OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Yesus nanga den brada fu En</div><div class="p"> 1Baka dati Yesus hari fu a wan presi go na a trawan ini Galilea. A no ben wani tan na Yudea, bika den fesiman fu den Dyu ben e suku fu kiri En. 2Ma a ten fu den Dyu hori a Sukotfesa fu den, ben de krosbei. #Lev 23:34; Deut 16:13 3Dan den brada fu Yesus taigi En taki: &#8220;Yu mus kmopo dya go na Yudea, meki den sma fu Yu si den sani san Yu e du. 4Bika no wan sma e du wan sani kibrifasi, efu a wani fu sma kon sabi en. Efu Yu e du den sani disi, dan meki heri grontapu kon sabi Yu!&#8221; 5Den brada fu Yesus taki so, fu di den srefi no ben e bribi na ini En.</div><div class="p"> 6Dan Yesus piki den taki: &#8220;Un kan go oten un wani, ma a yuru fu Mi no doro ete. 7Den sma fu grontapu no man mandi nanga unu. Ma Mi den no man si na ai, fu di Mi e taigi den tak' na ogri den e du. 8Un kan go na a fesa. Mi no e go, bika a yuru fu Mi no doro ete.&#8221; 9Di A taigi den dati, A tan na Galilea.</div><div class="s">Yesus go na a Sukotfesa</div><div class="p"> 10Baka di den brada fu En go na a fesa, Yesus srefi go tu. Ma A go kibrifasi fu no wan sma sabi. 11Den fesiman fu den Dyu ben e luku fu En tapu a fesa, &#232;n den ben e aksi pe A de. 12Den furu sma di ben drape ben e taki saf'safri fu En. Sonwan ben e taki tak' Yesus na wan bun sma, ma trawan ben feni tak' na kori A e kori den sma. 13Ma no wan sma ben prefuru fu taki fu En meki ala sma yere, bika den ben frede den fesiman fu den Dyu.</div><div class="p"> 14Di afu fu den dei fu a fesa ben psa kba, Yesus go na a mamakerki dan A bigin gi den sma leri. 15Den fesiman fu den Dyu ben ferwondru, &#232;n den aksi taki: &#8220;Fa a Man disi du sabi someni sani sondro fu A kisi leri?&#8221;</div><div class="p"> 16Yesus piki den taki: &#8220;Den sani di Mi e leri no kmoto fu Misrefi, ma fu a Wan di seni Mi kon. 17Efu wan sma wani du a wani fu Gado, dan a sa kon sabi efu a leri san Mi e gi, kmoto fu Gado noso efu Mi kon nanga Mi eigi leri. 18Efu wan sma kon nanga en eigi leri, a e suku grani gi ensrefi. Ma a sma di e suku grani gi a wan di seni en kon, de fu fertrow &#232;n a no e lei. 19Moses ben gi unu a w&#232;t, ma no wan fu unu e du san a w&#232;t e taki. Fu sanede un wani kiri Mi?&#8221;</div><div class="p"> 20Den sma taigi En taki: &#8220;Suma wani kiri Yu? Na wan takruyeye Yu abi na Yu tapu!&#8221;</div><div class="p"> 21Yesus piki den taki: &#8220;Mi du wan wondru nomo, dan un alamala ferwondru. 22Luku, Moses ben taigi un tak' un mus besnei den boi fu unu. A sani disi no ben kmoto fu ensrefi, ma fu den afo fu wi. Dat' meki un e besnei, awinsi na wan sabadei. #Lev 12:3; Gen 17:10 23Efu un e besnei tapu a sabadei fu no broko a w&#232;t fu Moses, dan fu sanede un ati e bron na Mi tapu fu di Mi meki wan sma kon betre tapu a sabadei? #Yoh 5:9 24Un no mus krutu wan sma fu san un si, ma un mus krutu tapu wan leti fasi.&#8221;</div><div class="p"> 25Sonwan fu den sma fu Yerusalem aksi taki: &#8220;A no En na a man di den wani kiri? 26Luku, A e gi leri na ala sma fesi, &#232;n no wan sma e taigi En wan sani. Kande den edeman kon si now trutru tak' En na a Mesias. 27Un sabi pe a man disi kmoto, ma te a Mesias kon, no wan sma o sabi pe A kmoto.&#8221;</div><div class="p"> 28Dat' meki di Yesus ben e leri den sma ini a mamakerki, A bari taki: &#8220;Un sabi Mi &#232;n un sabi pe Mi kmoto. Ma Mi no kon ini Mi eigi nen. Na a Trutru Wan seni Mi kon. Un no sabi En, 29ma Mi sabi En, bika Mi kmopo na En &#232;n na En seni Mi kon.&#8221;</div><div class="p"> 30Di den yere dati, den suku fu grabu En. Ma no wan sma no fasi En, bika a yuru fu En no ben doro ete. 31Ma furu fu den sma bigin bribi ini En. Den taki: &#8220;Te a Mesias kon, A o man meki un si moro marki leki a man disi?&#8221;</div><div class="p"> 32Den Fariseiman yere san den sma ben e taki saf'safri fu Yesus. Dat' meki den nanga den prenspari domri seni waktiman fu a mamakerki fu go grabu En. 33Dan Yesus taki: &#8220;Wan syatu pisten nomo Mi o de ete nanga unu, dan Mi o drai go baka na a Wan di ben seni Mi kon. 34Un o suku Mi, ma un no o feni Mi. Bika pe Mi de, un no man kon.&#8221;</div><div class="p"> 35Den fesiman fu den Dyu aksi makandra taki: &#8220;Pe a man disi o go dan, tak' un no o man feni En? Kande A o go na den Dyusma di panya go na tra kondre, dan A o gi den sma drape di no sabi Gado a leri fu En. 36A taki tak' wi o suku En, ma un no o feni En, &#232;n pe A de, un no man kon. San A wani taki nanga a sani dati?&#8221;</div><div class="s">A watra di e gi libi</div><div class="p"> 37A laste dei fu a Sukotfesa na a moro bigi dei. A dei dati Yesus opo tnapu dan A bari taki: &#8220;Efu watra e kiri wan sma, meki a kon na Mi fu dringi! #Lev 23:36 38A Santa Buku e taki: Liba fu watra di e gi libi, o lon kmoto inisei fu a sma di e bribi ini Mi.&#8221; #Ezec 47:1; Zach 14:8 39Di Yesus taki a sani dati, A ben e taki fu a Santa Yeye san den sma bo kisi di teki bribi ini En. Bika te leki a ten dati a Santa Yeye no ben kon ete, fu di Yesus no ben go na heimel ete.</div><div class="p"> 40Di den sma yere san Yesus taki, sonwan fu den taki: &#8220;Trutru, a man disi na a Profeiti!&#8221;</div><div class="p"> 41Trawan taki: &#8220;Disi na a Mesias!&#8221;</div><div class="p">Trawan baka taki: &#8220;A Mesias no o kmoto fu Galilea. 42Bika a Santa Buku e taki tak' a Mesias o de wan bakapikin fu David, &#232;n A o kmoto fu Betlehem, a foto pe David ben e libi.&#8221; #2Sam 7:12; Micha 5:1 43Na so prati ben kon mindri den sma fu Yesus ede. 44Sonwan fu den ben wani grabu En, ma no wan sma no fasi En.</div><div class="s">Den fesiman fu den Dyu no wani bribi</div><div class="p"> 45Den waktiman drai go baka na den prenspari domri nanga den Fariseiman, dan den man dati aksi den taki: &#8220;Sanede un no tyari En kon?&#8221;</div><div class="p"> 46Den waktiman piki den taki: &#8220;Noiti ete wan man taki leki fa a man disi e taki.&#8221;</div><div class="p"> 47Dan den Fariseiman taigi den taki: &#8220;Na drai A drai un ede tu? 48No wan edeman fu unu &#232;n no wan fu den Fariseiman e bribi ini En. 49Ma Gado sa fluku ala den sma disi di no sabi a w&#232;t fu Moses!&#8221;</div><div class="p"> 50Dan Nikodemus, wan fu den Fariseiman di ben kon wan leisi na Yesus, taigi den taki: #Yoh 3:1-2 51&#8220;A w&#232;t fu unu e taki tak' un no kan leisi strafu gi wan sma efu un no arki fosi san a e taki &#232;n ondrosuku san a e du.&#8221;</div><div class="p"> 52Den piki en taki: &#8220;Yu na fu Galilea tu? Go ondrosuku Gadowortu, dan yu o si tak' no wan profeiti e kmoto fu Galilea.&#8221;</div><div class="s">Yesus nanga a uma di prei en masra</div><div class="p"> 53Baka dati ala sma go na den oso,</div>
 </div>
 </div>
</div>

Baka dati Yesus hari fu a wan presi go na a trawan ini Galilea. A no ben wani tan na Yudea, bika den fesiman fu den Dyu ben e suku fu kiri En. Ma a ten fu den Dyu hori a Sukotfesa fu den, ben de krosbei. Dan den brada fu Yesus taigi En taki: “Yu mus kmopo dya go na Yudea, meki den sma fu Yu si den sani san Yu e du. Bika no wan sma e du wan sani kibrifasi, efu a wani fu sma kon sabi en. Efu Yu e du den sani disi, dan meki heri grontapu kon sabi Yu!” Den brada fu Yesus taki so, fu di den srefi no ben e bribi na ini En.
Dan Yesus piki den taki: “Un kan go oten un wani, ma a yuru fu Mi no doro ete. Den sma fu grontapu no man mandi nanga unu. Ma Mi den no man si na ai, fu di Mi e taigi den tak' na ogri den e du. Un kan go na a fesa. Mi no e go, bika a yuru fu Mi no doro ete.” Di A taigi den dati, A tan na Galilea.

Baka di den brada fu En go na a fesa, Yesus srefi go tu. Ma A go kibrifasi fu no wan sma sabi. Den fesiman fu den Dyu ben e luku fu En tapu a fesa, èn den ben e aksi pe A de. Den furu sma di ben drape ben e taki saf'safri fu En. Sonwan ben e taki tak' Yesus na wan bun sma, ma trawan ben feni tak' na kori A e kori den sma. Ma no wan sma ben prefuru fu taki fu En meki ala sma yere, bika den ben frede den fesiman fu den Dyu.
Di afu fu den dei fu a fesa ben psa kba, Yesus go na a mamakerki dan A bigin gi den sma leri. Den fesiman fu den Dyu ben ferwondru, èn den aksi taki: “Fa a Man disi du sabi someni sani sondro fu A kisi leri?”
Yesus piki den taki: “Den sani di Mi e leri no kmoto fu Misrefi, ma fu a Wan di seni Mi kon. Efu wan sma wani du a wani fu Gado, dan a sa kon sabi efu a leri san Mi e gi, kmoto fu Gado noso efu Mi kon nanga Mi eigi leri. Efu wan sma kon nanga en eigi leri, a e suku grani gi ensrefi. Ma a sma di e suku grani gi a wan di seni en kon, de fu fertrow èn a no e lei. Moses ben gi unu a wèt, ma no wan fu unu e du san a wèt e taki. Fu sanede un wani kiri Mi?”
Den sma taigi En taki: “Suma wani kiri Yu? Na wan takruyeye Yu abi na Yu tapu!”
Yesus piki den taki: “Mi du wan wondru nomo, dan un alamala ferwondru. Luku, Moses ben taigi un tak' un mus besnei den boi fu unu. A sani disi no ben kmoto fu ensrefi, ma fu den afo fu wi. Dat' meki un e besnei, awinsi na wan sabadei. Efu un e besnei tapu a sabadei fu no broko a wèt fu Moses, dan fu sanede un ati e bron na Mi tapu fu di Mi meki wan sma kon betre tapu a sabadei? Un no mus krutu wan sma fu san un si, ma un mus krutu tapu wan leti fasi.”
Sonwan fu den sma fu Yerusalem aksi taki: “A no En na a man di den wani kiri? Luku, A e gi leri na ala sma fesi, èn no wan sma e taigi En wan sani. Kande den edeman kon si now trutru tak' En na a Mesias. Un sabi pe a man disi kmoto, ma te a Mesias kon, no wan sma o sabi pe A kmoto.”
Dat' meki di Yesus ben e leri den sma ini a mamakerki, A bari taki: “Un sabi Mi èn un sabi pe Mi kmoto. Ma Mi no kon ini Mi eigi nen. Na a Trutru Wan seni Mi kon. Un no sabi En, ma Mi sabi En, bika Mi kmopo na En èn na En seni Mi kon.”
Di den yere dati, den suku fu grabu En. Ma no wan sma no fasi En, bika a yuru fu En no ben doro ete. Ma furu fu den sma bigin bribi ini En. Den taki: “Te a Mesias kon, A o man meki un si moro marki leki a man disi?”
Den Fariseiman yere san den sma ben e taki saf'safri fu Yesus. Dat' meki den nanga den prenspari domri seni waktiman fu a mamakerki fu go grabu En. Dan Yesus taki: “Wan syatu pisten nomo Mi o de ete nanga unu, dan Mi o drai go baka na a Wan di ben seni Mi kon. Un o suku Mi, ma un no o feni Mi. Bika pe Mi de, un no man kon.”
Den fesiman fu den Dyu aksi makandra taki: “Pe a man disi o go dan, tak' un no o man feni En? Kande A o go na den Dyusma di panya go na tra kondre, dan A o gi den sma drape di no sabi Gado a leri fu En. A taki tak' wi o suku En, ma un no o feni En, èn pe A de, un no man kon. San A wani taki nanga a sani dati?”

A laste dei fu a Sukotfesa na a moro bigi dei. A dei dati Yesus opo tnapu dan A bari taki: “Efu watra e kiri wan sma, meki a kon na Mi fu dringi! A Santa Buku e taki: Liba fu watra di e gi libi, o lon kmoto inisei fu a sma di e bribi ini Mi.” Di Yesus taki a sani dati, A ben e taki fu a Santa Yeye san den sma bo kisi di teki bribi ini En. Bika te leki a ten dati a Santa Yeye no ben kon ete, fu di Yesus no ben go na heimel ete.
Di den sma yere san Yesus taki, sonwan fu den taki: “Trutru, a man disi na a Profeiti!”
Trawan taki: “Disi na a Mesias!”
Trawan baka taki: “A Mesias no o kmoto fu Galilea. Bika a Santa Buku e taki tak' a Mesias o de wan bakapikin fu David, èn A o kmoto fu Betlehem, a foto pe David ben e libi.” Na so prati ben kon mindri den sma fu Yesus ede. Sonwan fu den ben wani grabu En, ma no wan sma no fasi En.

Den waktiman drai go baka na den prenspari domri nanga den Fariseiman, dan den man dati aksi den taki: “Sanede un no tyari En kon?”
Den waktiman piki den taki: “Noiti ete wan man taki leki fa a man disi e taki.”
Dan den Fariseiman taigi den taki: “Na drai A drai un ede tu? No wan edeman fu unu èn no wan fu den Fariseiman e bribi ini En. Ma Gado sa fluku ala den sma disi di no sabi a wèt fu Moses!”
Dan Nikodemus, wan fu den Fariseiman di ben kon wan leisi na Yesus, taigi den taki: “A wèt fu unu e taki tak' un no kan leisi strafu gi wan sma efu un no arki fosi san a e taki èn ondrosuku san a e du.”
Den piki en taki: “Yu na fu Galilea tu? Go ondrosuku Gadowortu, dan yu o si tak' no wan profeiti e kmoto fu Galilea.”

Baka dati ala sma go na den oso,

聞く Yohanes 7