Pi zi tiki 17の有名な聖句

シェア

Won hlai n'Abram a za buza doogo doogo ɵeeŋe pi ɵeeŋe, EPIƊ-ƊAI a siŋka sini arni, a miɗini: Ta m'Alaw zi spak paŋ, ku paya ɗikat wuzani ara, ku hunaŋa edi kai.

Aga e yikuku gaini yiki na ɓa Abram kir kai, yikuku aga a bunda ɓa: Abraham, buri mu dara mu bunduku aŋ epini pinziba viya.

Aga mu za bonu arba gaiku, arba gaini pinzibaku n'asakal sek n'aga e niyisi edi suku par lai. A bonu n'aga a sumna haa kureɗ, gaini hanɗa aga mu bunda aŋ Alaw na wiiku, Alaw na wiiɗi pinzibaku n'asakal sek ɗa lai.

Ta ɗa, bonuŋa na gaiku ɗa a hanɗa: Aga ku bunda aŋ epini pinziba viya.

Amma Alaw a miɗini: Zaw kai, Sara na muniku aga te wuku ahi, aga ku sini yiki ɓa: Isaak, aga mu za bonuŋa gaini, a bonu n'a vada edi kai, gaini pinzibani n'asakalni sek.

Tiyana ɗa, ku na midini afti na Kanaan aŋ jak, amma aga mu suku afti hanɗa, wiiku gaini pinzibaku lai, a hina aŋ wiiki gamai, Ta aga mu bunda aŋ Alaw na wiiki lai.

Abraham a kɵa azumai, a pa arni azumai midini afti a riya, a muɗa war sini dama: Ɗif na buzani miya ɗaw a sɗa aŋ wa ahi kiɗi ɗi? Zaw Sara gaini buzaɗi na doogo doogo ɵeeŋe, te kiɗa aŋ wa ahi kiɗi ɗi?

Alaw a miɗini wiini Abraham: Aga ku yikiti muniku na Sarai gaini yikiɗi na Sarai kir kai, buri yikiɗi aga a bunda ɓa: Sara.

Aga ki ɵi gûrgûle. Hanɗa aga a bunda aŋ wala zi siŋki na wiini bonu n'arba gaiki tiki.

Amma aga mu za bonuŋa gaini Isaak, na Sara aga te wuŋku buza zamai ɗa, war sarti na maini hanɗa ɵa ɗa.

Ali na maɵagai na war pinzibaku paŋ, asakal n'e zi mefeŋ mitwis li ɗa, aga ku ɵiɗi gûrgûle gaiɗi bagakai n'e wii aha war pakataiku, nagai na ku wûriɗisi edi par gaini farai ɗa paŋ n'e ɗi war pinzibaku kai. Bege n'a wa aha war pakataiku, zaw na ku wuraŋ gaini farai ɗi, sai ku ɵini gûrgûle. Bonuŋa aga a bunda war siki aŋ bonu n'a vada edi kai.