Yo꞉n 12の有名な聖句

シェア

Kaluka꞉isale abeyo꞉ ni nanogdo꞉ dia꞉no꞉ asulab a꞉no꞉, e neko꞉ mada kudu ya꞉lubi. A꞉la꞉dimidalikiyo꞉ hen nelo꞉ a꞉lab a꞉namio꞉, ni nanogdo꞉ dian kaluwo꞉lo꞉ ne o꞉lia꞉ a꞉na doma꞉ib. A꞉la꞉ta꞉ga꞉ kalu abeyo꞉ ni nanogdo꞉ dimidab a꞉no꞉, Dowa꞉yo꞉ wi alano꞉ emo꞉ dimia꞉ib.

Kalu abeyo꞉ ene mela꞉no꞉wo꞉ mada alan asulalega, mela꞉no꞉ kalu a꞉ma꞉lo꞉wo꞉ sulu ha꞉na꞉ib. Kalu abeyo꞉ henfelo꞉ wena silikiyo꞉ mela꞉no꞉ enedo꞉wo꞉ gola ba꞉daki fa꞉s dimialega, e ko꞉ngo꞉ mela꞉no꞉wo꞉ dia꞉ib.

Niyo꞉ gimo꞉wo꞉ hendele so꞉lo꞉l. Da꞉si fowo꞉ hen amio꞉ mo꞉tualila꞉sa꞉ga꞉ sowalega, imilig eko꞉ doma꞉ib. Ko꞉sega e sowalega, eyo꞉ fowo꞉ mada modo꞉ ko꞉lo꞉ helema꞉ib.

Henfelo꞉ wenamio꞉ ne ho꞉len o꞉ngo꞉ mio꞉ ko꞉lo꞉, kaluka꞉isale ne amilo꞉ tilida꞉dab a꞉no꞉ sololi amio꞉ mo꞉doma꞉ib.

Kalu abeyo꞉ ni to we da꞉da꞉sa꞉ga꞉ mo꞉kudu ha꞉nalega, niyo꞉isa e aloba꞉dakiyo꞉ mo꞉mo꞉walilima꞉no꞉. Mo꞉wo꞉ ne henfelo꞉ kaluka꞉isale we ko꞉lo꞉ mo꞉walilima꞉ni mio꞉ma. Ko꞉sega ne iyo꞉ ko꞉lo꞉ a꞉ma꞉la꞉ gasilia꞉ni mio꞉.

Malia eyo꞉ wa ho꞉n wasu mundo꞉ nafa nolo꞉ moleyo꞉ alana꞉ kilili ko꞉lo꞉ iyo꞉ a꞉na sabikiyo꞉, Malia eyo꞉ wa ho꞉n a꞉no꞉ dia꞉sa꞉ga꞉, Ya꞉suwa꞉ giba tula꞉sa꞉ga꞉yo꞉, ene misa꞉ fo꞉n a꞉ma꞉ heyo꞉. A꞉la꞉gabikiyo꞉ mun nafa a꞉ma꞉yo꞉ a us a꞉no꞉ tambo ililifo꞉.

Ho꞉len a꞉ma꞉ fa꞉s amio꞉, kaluka꞉isale modo꞉wo꞉ Tinio꞉ Asulo꞉ ma꞉no꞉ ma꞉nikilo꞉ Ya꞉lusalemdo꞉ kegeo꞉ i a꞉ma꞉yo꞉, Ya꞉suwo꞉ Ya꞉lusalem yab a꞉la꞉bo꞉ dabu. A꞉la꞉fo꞉ko꞉lo꞉ iliyo꞉ wani fo꞉so꞉ dia꞉sa꞉ga꞉, e toga galima꞉ni ane. Iliyo꞉ halale sa꞉laki, “Godeya꞉ wiyo꞉ wabuluma꞉niki. Kalu we Gode Alana꞉ wiya a꞉la꞉ta꞉ga꞉ mio꞉ ko꞉lo꞉, niliyo꞉ sagala꞉liki, Godemo꞉ mada o꞉m a꞉la꞉so꞉lo꞉l. E Isolaela꞉ Misa꞉ Kalu Alano꞉ o꞉m.”

A꞉la꞉tabiki Ya꞉su eyo꞉ a꞉la꞉sio꞉, “Kalule Dowo꞉ kaluwa꞉ wi alan dia꞉no꞉ ho꞉leno꞉ o꞉go꞉isa ko꞉na꞉ma fa꞉la꞉dowab.