Yuhani 17の有名な聖句

シェア

Arakaiya ku patengane ka sabulrwane si ani ngipapatarumara baai muswane; kudra vagasu amani ku patengane ka sabulrwane.

Si thingale ala ka amanisu ku vaeva ka patengane ka Twaumase, si la thingale kudra ki pakainganaisu ka Yesu Kirisitu, ka amani ku palralrawthu ka niake.

“Kainaku lri pasikai liniane kitubi sikakathane, lri mialriaku pasikai kitubi kudra ngwalai ku tatarumarane ku pelaela lini ku vagasu si la kasalru ku umawmase, kwi lalasu ani maelrelre si avaevanga. Ama! Kwi lalasu ani ikai adringi ki niaketa; mararaamau ku taiyadringanesu ikai ki niakeli, ku taiyadringaneli ikai ki niakesu. Kwi lalasu ani maelrelre makanaelre si avaevanga, pakai ku akasalrwane ki yakawmasane ala ka amanisu ku pakainganai nakwane.

Kainaku kiatubi muswane ku alranesu iluku liniane patwalai kai kawmasane, ai kiatubiaku muswane ku apakidailanesu liniane kudra ki ngililisiane.

Ku baaisu nakwane ku lrigu, mialriaku wabaainga naku liniane. Pakai ku amaelrelreane lini si avaevanga, mia mitane maelre si avaevanga. Yakaiyaku adringi ki niake lini, la ikaisu adringi ki niakeli, pakai ku akitulrepengane lini maelrelre si avaevanga, lani thingale kai yakawmasane ka pakainganaisu nakwane, si la thingale ka kialibakesu liniane, mia ku takilibakanesu nakwane.