Yakut - IBT-R (NT+Psalms,Proverbs,Jonah) Non Drama

Text OT © 2009 (Psalms), 2016 (Proverbs), 2019 (Jonah) Institute for Bible Translation, Moscow Text NT: © Institute for Bible Translation, Moscow  Audio OT: ℗ 2014 IBT and Hosanna Audio NT: © Institute for Bible Translation, Moscow

Yakut - IBT-R (NT+Psalms) Drama

Айыы Тойон, биһиги Айыы Тойоммут,
хайдах курдук сүдүнүй Эн аатыҥ бүтүн сир үрдүнэн!

Эн кэрэмэн килбиэҥҥин
халлааннар үрдүлэринэн тэниттиҥ.
Эн өстөөхтөрүҥ тустарыттан –
өһүөннээҕи, өһөгөйдөөҕү өһөрөөрү, –
кыра оҕолор, эмиийдээх оҕолор уостарынан
айхал тылларын Бэйэҕэр этиттиҥ.

Эн уран тарбаҕыҥ оҥоһуктарын,
халлааннаргын, анаардахпына,
Эн оннун булларбыт ыйгын,
сулустаргын одуулаатахпына,
мин бэркиһии да саныыбын:
кимий-тугуй киһи диэн,
тоҕо Эн кинини өйдүү сылдьаҕын,
кимнээҕий ол дьон диэн,
тоҕо Эн кинилэргэ кыһаллаҕын?

Бэрт кыранан Эн киһини Аанньалга тиэрпэтиҥ:
кэрэмэн килбиэни, үрдүк чиэһи
киниэхэ мэнньиэстии кэтэртиҥ,
айбытыҥ барытын үрдүнэн кинини туруордуҥ,
баары барытын кини атаҕын анныгар уурдуҥ:
барааннары-оҕустары барыларын,
хонуу кыылын-сүөлүн,
халлаан көтөрүн, байҕал балыгын,
муоранан суолланары барытын.

Айыы Тойон, биһиги Айыы Тойоммут,
хайдах курдук сүдүнүй Эн аатыҥ бүтүн сир үрдүнэн!

聞く Саалтыр 8