Ojibwe - 2012 Edition (Syllabic) (NT - Drama)

ᒫᐗᒡ ᓂᑕᒻ ᒋᑆ ᒫᒋᓭᒃ ᐊᑭ ᐋᔕ ᑮᐊᔮ ᐊᐊ ᐃᑭᑐᐎᓐ ᑳᐃᔑᓂᑳᓱᒡ᙮ ᐗᐊ ᑕᔥ ᐃᑭᑐᐎᓐ ᐅᑮᐐᒋᔭᔮᒫᓐ ᐃᓂ ᑭᔐᒪᓂᑑᓐ, ᔑᑾᔥ ᐗᐊ ᐃᑭᑐᐎᓐ ᑮᑭᔐᒪᓂᑑᐎ᙮ ᒦ ᓴ ᑯ ᐗᐊ ᒫᐗᒡ ᓂᑕᒻ ᑳᐱᐐᒌᐙᒡ ᑭᔐᒪᓂᑑᓐ᙮ ᐊᐊ ᑕᔥ ᐃᑭᑐᐎᓐ ᑮᐋᐸᑎᓯ ᑲᑭᓇ ᑫᑰᓐ ᑮᐅᔑᒋᑳᑌᓂᒃ᙮ ᐐᓐ ᐊᓄᑮᓯᑭᐸᓐ ᑳᐐᓐ ᑫᑰᓐ ᑖᑮᐅᔑᒋᑳᑌᓯᓅᓐ ᐃᐃ ᒥᓂᒃ ᑳᑮᐅᔑᒋᑳᑌᒃ᙮ ᐐᓐ ᑳᐅᒋᐱᒫᑎᓯᓈᓂᐗᓂᓂᒃ᙮ ᐅᐅ ᑕᔥ ᐱᒫᑎᓯᐎᓐ ᐅᑮᐲᑕᒫᑯᓈᐙ ᐙᓭᔮ ᑲᑭᓇ ᐯᒫᑎᓯᐙᒡ᙮ ᐃᐃ ᑕᔥ ᐙᓭᔮ ᓵᑳᑌ ᐃᐃᒫ ᑲᔥᑮᑎᐱᑭᓯᐎᓂᕽ᙮ ᔑᑾᔥ ᐃᐃᐌ ᑲᔥᑮᑎᐱᑭᓯᐎᓐ ᑳᐐᓐ ᐐᑳ ᐅᑮᐱᐋᑕᐌᐊᓰᓐ ᐃᐃ ᐙᓭᔮ᙮
ᑮᐱᐊᔮ ᐯᔑᒃ ᐃᓂᓂ ᒞᓐ John ᐁᐃᔑᓂᑳᓱᒡ, ᑭᔐᒪᓂᑑᓐ ᐁᑮᐱ ᐃᔑᓂᔕᐅᑯᒡ᙮ ᒦ ᓴ ᐗᐊ ᑳᑮᐱᐊᔮᒡ ᒋᐐᑕᒫᑫᒡ ᐊᐌᓀᓂᐎᓂᒡ ᐃᓂ ᐙᓭᔮᓐ, ᑲᑭᓇ ᑕᔥ ᐯᒫᑎᓯᓂᒡ ᐐᓐ ᒋᐅᒋᑌᐺᔦᑕᒥᓂᒡ᙮ ᑳᐐᓐ ᒞᓐ ᑮᐋᐎᓰ ᐃᐃᐌ ᐙᓭᔮ᙮ ᐗᐊ ᑕᔥ ᐃᓂᓂ ᑮᐱ ᐃᔑᓂᔕᐙ ᒋᑎᐹᒋᒫᒡ ᐃᓂ ᐙᓭᔮᓐ᙮ ᒦ ᓴ ᐗᐊ ᑌᐹᒋᒥᓐᒡ ᑌᐺ ᒪᔮ ᑾᔭᒃ ᐙᓭᔮ ᐁᐱᑕᑶᔑᕽ ᐅᒫ ᐊᑮᕽ, ᒦ ᐊᐌ ᑳᐙᓭᔥᑲᐙᒡ ᑲᑭᓇ ᑳᐱᒫᑎᓯᓂᒡ ᐊᑮᕽ᙮
ᐅᐅᒫ ᐊᑮᕽ ᑮᐊᔮ ᐊᐊ ᐃᑭᑐᐎᓐ᙮ ᐐᓐ ᑮᐅᒋᐅᔑᒋᑳᑌᓂ ᐊᑮᓂ᙮ ᑳᐐᓐ ᑕᔥ ᐅᑮᑭᑫᓂᒥᑯᓰᐞ ᐅᐅᒫ ᐊᑮᕽ ᑳᐊᔮᓂᒡ᙮ ᐅᑮᐱᐅᑎᑖᓐ ᑎᐱᓇᐌ ᐅᑕᓇᑮᐎᓐ, ᐐᓐ ᑎᐱᓇᐌ ᐅᐐᒋᐅᒌᒫᑲᓇᐞ ᑳᐐᓐ ᐅᑮᐅᑖᐱᓂᑯᓰᐞ᙮ ᑲᑭᓇ ᑕᔥ ᑳᑮᐅᑖᐱᓂᑯᒡ, ᒦᐗᐞ ᑳᑮᑌᐺᔦᓂᒥᑯᒡ, ᐅᑮᒦᓈᐞ ᒋᐅᓃᒑᓂᓯᒥᑯᓂᒡ ᑭᔐᒪᓂᑑᓐ᙮ ᐃᐃᐌ ᑕᔥ ᐁᐅᓃᒑᓂᓯᒥᑯᐙᒡ ᑭᔐᒪᓂᑑᓐ, ᑳᐐᓐ ᐃᐃᒫ ᐃᓂᓃᓈᕽ ᑮᐅᒌᒪᑲᓯᓅᓐ, ᐯᒫᑎᓯᐙᒡ ᐁᐊᔮᓂᑫᓂᑖᐎᑭᐃᑎᐙᒡ᙮ ᑳᐐᓐ ᐃᐃᒫ ᐅᒥᓴᐌᒋᑫᐎᓂᕽ ᐃᓂᓂ ᐁᐐᐅᓃᒑᓂᓯᒡ ᑮᐅᒋᓂᑖᐎᑭᓰᐗᒃ᙮ ᐐᓐ ᑭᔐᒪᓂᑑᓐ ᐅᑮᒦᓂᑯᐙᓐ ᒋᐅᔾᐆᓯᒫᐙᒡ᙮
ᐗᐊ ᐃᑭᑐᐎᓐ ᑮᐱ ᐃᓂᓃᐎ, ᔑᑾᔥ ᑭᑮᐱᐐᒋᔭᔮᒥᑯᓈᓐ ᐁᒨᔥᑭᓀᒡ ᑭᔐᐙᑎᓯᐎᓐ, ᑌᐺᐎᓐ᙮ ᐅᑭᑕᑭᓱᐎᓐ ᑲᔦ ᑭᑮᐙᐸᑕᒧᐙᒥᓐ, ᒦ ᐃᐌ ᐅᑭᑕᑭᓱᐎᓐ ᑳᐅᒋᒦᓂᑯᒡ ᐃᓂ ᐌᔫᓯᒥᒥᓐᒡ, ᐁᒥᒋᐯᔑᑯᒡ ᑳᐅᑯᓯᓯᒥᑯᒡ ᐃᓂ ᐅᑌᑌᓐ᙮
ᒞᓐ ᐅᑮᑎᐹᒋᒫᓐ ᐁᒪᑗᔖᑯᐌᒡ: ᒦᑕᔥ ᐊᐌᑎ ᑳᑮᑎᐹᒋᒪᒃ ᐁᐃᑭᑐᔮᓐ: ᐱᐊᔮᐲᑌᑎ ᑫᐱᓈᐱᔥᑲᐎᒡ ᐊᐎᔭ ᐊᐗᔑᒣ ᑳᑭᒋ ᐃᓀᑖᑯᓯᒡ ᐊᐲᒡ ᓃᓐ᙮ ᐋᔕ ᐋᓃᔥ ᑮᐊᔮ ᒋᑆ ᓂᑖᐎᑭᔮᓐ, ᑮᐃᑭᑐ᙮
ᐐᓐ ᐁᐃᔑᐹᑏᓇᑎᓂᓂᒃ ᐅᑭᔐᐙᑎᓯᐎᓐ ᑲᑭᓇ ᑮᓇᐎᓐᑦ ᑭᑮᐅᒋᔕᐌᓂᒥᑯᓈᓐ, ᐊᔮᑸᑕᐤ ᐁᑮᐱᔕᐌᓂᒥᓇᕽ᙮ ᑭᔐᒪᓂᑑ ᐅᑮᐋᐸᒋᐋᓐ ᐃᓂ ᒨᓯᓲᓐ Moses ᒋᐲᑑᓂᒡ ᐅᓇᔓᐌᐎᓐ᙮ ᒋᓴᔅ Xᑕᓐ ᑕᔥ ᐐᓐ ᐅᑮᐋᐸᒋᐋᓐ ᒋᐙᐸᑕᐃᐌᒡ ᐅᑭᔐᐙᑎᓯᐎᓐ, ᒋᓈᑯᐃᑯᒡ ᑲᔦ ᐋᓃᓐ ᑌᐺ ᐁᔑᐊᔮᒡ᙮ ᑳᐐᓐ ᐊᐎᔭ ᐐᑳ ᐅᑮᐅᒋᐙᐸᒫᓰᓐ ᑭᔐᒪᓂᑑᓐ᙮ ᐊᐊ ᐁᑕ ᐱᔦᔑᑯᒡ ᑳᐅᑯᓯᓯᒫᐎᒡ, ᐐᓐ ᐁᑭᔐᒪᓂᑑᐎᒡ ᑲᔦ ᑳᓵᑭᐃᑯᒡ ᐃᓂ ᐌᔫᓯᒥᒥᓐᒡ, ᐐᓐ ᒪᔮ ᑾᔭᒃ ᐅᑮᑎᐹᒋᒫᓐ ᑭᔐᒪᓂᑑᓐ᙮


ᐋᐱᑎᕽ ᐃᑕᔥ ᑳᓃᑳᓂᓯᐙᒡ ᒎᐗᒃ ᒉᕒᐆᓴᓬᐊᒥᕽ Jerusalem ᑳᐊᔮᐙᒡ ᐅᑮᐃᔑᓂᔕᐙᐙᐞ ᐊᓇᒥᐁᐎᑭᒫᐞ ᑲᔦ ᐊᓇᒥᐁᐗᓄᑮᐋᑲᓇᐞ ᒋᑲᑴᒋᒫᓂᒡ ᒞᓇᓐ John : ᐊᐌᓀᓐ ᑮᓐ? ᒋᐃᓈᓂᒡ᙮
ᒦᔥ ᐃᐃ ᑳᐃᔑᑎᐹᒋᒧᒡ ᒞᓐ, ᑳᐐᓐ ᑮᒪᓈᐃᑭᑐᓰ, ᑾᔭᒃ ᑮᐃᑭᑐ: ᑳᐐᓐ ᓃᓐ ᐃᓂ ᑭᔐᒪᓂᑑ ᑳᑮᐅᓀᓂᒫᒡ ᒋᐱᒫᒋᐃᐌᓂᒡ, ᑮᐃᑭᑐ᙮
ᔑᑾᔥ ᐅᑮᑲᑴᒋᒥᑰᐞ: ᐊᐌᓀᓐ ᐃᑕᔥ ᑮᓐ? ᐃᓬᐋᐃᒐ Elijah ᓇ?
ᒦᑕᔥ ᑳᐃᓈᒡ: ᑳᐐᓐ ᓂᑖᐎᓰ᙮
ᒦᓇᐙᔥ ᐅᑮᐃᑰᐞ: ᑮᓐ ᐃᓇ ᑳᐊᔕᐙᐸᒥᓐᒡ ᑳᐐᐱᑎᐹᒋᒧᐎᓂᓃᐎᒡ?
ᑮᓇᑴᑕᒻ ᐃᑕᔥ: ᑳᐐᓐ᙮
ᒦᓇᐙ ᑕᔥ ᐅᑮᐃᑰᐞ: ᐐᑕᒪᐎᔑᓈᒻ ᐊᐌᓀᓐ ᐁᔮᐎᔭᓐ, ᓂᑲᐐᑕᒪᐙᓈᓂᒃ ᐃᑕᔥ ᑳᐱ ᐃᔑᓂᔕᐅᔭᒥᑣ᙮ ᐋᓃᓐ ᑫᐃᔑᐐᓂᑎᓱᔭᓐ?
ᒞᓐ ᑕᔥ ᑮᐃᑭᑐ:
ᓃᓐ ᐊᐊ ᑳᒪᑗᑌᐱᑖᑯᓯᒡ ᐱᑾᑕᑮᕽ:
ᑾᔭᑾᒧᑕᐎᒃ ᑌᐯᒋᑫᒡ ᐅᑎᔖᐎᓐ!
ᒦ ᐯᔑᑾᓐ ᑳᑮᐃᑭᑐᑯᐸᓀᓐ ᐋᐃᓭᔭ Isaiah ᑭᔐᒪᓂᑑ ᐅᑎᐹᒋᒧᐎᓂᓃᒪᓐ᙮
ᐅᑯᐌᓂᐗᒃ ᐃᑕᔥ ᑳᑮᐱᑲᑴᑗᐙᒡ ᐅᑮᐱᐊᓅᓂᑯᐙᐞ ᐃᐃ ᐯᕒᐊᓰᐞ Pharisees ᙮ ᒦᑕᔥ ᒦᓇᐙ ᑳᐃᔑᑲᑴᒋᒫᐙᒡ ᒞᓇᓐ: ᑮᔥᐱᓐ ᐁᔮᐎᓯᐗᓀᓐ ᑭᔐᒪᓂᑑ ᑳᐅᓈᐸᒫᒡ ᒋᐱᒫᒋᐃᐌᓂᒡ, ᑫᒫ ᐃᓬᐋᐃᒐ ᑫᒫ ᑭᔐᒪᓂᑑ ᐅᑎᐹᒋᒧᐎᓂᓃᒪᓐ, ᐌᑯᓀᓐ ᐌᒋᓰᑲᐊᑖᑫᔭᓐ? ᑮᐃᑭᑐᐗᒃ᙮
ᒞᓐ ᐅᑮᐃᔑᐐᑕᒪᐙᐞ: ᓂᐱ ᓴ ᓃᓐ ᓂᑖᐸᒋᑑᓐ ᐁᓰᑲᐊᑖᑫᔮᓐ᙮ ᐯᔑᒃ ᐃᑕᔥ ᑭᐐᒋᑳᐸᐎᑖᑯᐙ, ᐁᑳ ᑳᑭᑫᓂᒫᓯᐌᒃ᙮ ᒦ ᓴ ᐗᐊ ᑫᐱᑭᑫᑖᑯᓯᒡ ᒋᑭᒋ ᐃᓀᑖᑯᓯᒡ ᐃᔥᒀᐗᓀᑖᑯᓯᔮᓐ᙮ ᑳᐐᓐ ᑕᔥ ᓃᓐ ᓂᑌᐃᓇᑭᓱᓰ ᒋᐋᐸᐊᒧᐗᑭᐸᓐ ᐅᒪᑭᓯᓀᔮᑉ, ᑮᐃᑭᑐ᙮
ᐃᐃᒫ ᑕᔥ ᑮᐱᐊᔨᔑᐌᐸᓐ ᐯᑕᓃᕽ Bethany , ᐌᑎ ᐊᑳᒥᕽ ᒞᕒᑕᓇᐎ ᓰᐲᕽ Jordan ᐆᑌᓇᐌᔅ ᑳᐊᔮᒃ, ᒦᔥ ᐃᐃᒫ ᒞᓐ ᑳᑮᑕᔑᓰᑲᐊᑖᑫᒡ᙮

ᒦᓇᐙ ᑕᔥ ᐁᓂᐙᐸᓂᓂᒃ ᒞᓐ John ᐅᑮᐙᐸᒫᓐ ᒋᓴᓲᓐ ᐁᐱᓈᓯᑳᑯᒡ᙮ ᐅᐅ ᑕᔥ ᑮᐃᑭᑐ: ᐃᓇ ᐊᐌᑎ ᒫᓇᒑᓂᔐᔅ ᑭᔐᒪᓂᑑ ᑫᐅᒋᐴᓀᑕᒪᐙᒡ ᐅᒫ ᐊᑮᕽ ᑳᐊᔮᓂᒡ ᐅᒪᒋ ᐃᔑᐌᐱᓯᐎᓂᓂ᙮ ᒦ ᓴ ᐗᐊ ᑳᑮᐃᓇᒃ: ᓂᑲᐱᓈᐱᔥᑳᒃ ᐊᐊᐌ ᐃᓂᓂ ᑫᐱᑭᑫᑖᑯᓯᒡ, ᐊᐗᔑᒣ ᐁᑭᒋ ᐃᓀᑖᑯᓯᒡ ᐊᐲᒡ ᐃᑕᔥ ᓃᓐ᙮ ᐋᓃᔥ ᐋᔕ ᐐᓐ ᑮᐊᔮ ᒋᑆ ᓂᑖᐎᑭᔮᓐ᙮ ᑳᐐᓐ ᐃᑕᔥ ᒪᔑ ᓂᑮᑭᑫᓂᒫᓰ ᐊᐌᓀᓐ ᐊᐊᐌ ᑫᑎᓄᐎᒡ᙮ ᐅᐅ ᑕᔥ ᑳᑮᐱᐅᒋᓰᑲᐊᑖᑫᔮᓐ ᓂᐱ, ᒋᑭᑫᑕᒨᓇᒀ ᐃᔅᕒᐃᔭᓬ Israel ᐃᓂᓂᐗᒃ ᐊᐌᓀᓇᓐ ᐁᔮᐎᓂᒡ᙮
ᔑᑾᔥ ᐅᑮᐃᔑᑎᐹᒋᒫᓐ ᒞᓐ: ᓂᑮᐙᐸᒥᒫᓐ ᑭᔐᒪᓂᑑᓐ ᐅᑕᒑᑯᓂ ᐁᑮᐱᐅᒋᓈᔕᑮᓂᒡ ᑭᒋᑮᔑᑯᕽ, ᐅᒦᒦᓯᕽ ᐁᐃᔑᓈᑯᓯᓂᒡ ᐁᑮᐴᓃᓴᑖᑯᓂᒡ, ᒦᔥ ᑳᐃᔑᓀᐱᒋᑭᑭᔥᑳᑯᓂᒡ᙮ ᑫᔮᐱ ᑳᐐᓐ ᓂᑖᑮᑭᑫᓂᒫᓰ ᐊᐌᓀᓐ ᑳᑎᓄᐎᒡ᙮ ᐊᐊ ᑕᔥ ᑳᑮᐱ ᐃᔑᓂᔕᐅᒡ ᒋᓰᑲᐊᑖᑫᔮᓐ ᓂᐲᓂ, ᐋᔕ ᒦ ᐅᐌ ᓂᑮᐃᒃ: ᑭᑲᐙᐸᒫ ᐊᐎᔭ ᒋᐴᓃᓴᑖᑯᒡ ᐃᓂ ᐊᒑᑾᓐ, ᓀᐱᒡ ᐃᐃᒫ ᒋᐊᔮᓂᒡ, ᒦ ᐗᐊ ᑫᓰᑲᐊᑖᑳᑫᒡ ᑭᔐᒪᓂᑑᓐ ᐅᑕᒑᑯᓂ, ᓂᑮᐃᒃ᙮ ᓂᑮᐙᐸᑖᓐ, ᒦᑕᔥ ᐌᒋᑎᐹᒋᒪᒃ ᒦ ᐊᐌ ᑳᐅᑯᓯᓯᒥᑯᒡ ᑭᔐᒪᓂᑑᓐ, ᑮᐃᑭᑐ ᒞᓐ᙮

ᒦᓇᐙᔥ ᐁᓂᐙᐸᓂᓂᒃ ᒞᓐ John ᐅᑮᐐᒋᑳᐸᐐᑕᐙᐞ ᓃᔑᓐ ᐅᑭᑭᓄᐊᒪᐙᑲᓇᐞ᙮ ᐅᑮᑲᓇᐙᐸᒫᓐ ᒋᓴᓲᓐ ᐃᐃᒫ ᐁᐱᒧᓭᓂᒡ᙮ ᒦᑕᔥ ᑳᐃᑭᑐᒡ ᒞᓐ: ᐃᓇ ᐃᓂᐌᓂᐗᓐ ᐅᒫᓇᒑᓂᔐᓯᒪᓐ ᑭᔐᒪᓂᑑ ᑳᐅᑎᓇᒫᑫᒡ! ᑮᐃᑭᑐ᙮
ᐃᑭ ᓃᔑᓐ ᑭᑭᓄᐊᒪᐙᑲᓇᒃ ᐅᑮᓅᑕᐙᐙᓐ ᒞᓇᓐ ᐁᑎᐹᒋᒫᓂᒡ ᒋᓴᓲᓐ, ᒦᔥ ᑳᓂ ᐃᔑᐱᒥᓂᔕᐙᐙᒡ ᒋᓴᓲᓐ᙮ ᒦᑕᔥ ᒋᓴᔅ ᑳᐱ ᐃᔑᑴᑭᑳᐸᐎᒡ, ᐁᑲᓇᐙᐸᒫᒡ ᐁᐱᒥᓂᔕᐅᑯᒡ, ᔑᑾ ᐅᑮᐃᓈᐞ: ᐌᑯᓀᓐ ᓀᑕᐙᐸᑕᒣᒃ?
ᒦᔥ ᑳᐃᑯᒡ: ᐅᕒᐋᐹᐃ Rabbi , ᐋᑎ ᐁᔑᑖᔭᓐ? ᐅᑮᐃᑰᐞ᙮ ᐅᐅᐌᔥ ᐅᕒᐋᐹᐃ ᑳᐃᒋᑳᑌᒃ, ᐅᑭᑭᓄᐊᒫᑫ᙮
ᐲᔖᒃ, ᐙᐸᑕᒧᒃ, ᐅᑮᐃᓈᐞ᙮ ᑲᓇᐸᒡ ᐋᔕ ᑮᓃᔪᑎᐸᐃᑲᓀᔮ ᐃ ᐊᐲ᙮ ᐅᑮᐊᓂᐐᒌᐙᐙᓐ ᐃᑕᔥ ᐁᐊᐎᐙᐸᑕᒧᐙᒡ ᐁᔑᑖᓂᒡ᙮ ᐲᓂᔥ ᐃ ᓈᑯᔥ ᐃᑕᔥ ᐅᑮᐐᒌᐙᐙᓐ᙮
ᐅᑯ ᓃᔑᓐ ᐃᓂᓂᐗᒃ ᑳᓅᑕᐙᐙᒡ ᒞᓇᓐ ᑲᔦ ᑳᐱᒥᓂᔕᐙᐙᒡ ᒋᓴᓲᓐ, ᒦ ᐊᐌ ᐯᔑᒃ ᐁᑕᕒᐆ Andrew ᓵᐃᒪᓐ Simon ᐐᒋᑭᐌᔭᓐ᙮ ᑾᔭᒃ ᓴ ᐅᑮᒥᑲᐙᓐ ᓵᐃᒪᓇᓐ ᐐᒋᑭᐌᔭᓐ ᐁᑮᐃᓈᒡ: ᓂᑮᒥᑲᐙᓈᓐ ᐊᐊ ᑭᔐᒪᓂᑑᓐ ᑳᑮᐅᓈᐸᒥᑯᒡ ᒋᐱᒫᒋᐃᐌᒡ, ᐅᑮᐃᓈᓐ᙮ ᒦ ᐅᐌ X ᑳᐃᒋᑳᑌᒃ ᑭᔐᒪᓂᑑ ᑳᑮᐅᓈᐸᒫᒡ᙮ ᒦᑕᔥ ᑳᐃᔑ ᐃᔑᐎᓈᒡ ᐃᓂ ᓵᐃᒪᓇᓐ ᐁᔑᐊᔮᓂᒡ ᒋᓴᓲᓐ᙮ ᒋᓴᔅ ᐃᑕᔥ ᐅᑮᑲᓇᐙᐸᒫᓐ ᓵᐃᒪᓇᓐ, ᒦᑕᔥ ᐁᑮᐃᓈᒡ: ᑮᓐ ᓵᐃᒪᓐ ᐅᑯᓯᓴᓐ ᒞᓐ᙮ ᒦ ᐅᒫ ᐊᑯᓈᒃ ᑭᑲᐃᔑᓂᑳᔅ ᓰᐸᔅ Cephas , ᑮᐃᑭᑐ᙮ ᒦ ᐯᔑᑾᓐ ᐁᑮᐃᔑᓂᑳᓱᒡ ᐲᑕᕒ Peter , ᐊᓯᓐ ᐁᐃᔑᓂᑳᑌᒃ ᐐᓱᐎᓐ᙮

ᒦᓇᐙ ᐁᓂᐙᐸᓂᓂᒃ ᒋᓴᔅ ᑮᐐᐃᔖ ᑳᓬᐊᓬᐄ Galilee ᐊᑮᕽ᙮ ᐅᑮᒥᑲᐙᓐ ᐃᓂ ᐱᓬᐊᐴᓐ Philip ᙮ ᐐᒌᐎᔑᓐ, ᐅᑮᐃᓈᓐ᙮ ᐊᐊᔥ ᐱᓬᐊᑉ ᑮᐅᒌ ᐃᐃᒫ ᐆᑌᓇᐌᓯᕽ ᐯᓭᑕ Bethsaida ᐁᑮᐃᔑᓂᑳᑌᓂᒃ᙮ ᒦ ᐃᐌ ᐯᔑᑾᓐ ᐆᑌᓇᐌᔅ ᑳᐅᒌᐙᒡ ᐁᑕᕒᐆ Andrew ᑲᔦ ᐲᑕᕒ Peter ᙮ ᐱᓬᐊᑉ ᐃᑕᔥ ᐅᑮᒥᑲᐙᓐ ᐃᓂ ᓇᑖᓂᔭᓬᐊᓐ Nathanael , ᒦᔥ ᑳᐃᓈᒡ: ᓂᑮᒥᑲᐙᓈᓐ ᐊᐊ ᑳᑎᐹᒋᒥᓐᒡ ᒨᓯᔅ Moses ᐅᑎᓈᑯᓂᑫᐎᓂᕽ, ᑭᔐᒪᓂᑑ ᑲᔦ ᐅᑎᐹᒋᒧᐎᓂᓃᒪᐞ ᑳᑮᑕᔑᒫᓂᒡ᙮ ᒦ ᓴ ᐗᐊ ᒋᓴᔅ ᓈᓴᕒᐃᑎᕽ Nazareth ᑳᐅᒌᒡ, ᒎᓴᑉ Joseph ᐅᑯᓯᓴᓐ, ᑮᐃᑭᑐ᙮
ᐅᑮᐃᑰᓐ ᐃᑕᔥ ᐃᓂ ᓇᑖᓂᔭᓬᐊᓐ: ᑫᑰᓐ ᐃᓇ ᑖᐅᒌᒪᑲᓐ ᐃᐃᐌ ᐌᓂᔑᔑᕽ ᐃᐃᒫ ᓈᓴᕒᐃᑎᕽ? ᐅᑮᐃᑰᓐ᙮
ᐃᓇᔥᑫ ᐱᐙᐸᒻ, ᐃᑕᔥ ᐅᑮᐃᓈᓐ ᐊᐊ ᐱᓬᐊᑉ᙮
ᒦᔥ ᒋᓴᔅ ᐁᑮᐙᐸᒫᒡ ᓇᑖᓂᔭᓬᐊᓐ ᐁᐱᓈᓯᑳᑯᒡ, ᐅᑮᐃᓈᓐ: ᒦ ᐗᐊ ᑌᐺ ᐃᔅᕒᐃᔭᓬ Israel ᐃᓂᓂ, ᐅᑮᐃᓈᓐ᙮ ᑳᐐᓐ ᑫᑰᓐ ᐅᑭᑭᔥᑳᑯᓰᓐ ᐗᔦᔑᒥᐌᐎᓐ! ᐅᑮᐃᓈᓐ᙮
ᒦᔥ ᑳᐃᔑᑲᓅᓂᑯᒡ ᓇᑖᓂᔭᓬᐊᓐ: ᐁ, ᐋᑎ ᐌᒋᑭᑫᓂᒥᔭᓐ ᐁᓈᑎᓯᔮᓐ?
ᒦᔥ ᐁᔑᓇᑴᑕᐙᒡ: ᒋᑆ ᐊᑐᒥᒃ ᐱᓬᐊᑉ, ᑭᑮᐙᐸᒥᓐ ᑳᑮᓇᒪᑕᐱᔭᓐ ᐃᐃᒫ ᐁᔑᐋᑲᐗᑭᓱᒡ ᔔᒥᓈᑎᒃ, ᐅᑮᐃᓈᓐ᙮
ᒦᔥ ᑳᐃᑯᒡ: ᐅᑭᑭᓄᐊᒫᑫ! ᑮᓐ ᑭᔐᒪᓂᑑ ᐅᑯᓯᓴᓐ! ᑮᓐ ᐃᔅᕒᐃᔭᓬᐊᒃ ᑫᐅᑭᒋᐅᑭᒫᒥᐙᒡ! ᑮᐃᑭᑐ᙮
ᒋᓴᔅ ᐃᑕᔥ ᐅᑮᐃᓈᓐ: ᑭᑑᒋᑌᐺᔦᑕᒻ ᐃᓇ ᐁᑮᐃᓂᓈᓐ ᐁᑮᐙᐸᒥᓈᓐ ᐃᐃᒫ ᐁᔑᐋᑲᐗᑭᓱᒡ ᔔᒥᓈᑎᒃ? ᐊᐗᔑᒣ ᑕᔥ ᑭᑲᐙᐸᑖᓇᓐ ᑫᒋ ᐃᓀᑖᑾᑭᓐ ᐊᐲᒡ ᐃᑕᔥ ᐐᓐ ᐅᐅ ᑳᐙᐸᑕᒪᓐ᙮ ᔑᑾᔥ ᐅᑮᐃᓈᐞ: ᑌᐺ ᑭᐐᑕᒪᐎᓂᓂᒻ ᐅᐅ: ᐱᒌᓇᒃ ᑭᑲᐙᐸᑖᒻ ᑭᒋᑮᔑᒃ ᒋᐹᑭᓂᑳᑌᒃ, ᑲᔦ ᑭᑲᐙᐸᒥᒫᐙᐞ ᑭᔐᒪᓂᑑ ᐅᑌᒐᓬᐃᒪᐞ ᐱᓵᓂᑯ ᐃᔥᐱᒥᕽ ᒋᐃᓈᐲᑲᒧᓂᒡ ᑲᔦ ᒋᐱᐅᑖᐲᑲᒧᓂᒡ ᐃᐃᒫ ᐁᔑᐊᔮᓂᒡ ᐃᓂ ᐃᓂᓂ ᐅᑯᓯᓴᓐ, ᑮᐃᑭᑐ᙮

聞く ᒞᓐ 1