Text: © The Bible Society of Ghana 2006 Audio: ℗ 2007 Hosanna

Sehwi - 2006 Edition (Drama NT)

<div class="version vid2710 iso6393sfw" data-vid="2710" data-iso6393="sfw">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Ngoa dwir&#603; ne</div><div class="p"> 1 # 
 Yes 55.11; Nye 19.13; Flp 2.6; Gye 1.1 Ahy&#603;ase&#603; ne, n&#233; Edwir&#603; ne w&#596; ber&#603;, n&#233; Edwir&#603; ne ne Nyame&#603; ye&#603; b&#603;w&#596; ber&#603; &#596;, na Edwir&#603; ne ala ye&#603; &#596;te Nyame&#603; &#596;. 2#Gye 1.1; Nye 1.8 Ahy&#603;ase&#603; ne, n&#233; &#596;ne Nyame&#603; ye&#603; b&#603;w&#596; ber&#603; &#596;. 3#1 Kor 8.6; Kol 1.16; Heb 1.2 &#390;nate ye so ye&#603; b&#603;y&#596;le nningyein amukoraa &#596;, na bangwati ye bany&#596; nikyee biala b&#596; b&#603;y&#596;le &#596;. 4#Heb 7.16; Nye 1.18; Edw 36.9 Ye nu ye&#603; ngoa w&#596; &#596;; na ngoa ne te mmenia kanea. 5#Edw 18.28 Na kanea ne ta awosii nu, na awosii ne angora angye kanea ne.</div><div class="p"> 6 # 
 Mat 3.1
 Na biaa bie w&#596; ber&#603; b&#596; Nyame&#603; somane ye &#596;, b&#596; ye dumaa li Yohane. 7Ye ye&#603; &#596;wale adanze&#603;lil&#603;, ky&#603; &#596;baali kanea ne nwo adanze&#603;, amaa &#596;nate ye so mmenia mukoraa bale bali. 8Nna ye b&#596;b&#596; ole kanea ne, na mmom &#596;wale oolili kanea ne nwo adanze&#603;. 9#Yes 49.6 Nahor&#603; kanea b&#596; &#596;ta ma sona biala ne ye&#603; n&#233; &#596;ba wiase &#596;. 10N&#233; &#596;w&#596; wiase dada, na &#596;nate ye so ye&#603; b&#603;b&#596;le wiase &#596;, nakoso wiase annwu ye 11#Yes 53.3 &#390;wale ye b&#596;b&#596; ye de&#603; nu, nakoso ye b&#596;b&#596; ye mmenia banne ye bando nu. 12#Gal 3.26; Rom 8.14 Nakoso mmeni soma b&#596; belele ye b&#603;tole nu, b&#603; b&#596; belele ye dumaa belili ne, &#596;mane b&#603; tumi maa b&#603;&#603;y&#603;le Nyame&#603; mma; 13#Yak 1.18; 1 Pet 1.23 b&#596; bamva mogya so, anaaky&#603; anwo&#596;naen ap&#603;de&#603; so, anaaky&#603; sona ap&#603;de&#603; so, na mmom Nyame&#603; nu ye&#603; b&#603;wole b&#603; &#596;.</div><div class="p"> 14Na Edwir&#603; ne &#596;&#596;y&#603;le anwo&#596;naen, na &#596;ne y&#603; &#603;&#603;tenane, na y&#603;nwuni ye animnyam ky&#603; Baba n&#8217;Awa b&#596; &#596;wole ye komap&#603; twe n&#8217;animnyam, na adom ne nahor&#603; ayi ye t&#603;ky&#603;. 15Yohane lili ye nwo adanze&#603;, na &#596;teane nu hane ky&#603;, &#8220;&#400;he ole b&#596; ngane ye nwo dwir&#603; ky&#603;, &#8216;B&#596; oli me si &#596;&#769;ba ne, odi mu tra me, ofiky&#603; n&#233; &#596;w&#596; ber&#603; koraka ye&#603; meba &#596;.&#8217; &#8221; 16&#390;nate ye adom totohyia ne aso ye&#603; y&#603; mukoraati yanya adom mmoroso&#603; &#596;. 17Mmeraa ne de, b&#603;nate Mose so ye&#603; b&#603;fa b&#603;mane &#596;; na adom ne nahor&#603; ne de, &#596;nate Yesu Kristo so ye&#603; b&#603;wale &#596;. 18#Yoh 3.16, 18; 1 Yoh 4.9 Ebiala nnwuni Nyame&#603; le; sana Baa komap&#603; twe ne, b&#596; &#596;la Baba n&#8217;ahone nwo ne, na ye ye&#603; wala ye ali wahyire &#596;.</div><div class="s1">Yohane di Yesu nwo adanze&#603;</div><div class="r">(Mateo 3.1-12; Marko 1.1-8; Luka 3.1-18)</div><div class="p"> 19 # 
 Mat 3.1
 Na adanze&#603; he ye&#603; Yohane lili &#596;, mmer&#603; b&#596; Yudafo&#603; b&#603;somane as&#596;fo m&#596; ne Lewifo&#603; befili Yerusalem maa beebisale ye ky&#603;, &#8220;Nwa ole w&#596;?&#8221; 20#Luk 3.15, 16 &#390;hane ye pefee, na wanza; na &#596;hane ye pefee ky&#603;, &#8220;Nna me ole Kristo ne.&#8221; 21#Mat 11.14; Deut 18.15 Na bebisale ye ky&#603;, &#8220;Nzaade, nwa ole w&#596;? W&#596; ole Elia anaa?&#8221; Na obuale ky&#603;, &#8220;Nna me ole ye.&#8221; Na besa bebisale ky&#603;, &#8220;W&#596; ole ng&#596;mhy&#603;l&#603;ni&#603; ne anaa?&#8221; Na obuale ky&#603;, &#8220;Daabi.&#8221; 22Ye&#603; bebisale ye ky&#603;, &#8220;Nzaade nwa ole w&#596;? Na y&#603;nya mmuay&#603;&#603; y&#603;&#603;ma b&#603; b&#596; b&#603;somane y&#603; ne. Nziky&#603; dwir&#603; ye&#603; &#603;k&#227; fa w&#596; b&#596;b&#596; w&#596; nwo &#596;?&#8221; 23#Yes 40.3; Mat 3.1 Na obuale ky&#603;, &#8220;Me ole komvi&#603; bie b&#596; &#596;tea nu w&#596; &#603;ser&#603; so ky&#603;, &#8216;&#400;&#769;m&#596;tengy&#603; Awurade atee,&#8217; ky&#603;b&#596; ng&#596;mhy&#603;l&#603;ni&#603; Yesaya hane ne.&#8221;</div><div class="p"> 24Na &#603;b&#596;fo&#603; m&#596; b&#596; Farasiifo&#603; nem&#596; somane b&#603; ne, 25bebisale ye ky&#603;, &#8220;Na s&#603; nna w&#596; ole Kristo ne, anaa Elia, anaa ng&#596;mhy&#603;l&#603;ni&#603; ne a, n&#233; nzu ati ye&#603; &#603;&#769;b&#596; asu &#596;?&#8221; 26#Mak 1.4 Ye&#603; Yohane buale b&#603; ky&#603;, &#8220;Me de, mefa nzue ye&#603; meb&#596; asu &#596;; nakoso ebie b&#596; &#603;m&#596;nze ye &#596; ogyi &#603;m&#596; afia wa. 27#Mak 1.7 Ye ole b&#596; oli me si &#596;&#769;ba, b&#596; memvata ky&#603; mesangye ye mbaboa nyamaa po &#596;.&#8221; 28#Yoh 3.26; 10.40 Edwir&#603; hem&#596; sili w&#596; Betania, w&#596; asue Y&#596;&#596;dan si d&#596;, nekaa b&#596; n&#233; Yohane &#596;&#769;b&#596; asu ne.</div><div class="s1">Nyame&#603; Boaen Ba ne</div><div class="r">(Mateo 3.13-17; Marko 1.9-11; Luka 3.21-22)</div><div class="p"> 29 # 
 Gye 22.8; Yes 53.7; Nye 5.6; 13.8; 1 Pet 1.19 Ale&#603; hyene ne, Yohane nwuni Yesu ky&#603; &#596;ba ye ber&#603; &#596;, na &#596;hane ky&#603;, &#8220;&#400;&#769;m&#596;nea, Nyame&#603; Boaen Ba ne, b&#596; &#596;ye wiase b&#596;ne fi ber&#603; ne! 30&#400;he ole b&#596; ngane ye nwo dwir&#603; ky&#603;, &#8216;Biaa bie li me si &#596;&#769;ba b&#596; odi mu tra me &#596;, ofiky&#603; n&#233; &#596;w&#596; ber&#603; koraka ye&#603; meba &#596;.&#8217; 31Me b&#596;b&#596; de, ahaa menze ye; nakoso mmale ky&#603; mebaafa nzue meb&#596; asu, ky&#603;b&#596; &#596;k&#596;y&#603; b&#596; b&#603;k&#596;ye ye bekohyire Yisrael &#596;.&#8221; 32#Mat 3.16 Na Yohane lili adanze&#603; ky&#603;, &#8220;Nwuni Sunzum ne ky&#603; ofi nyame&#603;so odwu ba ase ky&#603; abubure &#596;, na &#596;tenane ye so. 33Me b&#596;b&#596; de, n&#233; menze ye, nakoso b&#596; &#596;somane me ky&#603; mmamva nzue mm&#596; asu ne ye&#603; &#596;h&#227; hyirele me ky&#603;, &#8216;B&#596; ekonwu ky&#603; Sunzum ne &#243;dwu batena ye so nen, ye ole b&#596; &#596;b&#596; asu Sunzum Krongron nu ne.&#8217; 34Me b&#596;b&#596; manwu ye, na medi adanze&#603; ky&#603; ye ole Nyame&#603; Awa ne.&#8221;</div><div class="s1">Yesu fr&#603; ye asuafo&#603; b&#596; beli moa</div><div class="p"> 35 # 
 Mat 3.1
 Ale&#603; hyene bieku nen, n&#233; Yohane ne ye asuafo&#603; ny&#596; begyigyi ber&#603;. 36Na onwuni ky&#603; Yesu nate ber&#603; nen, &#596;hane ky&#603;, &#8220;&#400;&#769;m&#596;nea, Nyame&#603; Boaen Ba ne &#603;he!&#8221; 37Asuafo&#603; ny&#596; ne tele b&#596; &#596;hane ne, na beelili Yesu si. 38#Mat 23.7 Yesu kakyili ye nwo, na onwuni ky&#603; beli ye si nen, obisale b&#603; ky&#603;, &#8220;&#400;m&#596;pena nzu?&#8221; Na bebuale ye ky&#603;, &#8220;Rabi&#8221; (ye bo kyire Kyer&#603;kyer&#603;ni&#603;), &#8220;nisua ye&#603; &#603;te &#596;?&#8221; 39Na osele b&#603; ky&#603;, &#8220;&#400;m&#596;bra b&#603;&#603;nea.&#8221; Na b&#603;h&#596; b&#603;&#603;neane nekaa b&#596; &#596;te &#596;, na b&#603;&#603;tenane ye ber&#603; s&#596; ky&#7869;a ne, ofiky&#603; n&#233; wab&#596; k&#596;y&#603; n&#596;soa nn&#596;nan. 40Mmenia ny&#596; b&#596; betele ky&#603; Yohane &#243;dwudwo n&#225; beelili ye si ne, ko ole Andrea, Sim&#596;n Petro ali&#603;ma ne. 41Olili moa nwuni oli&#603;ma Sim&#596;n, na osele ye ky&#603;, &#8220;Yanwu M&#603;saya ne&#8221; (b&#596; ye bo kyire Kristo ne). 42#Mat 16.18; 1 Kor 15.5 &#390;fale ye h&#596;le Yesu ber&#603;, na Yesu neane ye haa sele ky&#603;, &#8220;W&#596; ole Sim&#596;n, Yohane awa ne. B&#603;k&#596;fr&#603; w&#596; Kefa.&#8221; (Ye bo kyire Petro#1.42: PETRO: Ny&#596;botaen.).</div><div class="s1">Yesu fr&#603; Filipo ne Natane&#603;l</div><div class="p"> 43 # 
 Mat 4.19
 Ale&#603; hyene ne, Yesu y&#603;le ye adwene ky&#603; &#596;k&#596; Galilea. Onwuni Filipo, na osele ye ky&#603;, &#8220;Di me si!&#8221; 44Filipo fi Betesaeda, Andrea ne Petro b&#603; kuro. 45#Luk 24.27 Filipo nwuni Natane&#603;l, na osele ye ky&#603;, &#8220;B&#596; Mose, w&#596; mmeraa ne anu, &#596;ne b&#596; ng&#596;mhy&#603;l&#603;fo&#603; b&#603;hyer&#603;le ye nwo dwir&#603; ne, yanwu ye: Yesu b&#596; ofi Nasar&#603;te, Yosef awa ne.&#8221; 46Na Natane&#603;l bisale ye ky&#603;, &#8220;Aso nikyee paa bie k&#596;hora kofi Nasar&#603;te k&#596;wa?&#8221; Ye&#603; Filipo buale ye ky&#603;, &#8220;Bra baanea.&#8221; 47#Edw 32.2 Na Yesu nwuni ky&#603; Natane&#603;l &#596;ba ye ber&#603; nen, &#596;h&#227; fale ye nwo ky&#603;, &#8220;&#400;&#769;m&#596;nea, Yisraelni&#603; turoloo b&#596; ngondombo biala nne ye nu &#596;!&#8221; 48Na Natane&#603;l bisale ye ky&#603;, &#8220;Nisua ye&#603; &#603;se me &#596;?&#8221; Yesu buale ky&#603; &#8220;Anzana Filipo baafr&#603; w&#596;, b&#596; n&#233; &#603;w&#596; bor&#596;doma bakaa ne abo nen, ye&#603; nwuni w&#596; &#596;.&#8221; 49#Edw 2.7; Mak 15.32; Yoh 12.13 Natane&#603;l buale ky&#603;, &#8220;Rabi, w&#596; ole Nyame&#603; Awa ne! W&#596; ole Yisrael Hene ne!&#8221; 50Yesu buale ky&#603;, &#8220;&#390;nate ky&#603; nga ngyirele w&#596; ky&#603; nwuni w&#596; w&#596; bor&#596;doma bakaa ne abo ne ati ye&#603; ede di ye anaa? Ekonwu anwanwade&#603; mbiri b&#596; &#596;tra &#603;hem&#596; &#596;.&#8221; 51#Gye 28.12; Mat 3.16 Na Yesu sele ye ky&#603;, &#8220;Nahor&#603; nu paa, mek&#227; mekyire &#603;m&#596; ky&#603;, &#603;m&#596;konwu ky&#603; nyame&#603;so abukye, n&#225; Nyame&#603; ab&#596;fo m&#596; b&#603;&#769;fo na b&#233;dwu Sona Awa ne so &#596;.&#8221;</div>
 </div>
 </div>
</div>

Esahie Bible © Bible Society of Ghana, 2018.

Ahyɛaseɛ ne, né Edwirɛ ne wɔ berɛ, né Edwirɛ ne ne Nyameɛ yeɛ bɛwɔ berɛ ɔ, na Edwirɛ ne ala yeɛ ɔte Nyameɛ ɔ. Ahyɛaseɛ ne, né ɔne Nyameɛ yeɛ bɛwɔ berɛ ɔ. Ɔnate ye so yeɛ bɛyɔle nningyein amukoraa ɔ, na bangwati ye banyɔ nikyee biala bɔ bɛyɔle ɔ. Ye nu yeɛ ngoa wɔ ɔ; na ngoa ne te mmenia kanea. Na kanea ne ta awosii nu, na awosii ne angora angye kanea ne.
Na biaa bie wɔ berɛ bɔ Nyameɛ somane ye ɔ, bɔ ye dumaa li Yohane. Ye yeɛ ɔwale adanzeɛlilɛ, kyɛ ɔbaali kanea ne nwo adanzeɛ, amaa ɔnate ye so mmenia mukoraa bale bali. Nna ye bɔbɔ ole kanea ne, na mmom ɔwale oolili kanea ne nwo adanzeɛ. Nahorɛ kanea bɔ ɔta ma sona biala ne yeɛ né ɔba wiase ɔ. Né ɔwɔ wiase dada, na ɔnate ye so yeɛ bɛbɔle wiase ɔ, nakoso wiase annwu ye Ɔwale ye bɔbɔ ye deɛ nu, nakoso ye bɔbɔ ye mmenia banne ye bando nu. Nakoso mmeni soma bɔ belele ye bɛtole nu, bɛ bɔ belele ye dumaa belili ne, ɔmane bɛ tumi maa bɛɛyɛle Nyameɛ mma; bɔ bamva mogya so, anaakyɛ anwoɔnaen apɛdeɛ so, anaakyɛ sona apɛdeɛ so, na mmom Nyameɛ nu yeɛ bɛwole bɛ ɔ.
Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ. Yohane lili ye nwo adanzeɛ, na ɔteane nu hane kyɛ, “Ɛhe ole bɔ ngane ye nwo dwirɛ kyɛ, ‘Bɔ oli me si ɔ́ba ne, odi mu tra me, ofikyɛ né ɔwɔ berɛ koraka yeɛ meba ɔ.’ ” Ɔnate ye adom totohyia ne aso yeɛ yɛ mukoraati yanya adom mmorosoɛ ɔ. Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ. Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.


Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?” Ɔhane ye pefee, na wanza; na ɔhane ye pefee kyɛ, “Nna me ole Kristo ne.” Na bebisale ye kyɛ, “Nzaade, nwa ole wɔ? Wɔ ole Elia anaa?” Na obuale kyɛ, “Nna me ole ye.” Na besa bebisale kyɛ, “Wɔ ole ngɔmhyɛlɛniɛ ne anaa?” Na obuale kyɛ, “Daabi.” Yeɛ bebisale ye kyɛ, “Nzaade nwa ole wɔ? Na yɛnya mmuayɛɛ yɛɛma bɛ bɔ bɛsomane yɛ ne. Nzikyɛ dwirɛ yeɛ ɛkã fa wɔ bɔbɔ wɔ nwo ɔ?” Na obuale kyɛ, “Me ole komviɛ bie bɔ ɔtea nu wɔ ɛserɛ so kyɛ, ‘Ɛ́mɔtengyɛ Awurade atee,’ kyɛbɔ ngɔmhyɛlɛniɛ Yesaya hane ne.”
Na ɛbɔfoɛ mɔ bɔ Farasiifoɛ nemɔ somane bɛ ne, bebisale ye kyɛ, “Na sɛ nna wɔ ole Kristo ne, anaa Elia, anaa ngɔmhyɛlɛniɛ ne a, né nzu ati yeɛ ɛ́bɔ asu ɔ?” Yeɛ Yohane buale bɛ kyɛ, “Me de, mefa nzue yeɛ mebɔ asu ɔ; nakoso ebie bɔ ɛmɔnze ye ɔ ogyi ɛmɔ afia wa. Ye ole bɔ oli me si ɔ́ba, bɔ memvata kyɛ mesangye ye mbaboa nyamaa po ɔ.” Edwirɛ hemɔ sili wɔ Betania, wɔ asue Yɔɔdan si dɔ, nekaa bɔ né Yohane ɔ́bɔ asu ne.


Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne! Ɛhe ole bɔ ngane ye nwo dwirɛ kyɛ, ‘Biaa bie li me si ɔ́ba bɔ odi mu tra me ɔ, ofikyɛ né ɔwɔ berɛ koraka yeɛ meba ɔ.’ Me bɔbɔ de, ahaa menze ye; nakoso mmale kyɛ mebaafa nzue mebɔ asu, kyɛbɔ ɔkɔyɛ bɔ bɛkɔye ye bekohyire Yisrael ɔ.” Na Yohane lili adanzeɛ kyɛ, “Nwuni Sunzum ne kyɛ ofi nyameɛso odwu ba ase kyɛ abubure ɔ, na ɔtenane ye so. Me bɔbɔ de, né menze ye, nakoso bɔ ɔsomane me kyɛ mmamva nzue mmɔ asu ne yeɛ ɔhã hyirele me kyɛ, ‘Bɔ ekonwu kyɛ Sunzum ne ódwu batena ye so nen, ye ole bɔ ɔbɔ asu Sunzum Krongron nu ne.’ Me bɔbɔ manwu ye, na medi adanzeɛ kyɛ ye ole Nyameɛ Awa ne.”

Aleɛ hyene bieku nen, né Yohane ne ye asuafoɛ nyɔ begyigyi berɛ. Na onwuni kyɛ Yesu nate berɛ nen, ɔhane kyɛ, “Ɛ́mɔnea, Nyameɛ Boaen Ba ne ɛhe!” Asuafoɛ nyɔ ne tele bɔ ɔhane ne, na beelili Yesu si. Yesu kakyili ye nwo, na onwuni kyɛ beli ye si nen, obisale bɛ kyɛ, “Ɛmɔpena nzu?” Na bebuale ye kyɛ, “Rabi” (ye bo kyire Kyerɛkyerɛniɛ), “nisua yeɛ ɛte ɔ?” Na osele bɛ kyɛ, “Ɛmɔbra bɛɛnea.” Na bɛhɔ bɛɛneane nekaa bɔ ɔte ɔ, na bɛɛtenane ye berɛ sɔ kyẽa ne, ofikyɛ né wabɔ kɔyɛ nɔsoa nnɔnan. Mmenia nyɔ bɔ betele kyɛ Yohane ódwudwo ná beelili ye si ne, ko ole Andrea, Simɔn Petro aliɛma ne. Olili moa nwuni oliɛma Simɔn, na osele ye kyɛ, “Yanwu Mɛsaya ne” (bɔ ye bo kyire Kristo ne). Ɔfale ye hɔle Yesu berɛ, na Yesu neane ye haa sele kyɛ, “Wɔ ole Simɔn, Yohane awa ne. Bɛkɔfrɛ wɔ Kefa.” (Ye bo kyire Petro).

Aleɛ hyene ne, Yesu yɛle ye adwene kyɛ ɔkɔ Galilea. Onwuni Filipo, na osele ye kyɛ, “Di me si!” Filipo fi Betesaeda, Andrea ne Petro bɛ kuro. Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.” Na Nataneɛl bisale ye kyɛ, “Aso nikyee paa bie kɔhora kofi Nasarɛte kɔwa?” Yeɛ Filipo buale ye kyɛ, “Bra baanea.” Na Yesu nwuni kyɛ Nataneɛl ɔba ye berɛ nen, ɔhã fale ye nwo kyɛ, “Ɛ́mɔnea, Yisraelniɛ turoloo bɔ ngondombo biala nne ye nu ɔ!” Na Nataneɛl bisale ye kyɛ, “Nisua yeɛ ɛse me ɔ?” Yesu buale kyɛ “Anzana Filipo baafrɛ wɔ, bɔ né ɛwɔ borɔdoma bakaa ne abo nen, yeɛ nwuni wɔ ɔ.” Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!” Yesu buale kyɛ, “Ɔnate kyɛ nga ngyirele wɔ kyɛ nwuni wɔ wɔ borɔdoma bakaa ne abo ne ati yeɛ ede di ye anaa? Ekonwu anwanwadeɛ mbiri bɔ ɔtra ɛhemɔ ɔ.” Na Yesu sele ye kyɛ, “Nahorɛ nu paa, mekã mekyire ɛmɔ kyɛ, ɛmɔkonwu kyɛ nyameɛso abukye, ná Nyameɛ abɔfo mɔ bɛ́fo na bédwu Sona Awa ne so ɔ.”

聞く Yohane 1