ລູກາ 19の有名な聖句

シェア

ໄກຣ ລາລື່ ເກົາ, ກອນ ເຢືາງ ແກີດ ກວາຍ, ແຕີ່ອ໌ ປໍ ໄນ່ ຢໍອ໌ ອີ ຈໍ່ອ໌ ກະ ຈ່ອຍ ອາມົ່ງ ໄລ່ ກາ ແກຼິ ຣານາ ເຈີ່."

ໄລ່ ປາຍ: "ແຊອ໌ ເຢືາງ ເຈົາຣາຊີ ອາປັອງ ບຸ່ນ ໂອນ ເຕືາວ ປັຣເຍືາ ກາ ແຕີ່ອ໌ ປໍ ໄນ່ ຍ່ອນ ເຢືາງ ເຈົາຣາຊີ ແປຣີ. ແຊອ໌ ອຽນ ອໍ ແຕີ່ອ໌ ປໍ ມັນລັ່ອງ ກະ ອຳນາດ ອາງອື່ຣ ແຕີ່ອ໌ ປໍ ເຢືາງ ເຈົາຣາຊີ ກາ ປື່ດ ກາເລີຍ ອຶນແຍ່ະ ແຕ ການໍ່ອ໌."

ເຢຊູ ອາຕີ ລັ່ຮ ອັນ ປາຍ: "ຕາໄງ ໄນ່ ເຢືາງ ເຈົາຣາຊີ ຈ່ອຍ ອາມົ່ງ ດຸງຊູ ໄນ່, ຍ່ອນ ກວາຍ ໄນ່ ແຕ ຈຸ່ມເຈືອ ອັບຣາຮາມ ມູເຈິງ ໄຮ ເຕ່.

ບັອງ ກາ ເຢຊູ ແຕີ່ອ໌ ປໍ ກັ່ລ ອາລ່ອງ ກັອຍ, ອັນ ຕາງ່ອນ ອາຊັອຮ ປໍ ອາລ່ອງ, ກະ ອັນ ກູອ໌ ຊັກຄາຍ ປາຍ: "ຊັກຄາຍ ເອີຍ! ໄມ່ ແຊງ ໄວ່, ຍ່ອນ ຕາໄງ ໄນ່ ເກົາ ອີ ເປາະ ປໍ ດຸງ ໄມ່." ນ່ະກັອຍ ຊັກຄາຍ ແຊງ ແຕິ່, ກະ ອັນ ຣັ່ບ ເຢຊູ ຣໍ່ອ໌ ບູຍ ລາລື່.

ມາ ຊັກຄາຍ, ອັນ ຕາຢຶ່ງ ຢັ່ຮ ເມືາງ ມັຮ ກວາຍ ກະ ອາຕີ ເຢຊູ ປາຍ: "ອຶນເຈົາ ເອີຍ! ມັຮ ມູ່ນ ເກົາ, ເກົາ ອີດ ຕາດີ່ ຈ່ອຍ ມັຮ ກວາຍ ກາດີດ. ກະ ຄັນ ເບີນ ກວາຍ ອາແລ່ະ ມາ ເກົາ ໂລ່ບ ອັນ ມວຍ ປູ່ດ, ຊານໍ່ ເກົາ ກູລັຮ ລັ່ຮ ອັນ ປູນ ປູ່ດ ແອັນ."

ຕຶ່ງ ຈຸ່ມ ກວາຍ ກຼຶ່ງ ກັອຍ ເບີນ ກວາຍ ພາຣີຊາຍ ແຮີ. ໄລ່ ກັອຍ ປາຍ ໂຈະ ເຢຊູ: "ອາຈານ ເອີຍ! ອຶງເຄາະ ອາຈານ ກາແອັຮ ກວາຍ ກາ ຕາປູ່ນ ອາຈານ ອຶນໂຈຍ ໂອນ ໄລ່ ຕຣຍາວ ນັ່ອງ." ມາ ເຢຊູ ຕາແອີຍ ໄລ່ ປາຍ: "ຄັນ ໄລ່ ໄນ່ ຕາ ເບີນ ຕຣຍາວ ນ່ະກັອຍ, ເກົາ ອາຕີ ຕານັ່ອງ ໂອນ ເຍືາ, ເຢືາງ ເຈົາຣາຊີ ໂອນ ຕາເມົາ ແອັນ ຕຣຍາວ."