John 3の有名な聖句

シェア

¶ Kā God tāḵs aula ā tlāhwila nūq sa awīnāgwīsīḵ, lā gītl tsī zaw sīs hīgāmā Ḵwanūq, kā kīsīkl tsī tlil klī da ūqis klā kī, lā glākl hīmunīs qilākl.

Kā īḵs kīsa ā hī lā‐gītl yālākī God tā sīs Ḵwanūq lāḵwā awīnāgwīsīḵ kā yākmū tī sīq, he ā glākl kā qāqilā sū gwītl tsūḵw.

Lī Jesus nānāḵmī nīk yik, aulī gin nīk yūkl, hī ga um kū ītīdikl māyūglum klī bagwānum, kīyos tā qīh‐īda ās klis dūḵwā klilā kluḵ gīkā sas God.

¶ Yīḵī da ūqisāk kīs tā yākmūdumā: yiḵī da kīsa ūqisā la um qātlilā um yākmūdumā, kā īḵs kīsa ī ūqisuḵ glīkuma sa hīgāmā Ḵwanūqs God.

Wa ga mīs yākmūdum gītlts gāḵa ī da nāqātlā lāḵwā awīnāgwīsīḵ, lā tī bī‐bagwānum tlāhwilā‐kāwī nūq sa pudikilā lāḵā nāqātlā, kā uḵē‐h‐dāḵwā sīḵs yāksāma ī.

Yikīḵs kīnāqilīkl, la mīs glin hūlātl īdkl.

Kā ī da nāhwā uḵā yaksamī klīsīla ā ḵā nāqātlā, la kīs gāḵ lāḵā nāqātlā, qākutlā ī nītlā sū sīs qīgīlas.

Yiḵī da ūqisā ḵī da Ḵwanūq uḵnūgwādīs hīmunīs qilā, wa yiḵī da wayūqisā ḵā Ḵwanūq, kīs klī dūḵwā klilā kluḵ qilā; lā glā tī yākyā yās God uḵātlāh‐sē um lāk.

¶ Yiḵ qīh īda ās wūtla Moses wūtlāḵs lā ūtla lāgūstūd ḵā sītlum ūtla lāḵā lāḵā lūblabīs awīnāgwīs, hī umkl wīs gāḵ qīh‐īdāyū klī da Ḵwanūqa sa bagwānum lāgūstū‐yūkl.

Yiḵī da Umpāḵs tlāhwila nūqa ā sā Ḵwanūq, la mīs zaw sa nāhwā lāḵ āyāsaus.