Chɔɔn 6の有名な聖句

シェア

Iě ɔ̍ la̍a̍, “Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ. Nyɔ̍ ɔ̀ ji̍-a ǐn we̍-ɛ, nɛ̀ mɔ̌ se̍ gba̍ ɔ̍ nu̍. Nɛ̀ nyɔ̍ ɔ̀ gbaɛ-a ǐn wlùh-ɛ, nɛ̀ dǒ ɔ̍ wlì se̍ gba̍ bǔ.

Nyɔsoa-a Sùù bo ɛ̀ nyǐ nyɔ̍ feɛ, ku̍ nɔ̀ɔ̍, ɛ̍ se̍ dɛ̍kɛ̍n gbǎ. Wlu̍ ǐn wlu-ia dě mɔ̀ we̍-ɛ, ɛ̍ bo ɛ̀ ja Nyɔsoa-a Sùù ɛ̀ nyǐ-a nyɔ̍ feɛ-ɛ.

Di̍-dɛ̍ᵻ jih-a mu̍-a sɔ̀n-ɛ, mɔ̀ bɔ̌ i̍h-a dbo̍ nu̍-ɛ. Jɛ di̍-dɛ̍ jɛ mu̍-a mɔ̀ i̍ kui wɛ̀ mɔ̀ iě-a kmɔ̌ sie feɛ blě-ɛ, ɛ̍ kɔn dbo̍ bo mɔ̀ iě nu̍. Di̍-dɛ̍ ǎn dǎ-aɛ, ɛ̍ bo ɔ̀ nu̍-a Nyi̍ɔ̍-a Jǔ-ɛ ɔ̍ mu̍-a mɔ̀ nyǐ. Dɛ̍nu̍ɛ, ɔ̍ bo Baa Nyɔsoa wɔ̌ɛn we̍.”

Nɛ̀ ǐn Baa-a wlùh dɛ nu̍, nyɔ̍ juh jě-a Jǔ la sǔh wɛ̀ u̍h gbaɛ-a ɔ̍ wlùh-ɛ, nɛ̀ u̍h-a mu̍ kmɔ̌ sie feɛ blě. Nɛ̀ ǎn mu̍ u̍h bloɔ̍ sà dǒ bɔ̌ɛ-o weɛ̍ di̍i̍.”

Iě Jusu la̍a̍, “Ɛ̀ nu̍-a Nyɔsoa-a dbo̍ nu̍-ɛɛ, ɛ̍ nu̍ mɔ̀ iě nyɔ̍ ɔ̍ dbo̍-aɛ wlùh gbaɛ.”

Jɛ nyɔ̍ kli̍hgbɛ̍ ǐn Baa nyǐ-a m-ɛ, u̍h-a mu̍ ǐn we̍ ji̍. Nɛ̀ nyɔ̍ jɔ mu̍-a ǐn we̍ ji̍-ɛ, ǐn se̍ gba̍ ɔ̍ i̍ nu̍.

Wɛ̀ Samo Pitɛ la̍a̍, “Joi, mɔ̀ jɔ blě-a wlu̍ ɛ̀ nyǐ-a nyɔ̍ kmɔ̌ sie feɛ-ɛ, pò à tǎli ìn i̍-ɛ, nɛ̀ nyɔ̍ dɔɔ we̍ à mu̍ we̍ mu̍ ɛ?

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ, ɛ̀ sɔ-a dě ja̍i̍wlɔ̀ ɛ̀ ji̍-a nɔ̌ bloɔ̍-ɛ. Pò nyɔ̍-o-nyɔ̍ di̍ blèe̍ la-ɛ, nɛ̀ ɔ̍ mu̍ kmɔ̌ nɛ nɔ̌ kmɔ̌-a kmɔ̌. Blèe̍ ǎn mu̍-a to ɛ̀ iě-a kmɔ̌ la ɛ̍ feɛ nu̍-ɛ, ǎn ku̍ bo.”

Nyɔ̍ se̍ bɛ̌ɛ ɔ̍ iě ǐn we̍ ji̍. Ǐn Baa ɔ̀ dbo̍-a m-ɛ, nyɔ̍ ɔ̍ mu̍-a ǐn we̍ ja-a, ɔ̍ kɔn tɛ̀ ǐn sà-o. Nɛ̀ ǎn mu̍ ɔ̍ bloɔ̍ sà dǒ bɔ̌ɛ-o weɛ̍ di̍i̍.

Nyɔ̍ ɔ̀ sɔ-a dě ja̍i̍wlɔ̀ ɔ̀ ji̍-a nɔ̌ bloɔ̍ wɛ̀ ɔ̍ nyǐ-a kmɔ̌ nyɔ̍ feɛ-ɛ, ɔ̍ bo ɔ̀ nu̍ blèe̍ Nyɔsoa-a nyǐ nyɔ̍.”

Mɔ̍ bo ɔ̀ nu̍ blèe̍ ɛ̀ nyǐ-a nyɔ̍ feɛ-ɛ.

Wɛ̀ Jusu dǔ blèe̍ laa̍ iě ɔ̍ po̍ Nyɔsoa tlɔ̌, wɛ̀ ɔ̍ po̍ i̍h chɛ̌-ɛ i̍ dǒ nyɔ̍ laa̍ we̍. Kǎ ɔ̍ nu̍ smìi̍-a tìh ke. Iě u̍h kli̍hgbɛ̍ jě ka u̍h-a pɔ̀n-a u̍h iě-a jě-ɛ nu̍-ɛ. Ùh kli̍hgbɛ̍ di̍-a dɛ̍-ɛ, u̍h dbo̍-e. Wɛ̀ Jusu la̍a̍ dě ɔ̍ kòà we̍, “Mɔ̀ tɛ̌n i̍h-a chɛblih sie-a i̍-ɛ, i̍h-a dɛ̍-ɛ je̍e gbɔ̀lɔ.”

Nɛ̀ dɛ̍ u̍h na-ɛ, ɛ̍ wɛ̀ tlu̍hᵻ gbɔ̍ɔ̍ᵻ ta̍a̍n ke nyìɛ̍ nu̍-ɛ wɛ̀. Dǒ u̍h jě-e Jusu nɛ̀ ɔ̍ na nǐ kɛ̍n i̍ iě ɔ̍ ji̍ blǎgbè kɔn di̍i̍ u̍h nɛ-a wlì. Sɔ ɛ̍ wa̍ u̍h dɛ̍we̍. Iě Jusu la̍a̍, “Mɔ̍ bo, mɔ̀ bɔ̌ faɔn ple̍-ɛ.”