Sharanahua - 2016 Edition (NT) Non Drama

Sharanahua - 2016 Edition (NT) Drama

<div class="version vid522 iso6393mcd" data-vid="522" data-iso6393="mcd">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Jesucristohuunoa Juanpan cununi</div><div class="p"> 1-2Natian Jesucristohuunoa un mato yoicain man tapinon. Ahuashta oniataima Cristo Apa Dios fu iyopaoni. Arifi Diosin. Apa Diosin shinain cuscari arifi shinanmisiquin. Nannori fusti ahuun tsain. 3Ahuunshon Upa Diosin nantifi onihuaniquin. Cristohuunoamacai ahuashta onihuanima. Arusu fusti Apa futan nantifi onihuaniquin. 4Ahuunoashu fusti yora nitirofoquin. Aafin chashamati cuscaraquin. Upa Diosin ahuu cuscaramainquin arus fusti yorafo oinmatiro. 5Faquish muran chashamatinin noco oinmasharatiro. Nanscarifiai yora chacafo murannoari Cristo noco oinmatiro non Dios tanasharanon. Nan chacafoancai Cristo unumatiroma.</div><div class="p"> 6-7Ascano Upa Diosin Juan nichini Jesucristohuunoa yorafo yoinon. &#8212;Jesushuunoashu yorafo Dios fu ipatiro. Upa Diosin mato tapimapaiyai cuscan Jesushuunshon mato tapimatiroran, &#8212;ishon Juanpan ato yoini. Nannori ato yoini icoinra huanonfo. 8Juanpacai yorafo Dios ya imapacutiroma. Diosifin man Juan nichiniquin ato yoinon. &#8212;Jesucristo fustichifin noco Dios ya imapacutiroquin, &#8212;ishon ato yoinon. 9Yoiyoni cuscan atoqui noconi. Criston iconquin Dioshuunoa tapimatiro. Diosin nantifi yorafoti imapaiyai cuscan ato tapimamisi.</div><div class="p"> 10Nanton mai yafi yorafoti onihuafianicucai atoqui nocoaiton tsoan onannifoma. 11Ahuun mai ano nocofiaitocai ahuun yora Israelifoan oinpainifoma. 12Asca huafiainfoanno, nan noiaifoan icoinra huanifo. Ascaiton ato yoini isca huaquin, &#8212;Man ua icoinra huaashu Upa Diosin Facu man itiroran, &#8212;ishon ato yoini. 13Yorafoancai Diosin Facu huatirofoma Diospan Facu inon. Ascashon tsoancai yoiqui isca huatiroma, &#8212;Uhuun ahuin un facu nanumatiro. Caianshu Diospan Facu inon, &#8212;ishoncai tsoan anori yoitiroma. Diosin fustiton ahuun facufo cainmatiro. Noncai asca huatiroma. Upan Diosin apaiyai cuscan Jes&#250;s icoinra huafoti aton nomuran fiananantiro ahuun facufo ishcaquin.</div><div class="p"> 14Ascan Criston Apa Dios icanoashu mai ano oni yoracoin ishquin. Nocoashu no fu iyopaoni. Nantifi yorafo noimisi. Nocohuun ramapaicoin. Ahuun tsain iconcoin. Arusu fustifin Upa Diosin facucoinquin. Apa Dios shara imisi cuscan arifi nanscacoinmisiquin. Man non oinpaoni. 15Ahuunoa Juanpan yoini isca huani, &#8212;Ua nicacahuun. Nanhuunoa un mato yoimisiquin. Un mato Diospan tsainhuunoa yoiyofiamisi natian aficoin man matoqui nocoa. Un mato yoimisi cuscan nanfin Diospan facu oinquin. Unmaquian. Un caiantaima Apa Dios fu iyopaoniquin. Ascan ua fasi finoncoian, &#8212;ishon Juanpan ato yoiniquin.</div><div class="p"> 16Jes&#250;s nantifi noco shara huamisiquin. Nocohuun noiquin noco shara huafafaini. Nantififain man non mumisiquin. 17Upa Diosin noco yonopaiyai cuscan Mois&#233;s nocon shunifo yoiniquin. Ascaiton ahuunshon norifi non tapitiroquin. Mois&#233;s nanfo noco tapimafiaino Jesucristo nocoqui oni nocohuun ramapaicain aafin iconmisicoinquin noco ismapaoni. 18Tsoancai Upa Dios oinmisima. Ascafia ahuun Facu fu rafumisiton ahuunoa noco yoimisiquin. Ahuunshon non tapitiro ahuu cuscaramain Upa Diosiquin.</div><div class="s">Juanpan yorafo unu muran iquimapacumisiton Jesucristohuunoa ato yoiniquin</div><div class="r"> Mt 3.11-12; Mr 1.7-8; Lc 3.15-17</div><div class="p"> 19Ascano nocon caifo Israeli niaifofoan Jerusal&#233;n anoshon nan nocon yorafohuunshon Dios cufimisifo non ato fu niaifo patasharinoafo Juan icano nichinifo. &#8212;Juan yocatacahuun, &#8220;&#191;Min tsoamun?&#8221; ishon yocatacahuun, &#8212;ato huaafo focashon. 20Juan yocaifoanno pusitama shafacafi ato cumani, &#8212;Uncai Diospan Furunma. Unricai Cristoma, &#8212;huaiton.</div><div class="p"> 21&#8212;&#191;Ascan min tsoamun? &#191;Minmun El&#237;as? &#8212;huaifoan. &#8212;Ma. Uncai Eliasma, &#8212;huaiton. &#8212;&#191;Ascan minmun Diosin tsain yoimisi nan nocoqui oiran Mois&#233;s noco huamisi? &#191;Nan non manamisi minmun? &#8212;huaifoan. &#8212;Ma. Unmafinquin, &#8212;huaiton.</div><div class="p"> 22&#8212;&#191;Ascan min tsoamun? Noco yoihuu noco nichiafo non ato tapimanon. Mihuunoa noco tapimahuun, &#8212;huaifoan.</div><div class="p"> 23Isa&#237;as cununi cuscan nannoricoin Juanpan ato yoini isca huaquin, &#8212;Diosin mato yoipaiyai cuscan ua tapimana un mato yoinon. Tsoan istaipamashon un oi ashcafinin yoimisi isca huaquin, &#8220;Nocon Ifo nocoqui oshquiquin. Nocoataima itisharacahuun. Man ipaoni cuscan afanan ayamacahuun. Nantifi maton chaca potacahuun. Cayacafi isharashcaquin,&#8221; &#8212;ishon ato yoini.</div><div class="p"> 24-25Nicacashon nocon caifo Fariseofoan ato Juanqui nichinifo yocanonfo, &#8212;&#191;Min Cristo iyamacain, min El&#237;as iyamacain nan non manamisi Diosin tsain yoimisicai min ahuuscashocon min yorafo unu muran iquimapacuamun? &#8212;ishon yocaifoan.</div><div class="p"> 26Ascaiton Juanpan ato cumaquin, &#8212;Unfin ato unu muran iquimapacuaquin. Ascafiano nuno noco muran futsan nocoa. Mancai onanma. 27Un natian mato Diosin tsain yoifafaini. Ascafia afincoin chipo mato yoishquin. Fasi ua finoncoian. Un ahuara shara huaa rafanancai un ahuun oinmatima. Uhuun ramapaiyamainocai un ahuun oinmati icuanamaran, &#8212;ishon Juanpan ato cumani.</div><div class="p"> 28Nan pushurasi Betania unu Jord&#225;n oquirishtashon Juanpan nannoshon ato unu muran iquimapacuni. Nannoashuri atofu tsainni.</div><div class="s">Jesusfin Diospan Chashoan Facu cuscaraquin</div><div class="p"> 29Ascatan iyoconaino Juanpan Jes&#250;s aqui oaiton oinni. Ascanshon yorafo yoini isca huaquin, &#8212;&#161;Oincapon! Nan Diospan Chashoan Cahuashara cuscaracoin oi. Nanton nantifi yorafo nan icoinra huafotisi aton chaca soashonpacunaca. 30Un mato ahuunoa yoimisi cuscan, un mato yoiqui anaitiano nocofunu shara matoqui nocoi. Un caiantaima iyomisi. Ascan ua fasi finoncoian. 31Unrifi un onansharayamafiashon un yorafo unu muran iquimapacuaquin a nocon caifo Israelifoan a onanonfo, &#8212;ishon Juanpan ato yoiniquin.</div><div class="p"> 32Jesushuunoa Juanpan ato yoini isca huaquin, &#8212;Diospan Yoshin Shara nai murannoashu ruhui cuscara Jesusqui fotopacucahuanaiton. Uficoin un oian. 33Un onantaima Upa Diosin ua yoia isca huaquin, &#8220;Tsoan ua icoinra huaifo min unu muran iquimapacutiro. Futsa miqui oaino uhuun Yoshin Shara nan nocofunuhuun nuupacucahuashquin. A fu nitushquin. Nan oinquin min tapitiro uhuun Yoshin Shara matoya rafumashquin ahuun shinanshara maton nomuran shinanmaniran,&#8221; ishon ua yoia. Upa Diosin ua anori yoiyamacucai Jes&#250;s nan Diospan Furun urifi un onancuanama. 34Ascafiashon mun oian. Ascan un mato iconcoin yoiquin nancaifin Diospan Furunquin, &#8212;ishon Juanpan ato yoini.</div><div class="s">Jes&#250;s icoinra huaquin tau huanifo</div><div class="p"> 35Iyoconaino afanan nanno Juan yafi ahuun tananmisifo rafu. 36Niafoanno Jes&#250;s ato finonfainaiton Juanpan oinquin ato yoini, &#8212;&#161;Oincapon! Nan Diospan Facu Chashoan Facu cuscara, &#8212;ishon ato yoini.</div><div class="p"> 37Nicacatan nan rafutan Jes&#250;s mufainifo. 38Ascaiton Jes&#250;s ifiacucahuan ato oinquin yoini. &#8212;&#191;Ahua man funaimun? &#8212;ishon ato yocaiton. &#8212;&#191;Tapimamisiton, rani min iquimun? &#8212;huaifoan.</div><div class="p"> 39&#8212;Fucahuun un mato ismanon, &#8212;ishon ato yoini. Ascatan afu focaquin oianfo ica ini. Nanno afu yatapacunifo.</div><div class="p"> 40Nan rafu Juanpan ato yoia cuscan nicacatan Jes&#250;s mufainifo futsan ahuun anu Andr&#233;s. Nan Andr&#233;s ahuun ochi Sim&#243;n Pedro. 41Jes&#250;s icano nococatan Andr&#233;s samamashta ahuun ochi Sim&#243;n funai cani. Aqui nocoshon yoini, &#8212;Upa Diosin noco yoiyoni, &#8220;Un maton Numamisi matoqui nichishquiran,&#8221; ishon noco yoiyoni. Nan man non fuchia. Nanfin Cristoquin. Oinyohuu, &#8212;huani.</div><div class="p"> 42Ascantan foaifoanno Andr&#233;s Sim&#243;n Jesusqui iyoni. Aqui nocoshon Jes&#250;s Sim&#243;n oinquin yoini, &#8212;Minfin Simonquin Juanpan facu. Natian un mia anu futsa tuquihuanon. Non mia Cefas huairan, &#8212;ishon yoini. Cefas nahua tsainmanfin Pedro.</div><div class="s">Jes&#250;s Felipe yafi Natanael cunani afu fononfo</div><div class="p"> 43Ascan iyoconaino Jes&#250;s shinanni isca huaquin, &#8212;Un Galilea ano cairan, &#8212;ishon shinanni. Caquin Felipe fuchitan yoini, &#8212;U fu cahuun, &#8212;huani. Nicatan afu cani.</div><div class="p"> 44Felipe non Andr&#233;s non Pedrori pushurasi ahuun anu Betsaida ano inifo. 45Ascatan Felipen Natanael fuchishon yoini, &#8212;Mois&#233;s Diosin yononi cuscan cununi isca huaquin, &#8220;Un Numamisi matoqui nichishquiran,&#8221; ishon Diosin yoini cuscan Mois&#233;s aqui cununiquin. Nannorifi Diosin tsain yoimisi futsafoan yoinifo. Nancai man non fuchiaran. Jesusfin Jos&#233; ahuun facu Nazaret anoaquin, &#8212;huaiton.</div><div class="p"> 46&#8212;&#191;Ahuatomun noco Nazaret ano shara huashotiroquin? &#8212;Natanael huaiton. &#8212;Ohuu, Oinshquin, &#8212;Felipe huani.</div><div class="p"> 47Natanael aqui nocoaiton Jes&#250;s ahuunoa yoini, &#8212;Naafin Israelicoinquin. Diospan yora ipaicoin. Nantofin iconcoin shinanfafaimisiquin. Paracai huamisimaran, &#8212;ishon Jes&#250;s ahuunoa yoini.</div><div class="p"> 48Nicatan Natanael cumani, &#8212;&#191;Ahuuscashomun ua oinyamafiamisishaquin min ua onantiroquin? &#8212;ishon yocaiton. &#8212;Felipe mia cunataima un anoyamafiashon ihui huiguera namannoa un mia oian, &#8212;Jes&#250;s huaiton.</div><div class="p"> 49Ascaiton, &#8212;Tapimamisiton. Felipe ua yoia cuscan iconcoin. Minfin Diospan Furunquin. Nocon caifo Israelifo min nocon niaifoquin, &#8212;huaiton.</div><div class="p"> 50Jes&#250;s cumani, &#8212;Min fimi huiguera ihui naman raca. Un ano yamafiashon un mia oian. Un anori mia yoiaiton mian icoinra huaa. Min ahuara shara finacaia min oinshquin.</div><div class="p"> 51Iconcoin un mia yoinon. Min Upa Diosin nai muran icano oinshquin. Uhuunoashu Upa Diosin ahuun oinmati afu nai muran icafo mai arishon nai muran Diosin icano funishquin. Ascaiton min oinshquin. Upa Diosin icanoashuri mai ano fotoaino min ato oinshquiran, &#8212;ishon Jes&#250;s Natanael yoini.</div>
 </div>
 </div>
</div>

Natian Jesucristohuunoa un mato yoicain man tapinon. Ahuashta oniataima Cristo Apa Dios fu iyopaoni. Arifi Diosin. Apa Diosin shinain cuscari arifi shinanmisiquin. Nannori fusti ahuun tsain. Ahuunshon Upa Diosin nantifi onihuaniquin. Cristohuunoamacai ahuashta onihuanima. Arusu fusti Apa futan nantifi onihuaniquin. Ahuunoashu fusti yora nitirofoquin. Aafin chashamati cuscaraquin. Upa Diosin ahuu cuscaramainquin arus fusti yorafo oinmatiro. Faquish muran chashamatinin noco oinmasharatiro. Nanscarifiai yora chacafo murannoari Cristo noco oinmatiro non Dios tanasharanon. Nan chacafoancai Cristo unumatiroma.
Ascano Upa Diosin Juan nichini Jesucristohuunoa yorafo yoinon. —Jesushuunoashu yorafo Dios fu ipatiro. Upa Diosin mato tapimapaiyai cuscan Jesushuunshon mato tapimatiroran, —ishon Juanpan ato yoini. Nannori ato yoini icoinra huanonfo. Juanpacai yorafo Dios ya imapacutiroma. Diosifin man Juan nichiniquin ato yoinon. —Jesucristo fustichifin noco Dios ya imapacutiroquin, —ishon ato yoinon. Yoiyoni cuscan atoqui noconi. Criston iconquin Dioshuunoa tapimatiro. Diosin nantifi yorafoti imapaiyai cuscan ato tapimamisi.
Nanton mai yafi yorafoti onihuafianicucai atoqui nocoaiton tsoan onannifoma. Ahuun mai ano nocofiaitocai ahuun yora Israelifoan oinpainifoma. Asca huafiainfoanno, nan noiaifoan icoinra huanifo. Ascaiton ato yoini isca huaquin, —Man ua icoinra huaashu Upa Diosin Facu man itiroran, —ishon ato yoini. Yorafoancai Diosin Facu huatirofoma Diospan Facu inon. Ascashon tsoancai yoiqui isca huatiroma, —Uhuun ahuin un facu nanumatiro. Caianshu Diospan Facu inon, —ishoncai tsoan anori yoitiroma. Diosin fustiton ahuun facufo cainmatiro. Noncai asca huatiroma. Upan Diosin apaiyai cuscan Jesús icoinra huafoti aton nomuran fiananantiro ahuun facufo ishcaquin.
Ascan Criston Apa Dios icanoashu mai ano oni yoracoin ishquin. Nocoashu no fu iyopaoni. Nantifi yorafo noimisi. Nocohuun ramapaicoin. Ahuun tsain iconcoin. Arusu fustifin Upa Diosin facucoinquin. Apa Dios shara imisi cuscan arifi nanscacoinmisiquin. Man non oinpaoni. Ahuunoa Juanpan yoini isca huani, —Ua nicacahuun. Nanhuunoa un mato yoimisiquin. Un mato Diospan tsainhuunoa yoiyofiamisi natian aficoin man matoqui nocoa. Un mato yoimisi cuscan nanfin Diospan facu oinquin. Unmaquian. Un caiantaima Apa Dios fu iyopaoniquin. Ascan ua fasi finoncoian, —ishon Juanpan ato yoiniquin.
Jesús nantifi noco shara huamisiquin. Nocohuun noiquin noco shara huafafaini. Nantififain man non mumisiquin. Upa Diosin noco yonopaiyai cuscan Moisés nocon shunifo yoiniquin. Ascaiton ahuunshon norifi non tapitiroquin. Moisés nanfo noco tapimafiaino Jesucristo nocoqui oni nocohuun ramapaicain aafin iconmisicoinquin noco ismapaoni. Tsoancai Upa Dios oinmisima. Ascafia ahuun Facu fu rafumisiton ahuunoa noco yoimisiquin. Ahuunshon non tapitiro ahuu cuscaramain Upa Diosiquin.


Ascano nocon caifo Israeli niaifofoan Jerusalén anoshon nan nocon yorafohuunshon Dios cufimisifo non ato fu niaifo patasharinoafo Juan icano nichinifo. —Juan yocatacahuun, “¿Min tsoamun?” ishon yocatacahuun, —ato huaafo focashon. Juan yocaifoanno pusitama shafacafi ato cumani, —Uncai Diospan Furunma. Unricai Cristoma, —huaiton.
—¿Ascan min tsoamun? ¿Minmun Elías? —huaifoan. —Ma. Uncai Eliasma, —huaiton. —¿Ascan minmun Diosin tsain yoimisi nan nocoqui oiran Moisés noco huamisi? ¿Nan non manamisi minmun? —huaifoan. —Ma. Unmafinquin, —huaiton.
—¿Ascan min tsoamun? Noco yoihuu noco nichiafo non ato tapimanon. Mihuunoa noco tapimahuun, —huaifoan.
Isaías cununi cuscan nannoricoin Juanpan ato yoini isca huaquin, —Diosin mato yoipaiyai cuscan ua tapimana un mato yoinon. Tsoan istaipamashon un oi ashcafinin yoimisi isca huaquin, “Nocon Ifo nocoqui oshquiquin. Nocoataima itisharacahuun. Man ipaoni cuscan afanan ayamacahuun. Nantifi maton chaca potacahuun. Cayacafi isharashcaquin,” —ishon ato yoini.
Nicacashon nocon caifo Fariseofoan ato Juanqui nichinifo yocanonfo, —¿Min Cristo iyamacain, min Elías iyamacain nan non manamisi Diosin tsain yoimisicai min ahuuscashocon min yorafo unu muran iquimapacuamun? —ishon yocaifoan.
Ascaiton Juanpan ato cumaquin, —Unfin ato unu muran iquimapacuaquin. Ascafiano nuno noco muran futsan nocoa. Mancai onanma. Un natian mato Diosin tsain yoifafaini. Ascafia afincoin chipo mato yoishquin. Fasi ua finoncoian. Un ahuara shara huaa rafanancai un ahuun oinmatima. Uhuun ramapaiyamainocai un ahuun oinmati icuanamaran, —ishon Juanpan ato cumani.
Nan pushurasi Betania unu Jordán oquirishtashon Juanpan nannoshon ato unu muran iquimapacuni. Nannoashuri atofu tsainni.

Ascatan iyoconaino Juanpan Jesús aqui oaiton oinni. Ascanshon yorafo yoini isca huaquin, —¡Oincapon! Nan Diospan Chashoan Cahuashara cuscaracoin oi. Nanton nantifi yorafo nan icoinra huafotisi aton chaca soashonpacunaca. Un mato ahuunoa yoimisi cuscan, un mato yoiqui anaitiano nocofunu shara matoqui nocoi. Un caiantaima iyomisi. Ascan ua fasi finoncoian. Unrifi un onansharayamafiashon un yorafo unu muran iquimapacuaquin a nocon caifo Israelifoan a onanonfo, —ishon Juanpan ato yoiniquin.
Jesushuunoa Juanpan ato yoini isca huaquin, —Diospan Yoshin Shara nai murannoashu ruhui cuscara Jesusqui fotopacucahuanaiton. Uficoin un oian. Un onantaima Upa Diosin ua yoia isca huaquin, “Tsoan ua icoinra huaifo min unu muran iquimapacutiro. Futsa miqui oaino uhuun Yoshin Shara nan nocofunuhuun nuupacucahuashquin. A fu nitushquin. Nan oinquin min tapitiro uhuun Yoshin Shara matoya rafumashquin ahuun shinanshara maton nomuran shinanmaniran,” ishon ua yoia. Upa Diosin ua anori yoiyamacucai Jesús nan Diospan Furun urifi un onancuanama. Ascafiashon mun oian. Ascan un mato iconcoin yoiquin nancaifin Diospan Furunquin, —ishon Juanpan ato yoini.

Iyoconaino afanan nanno Juan yafi ahuun tananmisifo rafu. Niafoanno Jesús ato finonfainaiton Juanpan oinquin ato yoini, —¡Oincapon! Nan Diospan Facu Chashoan Facu cuscara, —ishon ato yoini.
Nicacatan nan rafutan Jesús mufainifo. Ascaiton Jesús ifiacucahuan ato oinquin yoini. —¿Ahua man funaimun? —ishon ato yocaiton. —¿Tapimamisiton, rani min iquimun? —huaifoan.
—Fucahuun un mato ismanon, —ishon ato yoini. Ascatan afu focaquin oianfo ica ini. Nanno afu yatapacunifo.
Nan rafu Juanpan ato yoia cuscan nicacatan Jesús mufainifo futsan ahuun anu Andrés. Nan Andrés ahuun ochi Simón Pedro. Jesús icano nococatan Andrés samamashta ahuun ochi Simón funai cani. Aqui nocoshon yoini, —Upa Diosin noco yoiyoni, “Un maton Numamisi matoqui nichishquiran,” ishon noco yoiyoni. Nan man non fuchia. Nanfin Cristoquin. Oinyohuu, —huani.
Ascantan foaifoanno Andrés Simón Jesusqui iyoni. Aqui nocoshon Jesús Simón oinquin yoini, —Minfin Simonquin Juanpan facu. Natian un mia anu futsa tuquihuanon. Non mia Cefas huairan, —ishon yoini. Cefas nahua tsainmanfin Pedro.

Ascan iyoconaino Jesús shinanni isca huaquin, —Un Galilea ano cairan, —ishon shinanni. Caquin Felipe fuchitan yoini, —U fu cahuun, —huani. Nicatan afu cani.
Felipe non Andrés non Pedrori pushurasi ahuun anu Betsaida ano inifo. Ascatan Felipen Natanael fuchishon yoini, —Moisés Diosin yononi cuscan cununi isca huaquin, “Un Numamisi matoqui nichishquiran,” ishon Diosin yoini cuscan Moisés aqui cununiquin. Nannorifi Diosin tsain yoimisi futsafoan yoinifo. Nancai man non fuchiaran. Jesusfin José ahuun facu Nazaret anoaquin, —huaiton.
—¿Ahuatomun noco Nazaret ano shara huashotiroquin? —Natanael huaiton. —Ohuu, Oinshquin, —Felipe huani.
Natanael aqui nocoaiton Jesús ahuunoa yoini, —Naafin Israelicoinquin. Diospan yora ipaicoin. Nantofin iconcoin shinanfafaimisiquin. Paracai huamisimaran, —ishon Jesús ahuunoa yoini.
Nicatan Natanael cumani, —¿Ahuuscashomun ua oinyamafiamisishaquin min ua onantiroquin? —ishon yocaiton. —Felipe mia cunataima un anoyamafiashon ihui huiguera namannoa un mia oian, —Jesús huaiton.
Ascaiton, —Tapimamisiton. Felipe ua yoia cuscan iconcoin. Minfin Diospan Furunquin. Nocon caifo Israelifo min nocon niaifoquin, —huaiton.
Jesús cumani, —Min fimi huiguera ihui naman raca. Un ano yamafiashon un mia oian. Un anori mia yoiaiton mian icoinra huaa. Min ahuara shara finacaia min oinshquin.
Iconcoin un mia yoinon. Min Upa Diosin nai muran icano oinshquin. Uhuunoashu Upa Diosin ahuun oinmati afu nai muran icafo mai arishon nai muran Diosin icano funishquin. Ascaiton min oinshquin. Upa Diosin icanoashuri mai ano fotoaino min ato oinshquiran, —ishon Jesús Natanael yoini.

聞く Juan 1