Génesis 17の有名な聖句

シェア

Pa Abram ti noventa y nueve pava lhnincôpes, pa Lhcaanvacle pa tanôclitem pa yit'esha: —Yivaatsha ya Dios yaash na yunaj; istaa ca isa' pa amônlhajayash ca veesh'e yijuyish.

pa tanca eya t'ôyish'e Abram. Nôqueesh eyesh jayu Abraham, ca hebreo yich'e' côque vatey “lhtata papi acloj”, lhayaash ti c'atatayanesh papi aclojjam.*xu*

Na shtavatpeya'esh ti jasnatesh'am shi' shta lhacôm'a papi nich'ac tôlh'a' jayu,*xv* ti yivaatsha ti a'Diosyish yajatesh pa lh'Diosyish jayu ts'ivee.

—Na c'apejiyinesh nôcôyi: Avaatsha lhtataash jayu papi aclojjam

Pa yicuulh pa Dios: —Taj ti apis ti jayeesh lha ajaya Sara ti caaj jayu pa ô'selh, pa eyiyanesh jayu Isaac. Pa lhech jatsôôtjatesh jayu na shtavatpeya'esh pa mônlhashi jayu yinjôt papi tô'lha.

Avaatsha shi' papi lhech jajutelh'ay lhacôm'a na cotsjaat Canaán, yiey nan lhôv'e' nôqueesh, pa yinjôt jayu ti nicôyôj'ash;*xw* pa yivaatsha lh'Diosyish jayu.

Pa Abraham tanjuyshicham pa yamja cotsjaat pa nicaaysiyu'in, lhechesh ti yaychavalh'in: “¿Caaj t'e pa nivacle cien pava lhnincôpes ti isjop ti vatata'esh? ¿Isjop t'e lhja Sara ti caaj pa lhaôs ti palha caaj noventa lhnincôpes?

Yit'esha shta pa Dios pa Abraham: —Lha ajaya Sarai tanca chinteetsha t'ôyish'e. Vooy nôqueesh pa yajatesh jayu shta ca chinteetsha Sara.

Pa nôque lhjunash avaatsheelh istaa ca chinseja pa tiqu'in t'oj pa lhaso'. Pa nôque t'ajuya ti nôôclheesha ti shtavatpeya'esh avaatsheelh.

Taj ti na shtavatpeya'esh jamônlhanitesh jayu pa Isaac, pa lhaôs lhja Sara ve'lha pa amc'oya yincôôp ca nicaaj.

Nôqueesh shi' pava amc'oya nalhus tsich'em papi yitsjôy ca naôvtajelh'atshi istaa ca chinseejsham ca ochotaja pava lhnalhus ti nivat'aj. Lhech lhjunash shta pa necjôôc ca nanvat'ajtajelh'atshi pa acavo acasha'esh shi' lhacôm'a papi vena tôlhshi'. Lhacôm'a ti lhjunashjulh pap'elh istaa ca chinseejsham ya aj ca amajop. Nôque lhjunash na shtavatpeya'esh mônlhaelh'atshi jayu avaatsheelh ti nôôclhaa jayu pan lhavooj pa lhamônlhajayash.