OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
   <div class="book bkLUK">
      <div class="chapter ch20" data-usfm="LUK.20">
         <div class="label">20</div><div class="s"><span class="heading">Den aksi Yesus pe A feni a makti</span></div><div class="r"><span class="heading">Mateus 21:23-27; Markus 11:27-33</span></div><div class="p"><span class="content">  </span><span class="verse v1" data-usfm="LUK.20.1"><span class="label">1</span><span class="content">Yesus ben e gi sma leri na ini a mamakerki, &#232;n A ben e ferteri den a Bun Nyunsu. Wan fu den dei dati den prenspari domri, den sabiman fu Gado w&#232;t nanga den fesiman fu a folku, kon na En. </span></span><span class="verse v2" data-usfm="LUK.20.2"><span class="label">2</span><span class="content">Den aksi En taki: &#8220;Taigi unu, pe Yu feni a leti fu du den sani san Yu e du? Suma gi Yu a makti fu du den sani disi?&#8221;</span></span></div><div class="p"><span class="verse v2" data-usfm="LUK.20.2"><span class="content">  </span></span><span class="verse v3" data-usfm="LUK.20.3"><span class="label">3</span><span class="content">A piki den taki: &#8220;Mi wani aksi un wan sani tu. Un taigi Mi: </span></span><span class="verse v4" data-usfm="LUK.20.4"><span class="label">4</span><span class="content">Suma ben gi Yohanes a makti fu dopu sma? Gado noso libisma?&#8221;</span></span></div><div class="p"><span class="verse v4" data-usfm="LUK.20.4"><span class="content">  </span></span><span class="verse v5" data-usfm="LUK.20.5"><span class="label">5</span><span class="content">Dan den man taki a tori nanga makandra. Den taki: &#8220;Efu un taki: &#8216;Na Gado,&#8217; dan A o aksi unu: &#8216;Fu sanede un no ben bribi en dan?&#8217; </span></span><span class="verse v6" data-usfm="LUK.20.6"><span class="label">6</span><span class="content">Ma efu un taki: &#8216;Na libisma,&#8217; dan a heri folku o ston un kiri. Bika den e bribi tak' Yohanes ben de wan profeiti.&#8221; </span></span><span class="verse v7" data-usfm="LUK.20.7"><span class="label">7</span><span class="content">So den piki taki: &#8220;Wi no sabi suma gi en a makti.&#8221;</span></span></div><div class="p"><span class="verse v7" data-usfm="LUK.20.7"><span class="content">  </span></span><span class="verse v8" data-usfm="LUK.20.8"><span class="label">8</span><span class="content">Ne Yesus taigi den taki: &#8220;We, dan Mi srefi no o taigi unu pe Mi feni a leti fu du den sani san Mi e du.&#8221;</span></span></div><div class="s"><span class="heading">A agersitori fu a man di yuru wan droifidyari gi sma</span></div><div class="r"><span class="heading">Mateus 21:33-46; Markus 12:1-12</span></div><div class="p"><span class="verse v8" data-usfm="LUK.20.8"><span class="content">  </span></span><span class="verse v9" data-usfm="LUK.20.9"><span class="label">9</span><span class="content">Dan Yesus ferteri a folku wan agersitori. A taki: &#8220;Wan man ben prani droifibon na ini en gron. A yuru a droifidyari gi tra sma, dan a gwe wan heri pisten na wan tra kondre. </span><span class="note x"><span class="label">#</span><span class=" body">Jes 5:1</span></span><span class="content">  </span></span><span class="verse v10" data-usfm="LUK.20.10"><span class="label">10</span><span class="content">Di a ten doro fu piki den droifi, a seni wan knekti go na den man di yuru a droifidyari, fu den gi en den droifi san en masra ben mus kisi. Ma den man fon en, dan den seni en gwe nanga soso anu. </span></span><span class="verse v11" data-usfm="LUK.20.11"><span class="label">11</span><span class="content">Dan a man di abi a droifidyari seni wan tra knekti go, ma den man fon a knekti disi tu. Den teki en leki wan figifutu, dan den seni en gwe nanga soso anu. </span></span><span class="verse v12" data-usfm="LUK.20.12"><span class="label">12</span><span class="content">Dan a man seni ete wan knekti go, a di fu dri. Ma den man gi a knekti disi mankeri, dan den srepi en puru ini a droifidyari.</span></span></div><div class="p"><span class="verse v12" data-usfm="LUK.20.12"><span class="content">  </span></span><span class="verse v13" data-usfm="LUK.20.13"><span class="label">13</span><span class="content">Dan a man di abi a droifidyari aksi ensrefi taki: &#8216;San mi mus du now? We, mi o seni a manpikin fu mi go, di mi lobi. Den no sa du den sani dati nanga en.&#8217;</span></span></div><div class="p"><span class="verse v13" data-usfm="LUK.20.13"><span class="content">  </span></span><span class="verse v14" data-usfm="LUK.20.14"><span class="label">14</span><span class="content">Ma di den man di ben yuru a gron si a manpikin, den taigi makandra taki: &#8216;Na a boi disi o kisi a gron te en p'pa dede. Kon meki un kiri en, dan unu o kisi a gron.&#8217; </span></span><span class="verse v15" data-usfm="LUK.20.15"><span class="label">15</span><span class="content">So den srepi a manpikin go na dorosei fu a droifidyari, dan den kiri en.&#8221;</span></span></div><div class="p"><span class="verse v15" data-usfm="LUK.20.15"><span class="content">Dan Yesus aksi den sma taki: &#8220;San un e prakseri tak' a man di abi a droifidyari o du nanga den man? </span></span><span class="verse v16" data-usfm="LUK.20.16"><span class="label">16</span><span class="content">Mi e taigi unu: A o kon kiri den man di ben yuru a droifidyari, dan a o yuru en gi tra sma.&#8221;</span></span></div><div class="p"><span class="verse v16" data-usfm="LUK.20.16"><span class="content">Di den sma yere a sani disi, den taki: &#8220;Disi no musu psa, kwet'kweti!&#8221;</span></span></div><div class="p"><span class="verse v16" data-usfm="LUK.20.16"><span class="content">  </span></span><span class="verse v17" data-usfm="LUK.20.17"><span class="label">17</span><span class="content">Ma Yesus luku den, dan A taki: &#8220;A skrifi taki:</span></span></div><div class="q1"><span class="verse v17" data-usfm="LUK.20.17"><span class="content">A ston di den mesreman</span></span></div><div class="q2"><span class="verse v17" data-usfm="LUK.20.17"><span class="content">feni tak' no bun,</span></span></div><div class="q1"><span class="verse v17" data-usfm="LUK.20.17"><span class="content">na a srefi ston dati</span></span></div><div class="q2"><span class="verse v17" data-usfm="LUK.20.17"><span class="content">tron a moro prenspari ston</span></span></div><div class="q2"><span class="verse v17" data-usfm="LUK.20.17"><span class="content">fu a heri oso.</span></span></div><div class="m"><span class="verse v17" data-usfm="LUK.20.17"><span class="content">San a sani disi wani taki?&#8221; </span><span class="note x"><span class="label">#</span><span class=" body">Ps 118:22</span></span><span class="content">  </span></span><span class="verse v18" data-usfm="LUK.20.18"><span class="label">18</span><span class="content">Dan Yesus taki moro fara: &#8220;Ala sma di fadon tapu a ston disi, o broko ala den bonyo. &#200;n efu a ston disi fadon na tapu wan sma, a o masi en tron wan doni.&#8221;</span></span></div><div class="p"><span class="verse v18" data-usfm="LUK.20.18"><span class="content">  </span></span><span class="verse v19" data-usfm="LUK.20.19"><span class="label">19</span><span class="content">Den sabiman fu Gado w&#232;t nanga den prenspari domri ben kon ferstan tak' na gi den A koti wan odo nanga a agersitori disi. Dat' meki den ben wani grabu En a srefi yuru dati, ma den ben frede a folku.</span></span></div><div class="s"><span class="heading">A tori fu a edemoni</span></div><div class="r"><span class="heading">Mateus 22:15-22; Markus 12:13-17</span></div><div class="p"><span class="verse v19" data-usfm="LUK.20.19"><span class="content">  </span></span><span class="verse v20" data-usfm="LUK.20.20"><span class="label">20</span><span class="content">Dan so den seti luru gi Yesus. Den seni sma fu go luku efu Yesus bo taki wan sani san no fiti, fu den kan gi En abra na ini anu fu a granman. Den man disi ben mus du leki den na sma di e libi leki fa Gado wani. </span></span><span class="verse v21" data-usfm="LUK.20.21"><span class="label">21</span><span class="content">Dan den man taigi Yesus taki: &#8220;Meister, un sabi tak' den sani san Yu e taki, nanga san Yu e leri, na tru sani. Yu no e wroko nanga fesi, ma Yu e leri unu a pasi fu Gado leki fa a de. </span></span><span class="verse v22" data-usfm="LUK.20.22"><span class="label">22</span><span class="content">Ma un wani aksi Yu wan sani: A fiti fu pai edemoni na a grankownu fu den Romeinisma, efu no?&#8221;</span></span></div><div class="p"><span class="verse v22" data-usfm="LUK.20.22"><span class="content">  </span></span><span class="verse v23" data-usfm="LUK.20.23"><span class="label">23</span><span class="content">Ma Yesus si tak' na fasi den ben wani fasi En. Dat' meki A taigi den taki: </span></span><span class="verse v24" data-usfm="LUK.20.24"><span class="label">24</span><span class="content">&#8220;Kon meki Mi si wan moni. Suma fesi nanga suma nen de na en tapu?&#8221;</span></span></div><div class="p"><span class="verse v24" data-usfm="LUK.20.24"><span class="content">Den piki En taki: &#8220;A di fu a grankownu.&#8221;</span></span></div><div class="p"><span class="verse v24" data-usfm="LUK.20.24"><span class="content">  </span></span><span class="verse v25" data-usfm="LUK.20.25"><span class="label">25</span><span class="content">Ne Yesus piki den taki: &#8220;Dan un gi a grankownu san na fu en, &#232;n un gi Gado san na fu Gado.&#8221;</span></span></div><div class="p"><span class="verse v25" data-usfm="LUK.20.25"><span class="content">  </span></span><span class="verse v26" data-usfm="LUK.20.26"><span class="label">26</span><span class="content">So den man no ben man kisi Yesus fu A taki wan sani san no bun, fu a folku yere. Dan den hori den mofo, bika den ben ferwondru fu a fasi fa A piki den.</span></span></div><div class="s"><span class="heading">Yesus nanga den Saduseiman</span></div><div class="r"><span class="heading">Mateus 22:23-33; Markus 12:18-27</span></div><div class="p"><span class="verse v26" data-usfm="LUK.20.26"><span class="content">  </span></span><span class="verse v27" data-usfm="LUK.20.27"><span class="label">27</span><span class="content">Wantu Saduseiman kon na Yesus fu aksi En wan sani. Den man disi no ben e bribi tak' dedesma o kon na libi baka. </span><span class="note x"><span class="label">#</span><span class=" body">Bosk 23:8</span></span><span class="content">  </span></span><span class="verse v28" data-usfm="LUK.20.28"><span class="label">28</span><span class="content">Den taki: &#8220;Meister, Moses ben skrifi tak' efu wan man di abi wan brada trow, &#232;n a dede sondro fu a kisi wan pikin, dan en brada mus trow nanga a frow fu meki pikin gi en brada di dede. </span><span class="note x"><span class="label">#</span><span class=" body">Deut 25:5-6</span></span><span class="content">  </span></span><span class="verse v29" data-usfm="LUK.20.29"><span class="label">29</span><span class="content">Now seibi brada ben de. A fosi wan trow, ma a dede sondro fu libi wan pikin na baka. </span></span><span class="verse v30" data-usfm="LUK.20.30"><span class="label">30</span><span class="content">Dan a brada di waka na en baka trow nanga a frow, </span></span><span class="verse v31" data-usfm="LUK.20.31"><span class="label">31</span><span class="content">dan a di fu dri, te leki ala den seibi brada ben trow nanga en. Ma den alamala dede sondro fu kisi wan pikin. </span></span><span class="verse v32" data-usfm="LUK.20.32"><span class="label">32</span><span class="content">Te fu kba, a frow srefi kon dede.&#8221; </span></span><span class="verse v33" data-usfm="LUK.20.33"><span class="label">33</span><span class="content">Dan den aksi Yesus taki: &#8220;Te den dedesma o kon na libi baka, sortu wan fu den brada sa abi a frow disi leki en trow-uma? Bika ala seibi man ben trow nanga en.&#8221;</span></span></div><div class="p"><span class="verse v33" data-usfm="LUK.20.33"><span class="content">  </span></span><span class="verse v34" data-usfm="LUK.20.34"><span class="label">34</span><span class="content">Yesus piki den taki: &#8220;Den sma fu a ten disi e trow nanga makandra. </span></span><span class="verse v35" data-usfm="LUK.20.35"><span class="label">35</span><span class="content">Ma den sma di Gado feni warti fu opo baka na dede, &#232;n libi ini a ten di e kon, no o trow nanga makandra. </span></span><span class="verse v36" data-usfm="LUK.20.36"><span class="label">36</span><span class="content">Den no o dede moro, bika den o de leki den engel. Den o de pikin fu Gado, fu di den kon na libi baka. </span></span><span class="verse v37" data-usfm="LUK.20.37"><span class="label">37</span><span class="content">Moses srefi sori krinkrin tak' dedesma o kon baka na libi. Ini a tori fu a pikin bon di ben teki faya sondro fu bron, Moses kari Gado: a Gado fu Abraham, Isak, nanga Yakob. </span><span class="note x"><span class="label">#</span><span class=" body">Ex 3:6</span></span><span class="content">  </span></span><span class="verse v38" data-usfm="LUK.20.38"><span class="label">38</span><span class="content">Ini Gado ai, den sma dati e libi. So un e si tak' Gado a no Gado fu dedesma, ma fu sma di e libi.&#8221;</span></span></div><div class="p"><span class="verse v38" data-usfm="LUK.20.38"><span class="content">  </span></span><span class="verse v39" data-usfm="LUK.20.39"><span class="label">39</span><span class="content">Dan wantu fu den sabiman fu Gado w&#232;t taigi Yesus taki: &#8220;Meister, Yu piki bun.&#8221; </span></span><span class="verse v40" data-usfm="LUK.20.40"><span class="label">40</span><span class="content">&#200;n den no ben prefuru moro fu aksi En wan sani.</span></span></div><div class="s"><span class="heading">Suma na a Mesias?</span></div><div class="r"><span class="heading">Mateus 22:41-46; Markus 12:35-37</span></div><div class="p"><span class="verse v40" data-usfm="LUK.20.40"><span class="content">  </span></span><span class="verse v41" data-usfm="LUK.20.41"><span class="label">41</span><span class="content">Dan Yesus aksi den sma taki: &#8220;Fa den sma kan taki tak' a Mesias na wan bakapikin fu kownu David? </span></span><span class="verse v42" data-usfm="LUK.20.42"><span class="label">42</span><span class="content">Bika David srefi skrifi ini wan fu den Psalm taki:</span></span></div><div class="q1"><span class="verse v42" data-usfm="LUK.20.42"><span class="content">Masra Gado taigi mi Masra taki:</span></span></div><div class="q1"><span class="verse v42" data-usfm="LUK.20.42"><span class="content">Kon sidon na Mi let'anu sei, </span><span class="note x"><span class="label">#</span><span class=" body">Ps 110:1</span></span></span></div><div class="q1"><span class="verse v42" data-usfm="LUK.20.42"><span class="content">  </span></span><span class="verse v43" data-usfm="LUK.20.43"><span class="label">43</span><span class="content">te leki Mi meki den feyanti fu Yu</span></span></div><div class="q2"><span class="verse v43" data-usfm="LUK.20.43"><span class="content">tron Yu futubangi.</span></span></div><div class="m"><span class="verse v43" data-usfm="LUK.20.43"><span class="content">  </span></span><span class="verse v44" data-usfm="LUK.20.44"><span class="label">44</span><span class="content">We, efu David kari a Mesias en Masra, dan fa A kan de en bakapikin dan?&#8221;</span></span></div><div class="s"><span class="heading">Yesus warskow den sma di e teki leri fu En</span></div><div class="r"><span class="heading">Mateus 23:5-14; Markus 12:38-40</span></div><div class="p"><span class="verse v44" data-usfm="LUK.20.44"><span class="content">  </span></span><span class="verse v45" data-usfm="LUK.20.45"><span class="label">45</span><span class="content">A ten di a heri folku ben e arki san A e taki, Yesus taigi den sma di e teki leri fu En taki: </span></span><span class="verse v46" data-usfm="LUK.20.46"><span class="label">46</span><span class="content">&#8220;Un mus luku bun nanga den sabiman fu Gado w&#232;t. Den lobi fu weri langa krosi e koiri, &#232;n den lobi te sma e gi den lespeki odi na wowoyo. Den lobi fu sidon na den moro bun presi ini den kerki, &#232;n den wani sidon na den moro prenspari presi te den go nyan na sma oso. </span></span><span class="verse v47" data-usfm="LUK.20.47"><span class="label">47</span><span class="content">Den e puru den oso na a anu fu den uma di masra dede kba, dan den e begi langabere begi fu sma denki tak' den bun. Dat' meki a strafu fu den o moro hebi.&#8221;</span></span></div>
      </div>
   </div>
</div>

Yesus ben e gi sma leri na ini a mamakerki, èn A ben e ferteri den a Bun Nyunsu. Wan fu den dei dati den prenspari domri, den sabiman fu Gado wèt nanga den fesiman fu a folku, kon na En. Den aksi En taki: “Taigi unu, pe Yu feni a leti fu du den sani san Yu e du? Suma gi Yu a makti fu du den sani disi?”
A piki den taki: “Mi wani aksi un wan sani tu. Un taigi Mi: Suma ben gi Yohanes a makti fu dopu sma? Gado noso libisma?”
Dan den man taki a tori nanga makandra. Den taki: “Efu un taki: ‘Na Gado,’ dan A o aksi unu: ‘Fu sanede un no ben bribi en dan?’ Ma efu un taki: ‘Na libisma,’ dan a heri folku o ston un kiri. Bika den e bribi tak' Yohanes ben de wan profeiti.” So den piki taki: “Wi no sabi suma gi en a makti.”
Ne Yesus taigi den taki: “We, dan Mi srefi no o taigi unu pe Mi feni a leti fu du den sani san Mi e du.”


Dan Yesus ferteri a folku wan agersitori. A taki: “Wan man ben prani droifibon na ini en gron. A yuru a droifidyari gi tra sma, dan a gwe wan heri pisten na wan tra kondre. Di a ten doro fu piki den droifi, a seni wan knekti go na den man di yuru a droifidyari, fu den gi en den droifi san en masra ben mus kisi. Ma den man fon en, dan den seni en gwe nanga soso anu. Dan a man di abi a droifidyari seni wan tra knekti go, ma den man fon a knekti disi tu. Den teki en leki wan figifutu, dan den seni en gwe nanga soso anu. Dan a man seni ete wan knekti go, a di fu dri. Ma den man gi a knekti disi mankeri, dan den srepi en puru ini a droifidyari.
Dan a man di abi a droifidyari aksi ensrefi taki: ‘San mi mus du now? We, mi o seni a manpikin fu mi go, di mi lobi. Den no sa du den sani dati nanga en.’
Ma di den man di ben yuru a gron si a manpikin, den taigi makandra taki: ‘Na a boi disi o kisi a gron te en p'pa dede. Kon meki un kiri en, dan unu o kisi a gron.’ So den srepi a manpikin go na dorosei fu a droifidyari, dan den kiri en.”
Dan Yesus aksi den sma taki: “San un e prakseri tak' a man di abi a droifidyari o du nanga den man? Mi e taigi unu: A o kon kiri den man di ben yuru a droifidyari, dan a o yuru en gi tra sma.”
Di den sma yere a sani disi, den taki: “Disi no musu psa, kwet'kweti!”
Ma Yesus luku den, dan A taki: “A skrifi taki:
A ston di den mesreman
feni tak' no bun,
na a srefi ston dati
tron a moro prenspari ston
fu a heri oso.
San a sani disi wani taki?” Dan Yesus taki moro fara: “Ala sma di fadon tapu a ston disi, o broko ala den bonyo. Èn efu a ston disi fadon na tapu wan sma, a o masi en tron wan doni.”
Den sabiman fu Gado wèt nanga den prenspari domri ben kon ferstan tak' na gi den A koti wan odo nanga a agersitori disi. Dat' meki den ben wani grabu En a srefi yuru dati, ma den ben frede a folku.


Dan so den seti luru gi Yesus. Den seni sma fu go luku efu Yesus bo taki wan sani san no fiti, fu den kan gi En abra na ini anu fu a granman. Den man disi ben mus du leki den na sma di e libi leki fa Gado wani. Dan den man taigi Yesus taki: “Meister, un sabi tak' den sani san Yu e taki, nanga san Yu e leri, na tru sani. Yu no e wroko nanga fesi, ma Yu e leri unu a pasi fu Gado leki fa a de. Ma un wani aksi Yu wan sani: A fiti fu pai edemoni na a grankownu fu den Romeinisma, efu no?”
Ma Yesus si tak' na fasi den ben wani fasi En. Dat' meki A taigi den taki: “Kon meki Mi si wan moni. Suma fesi nanga suma nen de na en tapu?”
Den piki En taki: “A di fu a grankownu.”
Ne Yesus piki den taki: “Dan un gi a grankownu san na fu en, èn un gi Gado san na fu Gado.”
So den man no ben man kisi Yesus fu A taki wan sani san no bun, fu a folku yere. Dan den hori den mofo, bika den ben ferwondru fu a fasi fa A piki den.


Wantu Saduseiman kon na Yesus fu aksi En wan sani. Den man disi no ben e bribi tak' dedesma o kon na libi baka. Den taki: “Meister, Moses ben skrifi tak' efu wan man di abi wan brada trow, èn a dede sondro fu a kisi wan pikin, dan en brada mus trow nanga a frow fu meki pikin gi en brada di dede. Now seibi brada ben de. A fosi wan trow, ma a dede sondro fu libi wan pikin na baka. Dan a brada di waka na en baka trow nanga a frow, dan a di fu dri, te leki ala den seibi brada ben trow nanga en. Ma den alamala dede sondro fu kisi wan pikin. Te fu kba, a frow srefi kon dede.” Dan den aksi Yesus taki: “Te den dedesma o kon na libi baka, sortu wan fu den brada sa abi a frow disi leki en trow-uma? Bika ala seibi man ben trow nanga en.”
Yesus piki den taki: “Den sma fu a ten disi e trow nanga makandra. Ma den sma di Gado feni warti fu opo baka na dede, èn libi ini a ten di e kon, no o trow nanga makandra. Den no o dede moro, bika den o de leki den engel. Den o de pikin fu Gado, fu di den kon na libi baka. Moses srefi sori krinkrin tak' dedesma o kon baka na libi. Ini a tori fu a pikin bon di ben teki faya sondro fu bron, Moses kari Gado: a Gado fu Abraham, Isak, nanga Yakob. Ini Gado ai, den sma dati e libi. So un e si tak' Gado a no Gado fu dedesma, ma fu sma di e libi.”
Dan wantu fu den sabiman fu Gado wèt taigi Yesus taki: “Meister, Yu piki bun.” Èn den no ben prefuru moro fu aksi En wan sani.


Dan Yesus aksi den sma taki: “Fa den sma kan taki tak' a Mesias na wan bakapikin fu kownu David? Bika David srefi skrifi ini wan fu den Psalm taki:
Masra Gado taigi mi Masra taki:
Kon sidon na Mi let'anu sei,
te leki Mi meki den feyanti fu Yu
tron Yu futubangi.
We, efu David kari a Mesias en Masra, dan fa A kan de en bakapikin dan?”


A ten di a heri folku ben e arki san A e taki, Yesus taigi den sma di e teki leri fu En taki: “Un mus luku bun nanga den sabiman fu Gado wèt. Den lobi fu weri langa krosi e koiri, èn den lobi te sma e gi den lespeki odi na wowoyo. Den lobi fu sidon na den moro bun presi ini den kerki, èn den wani sidon na den moro prenspari presi te den go nyan na sma oso. Den e puru den oso na a anu fu den uma di masra dede kba, dan den e begi langabere begi fu sma denki tak' den bun. Dat' meki a strafu fu den o moro hebi.”

聞く Lukas 20