Luke 23の有名な聖句

シェア

Tavra Jesus uqallaŋaruq, Aapaaŋ, suliqutigiŋaiġuŋ itqaumayumiñaiġḷugu piḷuutaat, qanuq nalurut suliqitilaamiŋnik. Suli saaptautigiŋagaich autaaġukługich ilaan annuġaaŋi.

Tavra Jesus kiuŋagaa, Iḷumun uqallautigikpiñ, uvlupak itqatiginiaġiŋma Nakuuvlutiŋ Ayuruat Irvianni.

Tavra ilaa uqallaŋaruq Jesus-mun, Jesus, itqaumayumagiŋma qaiguvich umialiguġlutin.

Tavrani Jesus nipatusivḷuni uqallaŋaruq, Aapaaŋ, qaitkiga ilitqusiġa iliŋnun munaġitquvlugu. Aasii taamna uqallausiġianikługu aniġniġiŋaruq.

Tavra tikiññamik inimun atiqaqtuamun Niaquġruamik, tavrani kikiaktuutiŋagaat Jesus aŋarrauramun, malġuglu pitquranik kamaksriḷaitchuak ilaan avatiŋnun.

Tavra uvluq qitiqqaqpalliġman siqiñiq taaqsiŋaruq nunalu iluqani piŋasunugataqtillugu. Tavra talukiyaaŋa aŋaiyyuvikpaum aliŋaruq malġuułłuni.

Tavra aŋuyaktit atanauraŋata iḷitchuġikami taapkuniŋa piruanik, ilaan nanġaŋagaa God uqallakłuni, Nalupqinaitchuamik una iñuk patchisaiñŋaruq.