Aruamu - 2004 Edition (NT) Drama

<div class="version vid913 iso6393msy" data-vid="913" data-iso6393="msy">
 <div class="book bkLUK">
 <div class="chapter ch14" data-usfm="LUK.14">
 <div class="label">14</div><div class="s">Iesus m&#616;karzim buizir gumazim gamiz&#616; a ua dera</div><div class="p"> 1Sabat&#616;n mam Iesus ghua Farisibar gumazir ekiam&#616;n d&#616;penim&#616;n api. Ez&#616;ma dughiar kam gumazamiziba bar derav&#616;ram an gari. 2Ez&#616;ma an guam&#616;n gumazir m&#616;karzim buizir mam iti. 3Ez&#616; Iesus Farisiba ko Judan arazibagh fozir gumaziba men azara, &#8220;Moses osirizir araziba, da Sabat&#616;n gumazamizibar ar&#616;mariaba ghuamaghasa amamangat&#616;z&#616;, o puvat&#616;?&#8221; 4Ez&#616; me n&#616;m&#616;ra itima a gumazim&#616;n suiragha a gamiz&#616;ma a dera. Egha anemadaz&#616; a ghu. 5Ez&#616; a men azara, &#8220;Ian tav&#616;n otaritam o bulmakaun tam Sabat&#616;n dughiam mozirpam&#616;n a g&#616;r&#616;ght&#616;ma, eght&#616; n&#616; zuam&#616;ra a gekuigham, o puvat&#616;gham?&#8221; 6Ez&#616; me m&#616;k&#616;mamin akabagh asa.</div><div class="s">Iesus ghaze, ia uarira uari fan mark&#616;</div><div class="p"> 7Dughiar kam Iesus gari, gumazir gighamiziba me dabirabir danganir ekiaba dagher dakozim&#616;n da isi. Ez&#616; Iesus akar is&#616;n zuir kam&#616;n me m&#616;gei, 8&#8220;Gumazitam amuir ik&#616;zim&#616;n isam bagh diaght&#616;, n&#616; mang&#616; dabirabir danganir ekiar faragha itim dapian mark&#616;. Me, gumazir ziar ekiar n&#616;n ziam gafirazim, a bagha a ginaba. 9Eght&#616;, isar ghuavir v&#616;rara guan diazim iz&#616; kamagh&#616;n n&#616; m&#616;k&#616;mam, &#8216;N&#616; uan m&#616;siam gumazir kam dan&#616;ngigh.&#8217; Eght&#616; n&#616; bar aghums&#616;gh&#616;va, danganir bar g&#616;n itim inigham. 10Kamagh&#616;n dughiar me n&#616;n diazim, n&#616; danganir apengan itim inigh, eght&#616; isar ghuavim iz&#616; suam, &#8216;Roroam, danganir aghuir p&#616;n itim&#616;n mang&#616;.&#8217; Eght&#616; n&#616; ziar aghuarim n&#616; ko itir darazir tong&#616;n a iniam. 11Te uarira uan ziaba fe, God me ab&#616;raght&#616;, me apengan ikiam. Eght&#616; te apengan iti, God me feght&#616; me ziar ekiaba iniam.&#8221;</div><div class="s">God&#616;n ikarvazim o gumazim&#616;n?</div><div class="p"> 12Egha Iesus ua isar ghuavim m&#616;gei, &#8220;N&#616; isam damuva, egh uan roroaba, aveghbuaba, o anababa, o n&#616;n namakar biziba bar av&#616;rasemeziba, me diaghan mark&#616;. N&#616; men diaght&#616;, me uamategh n&#616;n diaght&#616;ma, kamagh&#616;n n&#616; uan ikarvazim uamategh a inigham. 13Ez&#616; n&#616; isam damuamin dughiam, n&#616; onganarazibagh amiba, soroghafariba ikuviziba, suer kurar aruir puvat&#616;ziba, ko damazir kurabar diagh. 14Eght&#616; God arazir aghuim n&#616; damigham. Gumazir kaba n&#616;n dagheba ikaraghan kogham. Kamagh&#616;n amizim, n&#616; uan ikarvazim dughiar gumazir God&#616;n damazim&#616;n deraziba ua d&#616;kavamin dughiam&#616;n a iniam.&#8221;</div><div class="s">Isar ekiam&#616;n akar is&#616;n zuim</div><div class="r">(Matyu 22:1-10)</div><div class="p"> 15Egha Iesus ko dakozim&#616;n itir gumaziba men mav Iesus&#616;n akaba baregha, kamagh&#616;n Iesus&#616;n m&#616;gei, &#8220;Gumazir God Bizibagh Ativamin Dughiam&#616;n isar ekiam ramamim, a bar akongegham.&#8221; 16Ez&#616; Iesus a ikara, &#8220;Dughiar mam gumazir mam isar ekiam bagh bizibar ak&#616;rava gumazir av&#616;rim&#616;n dia. 17Isam azuir dughiam&#616;n isar ghuavim a gighamiziba bagha uan ingangarir gumazim me m&#616;k&#616;masa anemaga ghaze, &#8216;E biziba bar dar ak&#616;righa g&#616;fa, kamagh&#616;n amiz&#616;ma ia iz&#616;.&#8217;</div><div class="p"> 18&#8220;Ez&#616;ma me bar mogh&#616;ra mangan aghuaghava uan d&#616;mdiam ava m&#616;g&#616;r&#616;g&#616;ar ifavaribagh ami. Egha farazim kamagh&#616;n m&#616;gei, &#8216;K&#616; dat&#616;r&#616;gh&#616;ra nguazim givese, egh mang&#616;va an ganasa. Noka, k&#616; izan kogham.&#8217; 19Ez&#616; igharazim ghaze, &#8216;K&#616; 10 plan bulmakaubagh ivese, egha k&#616; da ingangarim gat&#616;gha dar ganasa zui. Noka, k&#616; izan kogham. Ga uaning, n&#616; nan gun isar ghuavim m&#616;kemegh.&#8217; 20Ez&#616; kamagh&#616;ra gumazir m&#616;kezim a m&#616;gei, &#8216;K&#616; amuim ini, kamagh&#616;n amiz&#616; k&#616; izan kogham.&#8217;</div><div class="p"> 21&#8220;Ez&#616; ingangarir gumazim uamategha izava akar kabar gun uan ekiam m&#616;keme. Ez&#616; isar ghuavim atara kamagh&#616;n m&#616;gei, &#8216;N&#616; zuam&#616;ra azenan mang&#616;va nguibar ekiam&#616;n itir tuavir ekiaba ko afeghtiabar mang&#616;va onganarazibagh amiba, ko soroghafariba ikuviziba, ko damazir kuraba, ko suer kurar aruir puvat&#616;ziba, me inigh iz&#616;.&#8217; 22Ez&#616; ingangarir gumazim kamagh&#616;n a m&#616;gei, &#8216;Ekiam, n&#616; m&#616;kemezir mogh&#616;n k&#616; amigha g&#616;fa, ez&#616; danganir maba ikiav&#616;ra iti.&#8217; 23Ez&#616; isar ghuavim uan ingangarir gumazim kamagh&#616;n a m&#616;gei, &#8216;N&#616; mang&#616; bar tuavir ekiaba ko tuavir dozibar itiba bar me m&#616;k&#616;mt&#616;, me iz&#616;, eght&#616; nan d&#616;penim iz&#616;vaka. 24Ez&#616;, k&#616; n&#616; m&#616;gei, gumazir k&#616; faragha diaziba men tav isar kam&#616;n dagher tam rameghan kogham.&#8217;&#8221;</div><div class="s">Faragh derav&#616;ra n&#616;ghn&#616;gh&#616;va Iesus&#616;n g&#616;n mang&#616;</div><div class="r">(Matyu 10:37-38)</div><div class="p"> 25Ez&#616; gumazir b&#616;zir dafam Iesus koma arui. Ez&#616; a ragha men gara kamagh&#616;n m&#616;gei, 26&#8220;Tina na bagh iz&#616;va, egha uan afeziam ko amebam, o amuim ko boriba, o aveghbuaba, o amezamebaba ko buaramiziba bar men aghuagh&#616;va, egha uaghan uan ik&#616;r&#616;m&#616;rim ateghan kogh&#616;va, egh nan suren gumazim&#616;n otoghan kogham. 27Egh&#616;va tina uan ter ighuvim a gupugh, egh nan g&#616;n izan kogh&#616;va, nan suren gumazim&#616;n otoghan kogham.#(14:27) N&#616; akar Matyu 10:38&#616;n itim&#616;n gan.</div><div class="p"> 28&#8220;Ian tina d&#616;penir ekiam&#616;n ingarasa, a ti faragh daperagh n&#616;ghnigh&#616;va, egh suam, k&#616; dag&#616;aba manmagh&#616;ra d&#616;penir kam a g&#616;vagham? 29-30Egh ian tina d&#616;penir ekiam&#616;n ingars&#616;, faragh daperagh n&#616;ghn&#616;gh suam, &#8216;K&#616; dag&#616;aba manmagh&#616;ra d&#616;penir kam a g&#616;vagham?&#8217; Puvat&#616;ght&#616;ma, a ghuriamra damigh&#616;va, egh aneg&#616;vaghan koght&#616;ma, me bar an gan&#616;va d&#616;bovir m&#616;g&#616;r&#616;g&#616;abar a damu, suam, &#8216;Gumazir kam d&#616;penim&#616;n ingara bar aneg&#616;vazir puvat&#616;.&#8217;</div><div class="p"> 31&#8220;O, k&#616; kamagh&#616;n m&#616;k&#616;m suam, atrivir mam atrivir igharazim ko m&#616;dorozir ekiam damuasa. A ti faragh daperagh uab&#616;ra uab&#616;n azangs&#616;gh suam, &#8216;K&#616; ti 10 tausen gumaziba ko mang&#616;, na bagha izir atrivim&#616;n 20 tausen gumaziba gafiragham, o puvat&#616;gham?&#8217; 32A m&#616;soghan buragh&#616;va, egh atrivim saghuiam&#616;ra ik&#616;t&#616;ma, an abuir gumaziba mang&#616; suam, m&#616;dorozim mark&#616;. 33Ez&#616; kamagh&#616;ra, ian tina bizir a itiba bar mogh&#616;ra a da ateghan kogh&#616;va, egh nan suren gumazim&#616;n otoghan kogham.&#8221;</div><div class="s">Amangs&#616;zir kuram&#616;n akar is&#616;n zuim</div><div class="r">(Matyu 5:13 ko Mak 9:50)</div><div class="p"> 34Egha Iesus ghua kamagh&#616;n m&#616;gei, &#8220;Amangs&#616;zim a dera, egh a uan s&#616;ngt&#616;zim ategh egh manmagh&#616;n ua uan s&#616;ngt&#616;zim inigham? 35An obarir nguazim ko bulmakaubar buariba uaghan dar akuraghan kogham. Kamagh&#616;n amiz&#616;, me a makuni. Tina kuarimning iti, an oragh.&#8221;</div>
 </div>
 </div>
</div>

Sabatɨn mam Iesus ghua Farisibar gumazir ekiamɨn dɨpenimɨn api. Ezɨma dughiar kam gumazamiziba bar deravɨram an gari. Ezɨma an guamɨn gumazir mɨkarzim buizir mam iti. Ezɨ Iesus Farisiba ko Judan arazibagh fozir gumaziba men azara, “Moses osirizir araziba, da Sabatɨn gumazamizibar arɨmariaba ghuamaghasa amamangatɨzɨ, o puvatɨ?” Ezɨ me nɨmɨra itima a gumazimɨn suiragha a gamizɨma a dera. Egha anemadazɨ a ghu. Ezɨ a men azara, “Ian tavɨn otaritam o bulmakaun tam Sabatɨn dughiam mozirpamɨn a gɨrɨghtɨma, eghtɨ nɨ zuamɨra a gekuigham, o puvatɨgham?” Ezɨ me mɨkɨmamin akabagh asa.

Dughiar kam Iesus gari, gumazir gighamiziba me dabirabir danganir ekiaba dagher dakozimɨn da isi. Ezɨ Iesus akar isɨn zuir kamɨn me mɨgei, “Gumazitam amuir ikɨzimɨn isam bagh diaghtɨ, nɨ mangɨ dabirabir danganir ekiar faragha itim dapian markɨ. Me, gumazir ziar ekiar nɨn ziam gafirazim, a bagha a ginaba. Eghtɨ, isar ghuavir vɨrara guan diazim izɨ kamaghɨn nɨ mɨkɨmam, ‘Nɨ uan mɨsiam gumazir kam danɨngigh.’ Eghtɨ nɨ bar aghumsɨghɨva, danganir bar gɨn itim inigham. Kamaghɨn dughiar me nɨn diazim, nɨ danganir apengan itim inigh, eghtɨ isar ghuavim izɨ suam, ‘Roroam, danganir aghuir pɨn itimɨn mangɨ.’ Eghtɨ nɨ ziar aghuarim nɨ ko itir darazir tongɨn a iniam. Te uarira uan ziaba fe, God me abɨraghtɨ, me apengan ikiam. Eghtɨ te apengan iti, God me feghtɨ me ziar ekiaba iniam.”

Egha Iesus ua isar ghuavim mɨgei, “Nɨ isam damuva, egh uan roroaba, aveghbuaba, o anababa, o nɨn namakar biziba bar avɨrasemeziba, me diaghan markɨ. Nɨ men diaghtɨ, me uamategh nɨn diaghtɨma, kamaghɨn nɨ uan ikarvazim uamategh a inigham. Ezɨ nɨ isam damuamin dughiam, nɨ onganarazibagh amiba, soroghafariba ikuviziba, suer kurar aruir puvatɨziba, ko damazir kurabar diagh. Eghtɨ God arazir aghuim nɨ damigham. Gumazir kaba nɨn dagheba ikaraghan kogham. Kamaghɨn amizim, nɨ uan ikarvazim dughiar gumazir Godɨn damazimɨn deraziba ua dɨkavamin dughiamɨn a iniam.”


Egha Iesus ko dakozimɨn itir gumaziba men mav Iesusɨn akaba baregha, kamaghɨn Iesusɨn mɨgei, “Gumazir God Bizibagh Ativamin Dughiamɨn isar ekiam ramamim, a bar akongegham.” Ezɨ Iesus a ikara, “Dughiar mam gumazir mam isar ekiam bagh bizibar akɨrava gumazir avɨrimɨn dia. Isam azuir dughiamɨn isar ghuavim a gighamiziba bagha uan ingangarir gumazim me mɨkɨmasa anemaga ghaze, ‘E biziba bar dar akɨrigha gɨfa, kamaghɨn amizɨma ia izɨ.’
“Ezɨma me bar moghɨra mangan aghuaghava uan dɨmdiam ava mɨgɨrɨgɨar ifavaribagh ami. Egha farazim kamaghɨn mɨgei, ‘Kɨ datɨrɨghɨra nguazim givese, egh mangɨva an ganasa. Noka, kɨ izan kogham.’ Ezɨ igharazim ghaze, ‘Kɨ 10 plan bulmakaubagh ivese, egha kɨ da ingangarim gatɨgha dar ganasa zui. Noka, kɨ izan kogham. Ga uaning, nɨ nan gun isar ghuavim mɨkemegh.’ Ezɨ kamaghɨra gumazir mɨkezim a mɨgei, ‘Kɨ amuim ini, kamaghɨn amizɨ kɨ izan kogham.’
“Ezɨ ingangarir gumazim uamategha izava akar kabar gun uan ekiam mɨkeme. Ezɨ isar ghuavim atara kamaghɨn mɨgei, ‘Nɨ zuamɨra azenan mangɨva nguibar ekiamɨn itir tuavir ekiaba ko afeghtiabar mangɨva onganarazibagh amiba, ko soroghafariba ikuviziba, ko damazir kuraba, ko suer kurar aruir puvatɨziba, me inigh izɨ.’ Ezɨ ingangarir gumazim kamaghɨn a mɨgei, ‘Ekiam, nɨ mɨkemezir moghɨn kɨ amigha gɨfa, ezɨ danganir maba ikiavɨra iti.’ Ezɨ isar ghuavim uan ingangarir gumazim kamaghɨn a mɨgei, ‘Nɨ mangɨ bar tuavir ekiaba ko tuavir dozibar itiba bar me mɨkɨmtɨ, me izɨ, eghtɨ nan dɨpenim izɨvaka. Ezɨ, kɨ nɨ mɨgei, gumazir kɨ faragha diaziba men tav isar kamɨn dagher tam rameghan kogham.’”


Ezɨ gumazir bɨzir dafam Iesus koma arui. Ezɨ a ragha men gara kamaghɨn mɨgei, “Tina na bagh izɨva, egha uan afeziam ko amebam, o amuim ko boriba, o aveghbuaba, o amezamebaba ko buaramiziba bar men aghuaghɨva, egha uaghan uan ikɨrɨmɨrim ateghan koghɨva, egh nan suren gumazimɨn otoghan kogham. Eghɨva tina uan ter ighuvim a gupugh, egh nan gɨn izan koghɨva, nan suren gumazimɨn otoghan kogham.
“Ian tina dɨpenir ekiamɨn ingarasa, a ti faragh daperagh nɨghnighɨva, egh suam, kɨ dagɨaba manmaghɨra dɨpenir kam a gɨvagham? Egh ian tina dɨpenir ekiamɨn ingarsɨ, faragh daperagh nɨghnɨgh suam, ‘Kɨ dagɨaba manmaghɨra dɨpenir kam a gɨvagham?’ Puvatɨghtɨma, a ghuriamra damighɨva, egh anegɨvaghan koghtɨma, me bar an ganɨva dɨbovir mɨgɨrɨgɨabar a damu, suam, ‘Gumazir kam dɨpenimɨn ingara bar anegɨvazir puvatɨ.’
“O, kɨ kamaghɨn mɨkɨm suam, atrivir mam atrivir igharazim ko mɨdorozir ekiam damuasa. A ti faragh daperagh uabɨra uabɨn azangsɨgh suam, ‘Kɨ ti 10 tausen gumaziba ko mangɨ, na bagha izir atrivimɨn 20 tausen gumaziba gafiragham, o puvatɨgham?’ A mɨsoghan buraghɨva, egh atrivim saghuiamɨra ikɨtɨma, an abuir gumaziba mangɨ suam, mɨdorozim markɨ. Ezɨ kamaghɨra, ian tina bizir a itiba bar moghɨra a da ateghan koghɨva, egh nan suren gumazimɨn otoghan kogham.”


Egha Iesus ghua kamaghɨn mɨgei, “Amangsɨzim a dera, egh a uan sɨngtɨzim ategh egh manmaghɨn ua uan sɨngtɨzim inigham? An obarir nguazim ko bulmakaubar buariba uaghan dar akuraghan kogham. Kamaghɨn amizɨ, me a makuni. Tina kuarimning iti, an oragh.”

聞く Luk 14