Lizsij dih Gaihcij 9の有名な聖句

シェア

Cangqdiq youhcaiq naeuz: “Gou ij guh gij geiqhauh he, geiqhauh gou caeuq faenhsou caeuq sojmiz miz mingh hih yungjyenj baujcingq. Couh dwg gou dawz saijdoengz coengq youq ndaw fwj, aeu saijdoengz ma guh geiqhauh, geiqhauh gou caeuq seiqgyaiq dih baujcingq.

Caenhnaeuz gou raen saijdoengz yienh youq ndaw fwj nex, gou couh ndaejgeiq gou doiq faenhsou caeuq lajmbwn sojmiz miz mingh hih yungjyenj mbouj rox bienq dih baujcingq lo.

“Famzsoj bouxlawz haih vunz rai hih, bouxlawz couh ij ngaiz vunz gaj; hauhnaeuz miz doenghduz haih vunz rai hih, [5a] yiengq doenghduz caemh ij ngaiz vunz gaj, [6b] aenvih gou, Cangqdiq, cauh vunz dwg ciuq luj bonjfaenh gou ma cauh hih.

Cangqdiq soengq fuk hawj Nozyaq caeuq gij lwg de, doiq gyoengqde naeuz: “Faenhsou ij seng haujlai haujlai lwg, sawj doengh daih gajlaeng faenhsou youq lajmbwn dauqcawq cungj miz rim bae.

“Seizneix gou ij dawz sojmiz hih doenghduz neix hawj faenhsou aeu ma guh gij gw he; gaxgonq gou caenhgag hawj doenghgo hawj faenhsou aeu ma guh gij gw, hoeng seizneix gou daiqlienz doenghduz cungj hawj faenhsou aeu ma guh gij gw.

Hawj lajmbwn sojmiz hih doengh duz cukseng hah, duz nyaen duz yex hah, doengh duz roeg mbin gwnz mbwn he hah, doengh duz vuenz lajdoem he hah, caeuq ndaw haij sojmiz hih bya hah cungj lau faenhsou, vanzlij caemh ngaiz faenhsou guenj.

“Faenhsou ij seng lwg lailai hwj, hawj gij lwglwg lanlan doengh daih gajlaeng faenhsou fatdad hwngqhwngq seiqseiq hwj lajmbwn dauqcawq cungj miz bae.”