SAN MATEO 8
8
Ngua'ni Jesús jo'o ji'i̱ sca nu quicha ndyatsu' cuaña'
1Lo'o li' ngua'ya Jesús ca'ya bi'. Quiña'a̱ tsa ñati̱ ndya'a̱ lca'a̱ ji'i̱. 2Lo'o li' ndu'u tucua sca nu quicha slo. Ndyatu̱ sti̱' yu slo ycui' Jesús, cha' nti' yu cuane yu ji'i̱ Jesús cha' cua'ni jo'o ji'i̱ yu, cha' ngusñi quicha ndyatsu' cuaña' ji'i̱ yu bi'.
―Xu'na ―nacui̱ nu quicha bi' ji'i̱ Jesús―, cua'ni jo'o 'na. Jlo ti' na' cha' nchca jinu'u̱ cua'ni nu'u̱ cha' caca lubii cuaña' na'.
3Li' ngutacui ya' Jesús lo nu quicha bi', ngusta ya' su ndyatsu' cuaña' yu.
―Cua'ni na' jo'o jinu'u̱ ―nacui̱ Jesús ji'i̱ nu quicha bi'―. Tyanu lubii cuaña' nu'u̱ juani ―nacui̱.
Hora ti ngua tso'o nu quicha bi', ngua lubii cuaña' yu. 4Xa' nchcui' Jesús lo'o yu li':
―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.
Ngua'ni Jesús jo'o ji'i̱ msu ji'i̱ xu'na sendaru
5Lo'o li' ndyalaa Jesús to' quichi̱ Capernaum. Quichi̱ bi' ndyacua tya'a lo'o sca capitán ji'i̱ sendaru romano nu ndijña ji'i̱ Jesús cha' cua'ni jo'o ji'i̱ sca nu quicha:
6―Xu'na ―nacui̱ capitán bi' ji'i̱ Jesús―, quicha tsa msu 'na. Na ntsiya ti yu to' tyi na' cha' nchcu̱' tyucuí̱ tyucui ña'a̱ yu; ti'í tsa nti' yu.
7Li' nchcui' Jesús lo'o:
―Tsa'a na'. Cua'ni na' cha' tyaca tso'o yu ―nacui̱ Jesús ji'i̱ nu capitán bi'.
8Hora ti nguxacui̱ capitán cha' ji'i̱ Jesús li':
―Xu'na ―nacui̱ yu ji'i̱ Jesús―, ná tso'o tsaa nu'u̱ to' tyi na', cha' si'i ñati̱ tso'o laca na'. Tsa bi' ti cha' nti' na', cha' culo nu'u̱ cña cha' cati̱ quicha bi' tsiya' ti; jlo ti' na' cha' caca tso'o msu 'na li', masi tyijyu' ti tyu̱ nu'u̱ chcui'. 9Xu'na sendaru laca na'; laca na' loo ji'i̱ sca siyento tya'a sendaru, lo'o jua'a̱ ntsu'u nu laca loo jna'. Si culo na' cña ji'i̱ tsaca sendaru bi' ndi'ya̱: “Yaa clya nu'u̱”, hora ti tsaa yu, cha' nti' na' cha' tsaa yu. Jua'a̱ si chcui' na' lo'o chaca yu: “Ca̱a̱ nu'u̱ ca nde”, hora ti ca̱a̱ yu slo na' li'. Jua'a̱ si culo na' cña ji'i̱ msu 'na: “Cua'ni sca cña 'na”, ñacui̱ na' ji'i̱; hora ti cua'ni yu cña bi' 'na ―nacui̱ capitán ji'i̱ Jesús―. Jua'a̱ nu'u̱ ni, jlo ti' na' cha' taca jinu'u̱ culo cña cha' cati̱ quicha bi'.
10Ndube tsa ti' Jesús lo'o ndyuna cha' nu nchcui' capitán bi'. Li' nchcui' Jesús lo'o nu quiña'a̱ tsa ñati̱ nu lca'a̱ ji'i̱:
―Liñi tsa cha' nchcui' na' lo'o ma̱ juani ―nacui̱ Jesús ji'i̱ ngu'―. Bilya ña'a̱ na' tsiya' ti ji'i̱ sca ñati̱ nu tso'o tsa jlya ti' ji'i̱ ycui' Ndyosi, ñi'ya̱ jlya ti' nu capitán re; tyucui ña'a̱ nasiyu̱ Israel re ná ntsu'u ngu' nu jlya ti' jua'a̱. 11Chañi cha' tiya' la tyalaa quiña'a̱ tsa ñati̱ tyijyu', masi ngu' loyuu su ntyucua cuichaa, masi ngu' loyuu su ndyaa cuichaa, tsaa ngu' cha' tyucua ngu' to' mesa ca su laca ycui' Ndyosi loo nde cua̱; stu'ba ti tsaa tucua ngu' to' mesa bi' lo'o jyo'o Abraham lo'o jyo'o Isaac lo'o jyo'o Jacob. 12Lo'o jua'a̱ ntsu'u xa' la ñati̱ nu laca sñi' ycui' Ndyosi nacui̱ ngu', pana ná tyalaa ngu' bi' slo ycui' Ni. Culo Ni cña ji'i̱ xca̱ ji'i̱ Ni cha' tsaa xca̱ xcua̱a̱ ji'i̱ ngu' bi' ca su talya tsa ña'a̱; xi'ya tsa ngu' bi' ca bi', ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' ngu'.
13Li' xa' nchcui' Jesús lo'o nu capitán bi':
―Yaa nu'u̱ to' tyi nu'u̱ lacua ―nacui̱ ji'i̱―. Jlya ti' nu'u̱, bi' cha' cua ndyaca tso'o nu quicha bi' jinu'u̱ juani ti ―nacui̱ Jesús ji'i̱.
Lo'o la cui' hora ngua tso'o msu bi'.
Ngua'ni Jesús jo'o ji'i̱ xtya'a̱ laa Pedro
14Ca tiya' la ndyaa Jesús nde ni'i̱ ji'i̱ Pedro. Li' na'a̱ Jesús cha' na ntsiya ti xtya'a̱ laa Pedro lo qui'ña, cha' tlyu tsa tyique' ntsu'u ji'i̱ ma'. 15Li' ngusta ya' Jesús chu̱' ya' ma' cusu' bi', lo'o hora ti ndyu'u tyique' ji'i̱; ndyatu̱ ma' cusu' bi' li', cha' caque' xi na cacu Jesús lo'o ngu'.
Ngua'ni Jesús jo'o ji'i̱ tyu̱u̱ tya'a ngu' quicha
16Lo'o cua ngusi̱i̱, li' ndyalaa quiña'a̱ ngu' slo Jesús, lijya̱ lo'o ngu' ji'i̱ ngu' quicha nu ngusñi cui'i̱ cuxi ji'i̱. Li' ngulo Jesús cña ji'i̱ cui'i̱ cuxi bi', cha' tyu'utsu' ji'i̱ ngu' quicha; lo'o li' ndyaca tso'o ngu' bi'. Lo'o jua'a̱ ngua'ni Jesús jo'o ji'i̱ lcaa ngu' quicha nu ndya'a̱ slo. 17Jua'a̱ ngua cha' ndyu'u tucua la cui' cha' nu nguscua jyo'o Isaías cua sa'ni la. Ndi'ya̱ nscua cha': “Cua ngua tii ycui' Ni ma nde su ti'í ji'na, lo'o jua'a̱ ñi'ya̱ laca quicha nu ntsu'u ji'na; ngua'ni tye Ni quicha bi', ndyaca tso'o na li'”. Jua'a̱ nscua lo quityi, bi' cha' ndu'ni Jesús jo'o ji'i̱ ngu' quicha.
Ntsu'u ngu' nu nti' tya'a̱ lo'o Jesús
18Lo'o ngua sca tsa̱ na'a̱ Jesús cha' quiña'a̱ tsa ñati̱ ndya'a̱ slo, bi' cha' ngulo yu cña ji'i̱ ngu' tya'a ndya'a̱ yu cha' tsaa lo'o ngu' ji'i̱ ycui' yu ne' yaca ni'i̱ ca chaca tsu' tayu' bi'. 19Lo'o cua tsaa ti ngu', li' ndyalaa sca mstru cha' jo'ó cha' chcui' lo'o Jesús:
―Mstru ―nacui̱ mstru bi' ji'i̱ Jesús―, lo'o na' nta̱' tya'a̱ na' lo'o nu'u̱ lcaa macala su tsaa nu'u̱.
20Nguxacui̱ Jesús cha' ji'i̱ mstru bi' li':
―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.
21Lo'o li' nchcui' chaca nu qui'yu nu ndya'a̱ lo'o Jesús nquicha':
―Cusu' ―nacui̱ yu ji'i̱ Jesús―, ta xi chacuayá' 'na cha' tsa'a na' to' tyi na' cha' ña'a̱si̱i̱ na' ji'i̱ sti na' ña'a̱ cuayá' nu cajaa sti na', cha' xatsi' na' ji'i̱ sti na' clyo. Li' tsa'a̱ la lo'o nu'u̱.
22Li' nguxacui̱ Jesús cha' ji'i̱ yu:
―Tso'o la masi ca̱a̱ lca'a̱ nu'u̱ 'na juani ti ―nacui̱ Jesús ji'i̱―. Tya ntsu'u xi xa' la ñati̱ chalyuu tya'a ma̱ nu taca xatsi' ji'i̱ ñati̱ nu cua ngujuii.
Ngulo Jesús cña ji'i̱ cui'i̱ lo'o ji'i̱ clyoo' lo tayu'
23Lo'o li' ndyatí̱ Jesús ne' yaca ni'i̱ piti; ndyatí̱ ngu' nu ndyaca tsa'a̱ ji'i̱ lo'o, ndu'u ngu' ndyaa ngu' li'. 24Lo'o li' lye tsa ndyaca cui'i̱, lye tsa ndyatu̱ clyoo' lo tayu'; cua quilyu'u ti yaca ni'i̱ bi' ne' hitya xqui'ya clyoo', pana laja' Jesús ntsu'u ne' yaca ni'i̱ bi'. 25Li' nguxtyu'u ngu' tya'a ndya'a̱ ji'i̱ Jesús:
―Cusu' ―nacui̱ ngu' ji'i̱ Jesús―, cua'ni lyaá clya ji'na. Cua quilyu'u ti yaca ni'i̱ re ne' hitya, cajaa na si nti'.
26Li' nguxacui̱ Jesús cha' ji'i̱ ngu' bi':
―¿Ni cha' ntsi̱i̱ tsa ma̱? ―nacui̱ ji'i̱ ngu'―. ¡Xi tsa tyempo ndalo ma̱, cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni cña!
Lo'o li' ndyatu̱ Jesús, nchcui' lo'o cui'i̱ lo'o clyoo' cha' cua'a ji'i̱ cha' bi'; hora ti ngua ti̱ bi' li'. 27Ndube tsa ti' ngu' bi' li', cha' ngua ti̱ tsiya' ti clyoo' lo'o cui'i̱ bi'.
―¿Ti ñati̱ ta laca nu cusu' re? ―nacui̱ ngu' ji'i̱ tya'a ngu'―. Ndaquiya' clyoo' ji'i̱, jua'a̱ nduna cui'i̱ cha' nu nchcui' nu cusu' re lo'o.
Ngua'ni Jesús jo'o ji'i̱ ngu' Gadara nu ngusñi cui'i̱ xña'a̱ ji'i̱
28Lo'o li' ndyalaa ngu' chaca tsu' tayu' nde loyuu ji'i̱ ngu' Gadara. Li' ndyacua tya'a tucua tya'a ngu' quicha lo'o Jesús; ngusñi cui'i̱ xña'a̱ ji'i̱ tyucuaa ngu', bi' cha' tyaala tsa ngu' quicha bi'. Ndi'i̱ ngu' ne' lo'o jyo'o, lo'o jua'a̱ nga'aa nda ngu' chacuayá' tyeje tacui xa' ñati̱ tyucui̱i̱ jua. 29Lo'o li' ngua'ni cui'i̱ xña'a̱ cha' cui̱i̱ tsa ngusi'ya ngu' quicha bi':
―¿Ni cha' ndya'a̱ nu'u̱ slo cua, Jesús? ―nacui̱ ngu' quicha ji'i̱―. Nu'u̱ laca nu sca ti Sñi' ycui' Ndyosi. ¿Ha xcube' nu'u̱ ji'i̱ cua nti' nu'u̱, masi si'i tyempo juani caca cha' nchcube' bi'?
30Lo'o ndejua la xi ndi'i̱ quiña'a̱ tsa cube', ndya'a̱ nclyana ni' na cacu ni'. 31Li' ngua'ni cui'i̱ xña'a̱ bi', cha' ngüijña ngu' quicha chacuayá' ji'i̱ Jesús cuentya ji'i̱ cui'i̱ bi'.
―Jlo ti' ya cha' nti' nu'u̱ culo cui'i̱ nu ntsu'u ji'i̱ ya, cha' cua'ni nu'u̱ jo'o ji'i̱ ya ―nacui̱ ngu' bi' ji'i̱ Jesús―. Bi' cha' ta xi chacuayá' ji'i̱ cui'i̱ cha' tsaa xñi ji'i̱ cube' nu ndya'a̱ jua.
32Li' nda Jesús chacuayá' ji'i̱ cui'i̱ bi':
―Yaa clya ma̱ ―nacui̱ Jesús ji'i̱ cui'i̱ bi'.
Lo'o li' ndyu'utsu' cui'i̱ xña'a̱ ji'i̱ tyucuaa nu quicha bi', ndyaa cui'i̱ bi' ngusñi ji'i̱ cube'. Hora ti ngusna lcaa cube' bi', ngua'ya ni' to' cua'a̱, ndyú ni' ne' hitya tayu', ndyi'o ni' hitya, ngujuii lcaa cube' bi' li'.
33Lo'o na'a̱ ngu' nu ña'a̱si̱i̱ ji'i̱ cube' bi' ñi'ya̱ nu ngua ji'i̱ ni', ndyutsi̱i̱ tsa ngu' li'. Ngusna ngu' ca quichi̱ cha' cacha' ngu' ji'i̱ ngu' quichi̱ ñi'ya̱ nu ngua ji'i̱ ngu' quicha nu ngusñi cui'i̱ xña'a̱ ji'i̱, lo'o jua'a̱ ndacha' ngu' ñi'ya̱ nu ngua ji'i̱ cube' bi'. 34Lo'o ndyuna ngu' quichi̱ cha' bi', ndu'u ngu' ndyaa ngu' slo Jesús. Lo'o ndyacua tya'a ngu' lo'o, li' lye tsa ngüijña ngu' bi' ji'i̱ cha' nga'aa tyanu Jesús loyuu quichi̱ tyi ngu', tyaa yu xa' se'i̱ nti' ngu'.
Attualmente Selezionati:
SAN MATEO 8: cta
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 1981, Wycliffe Bible Translators, Inc. All rights reserved.
SAN MATEO 8
8
Ngua'ni Jesús jo'o ji'i̱ sca nu quicha ndyatsu' cuaña'
1Lo'o li' ngua'ya Jesús ca'ya bi'. Quiña'a̱ tsa ñati̱ ndya'a̱ lca'a̱ ji'i̱. 2Lo'o li' ndu'u tucua sca nu quicha slo. Ndyatu̱ sti̱' yu slo ycui' Jesús, cha' nti' yu cuane yu ji'i̱ Jesús cha' cua'ni jo'o ji'i̱ yu, cha' ngusñi quicha ndyatsu' cuaña' ji'i̱ yu bi'.
―Xu'na ―nacui̱ nu quicha bi' ji'i̱ Jesús―, cua'ni jo'o 'na. Jlo ti' na' cha' nchca jinu'u̱ cua'ni nu'u̱ cha' caca lubii cuaña' na'.
3Li' ngutacui ya' Jesús lo nu quicha bi', ngusta ya' su ndyatsu' cuaña' yu.
―Cua'ni na' jo'o jinu'u̱ ―nacui̱ Jesús ji'i̱ nu quicha bi'―. Tyanu lubii cuaña' nu'u̱ juani ―nacui̱.
Hora ti ngua tso'o nu quicha bi', ngua lubii cuaña' yu. 4Xa' nchcui' Jesús lo'o yu li':
―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.
Ngua'ni Jesús jo'o ji'i̱ msu ji'i̱ xu'na sendaru
5Lo'o li' ndyalaa Jesús to' quichi̱ Capernaum. Quichi̱ bi' ndyacua tya'a lo'o sca capitán ji'i̱ sendaru romano nu ndijña ji'i̱ Jesús cha' cua'ni jo'o ji'i̱ sca nu quicha:
6―Xu'na ―nacui̱ capitán bi' ji'i̱ Jesús―, quicha tsa msu 'na. Na ntsiya ti yu to' tyi na' cha' nchcu̱' tyucuí̱ tyucui ña'a̱ yu; ti'í tsa nti' yu.
7Li' nchcui' Jesús lo'o:
―Tsa'a na'. Cua'ni na' cha' tyaca tso'o yu ―nacui̱ Jesús ji'i̱ nu capitán bi'.
8Hora ti nguxacui̱ capitán cha' ji'i̱ Jesús li':
―Xu'na ―nacui̱ yu ji'i̱ Jesús―, ná tso'o tsaa nu'u̱ to' tyi na', cha' si'i ñati̱ tso'o laca na'. Tsa bi' ti cha' nti' na', cha' culo nu'u̱ cña cha' cati̱ quicha bi' tsiya' ti; jlo ti' na' cha' caca tso'o msu 'na li', masi tyijyu' ti tyu̱ nu'u̱ chcui'. 9Xu'na sendaru laca na'; laca na' loo ji'i̱ sca siyento tya'a sendaru, lo'o jua'a̱ ntsu'u nu laca loo jna'. Si culo na' cña ji'i̱ tsaca sendaru bi' ndi'ya̱: “Yaa clya nu'u̱”, hora ti tsaa yu, cha' nti' na' cha' tsaa yu. Jua'a̱ si chcui' na' lo'o chaca yu: “Ca̱a̱ nu'u̱ ca nde”, hora ti ca̱a̱ yu slo na' li'. Jua'a̱ si culo na' cña ji'i̱ msu 'na: “Cua'ni sca cña 'na”, ñacui̱ na' ji'i̱; hora ti cua'ni yu cña bi' 'na ―nacui̱ capitán ji'i̱ Jesús―. Jua'a̱ nu'u̱ ni, jlo ti' na' cha' taca jinu'u̱ culo cña cha' cati̱ quicha bi'.
10Ndube tsa ti' Jesús lo'o ndyuna cha' nu nchcui' capitán bi'. Li' nchcui' Jesús lo'o nu quiña'a̱ tsa ñati̱ nu lca'a̱ ji'i̱:
―Liñi tsa cha' nchcui' na' lo'o ma̱ juani ―nacui̱ Jesús ji'i̱ ngu'―. Bilya ña'a̱ na' tsiya' ti ji'i̱ sca ñati̱ nu tso'o tsa jlya ti' ji'i̱ ycui' Ndyosi, ñi'ya̱ jlya ti' nu capitán re; tyucui ña'a̱ nasiyu̱ Israel re ná ntsu'u ngu' nu jlya ti' jua'a̱. 11Chañi cha' tiya' la tyalaa quiña'a̱ tsa ñati̱ tyijyu', masi ngu' loyuu su ntyucua cuichaa, masi ngu' loyuu su ndyaa cuichaa, tsaa ngu' cha' tyucua ngu' to' mesa ca su laca ycui' Ndyosi loo nde cua̱; stu'ba ti tsaa tucua ngu' to' mesa bi' lo'o jyo'o Abraham lo'o jyo'o Isaac lo'o jyo'o Jacob. 12Lo'o jua'a̱ ntsu'u xa' la ñati̱ nu laca sñi' ycui' Ndyosi nacui̱ ngu', pana ná tyalaa ngu' bi' slo ycui' Ni. Culo Ni cña ji'i̱ xca̱ ji'i̱ Ni cha' tsaa xca̱ xcua̱a̱ ji'i̱ ngu' bi' ca su talya tsa ña'a̱; xi'ya tsa ngu' bi' ca bi', ca ñasi̱' tsa ngu' ña'a̱ cuayá' nu cacu la'ya ngu' cha' ñasi̱' ngu'.
13Li' xa' nchcui' Jesús lo'o nu capitán bi':
―Yaa nu'u̱ to' tyi nu'u̱ lacua ―nacui̱ ji'i̱―. Jlya ti' nu'u̱, bi' cha' cua ndyaca tso'o nu quicha bi' jinu'u̱ juani ti ―nacui̱ Jesús ji'i̱.
Lo'o la cui' hora ngua tso'o msu bi'.
Ngua'ni Jesús jo'o ji'i̱ xtya'a̱ laa Pedro
14Ca tiya' la ndyaa Jesús nde ni'i̱ ji'i̱ Pedro. Li' na'a̱ Jesús cha' na ntsiya ti xtya'a̱ laa Pedro lo qui'ña, cha' tlyu tsa tyique' ntsu'u ji'i̱ ma'. 15Li' ngusta ya' Jesús chu̱' ya' ma' cusu' bi', lo'o hora ti ndyu'u tyique' ji'i̱; ndyatu̱ ma' cusu' bi' li', cha' caque' xi na cacu Jesús lo'o ngu'.
Ngua'ni Jesús jo'o ji'i̱ tyu̱u̱ tya'a ngu' quicha
16Lo'o cua ngusi̱i̱, li' ndyalaa quiña'a̱ ngu' slo Jesús, lijya̱ lo'o ngu' ji'i̱ ngu' quicha nu ngusñi cui'i̱ cuxi ji'i̱. Li' ngulo Jesús cña ji'i̱ cui'i̱ cuxi bi', cha' tyu'utsu' ji'i̱ ngu' quicha; lo'o li' ndyaca tso'o ngu' bi'. Lo'o jua'a̱ ngua'ni Jesús jo'o ji'i̱ lcaa ngu' quicha nu ndya'a̱ slo. 17Jua'a̱ ngua cha' ndyu'u tucua la cui' cha' nu nguscua jyo'o Isaías cua sa'ni la. Ndi'ya̱ nscua cha': “Cua ngua tii ycui' Ni ma nde su ti'í ji'na, lo'o jua'a̱ ñi'ya̱ laca quicha nu ntsu'u ji'na; ngua'ni tye Ni quicha bi', ndyaca tso'o na li'”. Jua'a̱ nscua lo quityi, bi' cha' ndu'ni Jesús jo'o ji'i̱ ngu' quicha.
Ntsu'u ngu' nu nti' tya'a̱ lo'o Jesús
18Lo'o ngua sca tsa̱ na'a̱ Jesús cha' quiña'a̱ tsa ñati̱ ndya'a̱ slo, bi' cha' ngulo yu cña ji'i̱ ngu' tya'a ndya'a̱ yu cha' tsaa lo'o ngu' ji'i̱ ycui' yu ne' yaca ni'i̱ ca chaca tsu' tayu' bi'. 19Lo'o cua tsaa ti ngu', li' ndyalaa sca mstru cha' jo'ó cha' chcui' lo'o Jesús:
―Mstru ―nacui̱ mstru bi' ji'i̱ Jesús―, lo'o na' nta̱' tya'a̱ na' lo'o nu'u̱ lcaa macala su tsaa nu'u̱.
20Nguxacui̱ Jesús cha' ji'i̱ mstru bi' li':
―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.
21Lo'o li' nchcui' chaca nu qui'yu nu ndya'a̱ lo'o Jesús nquicha':
―Cusu' ―nacui̱ yu ji'i̱ Jesús―, ta xi chacuayá' 'na cha' tsa'a na' to' tyi na' cha' ña'a̱si̱i̱ na' ji'i̱ sti na' ña'a̱ cuayá' nu cajaa sti na', cha' xatsi' na' ji'i̱ sti na' clyo. Li' tsa'a̱ la lo'o nu'u̱.
22Li' nguxacui̱ Jesús cha' ji'i̱ yu:
―Tso'o la masi ca̱a̱ lca'a̱ nu'u̱ 'na juani ti ―nacui̱ Jesús ji'i̱―. Tya ntsu'u xi xa' la ñati̱ chalyuu tya'a ma̱ nu taca xatsi' ji'i̱ ñati̱ nu cua ngujuii.
Ngulo Jesús cña ji'i̱ cui'i̱ lo'o ji'i̱ clyoo' lo tayu'
23Lo'o li' ndyatí̱ Jesús ne' yaca ni'i̱ piti; ndyatí̱ ngu' nu ndyaca tsa'a̱ ji'i̱ lo'o, ndu'u ngu' ndyaa ngu' li'. 24Lo'o li' lye tsa ndyaca cui'i̱, lye tsa ndyatu̱ clyoo' lo tayu'; cua quilyu'u ti yaca ni'i̱ bi' ne' hitya xqui'ya clyoo', pana laja' Jesús ntsu'u ne' yaca ni'i̱ bi'. 25Li' nguxtyu'u ngu' tya'a ndya'a̱ ji'i̱ Jesús:
―Cusu' ―nacui̱ ngu' ji'i̱ Jesús―, cua'ni lyaá clya ji'na. Cua quilyu'u ti yaca ni'i̱ re ne' hitya, cajaa na si nti'.
26Li' nguxacui̱ Jesús cha' ji'i̱ ngu' bi':
―¿Ni cha' ntsi̱i̱ tsa ma̱? ―nacui̱ ji'i̱ ngu'―. ¡Xi tsa tyempo ndalo ma̱, cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni cña!
Lo'o li' ndyatu̱ Jesús, nchcui' lo'o cui'i̱ lo'o clyoo' cha' cua'a ji'i̱ cha' bi'; hora ti ngua ti̱ bi' li'. 27Ndube tsa ti' ngu' bi' li', cha' ngua ti̱ tsiya' ti clyoo' lo'o cui'i̱ bi'.
―¿Ti ñati̱ ta laca nu cusu' re? ―nacui̱ ngu' ji'i̱ tya'a ngu'―. Ndaquiya' clyoo' ji'i̱, jua'a̱ nduna cui'i̱ cha' nu nchcui' nu cusu' re lo'o.
Ngua'ni Jesús jo'o ji'i̱ ngu' Gadara nu ngusñi cui'i̱ xña'a̱ ji'i̱
28Lo'o li' ndyalaa ngu' chaca tsu' tayu' nde loyuu ji'i̱ ngu' Gadara. Li' ndyacua tya'a tucua tya'a ngu' quicha lo'o Jesús; ngusñi cui'i̱ xña'a̱ ji'i̱ tyucuaa ngu', bi' cha' tyaala tsa ngu' quicha bi'. Ndi'i̱ ngu' ne' lo'o jyo'o, lo'o jua'a̱ nga'aa nda ngu' chacuayá' tyeje tacui xa' ñati̱ tyucui̱i̱ jua. 29Lo'o li' ngua'ni cui'i̱ xña'a̱ cha' cui̱i̱ tsa ngusi'ya ngu' quicha bi':
―¿Ni cha' ndya'a̱ nu'u̱ slo cua, Jesús? ―nacui̱ ngu' quicha ji'i̱―. Nu'u̱ laca nu sca ti Sñi' ycui' Ndyosi. ¿Ha xcube' nu'u̱ ji'i̱ cua nti' nu'u̱, masi si'i tyempo juani caca cha' nchcube' bi'?
30Lo'o ndejua la xi ndi'i̱ quiña'a̱ tsa cube', ndya'a̱ nclyana ni' na cacu ni'. 31Li' ngua'ni cui'i̱ xña'a̱ bi', cha' ngüijña ngu' quicha chacuayá' ji'i̱ Jesús cuentya ji'i̱ cui'i̱ bi'.
―Jlo ti' ya cha' nti' nu'u̱ culo cui'i̱ nu ntsu'u ji'i̱ ya, cha' cua'ni nu'u̱ jo'o ji'i̱ ya ―nacui̱ ngu' bi' ji'i̱ Jesús―. Bi' cha' ta xi chacuayá' ji'i̱ cui'i̱ cha' tsaa xñi ji'i̱ cube' nu ndya'a̱ jua.
32Li' nda Jesús chacuayá' ji'i̱ cui'i̱ bi':
―Yaa clya ma̱ ―nacui̱ Jesús ji'i̱ cui'i̱ bi'.
Lo'o li' ndyu'utsu' cui'i̱ xña'a̱ ji'i̱ tyucuaa nu quicha bi', ndyaa cui'i̱ bi' ngusñi ji'i̱ cube'. Hora ti ngusna lcaa cube' bi', ngua'ya ni' to' cua'a̱, ndyú ni' ne' hitya tayu', ndyi'o ni' hitya, ngujuii lcaa cube' bi' li'.
33Lo'o na'a̱ ngu' nu ña'a̱si̱i̱ ji'i̱ cube' bi' ñi'ya̱ nu ngua ji'i̱ ni', ndyutsi̱i̱ tsa ngu' li'. Ngusna ngu' ca quichi̱ cha' cacha' ngu' ji'i̱ ngu' quichi̱ ñi'ya̱ nu ngua ji'i̱ ngu' quicha nu ngusñi cui'i̱ xña'a̱ ji'i̱, lo'o jua'a̱ ndacha' ngu' ñi'ya̱ nu ngua ji'i̱ cube' bi'. 34Lo'o ndyuna ngu' quichi̱ cha' bi', ndu'u ngu' ndyaa ngu' slo Jesús. Lo'o ndyacua tya'a ngu' lo'o, li' lye tsa ngüijña ngu' bi' ji'i̱ cha' nga'aa tyanu Jesús loyuu quichi̱ tyi ngu', tyaa yu xa' se'i̱ nti' ngu'.
Attualmente Selezionati:
:
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 1981, Wycliffe Bible Translators, Inc. All rights reserved.