Ibibiliya mu Shimakonde Imbodi Yaambi na dimbande dya Imbodi Yakala

<div class="version vid1174 iso6393kde" data-vid="1174" data-iso6393="kde">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">Kudyuka kumwe Yesu</div><div class="r">Mateu 28:1-10; Malukushi 16:1-8; Nshuwau 20:1-10</div><div class="p"> 1Kanji muliduva litandi lyaishumana linyeiku, vakongwe aval&#225; vand&#237;twala vyakunung'angila vyavapangani&#233;nge avil&#225; kuukanavo kushonga. 2Pavawikile, vand&#237;kodya lijanga lyavadiv&#237;le pantupa v&#224;gang'aladile nnyenje. 3Vakainjile, mili wake Umu Yesu, havakodidye. 4Napanelo vanavo v&#224;shangile shitendo asho, kwashingangala vandy&#250;milila vanu vavili vagwalenge dinguvo dyakumalameta. 5Vakongwe na kujopa kwave kutapangila pai kutwala vanu vavili vo kushidoni, &#8220;Mwaa shani munkunnambela munu mumi pakati pavakupela? 6Nae apa hapali, vanindyuwa. Mwenu kumbukila avil&#225; vyamwaulid&#237;le &#224;vele ku Galileya 7doni, indivaikila Mwana Wamunu vakankamudye kumakono kwavalume vakutega, vankamele panshalaba na muliduva lyantatu adyuke.&#8221;#24:7 Lola 9:22, 44. 8Nadoni vanavo vand&#237;kumbukilinneu malove ake.</div><div class="p"> 9Napanelo pavaumile pashonga kuka kukaja, vand&#237;valanganga avil&#225; vyavagw&#233;ne uti kwa aval&#225; kumi na moja na kwavakwoda vanji. 10Napanelo vakongwe vaid&#237;navo dyabali adyo kwavamyombe vavele ava: Maliya wa ku Magadalena, Shuwana, Maliya anyoke Tiyagu pamo na vakongwe vanji vav&#233;le mushipinga shosho. 11Bai vanavo malove avavalangenge vakongwe havakulupid&#237;le vagwene kuva akudidimanga. 12Kanji Patulu andy&#250;ka atukuta kushonga; akatepe kupandalela nkati amul&#225; agwene ishanda gweka kutwala nae kuujila kukaja ashanga ashil&#225; shitand&#233;ke.</div><div class="s1">Yesu ankulilodya mwindila ya ku Emau</div><div class="r">Malukushi 16:12-13</div><div class="p"> 13Muliduva lyolyo lyo, vakwoda vavili vauka kulikaja lya Emau liv&#233;le mushitamba shavyuluta kenga kumi doni ukauma pa Yelusalemu, 14vashindapita vaulanila vinu uti vitand&#233;ke. 15Napanelo pavashuka vomba mwaa wave na vaudyania, jo mwene Yesu jo kuwika kulijalanianga mushipinga shave kuka shalumo 16kanji vanavo havashimmanya ata padyoko.</div><div class="p"> 17Napanelo nae and&#237;vaudya, &#8220;Da mupita mwaulanila nyamani niindila amu akuno muwena?&#8221; Vanavo kwimilanga v&#224;vele na shipalodi. 18Kutwala munu jumo pakati pave walina Kalaupashi kushidoni, &#8220;Da wako po ni unjeni gweka yako ku Yelusalemu akuno &#250;kamanya vipit&#237;le mumaduva matatu ala?&#8221; 19Nae kushidoni, &#8220;Vyakwashi?&#8221; Vanavo kushidoni, &#8220;Vintand&#233;ke Yesu wa ku Nashaleti munu av&#233;le nk&#250;lava, av&#233;navo vitendo na malove adimongo pamevo pa Nnungu na pamevo pavanu uti. 20Nae vanang'olo vavakulangalalela-shadaka na vakutawala vetu vaninjaula pakulota vamupe ukumu yakupela; nadoni, vaninkamela panshalaba. 21Kanji wetu tund&#237;vanavo lilindilililo lyakuva nae munu wakulota kwambola Ishilaeli; napanelo tangu kutandeka vinu avi nelo apa tunkutenda maduva matatu. 22Kanji napanelo, vakongwe vanji vamushipinga shetu nelo vanditujujuwanga. Vanavo vandy&#250;ka lyamba linyeiku kushonga 23kanji mili havakodidye. Vanavo kuja kwida ndavalanganga kenga na ata momo vand&#237;vona vanjelo vake Nnungu vavili valilodya kwavanavo kutwala vovo vo kwaulanga kenga Yesu mumi. 24Kutwala vavetu vanji vamushipinga shetu kuka koko, navanavo kukadyedya momo mwavaulidile vakongwe kanji Yesu nae havangwene.&#8221;</div><div class="p"> 25Napanelo Yesu kushidoni, &#8220;Shasho! Mwenu mmajinga namene na mmakukakova mmitima pakulota kukulupila uti vyavatangwele vakulava! 26Da haimmaikidile Klistu auvauvange atwale ainjile mulishangelo lyake?&#8221; 27Bai nae mumaandiko uti and&#237;viigwiniya kutunduvangila kumwe Musha na kwavakulava vinu vimw&#225;mba nae.</div><div class="p"> 28Pavawikile pashengo likaja lyavashuka, Yesu and&#237;livika kenga munu &#225;uka mushu na shimwanda shake 29kanji vanavo van&#237;nkanyilidya aikale vaashidoni, &#8220;Pagwa namu wetu popo apa mwaa liduva lindishwa.&#8221; Bai Yesu and&#237;injila nkaja kutwala kwikanavo. 30Napanelo pavaikalenge kulya shakulya, nae and&#237;twala ligung'u kwalaliya kumajanianga kutwala kuvapa. 31Muwakati wowo vanavo kung'amukanga kutwala kummanya kanji nae and&#237;valambaleka. 32Bai vanavo vandy&#225;ulanila, &#8220;Da mitima vyetu havishitubuka pashitutangalela niindila atwigwiniya Maandiko?&#8221;</div><div class="s1">Yesu ankulilodya kavili kwavakwoda</div><div class="r">Nshuwau 20:19-23</div><div class="p"> 33Kutwala vanavo muwakati wowo kutakatukanginneu kuujila ku Yelusalemu; ako vand&#237;vakodya kumi na moja aval&#225; na vanu vanji v&#224;kadyanienge pashinu pamo 34vaashidoni, &#8220;Mwenu, Umu andidyuka mwiu! Simoni jo andimwona shana mwene.&#8221; 35Namomo aval&#225; vakwoda vavili, navanavo vand&#237;valanganga vivatand&#233;ke niindila na kuvalanganga kenga van&#237;mmanya kwaindila yashimajanidyo shaligung'u.</div><div class="p"> 36Vanavo vavalanganga vinu avi, jo mwene Yesu vangwen&#233; vila &#224;imidile shing'ati shave kutwala kuvaulila doni, &#8220;Amani ipagwe namu mwenu.&#8221; 37Kanji vanavo vand&#237;shushukanga na vand&#237;jopa mwaa vashimwona kenga lyoka 38kutwala nae kushidoni, &#8220;Mwaa shani munkushanga namene na munkuvanavo makumbukililo alo mmitima vyenu? 39Lola manda angu na madodo angu; nangu ninene. Ngukamulanga mwamini mwaa lyoka halinavanavo mili na magwangwa kenga mwamungwanela nangu.&#8221; 40Akatangole davo, and&#237;valodya manda na madodo ake. 41Kanji vanavo pavakakulupila mwaa walipuwilo na vashanga, Yesu and&#237;vaudya, &#8220;Da mundivanavo shinu shoeshoe shakulya?&#8221; 42Vanavo kumupa shipande shayomba wakunjanikila 43nae kumamena vanavo vannola.</div><div class="s1">Malailililo amwisho</div><div class="r">Mateu 28:16-20; Malukushi 16:14-18; Vitendo 1:6-8</div><div class="p"> 44Kutwala kuvaulila doni, &#8220;Vitand&#233;ke avi ni avil&#225; vyanishipita nimmalangangila mwenu t&#249;vele shalumo kenga indivaikila vinu uti vyandik&#237;gwe mu Lilamulo lyake Musha, mu Vakulava na mu Dimu vingw&#225;mba nangu, vitandeke.&#8221; 45Bai and&#237;vaungula myuti pakulota vaigwe shana Maandiko 46kutwala kuvaulila doni, &#8220;Vandyandika doni, indivaikila Klistu apele kutwala muliduva lyantatu adyuke pakati pavakupela 47na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu. 48Vinu vyovyo avi mwenu ni mmashuda. 49Mwenu! Nangu nampalakadyedya shalivikile Atata kanji mwenu pagwa po pa Yelusalemu apa mpaka mupate dimongo dyakwaloka kushanya.&#8221;</div><div class="s1">Yesu ankutanduligwa kuka kuwa</div><div class="r">Malukushi 16:19; Vitendo 1:9-11</div><div class="p"> 50Kutwala apo and&#237;vaukanavo ku Betaniya kutwala kuvanyaladyedya makono kuvaalaliya. 51Avaalaliya nae and&#237;vanyema kutanduligwa kuka kuwa. 52Vanavo mulyutu alyo vand&#237;lipudya kwake nae kutwala kuujila ku Yelusalemu vapuwanga namene. 53Vanavo ngwengwe vashindapagwa mwing'ande ya Nnungu vantumbyanga Nnungu.</div>
 </div>
 </div>
</div>

Kanji muliduva litandi lyaishumana linyeiku, vakongwe avalá vandítwala vyakunung'angila vyavapanganiénge avilá kuukanavo kushonga. Pavawikile, vandíkodya lijanga lyavadivíle pantupa vàgang'aladile nnyenje. Vakainjile, mili wake UMU Yesu, havakodidye. Napanelo vanavo vàshangile shitendo asho, kwashingangala vandyúmilila vanu vavili vagwalenge dinguvo dyakumalameta. Vakongwe na kujopa kwave kutapangila pai kutwala vanu vavili vo kushidoni, “Mwaa shani munkunnambela munu mumi pakati pavakupela? Nae apa hapali, vanindyuwa. Mwenu kumbukila avilá vyamwaulidíle àvele ku Galileya doni, indivaikila Mwana Wamunu vakankamudye kumakono kwavalume vakutega, vankamele panshalaba na muliduva lyantatu adyuke.” Nadoni vanavo vandíkumbukilinneu malove ake.
Napanelo pavaumile pashonga kuka kukaja, vandívalanganga avilá vyavagwéne uti kwa avalá kumi na moja na kwavakwoda vanji. Napanelo vakongwe vaidínavo dyabali adyo kwavamyombe vavele ava: Maliya wa ku Magadalena, Shuwana, Maliya anyoke Tiyagu pamo na vakongwe vanji vavéle mushipinga shosho. Bai vanavo malove avavalangenge vakongwe havakulupidíle vagwene kuva akudidimanga. Kanji Patulu andyúka atukuta kushonga; akatepe kupandalela nkati amulá agwene ishanda gweka kutwala nae kuujila kukaja ashanga ashilá shitandéke.


Muliduva lyolyo lyo, vakwoda vavili vauka kulikaja lya Emau livéle mushitamba shavyuluta kenga kumi doni ukauma pa Yelusalemu, vashindapita vaulanila vinu uti vitandéke. Napanelo pavashuka vomba mwaa wave na vaudyania, jo mwene Yesu jo kuwika kulijalanianga mushipinga shave kuka shalumo kanji vanavo havashimmanya ata padyoko.
Napanelo nae andívaudya, “Da mupita mwaulanila nyamani niindila amu akuno muwena?” Vanavo kwimilanga vàvele na shipalodi. Kutwala munu jumo pakati pave walina Kalaupashi kushidoni, “Da wako po ni unjeni gweka yako ku Yelusalemu akuno úkamanya vipitíle mumaduva matatu ala?” Nae kushidoni, “Vyakwashi?” Vanavo kushidoni, “Vintandéke Yesu wa ku Nashaleti munu avéle nkúlava, avénavo vitendo na malove adimongo pamevo pa Nnungu na pamevo pavanu uti. Nae vanang'olo vavakulangalalela-shadaka na vakutawala vetu vaninjaula pakulota vamupe ukumu yakupela; nadoni, vaninkamela panshalaba. Kanji wetu tundívanavo lilindilililo lyakuva nae munu wakulota kwambola Ishilaeli; napanelo tangu kutandeka vinu avi nelo apa tunkutenda maduva matatu. Kanji napanelo, vakongwe vanji vamushipinga shetu nelo vanditujujuwanga. Vanavo vandyúka lyamba linyeiku kushonga kanji mili havakodidye. Vanavo kuja kwida ndavalanganga kenga na ata momo vandívona vanjelo vake Nnungu vavili valilodya kwavanavo kutwala vovo vo kwaulanga kenga Yesu mumi. Kutwala vavetu vanji vamushipinga shetu kuka koko, navanavo kukadyedya momo mwavaulidile vakongwe kanji Yesu nae havangwene.”
Napanelo Yesu kushidoni, “Shasho! Mwenu mmajinga namene na mmakukakova mmitima pakulota kukulupila uti vyavatangwele vakulava! Da haimmaikidile Klistu auvauvange atwale ainjile mulishangelo lyake?” Bai nae mumaandiko uti andíviigwiniya kutunduvangila kumwe Musha na kwavakulava vinu vimwámba nae.
Pavawikile pashengo likaja lyavashuka, Yesu andílivika kenga munu áuka mushu na shimwanda shake kanji vanavo vanínkanyilidya aikale vaashidoni, “Pagwa namu wetu popo apa mwaa liduva lindishwa.” Bai Yesu andíinjila nkaja kutwala kwikanavo. Napanelo pavaikalenge kulya shakulya, nae andítwala ligung'u kwalaliya kumajanianga kutwala kuvapa. Muwakati wowo vanavo kung'amukanga kutwala kummanya kanji nae andívalambaleka. Bai vanavo vandyáulanila, “Da mitima vyetu havishitubuka pashitutangalela niindila atwigwiniya Maandiko?”


Kutwala vanavo muwakati wowo kutakatukanginneu kuujila ku Yelusalemu; ako vandívakodya kumi na moja avalá na vanu vanji vàkadyanienge pashinu pamo vaashidoni, “Mwenu, UMU andidyuka mwiu! Simoni jo andimwona shana mwene.” Namomo avalá vakwoda vavili, navanavo vandívalanganga vivatandéke niindila na kuvalanganga kenga vanímmanya kwaindila yashimajanidyo shaligung'u.
Vanavo vavalanganga vinu avi, jo mwene Yesu vangwené vila àimidile shing'ati shave kutwala kuvaulila doni, “Amani ipagwe namu mwenu.” Kanji vanavo vandíshushukanga na vandíjopa mwaa vashimwona kenga lyoka kutwala nae kushidoni, “Mwaa shani munkushanga namene na munkuvanavo makumbukililo alo mmitima vyenu? Lola manda angu na madodo angu; nangu ninene. Ngukamulanga mwamini mwaa lyoka halinavanavo mili na magwangwa kenga mwamungwanela nangu.” Akatangole davo, andívalodya manda na madodo ake. Kanji vanavo pavakakulupila mwaa walipuwilo na vashanga, Yesu andívaudya, “Da mundivanavo shinu shoeshoe shakulya?” Vanavo kumupa shipande shayomba wakunjanikila nae kumamena vanavo vannola.


Kutwala kuvaulila doni, “Vitandéke avi ni avilá vyanishipita nimmalangangila mwenu tùvele shalumo kenga indivaikila vinu uti vyandikígwe mu Lilamulo lyake Musha, mu Vakulava na mu Dimu vingwámba nangu, vitandeke.” Bai andívaungula myuti pakulota vaigwe shana Maandiko kutwala kuvaulila doni, “Vandyandika doni, indivaikila Klistu apele kutwala muliduva lyantatu adyuke pakati pavakupela na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu. Vinu vyovyo avi mwenu ni mmashuda. Mwenu! Nangu nampalakadyedya shalivikile Atata kanji mwenu pagwa po pa Yelusalemu apa mpaka mupate dimongo dyakwaloka kushanya.”


Kutwala apo andívaukanavo ku Betaniya kutwala kuvanyaladyedya makono kuvaalaliya. Avaalaliya nae andívanyema kutanduligwa kuka kuwa. Vanavo mulyutu alyo vandílipudya kwake nae kutwala kuujila ku Yelusalemu vapuwanga namene. Vanavo ngwengwe vashindapagwa mwing'ande ya Nnungu vantumbyanga Nnungu.

聞く Lukashi 24