Luc 19
19
Zaqueo iwo lehusek elha
1Jesús nichätho Jericó wet inukwe t'at. 2Wet iche hin'o tä lhey Zaqueo, lham häpe iyhäj tä lechumet impuestos tä Romano lhayis t'alhpe, häp tä laka niyatey elh, wet wuj m'ak tä hiw'en. 3Wet wuj tä t'uhläk hiw'en Jesús, mat tä lham häpe hin'o tä lech'omfwaj, isakanhiyejt'a, häp tä wujpey wichi tä lhaihutej. 4Mat m'ak tä iwoye, inu alhoho tä ichune hal'ä tä iwhäye lhip tä Jesús inukwe, wet taw'ulho yämthilek isakanej tä iyahin. 5Tä Jesús nichäte hal'ätso, wet iyahnejphä wet yok:
–Zaqueo, kelhi nuhchä, tsi fwalana iwohiyet'ak n'am nehi haw'et.
6Tä Zaqueo iläte Jesús, ikelit tä inuhchä, wet wuj tä akäjejlhi tä ichumlä. 7Mat tä wichi hiw'en m'ak tä Jesús iwoye, wuj tä nhumina, wet yok:
–Lhek yahinya, ikastej hin'o tä ni'isa lew'et.
8Wet Zaqueo nephä, wet tahuyej Jesús wet yok:
–Iwuk, athana m'ak tä in'oyej ow'enhihola lechowej häp wichi tä p'elitses. Wet elh tä pajche otiyej otkanyaj, oyachajiyela m'ak tä osoyej wet oy'isiyeja cuatro iyhäj.
9Tä Jesús iläte, wet yok:
–Fwalana Dios ifwayhat hin'ona, lhäy'e lew'et lheley, häp tä lham häte Abraham leles elh t'at. 10Tsi Hin'o Lhäs nek tä t'ukwe lhamel tä tatäywethä, yämthilek ifwayhthen.
Jesús lhämet tä itech'aynej chinaj t'äj tä hin'o hin'äyej lakawos
(Mat 25.14-30)
11Wichi iläte t'at Jesús tä yäme tähestso. Wet tä lham tott'aye t'at Jerusalén, lhamel yenek ayte nämhi Dios Niyatyaj. Tä mälhyej'attso, lham y'isej lhämet tä itech'aynej täja tä yok:
12–Iche p'ante hin'o tä lewujyaj ihi, lham yik tä ihoye honhat elh tä tofwe yämthilek ikatej leniyatyaj wet tapile lew'et. 13Mat tä kamaj neka, t'äne ayej lakawos tä ihi diez wet hiw'enhomche elhpej häp chinaj t'äj tä wuj. Wet ifwenho lhamel wet yok, “Chumyenaylhi täja pajla'tha onäm.” 14Mat wichi tä lew'etfwas n'äyiho, wet tä yik, lhamel ichenche lakachenhay yämthilek ifwel tä wichi tek iwatläk lhayen häpeya laka niyat.
15“Matkat õyachaje t'at leniyatyaj, tä ikatej wet tapile laka honhat. Tä näm, wet t'änehen lakawos tä pajche hin'äyej chinaj t'äj, yämthilek ihanej m'ak tä elhpej ikalheji. 16Wet näm elh tä ichun wet yok, Iwuk, häp aka chinaj t'äj okalheji iyhäj tä ihi diez. 17Niyat nichulho wet yok, Wuj tä is, ahäpe okawo tä lehusek ihi. Tä let'amajej m'ak tä niwujana, aniyatej diez hupuy. 18Wet näm lakawo elh wet yok, Iwuk, häp aka chinaj t'äj okalheji iyhäj tä ihi cinco. 19Niyat nichulho wet yok, Is t'at, tä mälhyejtso aniyatej cinco hupuy.
20“Wet nech'e näm elh wet yok, Iwuk, onachaj ame aka chinaj t'äj, ot'amajejte tä okäfwnhi sak'al lhip. 21Tsi onoway ame tä ahäpe hin'o tä lechumyaj äytajche, wet lechuma m'ak tä tälhe iyhäj lechumet wet lehutwek yachuyaj lhay tä tälhe iyhäj lakäs.
22“Tä niyat iläte lhämettso wet yok, ¡Ahäpe okawo tä ni'isa, ämtestso tamen amej tä oayen tesayej! Tä lehanej tä ohäpe hin'o tä lechumyaj äytajche, wet ochuma m'ak tä tälhe iyhäj lechumet wet ohutwek yachuyaj lhay tä tälhe iyhäj lakäs, 23tä mälhyejtso, ¿chipte tä kahänaye n'aji banco lewos oka chinaj t'äj? Wet tä onäm, lhamel inachajin'e n'oye wet hip'ajthiyejn'e lhip.
24“Wet tahuyej lhamel tä iyej wet yok, ¡Soyej chinaj t'äj tä iyej, w'enho elh tä ikalhi diez! 25Lhamel nichulho wet yok, Iwuk, ¿chipte? Lham pajche hiw'en diez. 26Mat niyat yok, Ofwel amhohen, elh tä hiw'en õy'isiyeja lhip, mat elh tä niw'ena õ'sohiyeja lhimphaj tä iyej. 27Wet häp iyhäj tä itay n'ohlä wet ihuminhit'a che yenn'o häpeya laka niyat, hänay alhoho wet länhen tä ihi tä otayche.”
Jesús nichäte Jerusalén wet wichi iwujyen
(Mat 21.1-11; Mar 11.1-11; Juan 12.12-19)
28Tä Jesús ileyej lhämettso, wet tujlhache len'äyij tä itaye Jerusalén. 29Wet tä tott'aye hupuyhas tä Betfagé lhäy'e Betania tä ihi lhip chenaj tä lhey Oliwachat, ichen täkwfwas lechufwenkay 30wet ifwenho tä yok,
–Mäyay hoyaye häp wichi tä y'attaye l'ini, wet che lechätaye, lew'enla asnofwaj tä õ'nayhit tä kamaj kan'ow'uteya. Lanhila wet chäja alhoho. 31Wet che iche elh che yok, “¿Chipte tä lelanhi?”, olak, “Lhawuk tä iwatlä.”
32Wet lechufwenkay yikhen. Tä nichäte, wet hiw'en mälhyet iwoye tä Jesús ifwenho. 33Wet tä ilanhi asnofwaj, lewuhuy tay'ätshane lhamel wet yok:
–¿Chipte tä lelanhi olhamel olä?
34Lhamel nichulho wet yok:
–Lhawuk tä iwatlä.
35Wet lhamel ichäje Jesús. Tä näme, wet ithatpe lew'uyis wet icheyäspe Jesús yämlek i'pe. 36Wet tä yik, wichi hich'enche lew'uyis häp n'äyij. 37Tä tott'aye n'äyij tä tälhpe chenaj tä Oliwachat, nilhokej wichi tä ihänlhi t'änhen tä akäswethä wet iwunit Dios tä hiw'enpej m'ayhay tä Jesús pajche yenlhi tä iselkatejen lhamel. 38Wet yopejkwe:
–¡Is che Lhawuk itiyej lakäpfwayaj tä is häp Niyat tä näm tä Lhawuk lhämetej!#Sal 118.26 ¡Lewujyaj ihi Dios tä ipuleye tä lhatamsek tälhe!
39Wet elhpej Fariseo tä iyej wichi, tahuyej Jesús wet yok:
–Maestro, ¡fwone aka wichi tä t'änwethä!
40Mat Jesús nichulho wet yok:
–Ofwel amhohen, ¡che yok tam tähestsi, tunteylak t'änwethä!
Jesús tafwlhi tä iyahne Jerusalén
41Tä tott'aye Jerusalén, Jesús tafwlhi tä iyahne 42wet yok:
–¡Che letäfwnhiyej fwalana m'ak tä ihän ame atamsek! Mat athana õ'iskat amho wet lehanhiyejt'ak lew'en. 43Tsi nichätla atapehen fwalas tä atayhfwas ailafwilhila, wet lhaip'ohilhila amej, wet inuhla ame tä lhehi lechowej, 44wet aitäyhthila wet anofwej, lhäy'e ales, wet niwohit tunte che imälhehihila che i'pe elh. Mälhhiyejattso nilhokej m'ayhay tä oyäme, häp tä letäfwenhiyejt'a fwala tä Dios iho ame.
Jesús yokwesphä m'ak tä nit'uhawetayej tä ihi Dios Lew'et
45Tä tajyäme täjtso, Jesús tiyäjo Dios Lew'et wet yokwesphä lhamel tä ihi tä iwom m'ayhay. 46Wet tahuyej tä yok:
–Dios lhämet tä ihi Lehi yok, “Ow'et, n'ot'alhyaj tä lew'et.”#Isa 56.7 ¡Matlhat amel lhenayp'at etantsesw'eta!#Jer 7.11
47Wet nilhokej ifwalas Jesús iwo lechufwenyaja tä ihi Dios Lew'et. Wet sacerdotes tä len'ohyajay ihiche, lhäy'e hin'ol tä lhayen lewosayej Ley p'ante tälhe Moisés, lhäy'e hin'ol tä kalelhäjen, lhamel t'ukwe t'at m'ak che iwoyeje yämlek ilän. 48Mat nilhokhiyet'a, tsi lhämet at che häpe tä lham iwoye, nilhokej wichi wuj tä hich'ahuye.
Attualmente Selezionati:
Luc 19: WCHB
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Biblia Wichí, Dios Lhämtes tä Matchehen © Sociedad Bíblica Argentina, 2002.
Luc 19
19
Zaqueo iwo lehusek elha
1Jesús nichätho Jericó wet inukwe t'at. 2Wet iche hin'o tä lhey Zaqueo, lham häpe iyhäj tä lechumet impuestos tä Romano lhayis t'alhpe, häp tä laka niyatey elh, wet wuj m'ak tä hiw'en. 3Wet wuj tä t'uhläk hiw'en Jesús, mat tä lham häpe hin'o tä lech'omfwaj, isakanhiyejt'a, häp tä wujpey wichi tä lhaihutej. 4Mat m'ak tä iwoye, inu alhoho tä ichune hal'ä tä iwhäye lhip tä Jesús inukwe, wet taw'ulho yämthilek isakanej tä iyahin. 5Tä Jesús nichäte hal'ätso, wet iyahnejphä wet yok:
–Zaqueo, kelhi nuhchä, tsi fwalana iwohiyet'ak n'am nehi haw'et.
6Tä Zaqueo iläte Jesús, ikelit tä inuhchä, wet wuj tä akäjejlhi tä ichumlä. 7Mat tä wichi hiw'en m'ak tä Jesús iwoye, wuj tä nhumina, wet yok:
–Lhek yahinya, ikastej hin'o tä ni'isa lew'et.
8Wet Zaqueo nephä, wet tahuyej Jesús wet yok:
–Iwuk, athana m'ak tä in'oyej ow'enhihola lechowej häp wichi tä p'elitses. Wet elh tä pajche otiyej otkanyaj, oyachajiyela m'ak tä osoyej wet oy'isiyeja cuatro iyhäj.
9Tä Jesús iläte, wet yok:
–Fwalana Dios ifwayhat hin'ona, lhäy'e lew'et lheley, häp tä lham häte Abraham leles elh t'at. 10Tsi Hin'o Lhäs nek tä t'ukwe lhamel tä tatäywethä, yämthilek ifwayhthen.
Jesús lhämet tä itech'aynej chinaj t'äj tä hin'o hin'äyej lakawos
(Mat 25.14-30)
11Wichi iläte t'at Jesús tä yäme tähestso. Wet tä lham tott'aye t'at Jerusalén, lhamel yenek ayte nämhi Dios Niyatyaj. Tä mälhyej'attso, lham y'isej lhämet tä itech'aynej täja tä yok:
12–Iche p'ante hin'o tä lewujyaj ihi, lham yik tä ihoye honhat elh tä tofwe yämthilek ikatej leniyatyaj wet tapile lew'et. 13Mat tä kamaj neka, t'äne ayej lakawos tä ihi diez wet hiw'enhomche elhpej häp chinaj t'äj tä wuj. Wet ifwenho lhamel wet yok, “Chumyenaylhi täja pajla'tha onäm.” 14Mat wichi tä lew'etfwas n'äyiho, wet tä yik, lhamel ichenche lakachenhay yämthilek ifwel tä wichi tek iwatläk lhayen häpeya laka niyat.
15“Matkat õyachaje t'at leniyatyaj, tä ikatej wet tapile laka honhat. Tä näm, wet t'änehen lakawos tä pajche hin'äyej chinaj t'äj, yämthilek ihanej m'ak tä elhpej ikalheji. 16Wet näm elh tä ichun wet yok, Iwuk, häp aka chinaj t'äj okalheji iyhäj tä ihi diez. 17Niyat nichulho wet yok, Wuj tä is, ahäpe okawo tä lehusek ihi. Tä let'amajej m'ak tä niwujana, aniyatej diez hupuy. 18Wet näm lakawo elh wet yok, Iwuk, häp aka chinaj t'äj okalheji iyhäj tä ihi cinco. 19Niyat nichulho wet yok, Is t'at, tä mälhyejtso aniyatej cinco hupuy.
20“Wet nech'e näm elh wet yok, Iwuk, onachaj ame aka chinaj t'äj, ot'amajejte tä okäfwnhi sak'al lhip. 21Tsi onoway ame tä ahäpe hin'o tä lechumyaj äytajche, wet lechuma m'ak tä tälhe iyhäj lechumet wet lehutwek yachuyaj lhay tä tälhe iyhäj lakäs.
22“Tä niyat iläte lhämettso wet yok, ¡Ahäpe okawo tä ni'isa, ämtestso tamen amej tä oayen tesayej! Tä lehanej tä ohäpe hin'o tä lechumyaj äytajche, wet ochuma m'ak tä tälhe iyhäj lechumet wet ohutwek yachuyaj lhay tä tälhe iyhäj lakäs, 23tä mälhyejtso, ¿chipte tä kahänaye n'aji banco lewos oka chinaj t'äj? Wet tä onäm, lhamel inachajin'e n'oye wet hip'ajthiyejn'e lhip.
24“Wet tahuyej lhamel tä iyej wet yok, ¡Soyej chinaj t'äj tä iyej, w'enho elh tä ikalhi diez! 25Lhamel nichulho wet yok, Iwuk, ¿chipte? Lham pajche hiw'en diez. 26Mat niyat yok, Ofwel amhohen, elh tä hiw'en õy'isiyeja lhip, mat elh tä niw'ena õ'sohiyeja lhimphaj tä iyej. 27Wet häp iyhäj tä itay n'ohlä wet ihuminhit'a che yenn'o häpeya laka niyat, hänay alhoho wet länhen tä ihi tä otayche.”
Jesús nichäte Jerusalén wet wichi iwujyen
(Mat 21.1-11; Mar 11.1-11; Juan 12.12-19)
28Tä Jesús ileyej lhämettso, wet tujlhache len'äyij tä itaye Jerusalén. 29Wet tä tott'aye hupuyhas tä Betfagé lhäy'e Betania tä ihi lhip chenaj tä lhey Oliwachat, ichen täkwfwas lechufwenkay 30wet ifwenho tä yok,
–Mäyay hoyaye häp wichi tä y'attaye l'ini, wet che lechätaye, lew'enla asnofwaj tä õ'nayhit tä kamaj kan'ow'uteya. Lanhila wet chäja alhoho. 31Wet che iche elh che yok, “¿Chipte tä lelanhi?”, olak, “Lhawuk tä iwatlä.”
32Wet lechufwenkay yikhen. Tä nichäte, wet hiw'en mälhyet iwoye tä Jesús ifwenho. 33Wet tä ilanhi asnofwaj, lewuhuy tay'ätshane lhamel wet yok:
–¿Chipte tä lelanhi olhamel olä?
34Lhamel nichulho wet yok:
–Lhawuk tä iwatlä.
35Wet lhamel ichäje Jesús. Tä näme, wet ithatpe lew'uyis wet icheyäspe Jesús yämlek i'pe. 36Wet tä yik, wichi hich'enche lew'uyis häp n'äyij. 37Tä tott'aye n'äyij tä tälhpe chenaj tä Oliwachat, nilhokej wichi tä ihänlhi t'änhen tä akäswethä wet iwunit Dios tä hiw'enpej m'ayhay tä Jesús pajche yenlhi tä iselkatejen lhamel. 38Wet yopejkwe:
–¡Is che Lhawuk itiyej lakäpfwayaj tä is häp Niyat tä näm tä Lhawuk lhämetej!#Sal 118.26 ¡Lewujyaj ihi Dios tä ipuleye tä lhatamsek tälhe!
39Wet elhpej Fariseo tä iyej wichi, tahuyej Jesús wet yok:
–Maestro, ¡fwone aka wichi tä t'änwethä!
40Mat Jesús nichulho wet yok:
–Ofwel amhohen, ¡che yok tam tähestsi, tunteylak t'änwethä!
Jesús tafwlhi tä iyahne Jerusalén
41Tä tott'aye Jerusalén, Jesús tafwlhi tä iyahne 42wet yok:
–¡Che letäfwnhiyej fwalana m'ak tä ihän ame atamsek! Mat athana õ'iskat amho wet lehanhiyejt'ak lew'en. 43Tsi nichätla atapehen fwalas tä atayhfwas ailafwilhila, wet lhaip'ohilhila amej, wet inuhla ame tä lhehi lechowej, 44wet aitäyhthila wet anofwej, lhäy'e ales, wet niwohit tunte che imälhehihila che i'pe elh. Mälhhiyejattso nilhokej m'ayhay tä oyäme, häp tä letäfwenhiyejt'a fwala tä Dios iho ame.
Jesús yokwesphä m'ak tä nit'uhawetayej tä ihi Dios Lew'et
45Tä tajyäme täjtso, Jesús tiyäjo Dios Lew'et wet yokwesphä lhamel tä ihi tä iwom m'ayhay. 46Wet tahuyej tä yok:
–Dios lhämet tä ihi Lehi yok, “Ow'et, n'ot'alhyaj tä lew'et.”#Isa 56.7 ¡Matlhat amel lhenayp'at etantsesw'eta!#Jer 7.11
47Wet nilhokej ifwalas Jesús iwo lechufwenyaja tä ihi Dios Lew'et. Wet sacerdotes tä len'ohyajay ihiche, lhäy'e hin'ol tä lhayen lewosayej Ley p'ante tälhe Moisés, lhäy'e hin'ol tä kalelhäjen, lhamel t'ukwe t'at m'ak che iwoyeje yämlek ilän. 48Mat nilhokhiyet'a, tsi lhämet at che häpe tä lham iwoye, nilhokej wichi wuj tä hich'ahuye.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Biblia Wichí, Dios Lhämtes tä Matchehen © Sociedad Bíblica Argentina, 2002.