प्रेरित.कामी 3
3
लंगड़ा भीख कोयी रअः चंगायोः
1पतरस तेकर जोहन आयुःब साँझ तीन बजे बड़े बिनती ओड़ाअ सेनोः केनाकिन। 2तेकर होड़कु मियांड होड़ जे आयाते आला ओदोर तरअः गी लंगड़ा ताही नेनाय के ईदी केनाकु, हुंकू हुनी के रोज दिन आगु केते बड़े बिनती ओड़ाअ रेनअः सुन्दर नुमू रेनअः दुवार दुबाःड़े जेकर से ची बड़े बिनती ओड़ाअ सेनोः कु तरअः भीख कोयाय मेन केते दुड़ूः तुई केनाकु 3जब हुनी पतरस तेकर जोहन के बड़े बिनती ओड़ाअ रे सेनोः नेल लिकिनाय, दो हुनी हुंकिन तरअः जहान ना-नाम लःअय गोहराव नेनाय। 4पतरस आउर जोहन हुनी के लुड़ीःग थिताव लियाकिन, आउर पतरस आलिंग पखा लुड़ीगेमे बेता लियाय। 5जहान ओका एमे आकिन मेन केते, हुंकिन के साँगील बिःड किद किनाय। 6“सोना आउर चाँदी दो ईङ दुबाःड़े कनोआँ, बकिर जे ईङ दुबाःड़े एदनाअ होना ईङ आम के एमाअ दिमीईंङ नासरत रिनी ईसु ख्रीस्त रअः नुमू रे बिरिःड केते दंड़ान मे!” मेन केते पतरस बेता लियाय। 7आउर हुनी, हुनी आला जोम तीः के सःब केते, हुनी के बिरिःड लियाय। आउर तुरते हुनी आला जांगा तेकर घुठी रे सवांग हीःग ना; 8हुनी उछलाव केते तिंगुः नाय, आउर डिड़ोगोः तनाय, हुनी डिड़ोअ याःते उछलाःते आउर परमेसर आला बड़ाई-यअते, हुंकू लोः बड़े बिनती ओड़ाअ रे सेन नेनाय। 9जामा होड़कु हुनी के दंड़ा-बंड़ान आउर परमेसर आला बा-बड़ाई नेल केते, 10हुनी के चिनहा किदयाकु ची नुई हिनी हेके जे बड़े बिनती ओड़ाअ रेनअः सुन्दर सिनिङ नुमू दुबाःड़े दुड़ूः केते भीख कोय केनाय आउर होना घटना तरअः जे हुनी लोः हुयाव ताहिनेना हुंकू मुरुक मोकाव कोओते छकित ताही नेनाकु।
बड़े बिनती ओड़ाअ रे पतरस समझाव कुआय
11हुनी होड़ पतरस हेतरअ जोहन आला तीः के सःब थिलाआय दो छकित केते होना ओसरा रे, जे सुलेमान आला कहलाआ हुंकू दुबाःड़े नीर हीःग नेनाकु 12पतरस नोःआँ नेल केते हुंकू होड़कु के “ए इसराइली बोकोकु नोःआँ बारे रे एता लःअय चकितोः तनापे, आउर आले पखा नोकान एता लःअय लुड़ीःग दापे, ची आलेगी अपन सवांग तेकर भक्ति रे नुई के दंड़ा बंड़ानोः लकान बनाव तदियाले?” मेन केते हुंकू के बेता लिकुआय। 13#उइठ 3:15अब्राहम आउर इसाहक आउर याकुब आली परमेसर, आले आलकु पुरखाकु आली परमेसर, अपन धाँगड़ ईसु आला महिमा लःअय, जेके आपे सःब ची लियापे आउर जब पिलातुस हुनी के बाबाई लःअय फैसला लःअय, हिमीन रे आपे हुनी दुबाःड़े होना कंहड़ी के कापे मनाव नेना। 14#सं.मत्ती 27:15–23; सं.मर 15:6–14; सं.लुका 23:13–23; सं.जोह 19:12–15आपे हुनी पबितर तेकर धरमी के तुछ लियापे, आउर आपे अपन लःअय मियांड मुरखाहा के आले लःअय बाई गुल ताईमे मेन केते गोहराव नेनापे। 15आउर आपे जिनगी एमोई के गोएःग लियापे, जेके परमेसर गोएःग उनकु मेसे रे जिवीःड लियाय, आउर नोःआँ बात रेनअः आले गोवाह एदान लेआ। 16आउर ईसु आला नुमू रे बिसवास रअः चलते, जे हुनी आला नुमू रे एदनाअ, नुई होड़ के जेके आपे नेल दियापे, आउर पाड़ी होः पाड़ी आपे, सवांग एमा तदियाय हिना बिसवास रअः चलते गी, नुई के जामेकु मड़ांग रे एकदम बेस उनी किदयाय।
17“बोकोकु, ईङ पाड़ी तानिङ, ची आपे आउर आपे आलकु नेताकु होः, बेगर पाड़ी रे नोकान लअकु। 18परमेसर आउर जेके जामे आगमजानीकु आला आहा तरअः पहिल गी कंहड़ी ताही लःअय, जे लकान हुनी आली ख्रीस्त के बिपाईत ऊउठाव ताही नेना, नोःआँ लकान अपन होना बात के पुरा लःअय, 19आपे मन रूवाड़ेपे आउर परमेसर दुबाःड़े रूवाड़ हिजोःपे। जेकर से ची आपे आला पाप मेटाअ। 20जेकर से ची परभु दुबाःड़े तरअः सुख-चैन रआ बेरा हीःग कोआ आउर ईसु के कुलगोःड कियाय, जे पहिल तरअः आपे लःअय ख्रीस्त ठहराव तदियाय। 21नोःआँ जरूरी एदनाअ ची, हुनी सिरमा राईज रे होना बेरा जगुत ताही कोआय, जे बेरा जगुत ची हुनी जामा बात रअः काय सुधराया, जेकर परमेसर अगम जुग-जुग तरअः गी अपन पबितर आगमजानीकु आला आहा तरअः बखनाव तदाय। 22#कन 18:15,18मुसा कंहड़ी तदाय, ‘परभु परमेसर आपे बोकोकु मेसे आपे लःअय ईङ लकान आगमजानी सिरजाव कियाय, जे होः हुनी आपे के कंहड़ीयाय होना के आयुमेपे, 23#कन 18:19बकिर जे होड़, हुनी आगमजानी आला कंहड़ी के एरकु आयुमेआ, परमेसर आलकु होड़कु तरअः आलगे किकुआकु आउर नठाव किकुआकु’ 24आउर समुएल तरअः ईदी केते हुनी तयोम तानकु जगुत, जेतना आगमजानी कंहड़ी लअकु, हुंकू जामा नोःआँ हिला रअः संदेस एम तदाकु। 25#एहेः 22:18आपे आगमजानीकु आलकु बंसवाईर हेके। हिना लःअय होना करार रेनअः जे परमेसर आपे आलकु पुरखा रिनकु लोः तोल ताही लःअय, होना आपे आला गी हेके। हुनी अब्राहम के बेता ताही लियाय, ‘आम आलकु बंसवाईर तरअः धरती रिनकु जामा ओड़ाअ रिनकु आसीस नाम केआकु।’ 26परमेसर अपन धाँगड़ ईसु के, आपे मेसे जामेकु के पाप तरअः मन रूवाड़ केते, आसीस एमोअ लःअय ईसु के निबाड़ केते पहिल रे गी आपे दुबाःड़े कुलगोःड लियाय।”
Attualmente Selezionati:
प्रेरित.कामी 3: ASR
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2023 NLCI CC BY-NC-ND 4.0
प्रेरित.कामी 3
3
लंगड़ा भीख कोयी रअः चंगायोः
1पतरस तेकर जोहन आयुःब साँझ तीन बजे बड़े बिनती ओड़ाअ सेनोः केनाकिन। 2तेकर होड़कु मियांड होड़ जे आयाते आला ओदोर तरअः गी लंगड़ा ताही नेनाय के ईदी केनाकु, हुंकू हुनी के रोज दिन आगु केते बड़े बिनती ओड़ाअ रेनअः सुन्दर नुमू रेनअः दुवार दुबाःड़े जेकर से ची बड़े बिनती ओड़ाअ सेनोः कु तरअः भीख कोयाय मेन केते दुड़ूः तुई केनाकु 3जब हुनी पतरस तेकर जोहन के बड़े बिनती ओड़ाअ रे सेनोः नेल लिकिनाय, दो हुनी हुंकिन तरअः जहान ना-नाम लःअय गोहराव नेनाय। 4पतरस आउर जोहन हुनी के लुड़ीःग थिताव लियाकिन, आउर पतरस आलिंग पखा लुड़ीगेमे बेता लियाय। 5जहान ओका एमे आकिन मेन केते, हुंकिन के साँगील बिःड किद किनाय। 6“सोना आउर चाँदी दो ईङ दुबाःड़े कनोआँ, बकिर जे ईङ दुबाःड़े एदनाअ होना ईङ आम के एमाअ दिमीईंङ नासरत रिनी ईसु ख्रीस्त रअः नुमू रे बिरिःड केते दंड़ान मे!” मेन केते पतरस बेता लियाय। 7आउर हुनी, हुनी आला जोम तीः के सःब केते, हुनी के बिरिःड लियाय। आउर तुरते हुनी आला जांगा तेकर घुठी रे सवांग हीःग ना; 8हुनी उछलाव केते तिंगुः नाय, आउर डिड़ोगोः तनाय, हुनी डिड़ोअ याःते उछलाःते आउर परमेसर आला बड़ाई-यअते, हुंकू लोः बड़े बिनती ओड़ाअ रे सेन नेनाय। 9जामा होड़कु हुनी के दंड़ा-बंड़ान आउर परमेसर आला बा-बड़ाई नेल केते, 10हुनी के चिनहा किदयाकु ची नुई हिनी हेके जे बड़े बिनती ओड़ाअ रेनअः सुन्दर सिनिङ नुमू दुबाःड़े दुड़ूः केते भीख कोय केनाय आउर होना घटना तरअः जे हुनी लोः हुयाव ताहिनेना हुंकू मुरुक मोकाव कोओते छकित ताही नेनाकु।
बड़े बिनती ओड़ाअ रे पतरस समझाव कुआय
11हुनी होड़ पतरस हेतरअ जोहन आला तीः के सःब थिलाआय दो छकित केते होना ओसरा रे, जे सुलेमान आला कहलाआ हुंकू दुबाःड़े नीर हीःग नेनाकु 12पतरस नोःआँ नेल केते हुंकू होड़कु के “ए इसराइली बोकोकु नोःआँ बारे रे एता लःअय चकितोः तनापे, आउर आले पखा नोकान एता लःअय लुड़ीःग दापे, ची आलेगी अपन सवांग तेकर भक्ति रे नुई के दंड़ा बंड़ानोः लकान बनाव तदियाले?” मेन केते हुंकू के बेता लिकुआय। 13#उइठ 3:15अब्राहम आउर इसाहक आउर याकुब आली परमेसर, आले आलकु पुरखाकु आली परमेसर, अपन धाँगड़ ईसु आला महिमा लःअय, जेके आपे सःब ची लियापे आउर जब पिलातुस हुनी के बाबाई लःअय फैसला लःअय, हिमीन रे आपे हुनी दुबाःड़े होना कंहड़ी के कापे मनाव नेना। 14#सं.मत्ती 27:15–23; सं.मर 15:6–14; सं.लुका 23:13–23; सं.जोह 19:12–15आपे हुनी पबितर तेकर धरमी के तुछ लियापे, आउर आपे अपन लःअय मियांड मुरखाहा के आले लःअय बाई गुल ताईमे मेन केते गोहराव नेनापे। 15आउर आपे जिनगी एमोई के गोएःग लियापे, जेके परमेसर गोएःग उनकु मेसे रे जिवीःड लियाय, आउर नोःआँ बात रेनअः आले गोवाह एदान लेआ। 16आउर ईसु आला नुमू रे बिसवास रअः चलते, जे हुनी आला नुमू रे एदनाअ, नुई होड़ के जेके आपे नेल दियापे, आउर पाड़ी होः पाड़ी आपे, सवांग एमा तदियाय हिना बिसवास रअः चलते गी, नुई के जामेकु मड़ांग रे एकदम बेस उनी किदयाय।
17“बोकोकु, ईङ पाड़ी तानिङ, ची आपे आउर आपे आलकु नेताकु होः, बेगर पाड़ी रे नोकान लअकु। 18परमेसर आउर जेके जामे आगमजानीकु आला आहा तरअः पहिल गी कंहड़ी ताही लःअय, जे लकान हुनी आली ख्रीस्त के बिपाईत ऊउठाव ताही नेना, नोःआँ लकान अपन होना बात के पुरा लःअय, 19आपे मन रूवाड़ेपे आउर परमेसर दुबाःड़े रूवाड़ हिजोःपे। जेकर से ची आपे आला पाप मेटाअ। 20जेकर से ची परभु दुबाःड़े तरअः सुख-चैन रआ बेरा हीःग कोआ आउर ईसु के कुलगोःड कियाय, जे पहिल तरअः आपे लःअय ख्रीस्त ठहराव तदियाय। 21नोःआँ जरूरी एदनाअ ची, हुनी सिरमा राईज रे होना बेरा जगुत ताही कोआय, जे बेरा जगुत ची हुनी जामा बात रअः काय सुधराया, जेकर परमेसर अगम जुग-जुग तरअः गी अपन पबितर आगमजानीकु आला आहा तरअः बखनाव तदाय। 22#कन 18:15,18मुसा कंहड़ी तदाय, ‘परभु परमेसर आपे बोकोकु मेसे आपे लःअय ईङ लकान आगमजानी सिरजाव कियाय, जे होः हुनी आपे के कंहड़ीयाय होना के आयुमेपे, 23#कन 18:19बकिर जे होड़, हुनी आगमजानी आला कंहड़ी के एरकु आयुमेआ, परमेसर आलकु होड़कु तरअः आलगे किकुआकु आउर नठाव किकुआकु’ 24आउर समुएल तरअः ईदी केते हुनी तयोम तानकु जगुत, जेतना आगमजानी कंहड़ी लअकु, हुंकू जामा नोःआँ हिला रअः संदेस एम तदाकु। 25#एहेः 22:18आपे आगमजानीकु आलकु बंसवाईर हेके। हिना लःअय होना करार रेनअः जे परमेसर आपे आलकु पुरखा रिनकु लोः तोल ताही लःअय, होना आपे आला गी हेके। हुनी अब्राहम के बेता ताही लियाय, ‘आम आलकु बंसवाईर तरअः धरती रिनकु जामा ओड़ाअ रिनकु आसीस नाम केआकु।’ 26परमेसर अपन धाँगड़ ईसु के, आपे मेसे जामेकु के पाप तरअः मन रूवाड़ केते, आसीस एमोअ लःअय ईसु के निबाड़ केते पहिल रे गी आपे दुबाःड़े कुलगोःड लियाय।”
Attualmente Selezionati:
:
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2023 NLCI CC BY-NC-ND 4.0