Lumasaaba - 2008 BSU (NT) Drama

<div class="version vid2183 iso6393myx" data-vid="2183" data-iso6393="myx">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s">Yesu bamureeba khu bunyala bweewe</div><div class="r">(Matayo 21.23-27; Mako 11.27-33)</div><div class="p"> 1Khu shifukhu shitweela mu bifukhu ibyo, Yesu n'aba nga aleekela babaandu mu Lisaayilo Likhulu, luundi nga aboolela kamakhuuwa kamalayi, basaayi bakhulu ni baleekeli be kamakaambila ka Musa, atweela ni basakhulu beetsa is'ali, bamuloma bari, 2&#8220;Khuboolele, uli na bunyala shiina bubukila iwe wakhola bibiindu bino byoosi? Naanu uwakhuwa iwe bunyala buno?&#8221;</div><div class="p"> 3Yesu wabeelamo ari, &#8220;Nase khambareebe shireebo; ni mumboolele, 4Khubatisa khwa Yokana khwaama mwikulu namwe khwaama mu baandu?&#8221;</div><div class="p"> 5Kila bakanikhanamo bonyene na bonyene nga baloma bari, &#8220;Ni kane khulome khuri, khwaama mwikulu, kane akhulome ari, ne lwashiina mukhaamufukiilila? 6Ne ni kane khulome khuri, khwaama mu baandu, babaandu kane bakhuupe kamabaale lwekhuuba bashi&#331;a&#331;asila ilala bari, Yokana Umubatisa aba Umu&#331;oosi.&#8221;</div><div class="p"> 7Kila belamo bari, &#8220;Sikhumanya eena esi khwaama ta.&#8221;</div><div class="p"> 8Ni Yesu naye waabeelamo ari, &#8220;Ni nase singene imbaboolele nywe bunyala shiina bubukila nakhola bibiindu bino ta.&#8221;</div><div class="s">Lusimo lwe baraambi mu mukuunda:</div><div class="r">(Matayo 21.33-46; Mako 12.1-12)</div><div class="p"> 9 # 
 Isay 5.1
 Nga bashirekeeresa bilomo bino, Yesu weloosela nga ababoolela lusimo luno ari: &#8220;Aabawo umusaani mutweela uwabyaala kumukuunda kweewe kwe kimisabibu, waakupaangisa isi baalimi, waatsya mu shiibala she aleeyi, khuumalayo imbuka. 10Ne imbuka ye likyesa ni yoola, waarumana umwakaanisi weewe mutweela isi baalimi, ari bamuwekho khu byaamo bye mu mukuunda kwe kimisabibu. Ne balimi beesi apaangisa, baakhupaka umwakaanisi uyo, baamuwoona busa na shiindu twa. 11Aryo weloosela khuurumanayo umwakaanisi ukuundi, ne ni nooyo baamukhupa, baamubirisaka shifwaabi, baamuwoona busa na shiindu twa. 12Luundi ndi waarumanayo umwakaanisi uwe khataru, oyu baamukhupa kamakuma, baamukholowa ibulafu.</div><div class="p"> 13&#8220;Lwanyuma umweene mukuunda waaloma ari, &#8216;Ne ari kane ikhole ndyeena? Kane indumeyo umwaana wase isi ingana naabi, winyoola niye kane bamuwe shiriifwa nga bamuboone.&#8217;</div><div class="p"> 14&#8220;Ne baalimi ni baabona umwaana bekutila atweela bonyene bari, &#8216;Oyu niye umusikha, ni mwiitse khumwiire, busikha buno manya bwaba bubweefwe.&#8217; 15Baryo baamuwaamba baamutuuma ibulafu we kumukuunda, baamwiira.&#8221;</div><div class="p">Lwanyuma Yesu waabareeba ari, &#8220;Mwaambaasa muri baalimi ibo, umweene mukuunda alibakhola aryeena? 16Aliitsa ahese baalimi ibo, ni kumukuunda akuwe babaandu babaandi.&#8221;</div><div class="p">Ne babaandu ni baawulila bilomo bino, baloma bari, &#8220;Taawe, bikhaba biryo ta.&#8221;</div><div class="p"> 17 # 
 Zab 118.22
 Yesu waabalola kila abaloma ari, &#8220;Ne shiina sheesi shisharonebwa shino shimanyisa, shishiiloma shiri, &#8216;Libaale lyeesi babombekhi bekaana nilyo lilyekyela lye musoonda?&#8217; 18Buli muundu yeesi wukwa khwibaale lino, alifuniakikhaka mu bipatu, ni nooyo isi libaale lino lilikwakho, lilimubulyungulaka busa.&#8221;</div><div class="s">Shireebo shishiwaamba khu musolo</div><div class="r">(Matayo 22.15-22; Mako 12.13-17)</div><div class="p"> 19Baryo baleekeli be Kamakaambila ka Musa, ni basaayi bakhulu, baweentselesa isaambo yeesi banyala bamuwaambilamo khaangu akho, lwekhuuba baamanya bari, akanikha lusimo luno nga lubawaamba khu nibo. Ne baarya babaandu. 20Ne ni baaba nga bashimwayilisa baryo, barumana babeeyi babekalusa khuuba babaandu balayi, nio akile bamuwaambilise mulomo tseewe, nio bari bamuwaaneyo isi buwuli bwa gafana. 21Baryo babeeyi bano babaakhakilisa bamureeba bari, &#8220;Umuleekeli, ifwe khwaamanya khuri iwe uleekela luundi ukanikha bya &#331;ali, ate ndi s'uromboosa mu baandu ta, ne uleekela kumukhoosi kwa Wele nga wimikha mu&#331;ali. 22Nashiryo, khuboolele, shilayi ifwe khuuwa kumusolo isi Kayisaali, namwe ta?&#8221;</div><div class="p"> 23Ne Yesu waba nga waamanyile luwomelo lwe mu myoyo kyaabwe, waabaloma ari, 24&#8220;Ni muntsokese idinari. Shifwaani shino shishiilikho, ni burone buno bya naanu?&#8221;</div><div class="p">Nabo bamwiilamo bari, &#8220;Bya Kayisaali.&#8221;</div><div class="p"> 25Kila Yesu abeelamo ari, &#8220;Aso, bya Kayisaali, ni mubiwe Kayisaali, ni bya Wele, mubiwe Wele.&#8221;</div><div class="p"> 26Nabo balekha khunyalisa khumuwaambilisa mwiibyo byeesi aloma mu lubuula ta. Ne beyaanga busa ibyo byeesi abeelamo, basila busa.</div><div class="s">Shireebo shishiwaamba khu khulamukha mu bafu ni bukhwaale</div><div class="r">(Matayo 22.23-33; Mako 12.18-27)</div><div class="p"> 27 # 
 Bur 23.8
 Ulwo balala khu Basadukaayo nga nibo babaloma bari, mbaawo khulamukha khwe baafu ta, beetsa isi Yesu, nabo bamureeba bari, 28#Maka 25.5&#8220;Umuleekeli, ifwe Musa akhuronela likaambila ari, &#8216;wandaaye w'omuundu n'afwa, ne walekha namulekhwa, ne nga bakhusaala babaana ta, wandaaye w'omusaani umufu, aakha wiila khu namulekhwa, asaalile wandaaye babaana.&#8217; 29Aso abaawo be buulebe musaafu; umukiboole wakhwa umukhasi, ne wafwa nga sibasaalile babaana ta. 30Wandaaye uwe khabili wamwiilakho, 31n'uwe khataru naye aryo, khukhwoolesa musaafu boosi ni bamwiilakho ne baafwa nga mbaawo umwaana ta. 32Lwanyuma lwa boosi, umukhasi naye wafwa. 33Ari iwe waambaasa urye, imalamukha ke bafu, umukhasi yuno aliiba mwene wa naanu khu nibo? Lwekhuuba boosi musaafu baaba ni naye nga umukhasi waabwe.&#8221;</div><div class="p"> 34Yesu waabeelamo ari, &#8220;Babaandu be khu shiibala khuno, bakhwa luundi bakhwaalikha. 35Ne abo babaakha khuulamukha khukhwaama mu bafu babe baalamu mu shiibala isho, sibalikhwa namwe sibalikhwaalikha ta, 36lwekhuuba baliiba sibashiifwa luundi ta. Ne baliiba nga bamalayika luundi baliba babaana ba Wele, lwekhuuba baliba baalamukhile khukhwaama mu bafu. 37#Luky 3.6Ni Musa naye okesanisa ari baafu balilamukha khukhwaama mu bafu, nga n'okesana mu byaronebwa khu shitsakha she kamawa nga shaburukha; akanikha khu Mukasya ari, &#8216;Wele wa Iburayimu, Wele wa Isaaka, luundi Wele wa Yakobo.&#8217; 38Lwekhuuba Wele niye s'ali Wele we baafu ta, ne ali Wele we balamu.&#8221;</div><div class="p"> 39Batweela khu baleekeli be Kamakaambila baloma bari, &#8220;Umuleekeli walomele bulayi.&#8221; 40Baloma baryo lwekhuuba mbaawo uwanyalisa khumureeba luundi bireebo bibiindi ta.</div><div class="s1">Shireebo shishiwaamba khu Kristo</div><div class="r">(Matayo 22.41-46; Mako 12.35-37)</div><div class="p"> 41Lwanyumakho ndi, Yesu waabaloma ari, &#8220;Babaandu banyala baryeena khuloma bari, Kristo Umwitsukhulu wa Dawudi? 42#Zab 110.1Dawudi umweene mu burone bwe Tsizabuli aloma ari,</div><div class="q1">&#8216;Umukasya aloma Umukasya wase ari,</div><div class="q2">yikhala khu mukhono kwase kumulayi,</div><div class="q1"> 43khukhwoolesa ni ndikalusa basiku boowo</div><div class="q2">khuuba shitsolo&#331;o sheesi usambakho bikyele byoowo.&#8217;</div><div class="m"> 44Ari bona, noola Dawudi umweene amulaanga ari Umukasya, ari anyala aryeena khuuba umwaana weewe?&#8221;</div><div class="s">Yesu areewula khubiwaamba khu baleekeli be Kamakaambila ka Musa</div><div class="r">(Matayo 23.1-36; Mako 12.38-40)</div><div class="p"> 45Awo babaandu boosi ni baaba nga bashimurekeeresa, Yesu waloma baleekelwa beewe ari, 46&#8220;Ni mwitsililise baleekeli be Kamakaambila ka Musa babakana naabi khukyenda nga bakwaarire tsingubo tsindeeyi, luundi bakana naabi khusheesebwa mu butale, ni khukhwikhala khu bitsolo&#331;o bye angaaki mu ntsu tsye khukhwisaayilamo, ni mu bifwo bye shiriifwa khu mayiiya. 47Luundi banuula bibiindu mu ntsu tsye banamulekhwa, luundi besaaya Wele lwe khukhwiyokesana nga baloomba lukali. Babeenebo balikhalilwa kumusaango kukufuura bukali.&#8221;</div>
 </div>
 </div>
</div>

The Bible in Lumasaaba © Bible Society of Uganda, 2016. 

Khu shifukhu shitweela mu bifukhu ibyo, Yesu n'aba nga aleekela babaandu mu Lisaayilo Likhulu, luundi nga aboolela kamakhuuwa kamalayi, basaayi bakhulu ni baleekeli be kamakaambila ka Musa, atweela ni basakhulu beetsa is'ali, bamuloma bari, “Khuboolele, uli na bunyala shiina bubukila iwe wakhola bibiindu bino byoosi? Naanu uwakhuwa iwe bunyala buno?”
Yesu wabeelamo ari, “Nase khambareebe shireebo; ni mumboolele, Khubatisa khwa Yokana khwaama mwikulu namwe khwaama mu baandu?”
Kila bakanikhanamo bonyene na bonyene nga baloma bari, “Ni kane khulome khuri, khwaama mwikulu, kane akhulome ari, ne lwashiina mukhaamufukiilila? Ne ni kane khulome khuri, khwaama mu baandu, babaandu kane bakhuupe kamabaale lwekhuuba bashiŋaŋasila ilala bari, Yokana Umubatisa aba Umuŋoosi.”
Kila belamo bari, “Sikhumanya eena esi khwaama ta.”
Ni Yesu naye waabeelamo ari, “Ni nase singene imbaboolele nywe bunyala shiina bubukila nakhola bibiindu bino ta.”


Nga bashirekeeresa bilomo bino, Yesu weloosela nga ababoolela lusimo luno ari: “Aabawo umusaani mutweela uwabyaala kumukuunda kweewe kwe kimisabibu, waakupaangisa isi baalimi, waatsya mu shiibala she aleeyi, khuumalayo imbuka. Ne imbuka ye likyesa ni yoola, waarumana umwakaanisi weewe mutweela isi baalimi, ari bamuwekho khu byaamo bye mu mukuunda kwe kimisabibu. Ne balimi beesi apaangisa, baakhupaka umwakaanisi uyo, baamuwoona busa na shiindu twa. Aryo weloosela khuurumanayo umwakaanisi ukuundi, ne ni nooyo baamukhupa, baamubirisaka shifwaabi, baamuwoona busa na shiindu twa. Luundi ndi waarumanayo umwakaanisi uwe khataru, oyu baamukhupa kamakuma, baamukholowa ibulafu.
“Lwanyuma umweene mukuunda waaloma ari, ‘Ne ari kane ikhole ndyeena? Kane indumeyo umwaana wase isi ingana naabi, winyoola niye kane bamuwe shiriifwa nga bamuboone.’
“Ne baalimi ni baabona umwaana bekutila atweela bonyene bari, ‘Oyu niye umusikha, ni mwiitse khumwiire, busikha buno manya bwaba bubweefwe.’ Baryo baamuwaamba baamutuuma ibulafu we kumukuunda, baamwiira.”
Lwanyuma Yesu waabareeba ari, “Mwaambaasa muri baalimi ibo, umweene mukuunda alibakhola aryeena? Aliitsa ahese baalimi ibo, ni kumukuunda akuwe babaandu babaandi.”
Ne babaandu ni baawulila bilomo bino, baloma bari, “Taawe, bikhaba biryo ta.”
Yesu waabalola kila abaloma ari, “Ne shiina sheesi shisharonebwa shino shimanyisa, shishiiloma shiri, ‘Libaale lyeesi babombekhi bekaana nilyo lilyekyela lye musoonda?’ Buli muundu yeesi wukwa khwibaale lino, alifuniakikhaka mu bipatu, ni nooyo isi libaale lino lilikwakho, lilimubulyungulaka busa.”


Baryo baleekeli be Kamakaambila ka Musa, ni basaayi bakhulu, baweentselesa isaambo yeesi banyala bamuwaambilamo khaangu akho, lwekhuuba baamanya bari, akanikha lusimo luno nga lubawaamba khu nibo. Ne baarya babaandu. Ne ni baaba nga bashimwayilisa baryo, barumana babeeyi babekalusa khuuba babaandu balayi, nio akile bamuwaambilise mulomo tseewe, nio bari bamuwaaneyo isi buwuli bwa gafana. Baryo babeeyi bano babaakhakilisa bamureeba bari, “Umuleekeli, ifwe khwaamanya khuri iwe uleekela luundi ukanikha bya ŋali, ate ndi s'uromboosa mu baandu ta, ne uleekela kumukhoosi kwa Wele nga wimikha muŋali. Nashiryo, khuboolele, shilayi ifwe khuuwa kumusolo isi Kayisaali, namwe ta?”
Ne Yesu waba nga waamanyile luwomelo lwe mu myoyo kyaabwe, waabaloma ari, “Ni muntsokese idinari. Shifwaani shino shishiilikho, ni burone buno bya naanu?”
Nabo bamwiilamo bari, “Bya Kayisaali.”
Kila Yesu abeelamo ari, “Aso, bya Kayisaali, ni mubiwe Kayisaali, ni bya Wele, mubiwe Wele.”
Nabo balekha khunyalisa khumuwaambilisa mwiibyo byeesi aloma mu lubuula ta. Ne beyaanga busa ibyo byeesi abeelamo, basila busa.


Ulwo balala khu Basadukaayo nga nibo babaloma bari, mbaawo khulamukha khwe baafu ta, beetsa isi Yesu, nabo bamureeba bari, “Umuleekeli, ifwe Musa akhuronela likaambila ari, ‘wandaaye w'omuundu n'afwa, ne walekha namulekhwa, ne nga bakhusaala babaana ta, wandaaye w'omusaani umufu, aakha wiila khu namulekhwa, asaalile wandaaye babaana.’ Aso abaawo be buulebe musaafu; umukiboole wakhwa umukhasi, ne wafwa nga sibasaalile babaana ta. Wandaaye uwe khabili wamwiilakho, n'uwe khataru naye aryo, khukhwoolesa musaafu boosi ni bamwiilakho ne baafwa nga mbaawo umwaana ta. Lwanyuma lwa boosi, umukhasi naye wafwa. Ari iwe waambaasa urye, imalamukha ke bafu, umukhasi yuno aliiba mwene wa naanu khu nibo? Lwekhuuba boosi musaafu baaba ni naye nga umukhasi waabwe.”
Yesu waabeelamo ari, “Babaandu be khu shiibala khuno, bakhwa luundi bakhwaalikha. Ne abo babaakha khuulamukha khukhwaama mu bafu babe baalamu mu shiibala isho, sibalikhwa namwe sibalikhwaalikha ta, lwekhuuba baliiba sibashiifwa luundi ta. Ne baliiba nga bamalayika luundi baliba babaana ba Wele, lwekhuuba baliba baalamukhile khukhwaama mu bafu. Ni Musa naye okesanisa ari baafu balilamukha khukhwaama mu bafu, nga n'okesana mu byaronebwa khu shitsakha she kamawa nga shaburukha; akanikha khu Mukasya ari, ‘Wele wa Iburayimu, Wele wa Isaaka, luundi Wele wa Yakobo.’ Lwekhuuba Wele niye s'ali Wele we baafu ta, ne ali Wele we balamu.”
Batweela khu baleekeli be Kamakaambila baloma bari, “Umuleekeli walomele bulayi.” Baloma baryo lwekhuuba mbaawo uwanyalisa khumureeba luundi bireebo bibiindi ta.


Lwanyumakho ndi, Yesu waabaloma ari, “Babaandu banyala baryeena khuloma bari, Kristo Umwitsukhulu wa Dawudi? Dawudi umweene mu burone bwe Tsizabuli aloma ari,
‘Umukasya aloma Umukasya wase ari,
yikhala khu mukhono kwase kumulayi,
khukhwoolesa ni ndikalusa basiku boowo
khuuba shitsoloŋo sheesi usambakho bikyele byoowo.’
Ari bona, noola Dawudi umweene amulaanga ari Umukasya, ari anyala aryeena khuuba umwaana weewe?”


Awo babaandu boosi ni baaba nga bashimurekeeresa, Yesu waloma baleekelwa beewe ari, “Ni mwitsililise baleekeli be Kamakaambila ka Musa babakana naabi khukyenda nga bakwaarire tsingubo tsindeeyi, luundi bakana naabi khusheesebwa mu butale, ni khukhwikhala khu bitsoloŋo bye angaaki mu ntsu tsye khukhwisaayilamo, ni mu bifwo bye shiriifwa khu mayiiya. Luundi banuula bibiindu mu ntsu tsye banamulekhwa, luundi besaaya Wele lwe khukhwiyokesana nga baloomba lukali. Babeenebo balikhalilwa kumusaango kukufuura bukali.”

聞く Luka 20