje, yeekaanie omwene, yeetuushe omusalabakwe, yanondenjekhwo. 25Okhuba owenya okhuhonia obulamubwe, alabukosia; ne oubukosia obulamubwe khulwanje alabunyoola. 26Shichila kamukaasila shiina omundu, naba niyeenyoolela eshialo eshilamba, ne obulamubwe nibumubukulwakhwo? Kata nishiina eshia omundu alanyala okhukulaasia obulamubwe? 27Shichila Omwana wOmundu aliitsa muluyali lwaSamwana halala nende abamalaikabe; nahabwenaho alamukalusilia buli mundu ebikholebie shinga olwa bili. 28Emuboolela toto, mbu baliho khubasinjiile hano bano abaralikoonyelelakhwo khukhufwa nibarashialolakhwo Omwana wOmundu niyeetsa mubwamibwe tawe.
Attualmente Selezionati:
:
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975