Matsayo 8
8
Yesu yasiiya owobuchele
(Mk. 1.40-45; Lk. 5.12-16)
1Nolwa yali nakholomooshe okhurula mushiO kulu, emikanda emikali chiamulondakhwo 2ne lola, owobuchele undi yamwitsila namwinamila, ari Omwami, noba nochama onyala okhu'siiya. 3Naye nanyiila omukhono, namutiilakhwo, naboola mbu Enjamile; osiiyishe. Habwene nahabwene obuchelebwe nibusiiyikha. 4Yesu namusunjila mbu Oramuboolelakhwo omundu yesi ta; ne tsia, wilolosie imbeli womukuhani, nohaana eshihaanwa eshia Musa yalaka, shibe oburumbusi khubo.
Yesu yahonia omukhalabani womuseesia
(Lk. 7.1-10)
5Nolwa yali niyeenjiile muKaperinaumu, omuseesia undi yamwitsila, namusaaya, 6ari Omwami, omukhalabani wanje ukonile mungo, ukwile likara, ne atsunwa muno. 7Naye namuboolela mbu Nenzitse okhumuhonia. 8Omuseesia nakalusia, naboola mbu Omwami, isie shingwanile mbu witse winjile hasi weshilama shieinzu yanje ta; ne sunga butswa likhuwa, mana omukhalabani wanje alahona. 9Shichila nasi siesi endi omundu ouli hasi woburuchi, nasi endi nende abasikari abali hasi wanje; nimusunjila mulala, mbu Tsia, naye atsiitsanga; noundi, mbu Yitsa, naye yeetsanga; kata nende omusumba wanje, mbu Khola lino, nalikholanga. 10Nolwa Yesu yahulila ario, yachenya, naboolela abo abali nibalondananga ninaye, ari Emusunjila toto, mbu eshili okhulolakhwo obusuubili obukhongo shinga buno tawe, kata muIsiraeli ta. 11Khandi emuboolela mbu abanji baliitsa nibarula ebukwe nende mumbo, nibeekhala halala nende Aburahamu, nende Isaka, nende Yakobo, mubwami obwomwikulu; 12nebutswa abalaame abeene bwami balisukunwa mushiilima shielwanyi; eyo khulibayo okhulila nokhulumaasia ameeno. 13Mana Yesu namusuniila omuseesia ari Tsia butsia; kabe kario khwiwe, shinga olwa osuubiile. Omukhalabaniwe nahonibwa khushise shieneshio.
Yesu yehonia nyakhufialanyene Petero
(Mk. 1.29-31; Lk. 4.38-39)
14Nolwa Yesu yoola enanzu waPetero, yalola nyakhufialanyene Petero nakonile nalwala omurengo; 15Yesu natiilakhwo khumukhonokwe, omurengo nikumulekha, naye nabuukha, namukhalabanila.
Yesu yahonie abanji khubwile
(Mk. 1.32-34; Lk. 4.40-41)
16Eshialo olwa bweela, baleera ewa yali abanji aba amadimoni kali mubo; naye narusia abaroho abo nende likhuwa, nahonia bosi abali nibalwala; 17mbu mana amakhuwa koosibwe aka Isaya omunabii yaboola, ari Ye omwene yeebukulila obulwale bweefwe, niyeetuukha obuteshele bweefwe.
Abandi beenya okhulonda khuYesu
(Lk. 9.57-62)
18Nolwa Yesu yalola emikanda emikhongo nichimubotokhaane, yabalaka aba yali ninabo mbu Khwinyoshe khutsie injelekha. 19Mana omuhandiichi undi yamwitsila namusunjilaari Omwechesia, ndalakhulondakhwo hosi hosi aha otsia. 20Yesu namukalusia, mbu Amabwe kali nende ameena kako, amanyonyi akokhwikulu nako kali nebitsu biako; ne Omwana wOmundu shialikhwo nende ewa akonia omurwekwe ta. 21Oundi owokhubeechi abo namusunjila ari Omwami, chama enzie mbeli emuyabile papa. 22Nebutswa Yesu yamukalusia ari Nondakhwo; lekha abafu beene bayabile abafu babwe.
Yesu alenjeelesia imbumbuyeka
(Mk. 4.35-41; Lk. 8.22-25)
23Nolwa yali niyeenjiile muliaro, abeechibe nibamulondakhwo. 24Ne lola, imbumbuyeka ingali niyichaaka okhuhuutsa munyanza, okhuula olwa amarundu kafuunikha eliaro; naye yali nali mundoolo. 25Nibeetsa ewa yali, nibamubuusia, nibasunga bari Omwami, okhuhonie; khuli okhusikha. 26Nabareeba ari Nishiina eshichila nimuria murio, inywe abobusuubili obutuutu? Mana nabuukha, nahalabila emiyeka nende inyanza, omulenjeelo omukhongo nikubaho. 27Abandu abo nibahuka, nibasunga abari Uno nomundu shiina? Okhuba kata emuyeka nende inyanza biosi bimuhulila.
AbaGerasi abali namadimoni bahonibwa
(Mk. 5.1-20; Lk. 8.26-39)
28Nolwa yali niyoolile injelekha, mushibala shiabaGerasi, yabukaana nende abandu babili abali namadimoni, nibarulanga mubilindwa, abahalaba muno, kata omundu yesi naranyala okhubira khunjila eyo ta. 29Ne lola, bayiiba nibasunga bari Obeele orie nineefwe, iwe Omwana waNyasaye? Witsile yino okhukhusaalisia induukho niyishili? 30Ne lialiho lituuli lietsimbiitsi tsinyinji nitsiayanga, ehale ninabo. 31Amadimoni ako nikamusaaya, kari Noba nokhurusia, okhurume khutsie mwituuli lietsimbiitsi. 32Naye nakasunjila mbu Tsie. Nako nikarula nikatsia mumbiitsi, ne lola, lituuli lilamba niliminina nilikholomokha niliikhupa munyanza, nitsisishila mumatsi.
33Abaayi batsio nibeelukha nibeenyokha nibatsia mwitaala, nibaboola amakhuwa kosi, nende akali nikeekholile khubamadimoni. 34Ne lola, abomwitaala bosi nibarula okhwakaanila Yesu; nolwa bamulola, bamusaaya mbu arule mushialo shiabwe.
Attualmente Selezionati:
Matsayo 8: OUV
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975
Matsayo 8
8
Yesu yasiiya owobuchele
(Mk. 1.40-45; Lk. 5.12-16)
1Nolwa yali nakholomooshe okhurula mushiO kulu, emikanda emikali chiamulondakhwo 2ne lola, owobuchele undi yamwitsila namwinamila, ari Omwami, noba nochama onyala okhu'siiya. 3Naye nanyiila omukhono, namutiilakhwo, naboola mbu Enjamile; osiiyishe. Habwene nahabwene obuchelebwe nibusiiyikha. 4Yesu namusunjila mbu Oramuboolelakhwo omundu yesi ta; ne tsia, wilolosie imbeli womukuhani, nohaana eshihaanwa eshia Musa yalaka, shibe oburumbusi khubo.
Yesu yahonia omukhalabani womuseesia
(Lk. 7.1-10)
5Nolwa yali niyeenjiile muKaperinaumu, omuseesia undi yamwitsila, namusaaya, 6ari Omwami, omukhalabani wanje ukonile mungo, ukwile likara, ne atsunwa muno. 7Naye namuboolela mbu Nenzitse okhumuhonia. 8Omuseesia nakalusia, naboola mbu Omwami, isie shingwanile mbu witse winjile hasi weshilama shieinzu yanje ta; ne sunga butswa likhuwa, mana omukhalabani wanje alahona. 9Shichila nasi siesi endi omundu ouli hasi woburuchi, nasi endi nende abasikari abali hasi wanje; nimusunjila mulala, mbu Tsia, naye atsiitsanga; noundi, mbu Yitsa, naye yeetsanga; kata nende omusumba wanje, mbu Khola lino, nalikholanga. 10Nolwa Yesu yahulila ario, yachenya, naboolela abo abali nibalondananga ninaye, ari Emusunjila toto, mbu eshili okhulolakhwo obusuubili obukhongo shinga buno tawe, kata muIsiraeli ta. 11Khandi emuboolela mbu abanji baliitsa nibarula ebukwe nende mumbo, nibeekhala halala nende Aburahamu, nende Isaka, nende Yakobo, mubwami obwomwikulu; 12nebutswa abalaame abeene bwami balisukunwa mushiilima shielwanyi; eyo khulibayo okhulila nokhulumaasia ameeno. 13Mana Yesu namusuniila omuseesia ari Tsia butsia; kabe kario khwiwe, shinga olwa osuubiile. Omukhalabaniwe nahonibwa khushise shieneshio.
Yesu yehonia nyakhufialanyene Petero
(Mk. 1.29-31; Lk. 4.38-39)
14Nolwa Yesu yoola enanzu waPetero, yalola nyakhufialanyene Petero nakonile nalwala omurengo; 15Yesu natiilakhwo khumukhonokwe, omurengo nikumulekha, naye nabuukha, namukhalabanila.
Yesu yahonie abanji khubwile
(Mk. 1.32-34; Lk. 4.40-41)
16Eshialo olwa bweela, baleera ewa yali abanji aba amadimoni kali mubo; naye narusia abaroho abo nende likhuwa, nahonia bosi abali nibalwala; 17mbu mana amakhuwa koosibwe aka Isaya omunabii yaboola, ari Ye omwene yeebukulila obulwale bweefwe, niyeetuukha obuteshele bweefwe.
Abandi beenya okhulonda khuYesu
(Lk. 9.57-62)
18Nolwa Yesu yalola emikanda emikhongo nichimubotokhaane, yabalaka aba yali ninabo mbu Khwinyoshe khutsie injelekha. 19Mana omuhandiichi undi yamwitsila namusunjilaari Omwechesia, ndalakhulondakhwo hosi hosi aha otsia. 20Yesu namukalusia, mbu Amabwe kali nende ameena kako, amanyonyi akokhwikulu nako kali nebitsu biako; ne Omwana wOmundu shialikhwo nende ewa akonia omurwekwe ta. 21Oundi owokhubeechi abo namusunjila ari Omwami, chama enzie mbeli emuyabile papa. 22Nebutswa Yesu yamukalusia ari Nondakhwo; lekha abafu beene bayabile abafu babwe.
Yesu alenjeelesia imbumbuyeka
(Mk. 4.35-41; Lk. 8.22-25)
23Nolwa yali niyeenjiile muliaro, abeechibe nibamulondakhwo. 24Ne lola, imbumbuyeka ingali niyichaaka okhuhuutsa munyanza, okhuula olwa amarundu kafuunikha eliaro; naye yali nali mundoolo. 25Nibeetsa ewa yali, nibamubuusia, nibasunga bari Omwami, okhuhonie; khuli okhusikha. 26Nabareeba ari Nishiina eshichila nimuria murio, inywe abobusuubili obutuutu? Mana nabuukha, nahalabila emiyeka nende inyanza, omulenjeelo omukhongo nikubaho. 27Abandu abo nibahuka, nibasunga abari Uno nomundu shiina? Okhuba kata emuyeka nende inyanza biosi bimuhulila.
AbaGerasi abali namadimoni bahonibwa
(Mk. 5.1-20; Lk. 8.26-39)
28Nolwa yali niyoolile injelekha, mushibala shiabaGerasi, yabukaana nende abandu babili abali namadimoni, nibarulanga mubilindwa, abahalaba muno, kata omundu yesi naranyala okhubira khunjila eyo ta. 29Ne lola, bayiiba nibasunga bari Obeele orie nineefwe, iwe Omwana waNyasaye? Witsile yino okhukhusaalisia induukho niyishili? 30Ne lialiho lituuli lietsimbiitsi tsinyinji nitsiayanga, ehale ninabo. 31Amadimoni ako nikamusaaya, kari Noba nokhurusia, okhurume khutsie mwituuli lietsimbiitsi. 32Naye nakasunjila mbu Tsie. Nako nikarula nikatsia mumbiitsi, ne lola, lituuli lilamba niliminina nilikholomokha niliikhupa munyanza, nitsisishila mumatsi.
33Abaayi batsio nibeelukha nibeenyokha nibatsia mwitaala, nibaboola amakhuwa kosi, nende akali nikeekholile khubamadimoni. 34Ne lola, abomwitaala bosi nibarula okhwakaanila Yesu; nolwa bamulola, bamusaaya mbu arule mushialo shiabwe.
Attualmente Selezionati:
:
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Oluluyia Union Version © Bible Society of Kenya 1975