San Mateo 21の有名な聖句

シェア

Niman tla nenkineltokaskej nochi tlen nenkitlajtlaniskej ijkuak nenkichiuaskej oración, nenkiseliskej.

Jesús okinmijlij: —Ika tlen melauak nemechijlia, ika tla nentlaneltokaj niman xnenometlamatij, xsan on tlen onikchiuilij on higuera* uelis nenkichiuaskej, yej no uelis nenkijliskej in tepetl: “Xmejkuanij nikan, niman xuetsiti ijtik on mar”, niman ijki nochiuas.

On tlakamej yejuan tlayakapan yayaj, niman on yejuan tlakuitlapan yayaj, opejkej tsajtsij: —¡Tikyekteneuaj in teuejkakoneu itech rey David! ¡On yejuan uajlau, kipiya itlatiochiualis Dios! ¡Ma kiyekteneuakan ne iluikak!

Niman okinmijlij: —Ipan on Yektlajkuilojli, ijkin tlajkuilolnestikaj: “Nochan itoka yes kajli kampa nokichiua oración”, pero nemejuamej yonenkuepkej ken teostokajli kampa on tlachtekij niyanaj.

“Xkinmijlikan on yejuan chanejkej ipan on ueyikalpan itoka Sión: Xkitakan, nemoRey uajlau nemotech. Yejua xuajnoueyimatstiu, yej ualetiu ipan sen poloko* yejuan pitentsin. On polokotsin* tekoneu itech on yolki yejuan tlamama.”

Kemaj Jesús okinmijlij: —¿Xkaman onenmomachtikej in Yektlajkuilojli yejuan ijkin kijtoua? On tetl yejuan on tepanchijkej xokiselijkej, aman yejua yonochiu ken esquinero. ToTEKO yejua ijkin okichiu, niman sanoyej techtlatlachaltij on tlen tikitaj.

Yejua ika nemechijlia ika Dios xmechkauilis nenkalakiskej ne kampa yejua tlamandaroua. Yej kinkauilis kalakiskej on yejuan kichiuaskej on tlen kuajli kineki Dios.