<div class="version vid2975 iso6393max" data-vid="2975" data-iso6393="max">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt"><span class="content">Kitab ini pe keterangan</span></div><div class="ip"><span class="content">  </span><span class="bd"><span class="content">Kabar Bae</span></span><span class="content">: Kitab Matius ini dapa sebut, Kabar Bae (B. Ind: </span><span class="it"><span class="content">Injil</span></span><span class="content">), karna dia pe carita tentang Tuhan Allah utus pa Yesus Kristus datang di dunia kong sapa saja yang percaya pa Dia, dia pe dosa-dosa akan dapa ampun kong dia akan hidup deng Tuhan Allah slama-lamanya.</span></div><div class="ip"><span class="content">  </span><span class="bd"><span class="content">Orang yang tulis kitab ini</span></span><span class="content">: Kitab ini Matius yang tulis. Matius itu satu dari Yesus pe dua blas murit. Dia tulis kitab ini untuk kase tau apa yang dia so lia deng dengar langsung selama dia ada iko pa Yesus. Dia itu orang Yahudi. Sebelum dia iko pa Yesus, dia pe karja itu batagi pajak untuk pemerinta Roma.</span></div><div class="ip"><span class="content">  </span><span class="bd"><span class="content">Kitab ini untuk sapa</span></span><span class="content">: Kitab Matius ini ada tulis untuk orang-orang agama Yahudi. Orang-orang agama Yahudi ini dapa sebut, orang Israel, atau orang Ibrani. Dorang itu yang kamuka Tuhan Allah pili untuk jadi Dia pe umat kong Dia kase pa dorang Dia pe Firman, yang dia pe nama &#8216;Perjanjian Lama&#8217;.</span></div><div class="ip"><span class="content">  </span><span class="bd"><span class="content">Ajaran-ajaran di kitab ini</span></span><span class="content">: Di kitab ini, Matius carita tentang Yesus yang banya kali kase sembu orang, deng user setang dari orang-orang. Di kitab ini, ada lima ajaran basar dari Yesus: ajaran di bukit (</span><span class="content">Mat. 5</span><span class="content">&#8211;</span><span class="content">7</span><span class="content">), ajaran yang Yesus kase waktu Dia pangge deng utus Dia pe murit-murit (</span><span class="content">Mat. 10</span><span class="content">), ajaran yang pe isi umpama-umpama tentang Tuhan Allah Berkuasa sebagai Raja pa Dia pe umat (</span><span class="content">Mat. 13</span><span class="content">), ajaran tentang bagimana cara hidup orang yang jadi Tuhan Allah pe umat (</span><span class="content">Mat. 18</span><span class="content">), deng ajaran tentang apa yang akan jadi nanti waktu kiamat (</span><span class="content">Mat. 24</span><span class="content">&#8211;</span><span class="content">25</span><span class="content">).</span></div><div class="ip"><span class="content">Matius tulis lagi tentang Tuhan Allah pe janji pa orang-orang agama Yahudi, Dia mo utus Mesias, Raja yang mo kase slamat pa manusia. Jadi, di kitab ini, banya kali Matius pake ayat-ayat dari Perjanjian Lama supaya orang Yahudi tau, Yesus itu suda yang dorang ada tunggu-tunggu.</span></div><div class="ip"><span class="content">Turus di bagian ahir kitab ini, Matius carita tentang bagimana pemimpin-pemimpin agama Yahudi cari jalang supaya Yesus dapa bunu (</span><span class="content">Mat. 26</span><span class="content">&#8211;</span><span class="content">27</span><span class="content">). Matius lagi carita tentang bagimana Yesus dapa siksa, kong dapa salib sampe mati. Tapi di hari yang ketiga, Yesus hidup ulang kong abis itu, Dia utus Dia pe murit-murit untuk pigi kase jadi orang laeng jadi Dia pe murit lagi (</span><span class="content">Mat. 28</span><span class="content">). Orang laeng yang mo kase jadi murit itu, sapa saja deng dari suku mana saja di dunia ini, supaya samua orang itu bole percaya pa Yesus Kristus.</span></div>
        </div>
    </div>
</div>

Perjanjian Baru Bahasa Melayu Maluku Utara @ Lembaga Alkitab Indonesia 2020

Kitab ini pe keterangan
Kabar Bae : Kitab Matius ini dapa sebut, Kabar Bae (B. Ind: Injil), karna dia pe carita tentang Tuhan Allah utus pa Yesus Kristus datang di dunia kong sapa saja yang percaya pa Dia, dia pe dosa-dosa akan dapa ampun kong dia akan hidup deng Tuhan Allah slama-lamanya.
Orang yang tulis kitab ini : Kitab ini Matius yang tulis. Matius itu satu dari Yesus pe dua blas murit. Dia tulis kitab ini untuk kase tau apa yang dia so lia deng dengar langsung selama dia ada iko pa Yesus. Dia itu orang Yahudi. Sebelum dia iko pa Yesus, dia pe karja itu batagi pajak untuk pemerinta Roma.
Kitab ini untuk sapa : Kitab Matius ini ada tulis untuk orang-orang agama Yahudi. Orang-orang agama Yahudi ini dapa sebut, orang Israel, atau orang Ibrani. Dorang itu yang kamuka Tuhan Allah pili untuk jadi Dia pe umat kong Dia kase pa dorang Dia pe Firman, yang dia pe nama ‘Perjanjian Lama’.
Ajaran-ajaran di kitab ini : Di kitab ini, Matius carita tentang Yesus yang banya kali kase sembu orang, deng user setang dari orang-orang. Di kitab ini, ada lima ajaran basar dari Yesus: ajaran di bukit (Mat. 5–7), ajaran yang Yesus kase waktu Dia pangge deng utus Dia pe murit-murit (Mat. 10), ajaran yang pe isi umpama-umpama tentang Tuhan Allah Berkuasa sebagai Raja pa Dia pe umat (Mat. 13), ajaran tentang bagimana cara hidup orang yang jadi Tuhan Allah pe umat (Mat. 18), deng ajaran tentang apa yang akan jadi nanti waktu kiamat (Mat. 24–25).
Matius tulis lagi tentang Tuhan Allah pe janji pa orang-orang agama Yahudi, Dia mo utus Mesias, Raja yang mo kase slamat pa manusia. Jadi, di kitab ini, banya kali Matius pake ayat-ayat dari Perjanjian Lama supaya orang Yahudi tau, Yesus itu suda yang dorang ada tunggu-tunggu.
Turus di bagian ahir kitab ini, Matius carita tentang bagimana pemimpin-pemimpin agama Yahudi cari jalang supaya Yesus dapa bunu (Mat. 26–27). Matius lagi carita tentang bagimana Yesus dapa siksa, kong dapa salib sampe mati. Tapi di hari yang ketiga, Yesus hidup ulang kong abis itu, Dia utus Dia pe murit-murit untuk pigi kase jadi orang laeng jadi Dia pe murit lagi (Mat. 28). Orang laeng yang mo kase jadi murit itu, sapa saja deng dari suku mana saja di dunia ini, supaya samua orang itu bole percaya pa Yesus Kristus.

聞く Matius Kitab ini pe keterangan