Matyu 3
3
Jon yoba ka mabuno di togwa
(Mak 1.2-8, Luk 3.1-18, Jon 1.19-28)
1Ana okuo Jon, yoba nigl bugl togwa yagle moglkwa i, ede distrik Judia udre, dumo wau yomara ugo, yoba ye moglmara eigwa i ye di te, yegl dugwa, 2God yoba kingno mogl, suglno morabuka egemo i, ede magigl ugwa. Yegl pre ene nomano yake teo! dugwa. 3Ana okna ka kep yoba ta kagie Aisaia we digwa i, ka swara ta Jon pre di paduglkwa. Ye yegl dugwa,
Yagl ta dumo wau yomara mogl, ka podo di, yoba yegl di tenabiwa,
Yagl Kade unabuka pre ene ye konbomo ake kun ersre,
ye unabara ake du di edenaiglkwa pamiwe#3.3 Aisaia 40.3
di, Asaia Jon pre yegl boglkwa.
4Ana Jon we, yoba bugla kamel gagno yugo idre, kugugl gagl bekigwa i ye edidre, kau nagie kumagl dogwa. Te, ye kaya mokna nogwa i, mogodo ya brume are nuglo ne wan moglkwa. 5Ye dumo wau yomara moglko, yoba mere Jerusalem meglkwa ya, distrik Judia meglkwa ya te, nigl Jordan omara koglo koglo bage bage kipai meglkwa i, mudu ede ye moglmara eigwa. 6Ye moglmara pidre, tadaglmeno di pogl teigo, Jon nigl Jordan moglsre, ye ake nigl atne ede, nigl bugl togwa.
7Ana lotu bitno yoba Farisi we digwa i ya, Sadyusi we digwa i, tau mere Jon ye no nigl bugl norabedi wigwa. Wigwa ba Jon ye ka yegl di togwa, Ene we, ene toki kide nagiglema meglmiwe dugwa. God dem kubrisre, ka tage norabuka igne i ene teke panaiglmedi ira dume? Ene teke paibi, kuno ta erekrabuka 8pre ene mabuno beglbi, ene nomano yake teigwa i nogugl panan, no kanamniwe dugwa. 9Te, ene ere mogl, Abraham gawama munga pre God no ta sikrabe digwa i, kide kodio! Kobuglo magigl paigwa i, God ere i Abraham gawama koglo edidre, ye swara ere wakai ere tenagledi pran, ye eran, kuno erabiwe dugwa. 10Ene prio! Ede tau mogo koraiglkwa paugwa ba mogo wakai ta koglkribi, yoba di maima idre, wei atne ede, gudu i pi, pia si doga mina edimere mere yegl, God ene yegl ere tenarumiwe di, yegl dugwa.
11Ana Jon ka yegl didre, ka ta ama yegl dugwa, Na we, na yoba nomano yake teigwa i ake nigl atne ede, nigl bugl teiga ba yagl ta na moknamugl unabuka i, ye yobuglomo podo padre, na egre atne edumiwa. Te, na ama ye nigl kogonmo yoba mere yegl moglsre, ye kagle towo kan i na poko edenaglka kuno erekriwa. Te, yagl i udre, na nigl bugl teimere mere, ene tau God Murubuglomo si kau si tedre, te tau si doga mina edidre, erabiwa. 12Yoba wit mogo si yu makai sidre, ugla pogl, mogo yugugl makai sidre, nagie gagl tege erimere mere yegl, yagl i udre, kuno yegl erabuka. Te, ye garabara i, doga gogokre, aimadi de pai morabiwe dugwa.
Jon Jisas ake nigl atne ede, nigl bugl togwa
(Mak 1.9-11, Luk 3.21-22)
13Ana igne i Jisas distrik Galili kide kodidre, ede nigl Jordan u Jon nigl bugl narabedi ye moglmara ugwa. 14Yegl pre ugwa ba Jon mane didre, Ene na nigl bugl natn, kuno erabiwe dugwa. Ba siragl eruko, na ene nigl bugl narabedi une? dugwa. 15Yegl dugo, Jisas di ikne ede te, God nono erme yegl erabredi prukwa pre mane dikro. Nono yegl erabuglka i, wakai paugwa. Yegl ersre, nono God nomanemo sika sinabugliwe di, yegl dugwa. Yegl dugo, Jon mane dikre, ye ake nigl atne ede, nigl bugl togwa.
16 Ana Jon ye Jisas ake nigl atne ede, nigl bugl te kodugo, Jisas ede egli ugo, tabre kaima kamun mitna ibo ede u koglo koglo ogo, God Murubuglomo u kua yumugl mere yegl pidre, pru di ede atne u Jisas moglmara akugo, Jisas kanugwa. 17Kanugo, God heven ibo ka ta di atne edidre, yegl dugwa, I na Wana moglmiwa. Na ye wakai kaima kan, dena mudna mina gun yeiwe di, yegl dugwa.
Attualmente Selezionati:
Matyu 3: KB
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Copyright 2015 New Tribes Mission
Matyu 3
3
Jon yoba ka mabuno di togwa
(Mak 1.2-8, Luk 3.1-18, Jon 1.19-28)
1Ana okuo Jon, yoba nigl bugl togwa yagle moglkwa i, ede distrik Judia udre, dumo wau yomara ugo, yoba ye moglmara eigwa i ye di te, yegl dugwa, 2God yoba kingno mogl, suglno morabuka egemo i, ede magigl ugwa. Yegl pre ene nomano yake teo! dugwa. 3Ana okna ka kep yoba ta kagie Aisaia we digwa i, ka swara ta Jon pre di paduglkwa. Ye yegl dugwa,
Yagl ta dumo wau yomara mogl, ka podo di, yoba yegl di tenabiwa,
Yagl Kade unabuka pre ene ye konbomo ake kun ersre,
ye unabara ake du di edenaiglkwa pamiwe#3.3 Aisaia 40.3
di, Asaia Jon pre yegl boglkwa.
4Ana Jon we, yoba bugla kamel gagno yugo idre, kugugl gagl bekigwa i ye edidre, kau nagie kumagl dogwa. Te, ye kaya mokna nogwa i, mogodo ya brume are nuglo ne wan moglkwa. 5Ye dumo wau yomara moglko, yoba mere Jerusalem meglkwa ya, distrik Judia meglkwa ya te, nigl Jordan omara koglo koglo bage bage kipai meglkwa i, mudu ede ye moglmara eigwa. 6Ye moglmara pidre, tadaglmeno di pogl teigo, Jon nigl Jordan moglsre, ye ake nigl atne ede, nigl bugl togwa.
7Ana lotu bitno yoba Farisi we digwa i ya, Sadyusi we digwa i, tau mere Jon ye no nigl bugl norabedi wigwa. Wigwa ba Jon ye ka yegl di togwa, Ene we, ene toki kide nagiglema meglmiwe dugwa. God dem kubrisre, ka tage norabuka igne i ene teke panaiglmedi ira dume? Ene teke paibi, kuno ta erekrabuka 8pre ene mabuno beglbi, ene nomano yake teigwa i nogugl panan, no kanamniwe dugwa. 9Te, ene ere mogl, Abraham gawama munga pre God no ta sikrabe digwa i, kide kodio! Kobuglo magigl paigwa i, God ere i Abraham gawama koglo edidre, ye swara ere wakai ere tenagledi pran, ye eran, kuno erabiwe dugwa. 10Ene prio! Ede tau mogo koraiglkwa paugwa ba mogo wakai ta koglkribi, yoba di maima idre, wei atne ede, gudu i pi, pia si doga mina edimere mere yegl, God ene yegl ere tenarumiwe di, yegl dugwa.
11Ana Jon ka yegl didre, ka ta ama yegl dugwa, Na we, na yoba nomano yake teigwa i ake nigl atne ede, nigl bugl teiga ba yagl ta na moknamugl unabuka i, ye yobuglomo podo padre, na egre atne edumiwa. Te, na ama ye nigl kogonmo yoba mere yegl moglsre, ye kagle towo kan i na poko edenaglka kuno erekriwa. Te, yagl i udre, na nigl bugl teimere mere, ene tau God Murubuglomo si kau si tedre, te tau si doga mina edidre, erabiwa. 12Yoba wit mogo si yu makai sidre, ugla pogl, mogo yugugl makai sidre, nagie gagl tege erimere mere yegl, yagl i udre, kuno yegl erabuka. Te, ye garabara i, doga gogokre, aimadi de pai morabiwe dugwa.
Jon Jisas ake nigl atne ede, nigl bugl togwa
(Mak 1.9-11, Luk 3.21-22)
13Ana igne i Jisas distrik Galili kide kodidre, ede nigl Jordan u Jon nigl bugl narabedi ye moglmara ugwa. 14Yegl pre ugwa ba Jon mane didre, Ene na nigl bugl natn, kuno erabiwe dugwa. Ba siragl eruko, na ene nigl bugl narabedi une? dugwa. 15Yegl dugo, Jisas di ikne ede te, God nono erme yegl erabredi prukwa pre mane dikro. Nono yegl erabuglka i, wakai paugwa. Yegl ersre, nono God nomanemo sika sinabugliwe di, yegl dugwa. Yegl dugo, Jon mane dikre, ye ake nigl atne ede, nigl bugl togwa.
16 Ana Jon ye Jisas ake nigl atne ede, nigl bugl te kodugo, Jisas ede egli ugo, tabre kaima kamun mitna ibo ede u koglo koglo ogo, God Murubuglomo u kua yumugl mere yegl pidre, pru di ede atne u Jisas moglmara akugo, Jisas kanugwa. 17Kanugo, God heven ibo ka ta di atne edidre, yegl dugwa, I na Wana moglmiwa. Na ye wakai kaima kan, dena mudna mina gun yeiwe di, yegl dugwa.
Attualmente Selezionati:
:
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Copyright 2015 New Tribes Mission