Quechua Ambo-Pasco - WBT Version (Non-Drama NT)

Quechua Ambo-Pasco - WBT Version (Drama NT)

<div class="version vid1769 iso6393qva" data-vid="1769" data-iso6393="qva">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Nicodemuwan Jes&#250;s parlangan</div><div class="p"> 1Juc fariseo runam caran Nicodemo jutiyog. Payga Israel runacunapa autorid&#228;ninmi caran. 2Paymi chacaylapa Jes&#250;s watucog aywaran. Chaychr&#252;mi niran: &#8220;Maestro, manam pipis gamnuy milagrucunata ruranchu paywan Tayta Dios mana captinga. Chaymi musyap&#228;c&#252; yachrachip&#228;cam&#228;nayquipag Tayta Dios cachramushungayquita&#8221;.</div><div class="p"> 3Jes&#250;s niran: &#8220;Rasunpam gamta n&#239;: Pipis yapay mana yurirga Tayta Diospa munayninman manam chrayangachu&#8221;.</div><div class="p"> 4Nicodemo tapuran: &#8220;&#191;Imanuypatag runacuna yapay yurinman auquisna caycarga? &#191;Cutinmanchurag mamanpa pachranman yapay yurimunanpag?&#8221;</div><div class="p"> 5Jes&#250;s niran: &#8220;Rasunpam gamta n&#239;: Pipis yacuwan y Santu Espiritupa munayninwan yapay mana yurirga manam Tayta Diospa munayninman chrayangachu. 6Pipis mamanpita taytanpita yuregc&#228;ga runalam. Espiritupita yuregc&#228;ga espiritum. 7Gamcuna ama almir&#228;p&#228;cuychu yapay yurip&#228;cunayquipag ning&#228;pita. 8Wayra maypapis munanganpam wayran. Wayr&#228;mogta mayarpis manam musyanquichu maypita shamungantapis ni maypa aywangantapis. Chaynuylam Santu Espiritupita yapay yurisha runacunapis caycan&#8221;.</div><div class="p"> 9Niptinmi Nicodemo niran: &#8220;&#191;Imanuypatag chaynuy canman?&#8221;</div><div class="p"> 10Chauraga Jes&#250;s niran: &#8220;Israel runacunapa yachrachegnin gam caycarga &#191;manachu chayta tantiyanqui? 11Rasunpam gamta n&#239;: Musyap&#228;cung&#228;tam ricap&#228;cung&#228;tam willapayc&#228;. Chaynuy captinpis gamcunaga nip&#228;cung&#228;ta mana criyip&#228;cunquichu. 12Cay pachachru cagpita willapapt&#239;pis mana criyiyc&#228;marga &#191;imanuypatag criyip&#228;cunqui cieluchru cagpita willapapt&#239;? 13Manam pipis cieluman aywashachu sin&#246;ga cielupita shamoglam. Chay cayc&#228; noga Diospita shamusha Runalam.</div><div class="p"> 14&#8220;Mois&#233;s chunyag jircachru culebrata gueruman chruraycur ichrichingannuy#3.14 Tayta Dios mandaptinmi broncipita culebrata Mois&#233;s ruraran. Nircurmi gueruman chruraycur jawiran runacuna ricananpag. Chayta ricagcunatam culebra picanganpita Tayta Diosninchi cutic&#228;chiran. Masta musyanayquipag liyinqui N&#250;meros 21.4-9. noga Diospita shamusha Runapis gueruman chruraycur ichrichishar&#228;mi cashag. 15Chaynuy canga nogaman y&#228;racamagc&#228;ga mana ushacaypa cawananpag&#8221;.</div><div class="s">Runacunata Tayta Dios cuyapangan</div><div class="p"> 16Tayta Diosninchi runacunata pasaypa cuyaparmi japalan Wamranta cachramuran payman lapan y&#228;racogc&#228;ga cast&#239;guman mana aywananpag sin&#246;ga mana ushacaypa cawananpag. 17Tayta Diosninchega Wamranta manam runacuna castigasha cananp&#228;chu cachramuran sin&#246;ga pay cayninpa salvasha cananp&#228;mi.</div><div class="p"> 18Tayta Diospa japalan Wamranman y&#228;racogc&#228;ga cast&#239;guman manana aywananp&#228;nam caycan. Mana y&#228;racogcagmi ichanga cast&#239;guman aywananp&#228;na caycan. 19Mana y&#228;racogcunaga castigasha cananp&#228;nam caycan. Paycunaga Jes&#250;s cay pachaman achquinuy cananpag shamusha captinpis mana chrasquic&#228;rishachu. Chaypa truquinga mana alita rurayninpa yananyagmannuypis juchata rurar cawap&#228;cunanpag aywayta munap&#228;cusha. 20Mana alita ruragcunaga achquinuypis caycagta Jesusta chriquip&#228;cun y achquinuy captin chrasquicuyta mana munap&#228;cunchu mana alita ruraycangancuna mana musyac&#228;nanpag. 21Tayta Dios munangannuy cawagcagmi ichanga achquimannuypis ashuycun lapan pay munangannuy rurangancuna ricac&#228;nanpag.</div><div class="s">Jesuspita Juan Bautista yapay willacungan</div><div class="p"> 22Chaypitanam Jesuswan disc&#239;puluncuna Judea partiman aywap&#228;curan. Chaychr&#252;mi disc&#239;puluncunawan goy&#228;p&#228;curan y runacunata bautizaran. 23Juan Bautista En&#243;n partichru bautizaran. Chay caran Salim cercanchru. Chaychru bautizaran achca yacu captinmi. Runa aywagc&#228;ga bautizasha caran. 24Chay caran Juanta manar&#228;pis carcilman wichrgaptinmi.</div><div class="p"> 25Chaychr&#252;mi Juanpa disc&#239;puluncuna Israel runawan purificaciunpita rabyachinacuyta galaycap&#228;curan. 26Chaymi Juanman aywap&#228;cur willap&#228;curan: &#8220;Maestro, Jord&#225;n mayupa jucag l&#228;dunchru gamwan cangan runa y paypita willacungayqui cananga bautizaycan y lapan runacuna gatirarcan&#8221;.</div><div class="p"> 27Juan niran: &#8220;Manam pipis imatapis charanchu Tayta Diosninchipita mana chrasquisha carga. 28Gamcuna mayashcanquim &#8216;Noga Tayta Dios cachramungan Salvadurchu manam c&#228;. Sin&#246;ga paypa &#241;aupagninta paypita willacun&#228;pag cachramashalam c&#228;&#8217; ning&#228;ta. 29Casaray fiestachru casaraycag m&#246;supam casarag jipashga. Casarag m&#246;su parlaptin l&#228;dunchru caycag am&#239;gun cushicungannuymi nogapis pasaypa cushic&#252;. 30Cananga nogata mananam ric&#228;rip&#228;camanganachu. Paymannam runacuna aywap&#228;cunga&#8221;.</div><div class="p"> 31Cielupita shamogmi#3.31 Cielupita shamog runa niycan Jesusp&#228;mi. p&#239; maypitapis mas munayniyog caycan. Cay pachachru c&#228;ga cay pachalapam. Y cay pachalapitam rimanpis. Cielupita shamogmi p&#239; maypitapis mas munayniyog caycan. 32Ricanganta y mayanganta willacuptinpis pipis manam chrasquic&#228;rinchu. 33Chrasquicogcunam ichanga Tayta Diosninchi ningan rasuncag canganta niycan. 34Tayta Diosninchi cachramungan runaga Tayta Dios ningalantam riman. Chaynuy riman Tayta Dios payta juntagpag Santu Espiritunta gonganpitam. 35Tayta Diosninchi Wamranta cuyanmi. Chaymi imaycatapis paypa munayninman chrurasha. 36Tayta Diospa Wamranman y&#228;racogc&#228;ga mana ushacaypanam cawayta chrasquisha. Wamranta mana c&#228;sucogcagmi ichanga mana ushacaypa cawayta mana chrasquingachu. Chaypa truquinga Tayta Diosninchipa fiyupa cast&#239;guntam chrasquinga.</div>
 </div>
 </div>
</div>

Juc fariseo runam caran Nicodemo jutiyog. Payga Israel runacunapa autoridäninmi caran. Paymi chacaylapa Jesús watucog aywaran. Chaychrümi niran: “Maestro, manam pipis gamnuy milagrucunata ruranchu paywan Tayta Dios mana captinga. Chaymi musyapäcü yachrachipäcamänayquipag Tayta Dios cachramushungayquita”.
Jesús niran: “Rasunpam gamta nï: Pipis yapay mana yurirga Tayta Diospa munayninman manam chrayangachu”.
Nicodemo tapuran: “¿Imanuypatag runacuna yapay yurinman auquisna caycarga? ¿Cutinmanchurag mamanpa pachranman yapay yurimunanpag?”
Jesús niran: “Rasunpam gamta nï: Pipis yacuwan y Santu Espiritupa munayninwan yapay mana yurirga manam Tayta Diospa munayninman chrayangachu. Pipis mamanpita taytanpita yuregcäga runalam. Espiritupita yuregcäga espiritum. Gamcuna ama almiräpäcuychu yapay yuripäcunayquipag ningäpita. Wayra maypapis munanganpam wayran. Wayrämogta mayarpis manam musyanquichu maypita shamungantapis ni maypa aywangantapis. Chaynuylam Santu Espiritupita yapay yurisha runacunapis caycan”.
Niptinmi Nicodemo niran: “¿Imanuypatag chaynuy canman?”
Chauraga Jesús niran: “Israel runacunapa yachrachegnin gam caycarga ¿manachu chayta tantiyanqui? Rasunpam gamta nï: Musyapäcungätam ricapäcungätam willapaycä. Chaynuy captinpis gamcunaga nipäcungäta mana criyipäcunquichu. Cay pachachru cagpita willapaptïpis mana criyiycämarga ¿imanuypatag criyipäcunqui cieluchru cagpita willapaptï? Manam pipis cieluman aywashachu sinöga cielupita shamoglam. Chay caycä noga Diospita shamusha Runalam.
“Moisés chunyag jircachru culebrata gueruman chruraycur ichrichingannuy noga Diospita shamusha Runapis gueruman chruraycur ichrichisharämi cashag. Chaynuy canga nogaman yäracamagcäga mana ushacaypa cawananpag”.

Tayta Diosninchi runacunata pasaypa cuyaparmi japalan Wamranta cachramuran payman lapan yäracogcäga castïguman mana aywananpag sinöga mana ushacaypa cawananpag. Tayta Diosninchega Wamranta manam runacuna castigasha cananpächu cachramuran sinöga pay cayninpa salvasha cananpämi.
Tayta Diospa japalan Wamranman yäracogcäga castïguman manana aywananpänam caycan. Mana yäracogcagmi ichanga castïguman aywananpäna caycan. Mana yäracogcunaga castigasha cananpänam caycan. Paycunaga Jesús cay pachaman achquinuy cananpag shamusha captinpis mana chrasquicärishachu. Chaypa truquinga mana alita rurayninpa yananyagmannuypis juchata rurar cawapäcunanpag aywayta munapäcusha. Mana alita ruragcunaga achquinuypis caycagta Jesusta chriquipäcun y achquinuy captin chrasquicuyta mana munapäcunchu mana alita ruraycangancuna mana musyacänanpag. Tayta Dios munangannuy cawagcagmi ichanga achquimannuypis ashuycun lapan pay munangannuy rurangancuna ricacänanpag.

Chaypitanam Jesuswan discïpuluncuna Judea partiman aywapäcuran. Chaychrümi discïpuluncunawan goyäpäcuran y runacunata bautizaran. Juan Bautista Enón partichru bautizaran. Chay caran Salim cercanchru. Chaychru bautizaran achca yacu captinmi. Runa aywagcäga bautizasha caran. Chay caran Juanta manaräpis carcilman wichrgaptinmi.
Chaychrümi Juanpa discïpuluncuna Israel runawan purificaciunpita rabyachinacuyta galaycapäcuran. Chaymi Juanman aywapäcur willapäcuran: “Maestro, Jordán mayupa jucag lädunchru gamwan cangan runa y paypita willacungayqui cananga bautizaycan y lapan runacuna gatirarcan”.
Juan niran: “Manam pipis imatapis charanchu Tayta Diosninchipita mana chrasquisha carga. Gamcuna mayashcanquim ‘Noga Tayta Dios cachramungan Salvadurchu manam cä. Sinöga paypa ñaupagninta paypita willacunäpag cachramashalam cä’ ningäta. Casaray fiestachru casaraycag mösupam casarag jipashga. Casarag mösu parlaptin lädunchru caycag amïgun cushicungannuymi nogapis pasaypa cushicü. Cananga nogata mananam ricäripäcamanganachu. Paymannam runacuna aywapäcunga”.
Cielupita shamogmi pï maypitapis mas munayniyog caycan. Cay pachachru cäga cay pachalapam. Y cay pachalapitam rimanpis. Cielupita shamogmi pï maypitapis mas munayniyog caycan. Ricanganta y mayanganta willacuptinpis pipis manam chrasquicärinchu. Chrasquicogcunam ichanga Tayta Diosninchi ningan rasuncag canganta niycan. Tayta Diosninchi cachramungan runaga Tayta Dios ningalantam riman. Chaynuy riman Tayta Dios payta juntagpag Santu Espiritunta gonganpitam. Tayta Diosninchi Wamranta cuyanmi. Chaymi imaycatapis paypa munayninman chrurasha. Tayta Diospa Wamranman yäracogcäga mana ushacaypanam cawayta chrasquisha. Wamranta mana cäsucogcagmi ichanga mana ushacaypa cawayta mana chrasquingachu. Chaypa truquinga Tayta Diosninchipa fiyupa castïguntam chrasquinga.

聞く San Juan 3