LUCAS 11の有名な聖句

シェア

Jich te jaꞌexe manchuk me ma tsaꞌamuk te awoꞌtanike, pero ya anaꞌik yakꞌel te tut a te lek ta stojol te awal-anichꞌanike. ¿Jaꞌuk to xan wan a te Jtatik te ay ta chꞌulchane? Ya me yaꞌbeyex te Chꞌul Espíritu te machꞌa ya skꞌambeye —xchi te Jesuse.

Jaꞌ yuꞌun ya kalbeyex: Kꞌambeyaik te Diose, jich me ya yaꞌbelex. Leaik te tut ya akꞌanike, jich me ya ataik ta leel. Kꞌopojanik ta tiꞌpuerta, jich me ya sjeꞌbeyex te Diose.

Porke te machꞌa ay tut ya skꞌambe te Diose, ya me xꞌaꞌbot yuꞌun. Sok te machꞌa ya sle te tut ya skꞌane, ya me sta. Sok te machꞌa ya xkꞌopoj ta tiꞌpuertae, ya me xjeꞌbot.

Altalanbot yuꞌun te Jesuse: —Te kꞌalal ya akꞌoponik te Diose jich me xꞌawalik to: Jtatik Dios te ayat ta chꞌulchane, aꞌ me chꞌuunekix ta lek te achꞌul-biile. Aꞌ me staix skꞌaalel te ya xꞌochat ta ajwalil. Laꞌ me pasa te tut ya skꞌan awoꞌtan ta balmilal jachik tutꞌil ta chꞌulchane.

Aꞌbotik me perdon yuꞌun te jmultike jachik tutꞌil te ya jpasbeytik perdon yuꞌun te machꞌa ya sta smul kuꞌuntike. Y ma me xꞌawakꞌ mulawukotik. Koltayaotik me te ba tut ma tsaꞌamuke, xchaex me, —xchi te Jesuse.

Aꞌbotik me tal te tutik ya jweꞌtik ta jujun kꞌaale.

Te asitike jich kꞌoem tutꞌil luz te ya yil kꞌinal a te atibalulike. Teme lek ay te asitike, skojtol atibalul sakubenix kꞌinal ta stojol. Yan teme ma tsaꞌamuk te asite, skojtol te atibalule ay ta ijkꞌal kꞌinal.

Maꞌyuk machꞌa ya stsun jun lampara te ya xba snakꞌ ta jun luware, ni ta yutil junuk kajon. Toyol ya sojkꞌan yuꞌun jich ya yil kꞌinal a te machꞌa ya xꞌoch ta snae.