LUKA 13の有名な聖句

シェア

Tin, ani chuan an hnênah, “Kawngka zîmah chuan luh tum hrâm rawh u; ka hrilh a che u, mi tam takin luh an tum ang a, an lût thei si lo vang.

Tin, ngai teh, kum sâwm leh kum riat, ramhuai man, chak loh vei hmeichhe pakhat a awm; chu mi chu a kûn reng a, amah chuan a ding ngîl thei tawp lo va. Tin, Isuan a hmuh veleh a ko va, a hnênah, “Hmeichhia, i chak lohna chuan a thlah ta a che,” a ti a.

Tin, a chungah a kut a nghat a; tichuan, thawklehkhatan a ngîl ta nghâl a, Pathian a fak ta a.

Tin, ngai teh u, hnuhnûng berte pawh hmasa bera awm tûr an awm a, hmasa berte pawh hnuhnûng bera awm tûr an awm,” a ti a.

In neitu a thawha, kawng a khâr hnu chuan nangnin pâwna dingin, ‘Lalpa, kawng min hawnsak rawh,’ tia, kawngkhâr in rawn kik hunah, anin, ‘Khawii lama mi nge in nih ka hre lo a che u,’ tiin a chhâng ang che u a

Ni suh e, ka hrilh a che u, nangni pawh in sim loh chuan chutiang bawkin in boral vek ang,” a ti a, a chhâng a.

Tin, anin, ‘Ka hrilh a che u, khawii lama mi nge in nih ka hre lo; nangni thil sual ti zawng zawngte u, ka hnên ata kal bo vek rawh u,’ a la ti ang.

Chutichuan, ani chuan, “Pathian ram chu eng ang nge ni? Eng nên nge teh pawh ka tehkhin ang? Anṭam chi fang khat miin a lâka, a huana a theha ang chu a ni; chu chu a lo ṭo va, thing a lo ni a, chunglêng savate chu a zârahte chuan an riak a,” a ti a.