Quechua, Huallaga - WBT Version (NT) Drama

<div class="version vid1088 iso6393qub" data-vid="1088" data-iso6393="qub">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">Wa&#241;ushanpita Jes&#250;s cawarishan</div><div class="r">(Mat. 28.1-10; Mar. 16.1-8; Juan 20.1-10)</div><div class="p"> 1Chaypita juc sem&#228;namanna gallarej domingu tutalla aywaran Jes&#250;s pamparaycashan cajman, camarishan alli asyaj jampicunata apacurcur. 2Chayananp&#228;ga Jes&#250;s pamparashan uchcu puncuta chaparaj rumi juc-l&#228;man witichishana caycaran. 3Yaycorga Jesuspa cuerpunta mana tarirannachu. 4Chaymi manchacasha ima ruraytapis mana puydiranchu. Chayno carcaycaptinmi ishcaj runacuna achic-achicyaycaj r&#246;pasha &#241;aupancho yurircuran. 5Chaura fiyupa mancharishpan gongurpacur pampaman umpuran. Chay yuripajcunana niran: &#171;&#191;Imanirtaj wa&#241;ojcuna pampar&#228;nanch&#246;ga cawaycajta ashircaycanqui? 6Caych&#246;ga manami cannachu. Maynami cawarisha. Yarpay Galileacho caycashpan cayno nishushayquita: 7&#8249;Noga Destin&#228;du Runaga juchasapa runacunapa munayninman entregashami cashaj crusificam&#228;nanpaj. Crusificamashanpita quimsa junajtaga cawarimush&#228;mi.&#8250; Chay nishushayquin&#246;llami llapanpis caycan.&#187;</div><div class="p"></div><div class="p"> 8Chayno niptinr&#228;mi warmicunaga Jes&#250;s nishanta yarp&#228;riran. 9Jes&#250;s pamparashan cajpita cutiycur willaparan chunca juc apostulcunatawan chaycho caycaj runacunatapis. 10Chay willaj warmicunaga caran Magdalenapita caj Mar&#237;a, Juana, Santiagupa maman Mar&#237;a, waquin ayw&#228;shej warmicunapis. 11&#171;Riguichim&#228;nanch&#239;paj ard&#235;llami nircaycan&#187; nir mana riguiranchu. 12Chaypis Pedroga c&#246;rriylla aywaran Jesusta pampashan cajman. Uchcu ruriman watgaycorga ricaran pitushan tuc&#252;yullatana. Chaura almirasha yarpachacushpan cutiran.</div><div class="s1">Emausman aywarcaycajta Jes&#250;s yuripashan</div><div class="r">(Mar. 16.12-13)</div><div class="p"> 13Chay junajlla Jesuspa ishcaj dis&#239;puluncuna aywarcaycaran Ema&#250;s marcaman. (Ema&#250;s caycaran Jerusalenpitaga ishcay l&#235;wa masllancho). 14Paycunaga aywarcaycaran llapan iman&#246;pis cashanpita parlaraycar. 15Chayno parlar aywarcaycaptinmi Jesusga tariparcur paycunawan iwal aywaran. 16Iwal aywaycaptinpis paycunaga mana rejsiranchu. 17Jes&#250;s tapuran: &#171;&#191;Imata parlartaj aywarcaycanqui?&#187; nir.</div><div class="p">Chayno tapuptin llaquisha aywaycashancho ichiyc&#228;riran. 18Chaura Cleofas jutiy&#246;ga niran: &#171;Pascuaman shamoj runacunapis llapanmi musyan cay junajcuna Jerusalencho ima p&#228;sashantapis. Gamga &#191;manachu musyanqui?&#187;</div><div class="p"> 19Chaura Jes&#250;s tapuran: &#171;&#191;Imataj casha?&#187; nir.</div><div class="p">Paycuna niran: &#171;Nazaret marca runa Jesusmi casha Diosninch&#239;pa munayniyoj prof&#235;tan. Diosninch&#239;pa munayninwan milagrucunata rurashpan llapan runacunata willaparan Tayta Diosninch&#239;pa alli willacuyninta. 20Paytami c&#252;racunapa mandajnincunawan llapan autorid&#228;cuna Pilatuman entregasha crusificaypa wa&#241;uchinanpaj. 21Nogacuna yarpar&#228; Roma runacunapa munayninpita Israelcunata salbananpaj cashantami. Ichanga canan junajwan quimsa junajnami Jes&#250;s wa&#241;ushan. 22Maspis canr&#228;mi: nogacunawan caycaj waquin warmicunami manchac&#228;chimasha. 23Canan tutami aywasha Jesusta pampashan cajman. Pampashancho Jesuspa cuerpunta manashi tarishachu. Wasiman cutiyc&#228;ramur nogacunata willamasha: &#8249;&#161;Anjilcuna yuriparcamashpan &#171;Jes&#250;s cawaycanmi&#187; nimasha!&#8250; nishpan. 24Chaura waquin caj dis&#239;puluncunapis ricaj aywashpan warmicuna willashann&#246;llana Jesuspa cuerpunta mana tarishachu.&#187;</div><div class="p"> 25Chaura Jes&#250;s niran: &#171;Gamcunaga &#191;imanirtaj mana tantiyanquichu? Prof&#235;tacuna willacushantapis &#191;manachu riguinqui? 26&#191;Manachu musyarayqui Tayta Dios cachamushan Cristoga &#241;acarcur-raj Tayta Diospa &#241;aupanman cutinanpaj cashanta?&#187;</div><div class="p"> 27Chayno nircur Jes&#250;s willaparan imano cananp&#228;pis quiquinpaj isquirbiraycashancunata. Tantiyachiran Mois&#233;s isquirbishancunapita gallaycur waquin prof&#235;tacuna isquirbishancama.</div><div class="p"> 28Aywaycashan Ema&#250;s marcaman chayaycaptinna Jesusga paycunapita p&#228;sacoj-tucuran. 29Chaymi paycunaga ruwaypano niran: &#171;Pachaga chacaycannami. Cayllach&#246;na pachacushun.&#187;</div><div class="p">Chaura Jesusga yaycuran paycunawan pachacunanpaj.</div><div class="p"> 30Micunanpaj m&#235;sacho jamarpaycashanch&#246;naga tantata aptarcur Tayta Diosta agrad&#235;sicuran. Nircorga paquirishpan paycunata goran. 31Chayraj paycuna tantiyacuriran Jes&#250;s cashanta. Chaura Jesusga jinan &#246;ra illgac&#228;curan.</div><div class="p"> 32Chaura paycuna quiquin-pura ninacuran: &#171;&#161;Rasuntachari Tayta Diospa palabranta willap&#228;mashaga shongunch&#239;pis fiyupa cushicuran!&#187; nir.</div><div class="p"> 33Chaymi jinan &#246;ra Jerusalenman cutiran. Chayar tariran chunca juc apostulcunata y paycunawan iwal caycaj runacunatapis. 34Chayaptin chaycho caycajcunapis willaparan &#171;Tayta Jesusga rasunpami cawarimusha. Simonta yuripasha&#187; nir.</div><div class="p"> 35Chayno niptin paycunapis willaparan n&#228;ninpa aywarcaycaptin imano cashantapis, tantata paquircuptinraj Jesusta rejsishantapis.</div><div class="s1">Dis&#239;puluncunata Jes&#250;s yuripashan</div><div class="r">(Mat. 28.16-20; Mar. 16.14-18; Juan 20.19-23)</div><div class="p"> 36Chayno nir parlarcaycaptin Jesusga illajpita chaupicho ricacuran. Yurircur &#171;&#161;Gamcunacho alli goyay caycull&#228;chun!&#187; niran.</div><div class="p"> 37Illajpita yurircuptinmi fiyupa mancharir sicsicyarcaycaran almata ricaycashanta yarpar.</div><div class="p"> 38Chaymi Jesusga niran: &#171;&#191;Imanirtaj fiyupa mancharisha carcaycanqui? &#191;Imanirtaj noga cash&#228;ta mana riguinquichu? 39Masqui ricay maqu&#235;ta, chaqu&#235;ta. Nogaga cayc&#228; quiqu&#235;mi. Masqui yatamaypis. Manami almachu c&#228;. Almapaga manami canchu aychan ni tullunpis.&#187;</div><div class="p"> 40Chayno nir maquintawan chaquinta ricachiran. 41Chaura paycuna cushicuyllawan rasunpa cashanta manaraj sumaj riguiptin niran: &#171;&#191;Manachu imallapis can micun&#228;paj?&#187; nir.</div><div class="p"> 42Chaura paycuna gararan juc ped&#228;su cancasha pesc&#228;duta [ab&#235;japa mishquintapis]. 43Chasquircur micuran llapanpa &#241;aupancho. 44Nircurna niran: &#171;Gamcunawan caycashpanchi maynami willapar&#228; llapan cayno cananpaj cashantaga. Mois&#233;s laycunata isquirbishancho, prof&#235;tacuna isquirbishancho, Salmos libruch&#246;pis nogapaj niycashanga llapanmi canan cumlisha.&#187;</div><div class="p"> 45Chayr&#228;mi paycunaga tantiyacuriran Tayta Diospa palabrancho imapaj niycashantapis. Jes&#250;s niran: 46&#171;Isquirbiraycashanch&#246;ga niycan Tayta Dios cachamushan Cristo &#241;acar wa&#241;ushanpita quimsa junajta cawarimunanpaj cashanta. 47Chaycuna cumlishana captinmi runacunata willap&#228;nayqui &#8249;Jucha rurashayquipita arpinticur Tayta Dios munashann&#246;na caway. Chayr&#228;mi llapan jucha rurashayquipita perdunashunqui&#8250; nir. Jerusalenpita gallaycur may-chaypapis aywar llapan runacunata willapanqui. 48Ricashayquicunataga llapanta gamcunami willapanqui. 49Gamcunamanmi cachamushaj Pap&#228;n&#235; aunimashan Esp&#237;ritu Santuta. Cay Jerusalenllacho goyarcaycay Esp&#237;ritu Santuta chasquinayquicama. Paynami yanap&#228;shunquipaj willacuyn&#235;ta willacunayquipaj.&#187;</div><div class="s1">Sy&#235;luman Jes&#250;s cuticushan</div><div class="r">(Mar. 16.19-20)</div><div class="p"> 50Chaypitana Jes&#250;s pusharan Jerusalenpita Betania l&#228;duman. Chaych&#246;na maquinta jogarcur Tayta Diosta ma&#241;acuran paycunata yanap&#228;nanpaj.</div><div class="p"> 51Chayno ma&#241;acuycashallanch&#246;na aywacuran. Aywacuptin sy&#235;lumanna apacuran. 52Paycunaga rispitar adurayc&#228;rir cushisha Jerusalenmanna cuticuran. 53Chaypitanami Tayta Diosta alabananpaj waran-waran Templuman shuntacaj. [Am&#233;n.]</div>
 </div>
 </div>
</div>

Chaypita juc semänamanna gallarej domingu tutalla aywaran Jesús pamparaycashan cajman, camarishan alli asyaj jampicunata apacurcur. Chayananpäga Jesús pamparashan uchcu puncuta chaparaj rumi juc-läman witichishana caycaran. Yaycorga Jesuspa cuerpunta mana tarirannachu. Chaymi manchacasha ima ruraytapis mana puydiranchu. Chayno carcaycaptinmi ishcaj runacuna achic-achicyaycaj röpasha ñaupancho yurircuran. Chaura fiyupa mancharishpan gongurpacur pampaman umpuran. Chay yuripajcunana niran: «¿Imanirtaj wañojcuna pamparänanchöga cawaycajta ashircaycanqui? Caychöga manami cannachu. Maynami cawarisha. Yarpay Galileacho caycashpan cayno nishushayquita: ‹Noga Destinädu Runaga juchasapa runacunapa munayninman entregashami cashaj crusificamänanpaj. Crusificamashanpita quimsa junajtaga cawarimushämi.› Chay nishushayquinöllami llapanpis caycan.»

Chayno niptinrämi warmicunaga Jesús nishanta yarpäriran. Jesús pamparashan cajpita cutiycur willaparan chunca juc apostulcunatawan chaycho caycaj runacunatapis. Chay willaj warmicunaga caran Magdalenapita caj María, Juana, Santiagupa maman María, waquin aywäshej warmicunapis. «Riguichimänanchïpaj ardëllami nircaycan» nir mana riguiranchu. Chaypis Pedroga cörriylla aywaran Jesusta pampashan cajman. Uchcu ruriman watgaycorga ricaran pitushan tucüyullatana. Chaura almirasha yarpachacushpan cutiran.


Chay junajlla Jesuspa ishcaj disïpuluncuna aywarcaycaran Emaús marcaman. (Emaús caycaran Jerusalenpitaga ishcay lëwa masllancho). Paycunaga aywarcaycaran llapan imanöpis cashanpita parlaraycar. Chayno parlar aywarcaycaptinmi Jesusga tariparcur paycunawan iwal aywaran. Iwal aywaycaptinpis paycunaga mana rejsiranchu. Jesús tapuran: «¿Imata parlartaj aywarcaycanqui?» nir.
Chayno tapuptin llaquisha aywaycashancho ichiycäriran. Chaura Cleofas jutiyöga niran: «Pascuaman shamoj runacunapis llapanmi musyan cay junajcuna Jerusalencho ima päsashantapis. Gamga ¿manachu musyanqui?»
Chaura Jesús tapuran: «¿Imataj casha?» nir.
Paycuna niran: «Nazaret marca runa Jesusmi casha Diosninchïpa munayniyoj profëtan. Diosninchïpa munayninwan milagrucunata rurashpan llapan runacunata willaparan Tayta Diosninchïpa alli willacuyninta. Paytami cüracunapa mandajnincunawan llapan autoridäcuna Pilatuman entregasha crusificaypa wañuchinanpaj. Nogacuna yarparä Roma runacunapa munayninpita Israelcunata salbananpaj cashantami. Ichanga canan junajwan quimsa junajnami Jesús wañushan. Maspis canrämi: nogacunawan caycaj waquin warmicunami manchacächimasha. Canan tutami aywasha Jesusta pampashan cajman. Pampashancho Jesuspa cuerpunta manashi tarishachu. Wasiman cutiycäramur nogacunata willamasha: ‹¡Anjilcuna yuriparcamashpan «Jesús cawaycanmi» nimasha!› nishpan. Chaura waquin caj disïpuluncunapis ricaj aywashpan warmicuna willashannöllana Jesuspa cuerpunta mana tarishachu.»
Chaura Jesús niran: «Gamcunaga ¿imanirtaj mana tantiyanquichu? Profëtacuna willacushantapis ¿manachu riguinqui? ¿Manachu musyarayqui Tayta Dios cachamushan Cristoga ñacarcur-raj Tayta Diospa ñaupanman cutinanpaj cashanta?»
Chayno nircur Jesús willaparan imano cananpäpis quiquinpaj isquirbiraycashancunata. Tantiyachiran Moisés isquirbishancunapita gallaycur waquin profëtacuna isquirbishancama.
Aywaycashan Emaús marcaman chayaycaptinna Jesusga paycunapita päsacoj-tucuran. Chaymi paycunaga ruwaypano niran: «Pachaga chacaycannami. Cayllachöna pachacushun.»
Chaura Jesusga yaycuran paycunawan pachacunanpaj.
Micunanpaj mësacho jamarpaycashanchönaga tantata aptarcur Tayta Diosta agradësicuran. Nircorga paquirishpan paycunata goran. Chayraj paycuna tantiyacuriran Jesús cashanta. Chaura Jesusga jinan öra illgacäcuran.
Chaura paycuna quiquin-pura ninacuran: «¡Rasuntachari Tayta Diospa palabranta willapämashaga shongunchïpis fiyupa cushicuran!» nir.
Chaymi jinan öra Jerusalenman cutiran. Chayar tariran chunca juc apostulcunata y paycunawan iwal caycaj runacunatapis. Chayaptin chaycho caycajcunapis willaparan «Tayta Jesusga rasunpami cawarimusha. Simonta yuripasha» nir.
Chayno niptin paycunapis willaparan näninpa aywarcaycaptin imano cashantapis, tantata paquircuptinraj Jesusta rejsishantapis.


Chayno nir parlarcaycaptin Jesusga illajpita chaupicho ricacuran. Yurircur «¡Gamcunacho alli goyay caycullächun!» niran.
Illajpita yurircuptinmi fiyupa mancharir sicsicyarcaycaran almata ricaycashanta yarpar.
Chaymi Jesusga niran: «¿Imanirtaj fiyupa mancharisha carcaycanqui? ¿Imanirtaj noga cashäta mana riguinquichu? Masqui ricay maquëta, chaquëta. Nogaga caycä quiquëmi. Masqui yatamaypis. Manami almachu cä. Almapaga manami canchu aychan ni tullunpis.»
Chayno nir maquintawan chaquinta ricachiran. Chaura paycuna cushicuyllawan rasunpa cashanta manaraj sumaj riguiptin niran: «¿Manachu imallapis can micunäpaj?» nir.
Chaura paycuna gararan juc pedäsu cancasha pescäduta [abëjapa mishquintapis]. Chasquircur micuran llapanpa ñaupancho. Nircurna niran: «Gamcunawan caycashpanchi maynami willaparä llapan cayno cananpaj cashantaga. Moisés laycunata isquirbishancho, profëtacuna isquirbishancho, Salmos libruchöpis nogapaj niycashanga llapanmi canan cumlisha.»
Chayrämi paycunaga tantiyacuriran Tayta Diospa palabrancho imapaj niycashantapis. Jesús niran: «Isquirbiraycashanchöga niycan Tayta Dios cachamushan Cristo ñacar wañushanpita quimsa junajta cawarimunanpaj cashanta. Chaycuna cumlishana captinmi runacunata willapänayqui ‹Jucha rurashayquipita arpinticur Tayta Dios munashannöna caway. Chayrämi llapan jucha rurashayquipita perdunashunqui› nir. Jerusalenpita gallaycur may-chaypapis aywar llapan runacunata willapanqui. Ricashayquicunataga llapanta gamcunami willapanqui. Gamcunamanmi cachamushaj Papänë aunimashan Espíritu Santuta. Cay Jerusalenllacho goyarcaycay Espíritu Santuta chasquinayquicama. Paynami yanapäshunquipaj willacuynëta willacunayquipaj.»


Chaypitana Jesús pusharan Jerusalenpita Betania läduman. Chaychöna maquinta jogarcur Tayta Diosta mañacuran paycunata yanapänanpaj.
Chayno mañacuycashallanchöna aywacuran. Aywacuptin syëlumanna apacuran. Paycunaga rispitar aduraycärir cushisha Jerusalenmanna cuticuran. Chaypitanami Tayta Diosta alabananpaj waran-waran Templuman shuntacaj. [Amén.]

聞く Lucas 24