<div class="version vid1549 iso6393csk" data-vid="1549" data-iso6393="csk">
    <div class="book bkJHN">
        <div class="chapter chINTRO1" data-usfm="JHN.INTRO1">
            <div class="imt1"><span class="content">Wahawu w&#225;amimuu li &#233;liibalayi inye</span></div><div class="ip"><span class="content">El&#237;ibalayi inye Sa&#331; akiic yo, alakomuu &#225;goom ata Y&#233;esu. Sa&#331; asuwif, Sebede abukool. Bulokabu boola jambaal siwol. Lalollob li &#233;liibalayi inye aane akila ammuu &#8220;&#225;goomawu an Y&#233;esu afa&#241;umuu.&#8221; Hulimahu H&#225;suumaahu hata Y&#233;esu, Sa&#331; lakikkiic ho b&#250;ti li buu M&#225;ciya, Maak li L&#237;k kukiic homuu. Baje wah li kulim kan Sa&#331; akiice kalet li Hulimahu H&#225;suumaahu han kaabuku kukiicumuu. Sa&#331; okila ammuu &#225;sola li bukanabuku kakiicumuu Hulimahu H&#225;suumaahu.</span></div><div class="ip"><span class="content">Sa&#331; lafanfa&#241; &#331;&#225;a&#8217; kulimaku kalobeyimuu kat l&#243;. Li ajok wahawu wammuu t&#233;etiwolaal ban li unaak ujuki hunakoohunak loon b&#250;hiisenum bata macolamu mayolimuu. Wahawu wan a&#331;alemuu min &#225;hiis macolamu mayolimuu wo wommuu: mawu&#331;aamu li &#233;limayi, malamu li bunukabu, h&#250;mbuulu li amata, bulo&#331;abu li b&#250;bii&#241;. Li Hulimahu unhu H&#225;suumaahu li hata Sa&#331; bale Y&#233;esu aanumuu &#8220;Inj&#233;, &#237;nje emmuu&#8221; (13:19), yo yommuu &#8220;Inj&#233; emmuu Ateemit&#8221;. Li &#233;liibalayi yata Sa&#331;, lakomuu mata wah w&#225;hiise ayi ammuu Y&#233;esu, li ahoo&#241; wo &#8220;b&#250;hiisenum&#8221;. Sa&#331; lakankaan mo mata boot li akila, inti eeniseen wah wabaje j&#225;li&#331; bale li anawu afakenimuu, bale wahawu wata mal&#805;egen wan b&#250;hiisenumabu bufa&#241;umuu min &#233;sukayi ehaas, wo wommuu: Afakenaawu ummu li bulok.</span></div><div class="ip"><span class="content">Sa&#331; bale akiice mata wah walobe mata h&#250;kitumahu hata adunaayi, tan &#225;kitummuu &#233;liibalayi yoola. Lalollob mata h&#250;kitumahu min &#225;hiis kaanaku Y&#233;esu ammuu hulimahu hata Ateemit (Sa&#331; 1:1). Li hulimahu unhu Ateemit &#225;kaanummuu etaamayi feh (1:3), ban mu&#241;e&#712;e hulimahu li hulaa&#241; hulako an (1:14).</span></div><div class="ip"><span class="content">Bukanabuku kata Gilees k&#225;jallomuu, k&#250;hihhiis foof sembaasu san hulimahu hubajumuu, ban li k&#250;naanum mata emitayi li etaamayi. Iyilo lako Sa&#331; lafanfa&#241; min alobiil mata Y&#233;esu li kulim kan kuhaase, min k&#250;jowum t&#243; k&#250;naanum kaanaku Y&#233;esu Afakenaawu ooliil foof laam. Sa&#331; li alob set wahawu w&#225;jimuu li akiic Hulimahu H&#225;suumaahu boot li bukanabuku kammuu li kujanga ho, lako kusuwifaku mantee foof kata Gilees: &#171;Bale wahawu wakiicimuu li &#233;liibalayi inye, ukiicikiic mantee li j&#237;yinen kaanaku Y&#233;esu ammuu </span><span class="w"><span class="content">Kilisita</span></span><span class="content">, okila ammuu A&#241;iilawu ata Ateemit. Ban j&#237;yinenumuu li akila, fan j&#237;bajum bulo&#331;abu li kajawuku koola (Sa&#331; 20:31).&#187;</span></div>
        </div>
    </div>
</div>

Wahawu wáamimuu li éliibalayi inye
Elíibalayi inye Saŋ akiic yo, alakomuu ágoom ata Yéesu. Saŋ asuwif, Sebede abukool. Bulokabu boola jambaal siwol. Lalollob li éliibalayi inye aane akila ammuu “ágoomawu an Yéesu afañumuu.” Hulimahu Hásuumaahu hata Yéesu, Saŋ lakikkiic ho búti li buu Máciya, Maak li Lík kukiic homuu. Baje wah li kulim kan Saŋ akiice kalet li Hulimahu Hásuumaahu han kaabuku kukiicumuu. Saŋ okila ammuu ásola li bukanabuku kakiicumuu Hulimahu Hásuumaahu.
Saŋ lafanfañ ŋáa’ kulimaku kalobeyimuu kat ló. Li ajok wahawu wammuu téetiwolaal ban li unaak ujuki hunakoohunak loon búhiisenum bata macolamu mayolimuu. Wahawu wan aŋalemuu min áhiis macolamu mayolimuu wo wommuu: mawuŋaamu li élimayi, malamu li bunukabu, húmbuulu li amata, buloŋabu li búbiiñ. Li Hulimahu unhu Hásuumaahu li hata Saŋ bale Yéesu aanumuu “Injé, ínje emmuu” (13:19), yo yommuu “Injé emmuu Ateemit”. Li éliibalayi yata Saŋ, lakomuu mata wah wáhiise ayi ammuu Yéesu, li ahooñ wo “búhiisenum”. Saŋ lakankaan mo mata boot li akila, inti eeniseen wah wabaje jáliŋ bale li anawu afakenimuu, bale wahawu wata mal̥egen wan búhiisenumabu bufañumuu min ésukayi ehaas, wo wommuu: Afakenaawu ummu li bulok.
Saŋ bale akiice mata wah walobe mata húkitumahu hata adunaayi, tan ákitummuu éliibalayi yoola. Lalollob mata húkitumahu min áhiis kaanaku Yéesu ammuu hulimahu hata Ateemit (Saŋ 1:1). Li hulimahu unhu Ateemit ákaanummuu etaamayi feh (1:3), ban muñeˈe hulimahu li hulaañ hulako an (1:14).
Bukanabuku kata Gilees kájallomuu, kúhihhiis foof sembaasu san hulimahu hubajumuu, ban li kúnaanum mata emitayi li etaamayi. Iyilo lako Saŋ lafanfañ min alobiil mata Yéesu li kulim kan kuhaase, min kújowum tó kúnaanum kaanaku Yéesu Afakenaawu ooliil foof laam. Saŋ li alob set wahawu wájimuu li akiic Hulimahu Hásuumaahu boot li bukanabuku kammuu li kujanga ho, lako kusuwifaku mantee foof kata Gilees: «Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawuku koola (Saŋ 20:31).»

聞く Saŋ Wahawu wáamimuu li éliibalayi inye