Chivkeeb 17の有名な聖句

シェア

Thaum Anplas hnubnyoog muaj cuajcaum-cuaj xyoos, tus TSWV tau los tshwm rau nws pom thiab hais tias, “Kuv yog Vajtswv tus uas muaj Hwjchim Loj Kawg Nkaus. Koj yuavtsum mloog Kuv lus thiab ua lub neej ncajncees tas mus li.

Koj lub npe yuav tsis hu ua Anplas ntxiv lawm, tiamsis yuav hu ua Anplahas, rauqhov Kuv yuav tsa koj ua ntau haivneeg tus yawgkoob.

“Kuv yuav ceev Kuv tej lus cogtseg rau koj thiab koj cajces mus lawm yav tomntej ib tiam rau ib tiam uas yog cov lus cogtseg mus ibtxhis tsis kawg li. Kuv yuav yog koj tus Vajtswv thiab koj cajces tus Vajtswv.

“Kuv coglus tseg rau koj li no: Koj yuav tau ua ntau haivneeg tus yawgkoob.

Tiamsis Vajtswv hais tias, “Tsis yog li ntawd. Xalas uas yog koj tus pojniam yuav yug ib tug tub rau koj thiab koj yuav tis nws lub npe hu ua Ixaj. Kuv yuav ceev Kuv tej lus cogtseg nrog nws thiab nws cajces mus ibtxhis. Yog lolus cogtseg uas yuav nyob mus ibtxhis li.

Kuv yuav muab tagnrho lub tebchaws Kana-as uas tamsim no koj nyob tam li tibneeg poob tebchaws no pub rau koj thiab koj cajces mus ibtxhis; thiab Kuv yuav yog lawv tus Vajtswv.”

Anplahas txawm txhoscaug ntua thiab nyo ti nkaus av, tiamsis nws luag twjywm hauv siab tias, “Tus neeg uas twb muaj hnubnyoog 100 xyoo lawm, yuav ua licas muaj taus menyuam? Xalas twb muaj cuajcaum xyoo lawm, nws tseem yuav xeeb taus tub thiab lov?”

Vajtswv hais rau Anplahas tias, “Koj tsis txhob hu koj tus pojniam hu ua Xalais lawm, txij hnubno mus nws lub npe yog Xalas xwb.

Txij hnubno mus lawm yav tomntej koj yuavtsum muab txhua tus menyuam tub ua kevcai txiav tawv thaum nws hnubnyoog muaj yim hnub; tsis hais tej tubqhe uas yug hauv nej tsev thiab tej tubqhe uas nej yuav ntawm lwm haivneeg los, los yuavtsum tau ua kevcai txiav huv tibsi. Qhov no yog lub cim ntawm lolus cogtseg ntawm koj thiab Kuv.

Tiamsis Kuv yuav ceev Kuv tej lus cogtseg nrog koj tus tub Ixaj, uas lwm xyoo rov txog lub caij no Xalas yuav yug rau koj.”

Txij hnubno mus lawm yav tomntej koj yuavtsum muab txhua tus menyuam tub ua kevcai txiav tawv thaum nws hnubnyoog muaj yim hnub; tsis hais tej tubqhe uas yug hauv nej tsev thiab tej tubqhe uas nej yuav ntawm lwm haivneeg los, los yuavtsum tau ua kevcai txiav huv tibsi. Qhov no yog lub cim ntawm lolus cogtseg ntawm koj thiab Kuv. Txhua tus yuavtsum tau ua kevcai txiav tawv, qhov ntawd yuav ua lub cim rau ntawm sab nqaijtawv qhia tias Kuv txojlus cogtseg muaj nyob nrog nej mus ibtxhis.