Génesis 9の有名な聖句

シェア

Nekasan tajarme tusan, atumjai tura mash nungkanam iruna nujai chichaman najanamunka pengké yapajiashtinuitjai tusan, tungkiangkun yurangminam pujsatatjai. Tura asamtai tungkiang jiisrum, pengker nintimsaram pujustaram tajarme.

Tungkiang yurangminam pujamtaikia, nuna jiisan, mash aints ainaujai tura mash nungkanam yujau ainaujaisha chichaman najanamiajana nunaka kajinmakchatnuitjai, —Yus timiayi.

Kame, wiiya numamtinak aintsnaka najanamiajai. Tura asamtai aints chikichan maamtaingkia, niisha nunisang maamai atinuitai.

Yus Noén tura uchiri ainauncha pengker awajsatas chicharak: —Uchi yajutmakrum tura nawantrumraram nukap yujartaram.

Yamaikia kuntinu namangke tura árak ainausha wakerakrumka pachitsuk yuwamnawaitrume, tusan tsangkatkatatjarme.

Mash nungkanam kuntin ainau, tura kuntinchau ainausha, tura nanamtin ainausha, tura entsanam yujainausha nepetkatin asakrumin, atumin shamraminak kurartin ainawai.

Antsu atumka nukap yujaarum mash nungka ainaun netkataram, —Yus timiayi.