Yohane 12の有名な聖句

シェア

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Ukyuli ɔni na nwuna bɔdia lɛti pɛ na ulie ute na ngba bɔmɛni kemmo ni, ɔdubɔyila lɛla biala. Nsu ukyuli ɔni néni anwu ɔlati lɛkɛ na uulie ngba taawia bekyuli bamba bɔdia ni, ɔɔkɛ́ ngba bɔmmɔ uwi ƒui.

Na mɔɔsu-mii geen ka ni, lɛntabi lilemomo teetulo linwi lɛni kani na lɛdi, amu ntu béti-ni bákya kalɔ na libu. Na si líbu lɛni ni, uwi ɔmmɔ kama asa na liimomo teenwini antabi pii.

Líbo kayawi kamɛni kemmo aani ukyuli ɔni mɔɔyá na bekyuli baanu bukeye kalɛ na ukyuli biala ɔni náƒɔ-mi ɔ́di ni, uláƒɔ lɛlɔ ulakya lɛdisa kemmo.

“Si ukyuli ɔdi uunú litemi lɛni na mɔɔsu nsu uládi-ni lɛlɔ ni, lɛɛɛdubo-nwu kɔtɔ bɔdu. Ɔsika ńtebo nnii mbadu kayawi bekyuli kɔtɔ. Mmomu líbo nnii mbaƒɔ-ma ngba.

Amu na Maria úti nnɔmii ƒɛƒɛɛ bɔdi bɔni náƒɔ kuye geen na baalɔ-mu nard úwi Yesu lɛgba, na ɔ́da nwuna lili linwini úni-nwu lɛgba. Na ɔnyi ƒɛƒɛɛ ɔ́ƒɔ ɔtɔ ɔmmɔ ƒui kemmo.

Anwuɔsu béti kuke na bálɛ bésie bátásiaku-nwu. Na baava taasu banini, “Hosiana! Bimwi anwu ɔni ndubo na Blɔti lɛnyi kemmo! Bimwi Israelƒuɔ Ɔga!”

Amu na Yesu údie kenye ɔnini, “Uwi údu ka Katɔti ɔkɔliku ami nwuna Ubidi lɛnyi katɔ na bekyuli anumi.