रोमीकु 5
5
परमेसर आला दुलार
1हिना लःअय परमेसर आबु आला बिसवास रेनअः चलते आबु के धरमी मनाव तदबुआय। आबु परभु ईसु ख्रीस्त दोवासते परमेसर तरअः मेल एदनाआ। 2ख्रीस्त आबु लःअय होना दया रेनअः दुवार उघड़ाव तदाय, जे आबु के बिसवास तरअः भेटाव ताना। आउर जेकर रे आबु जिविडोआबु आउर परमेसर आला महिमा रेनअः आसरा रे घमंडेआबु। 3निआँ भाईर कोवान बकिर आबु दुख बिपाईत रे होः घमंडेआबु, एता लःअय ची आबु पड़ीआबु ची दुख बिपाईत तरअः धीरज, 4आउर धीरज तरअः परखाव उना चाईल-चकर, आउर परखाव उना चाईल-चकर तरअः आसरा सिरजाआ। 5आसरा बेकार का हुयाआ, एता लःअय ची परमेसर आबु के पबितर आतमा एम तदाय, आउर होना तरअः गी परमेसर आला दुलार आबु आला मन रे दुल लअः एदनाआ।
6एता लःअय ची आबु जे बेरा अबड़ ताही नेनाबु, दो ख्रीस्त सुपट बेरा रे बे भकती कु लःअय गोएःग नेनाय। 7धरमी होड़ लःअय जाहें गोजोए, नोःआँ दो एरे हुयाव सकाआ, सेरे होः हुयाव सकाआ, ची बेस होड़ लःअय जाहें गोजोअः लःअय तेयार जुनोए। 8बकिर आबु पापी गी ताहिनाबु, हिमीन बेरा ख्रीस्त आबु लःअय गोएःग ताहिनाय। नोःआँ तरअः परमेसर देखाव तदाय ची आबु के इकिन दुलार बुआय।
9नहाअः आबु ख्रीस्त आला मयोम रेनअः चलते धरमी पाड़ी नेनाबु, दो हुनी दोवासते परमेसर आला खीस तरअः जरूर गी बंचाव कोआबु। 10एता लःअय ची जे बेरा आबु परमेसर आलकु बैरी ताहिनाबु, दो हुनी अपन होपोन ईसु आला मराईन दोवासते परमेसर तरअः आबु के मेल-जोल लिबुआय, दो नहाअः आबु आला मेल-जोल हुयाव चुकाव ताना, ईसु आला जिनगी तरअः जरूर गी आबु आला उधार हुयाव कोआ। 11निमने भाईर कोवान बकिर आबु अपन परभु ईसु ख्रीस्त रअः दोवासते परमेसर तरअः मेल हुयाव ताना, हिना लःअय परमेसर रे भरोसा दोहो केते घमांडेआबु।
आदम तरअः मराईन आउर ईसु तरअः जिनगी
12 #
एहेः 3:6
हिना लःअय मियांड होड़ तरअः जे लकान दुनिया रे पाप हीःग नेना आउर पाप तरअः मराईन, आउर नोःआँ लकान मराईन जामे होड़ रे हीःग नेना, एता लःअय ची जामे पाप तहिलअकु। 13मुसा आला कनहुन तरअः पहिल दुनिया रे पाप ताही नेना, बकिर कनहुन का ताहिन रेनअः चलते पाप रअः लेखा का दोहो योअ केना। 14सेरे होः आदम तरअः लेई केते मुसा जगुत मराईन जामे रे राईज एकाय केनाय। जे आदम लकान जहान हुकूम तोतोड़ाव तरअः काकु पाप ताही लअः, आदम हिजोअ वाला ख्रीस्त आला चिनहा हेके। 15बकिर परमेसर आला बरदान आउर गुनाह रे एतान होः बराबईर कनोआँ, नोःआँ सच एदनाआ ची मियांड ठुका होड़ आला पाप रेनअः चलते ढेर होड़ गोएःग नाकु, बकिर नोःआँ नतीजा तरअः ढेर जादे महान एदनाआ परमेसर आला दया आउर होना दान, जे मियांड ठुका मनवा ईसु ख्रीस्त आला दया दोवासते ढेर होड़कु के मुरुक जादे भेटाव ताना। 16आदम आला गुनाह आउर परमेसर आला बरदान रे मि लकान कनोआँ, जे मियांड होड़ आला पाप रेनअः चलते “डांड़” रेनअः हुकूम भेटाव नेना, बकिर ढेर पाप रेनअः तयोम जे दान भेटाव ताना, पाप तरअः “छुटकानी” भेटाव ताना। 17एता लःअय ची मियांड ठुका होड़ आला होना गुनाह रेनअः चलते मराईन जामे तेंग रे राईज लःअय, बकिर मियांड होड़ ईसु ख्रीस्त तरअः भेटाव उना दया आउर धरमिकता रेनअः इनाम नाम लिनकु, हुंकू मियांड मनवा तरअः माने कि ईसु ख्रीस्त दोवासते जरूर जिनगी जुग-जुग राईज केआकु।
18हिना लःअय जे लकान मियांड गुनाह रेनअः चलते जामे होड़ के डांड़ रेनअः हुकूम रअः कारन पाड़ी नेना, हिना लकान मियांड धरम रेनअः काम दोवासते जामेकु पाप तरअः धरमी ठहराव नेनाकु, आउर जिनगी भेटाव नेना। 19जे लकान मियांड होड़ आला हुकूम तोतोड़ाव रेनअः चलते जामे पापी ठहराव नेनाकु, हिना लकान मियांड ठुका होड़ आला हुकूम मनाअ रेनअः चलते ढेर होड़ धरमी ठहराव कोआकु। 20तयोम कनहुन भेटाव नेना, नोःआँ तरअः गुनाह बड़हाव नेना, आउर जब पाप बड़हाव नेना दो दया आउर जादे बड़हाव नेना। 21जे लकान पाप मराईन रे राईज लःअय, हिना लकान गी परभु आला दया धरमिकता रअः दोवासते राईजेआय। होना रेनअः जोअ हेके आबु आली ईसु ख्रीस्त दोवासते का-अन्तोः जिनगी पखा इदी बुआय।
Attualmente Selezionati:
रोमीकु 5: ASR
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2023 NLCI CC BY-NC-ND 4.0
रोमीकु 5
5
परमेसर आला दुलार
1हिना लःअय परमेसर आबु आला बिसवास रेनअः चलते आबु के धरमी मनाव तदबुआय। आबु परभु ईसु ख्रीस्त दोवासते परमेसर तरअः मेल एदनाआ। 2ख्रीस्त आबु लःअय होना दया रेनअः दुवार उघड़ाव तदाय, जे आबु के बिसवास तरअः भेटाव ताना। आउर जेकर रे आबु जिविडोआबु आउर परमेसर आला महिमा रेनअः आसरा रे घमंडेआबु। 3निआँ भाईर कोवान बकिर आबु दुख बिपाईत रे होः घमंडेआबु, एता लःअय ची आबु पड़ीआबु ची दुख बिपाईत तरअः धीरज, 4आउर धीरज तरअः परखाव उना चाईल-चकर, आउर परखाव उना चाईल-चकर तरअः आसरा सिरजाआ। 5आसरा बेकार का हुयाआ, एता लःअय ची परमेसर आबु के पबितर आतमा एम तदाय, आउर होना तरअः गी परमेसर आला दुलार आबु आला मन रे दुल लअः एदनाआ।
6एता लःअय ची आबु जे बेरा अबड़ ताही नेनाबु, दो ख्रीस्त सुपट बेरा रे बे भकती कु लःअय गोएःग नेनाय। 7धरमी होड़ लःअय जाहें गोजोए, नोःआँ दो एरे हुयाव सकाआ, सेरे होः हुयाव सकाआ, ची बेस होड़ लःअय जाहें गोजोअः लःअय तेयार जुनोए। 8बकिर आबु पापी गी ताहिनाबु, हिमीन बेरा ख्रीस्त आबु लःअय गोएःग ताहिनाय। नोःआँ तरअः परमेसर देखाव तदाय ची आबु के इकिन दुलार बुआय।
9नहाअः आबु ख्रीस्त आला मयोम रेनअः चलते धरमी पाड़ी नेनाबु, दो हुनी दोवासते परमेसर आला खीस तरअः जरूर गी बंचाव कोआबु। 10एता लःअय ची जे बेरा आबु परमेसर आलकु बैरी ताहिनाबु, दो हुनी अपन होपोन ईसु आला मराईन दोवासते परमेसर तरअः आबु के मेल-जोल लिबुआय, दो नहाअः आबु आला मेल-जोल हुयाव चुकाव ताना, ईसु आला जिनगी तरअः जरूर गी आबु आला उधार हुयाव कोआ। 11निमने भाईर कोवान बकिर आबु अपन परभु ईसु ख्रीस्त रअः दोवासते परमेसर तरअः मेल हुयाव ताना, हिना लःअय परमेसर रे भरोसा दोहो केते घमांडेआबु।
आदम तरअः मराईन आउर ईसु तरअः जिनगी
12 #
एहेः 3:6
हिना लःअय मियांड होड़ तरअः जे लकान दुनिया रे पाप हीःग नेना आउर पाप तरअः मराईन, आउर नोःआँ लकान मराईन जामे होड़ रे हीःग नेना, एता लःअय ची जामे पाप तहिलअकु। 13मुसा आला कनहुन तरअः पहिल दुनिया रे पाप ताही नेना, बकिर कनहुन का ताहिन रेनअः चलते पाप रअः लेखा का दोहो योअ केना। 14सेरे होः आदम तरअः लेई केते मुसा जगुत मराईन जामे रे राईज एकाय केनाय। जे आदम लकान जहान हुकूम तोतोड़ाव तरअः काकु पाप ताही लअः, आदम हिजोअ वाला ख्रीस्त आला चिनहा हेके। 15बकिर परमेसर आला बरदान आउर गुनाह रे एतान होः बराबईर कनोआँ, नोःआँ सच एदनाआ ची मियांड ठुका होड़ आला पाप रेनअः चलते ढेर होड़ गोएःग नाकु, बकिर नोःआँ नतीजा तरअः ढेर जादे महान एदनाआ परमेसर आला दया आउर होना दान, जे मियांड ठुका मनवा ईसु ख्रीस्त आला दया दोवासते ढेर होड़कु के मुरुक जादे भेटाव ताना। 16आदम आला गुनाह आउर परमेसर आला बरदान रे मि लकान कनोआँ, जे मियांड होड़ आला पाप रेनअः चलते “डांड़” रेनअः हुकूम भेटाव नेना, बकिर ढेर पाप रेनअः तयोम जे दान भेटाव ताना, पाप तरअः “छुटकानी” भेटाव ताना। 17एता लःअय ची मियांड ठुका होड़ आला होना गुनाह रेनअः चलते मराईन जामे तेंग रे राईज लःअय, बकिर मियांड होड़ ईसु ख्रीस्त तरअः भेटाव उना दया आउर धरमिकता रेनअः इनाम नाम लिनकु, हुंकू मियांड मनवा तरअः माने कि ईसु ख्रीस्त दोवासते जरूर जिनगी जुग-जुग राईज केआकु।
18हिना लःअय जे लकान मियांड गुनाह रेनअः चलते जामे होड़ के डांड़ रेनअः हुकूम रअः कारन पाड़ी नेना, हिना लकान मियांड धरम रेनअः काम दोवासते जामेकु पाप तरअः धरमी ठहराव नेनाकु, आउर जिनगी भेटाव नेना। 19जे लकान मियांड होड़ आला हुकूम तोतोड़ाव रेनअः चलते जामे पापी ठहराव नेनाकु, हिना लकान मियांड ठुका होड़ आला हुकूम मनाअ रेनअः चलते ढेर होड़ धरमी ठहराव कोआकु। 20तयोम कनहुन भेटाव नेना, नोःआँ तरअः गुनाह बड़हाव नेना, आउर जब पाप बड़हाव नेना दो दया आउर जादे बड़हाव नेना। 21जे लकान पाप मराईन रे राईज लःअय, हिना लकान गी परभु आला दया धरमिकता रअः दोवासते राईजेआय। होना रेनअः जोअ हेके आबु आली ईसु ख्रीस्त दोवासते का-अन्तोः जिनगी पखा इदी बुआय।
Attualmente Selezionati:
:
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2023 NLCI CC BY-NC-ND 4.0