Jɔɔŋ 16の有名な聖句

シェア

Mɩ bʋl wɩaa deemba pɩma dɩ ma wuo hɔŋ arɩ fɩɛlɩŋ nɛ. Dʋnɩa deeŋ tʋɔŋ ma jaŋ na hɛɛŋ. Ama má leŋ dɩ ma nyuŋ nyaasɛ. Mɩ yuo dii dʋnɩa nɛ.”

Ama dɩ Wɩa Dɩŋ-zɔŋ-la nɛ kɔ, ʋ jaŋ dagɛma wʋtɩtɩɩ kala. Ʋ bɩ jaŋ bʋbʋl wɩaa ʋ tɩtɩa doluŋ lɛ, ama wɩalɩŋ kala ʋ sɩ nɩa mɩ Nyɩmma niiŋ lɛ nɛ ʋ jaŋ bʋl. Ʋ jaŋ dagɛma wɩalɩŋ kala sɩ jaŋ ŋaa.

Lɛɛlɛ ŋ-la, ma ha bɩ kʋŋkala pɩɛsa chɩchɛ mɩ yɩrɩŋ lɛ. Ŋɩɩ wɩaa má saa pɩɛsʋ, ʋ jaŋ joŋo pɩma, dɩ ma tʋɔŋ faasa tɔrɛ a mʋ dɛrɛ.

Ama wʋtɩtɩɩ nɛ mɩ bʋlaa pɩma ŋ-la: Mɩ sɩɩ mʋ ŋɩɩ, ʋ jaŋ zɔmɔ pɩma. Dɩ mɩ nɛ bɩ mʋa, Wɩa Dɩŋ-zɔmʋŋ sɩ jaŋ kɔ a pɛ ma lɛ bɩ jaŋ kɔ. Ama dɩ mɩ nɛ mʋa, mɩ jaŋ leŋ dɩ ʋ kɔ. Dɩ ʋ nɛ saa kɔ, ʋ jaŋ leŋ dɩ dʋnɩa nɩaa jɩŋ arɩ ba ŋaa wʋbɔŋŋɔɔ nɛ. Ʋ jaŋ bɩra dagɛba ŋɩɩ ba sɩ jaŋ to a kɛŋ tʋɔpʋla Wɩa sɩpaaŋ, a bɩra dagɛba arɩ Wɩa jaŋ dii ba sarɩya.

Ŋɩɩ nɛ saa ʋ jaŋ nagɛ ma ma lɛ. Lɛɛlɛ ma tʋɔŋ cheye nɛ, ama mɩ jaŋ bɩra nama dɩ ma tʋɔŋ kala tɔrɛ. Bʋa-la lɛ nʋʋkala bɩ jaŋ wuo ŋaa dɩ ma tʋɔŋ bɩra chei. Dɩ tapʋlɩɩ-la nɛ yie, ma bɩ jaŋ pɩɛsɛmɛ chɩchɛ kʋŋkala. Wʋtɩtɩɩ nɛ mɩ bʋlaa pɩma, mɩ Nyɩmma jaŋ pɩma kʋŋkala ma sɩ pɩɛsʋ chɩchɛ mɩ yɩrɩŋ lɛ.

Wʋtɩtɩɩ nɛ mɩ bʋlaa pɩma, ma jaŋ ŋmuŋmoo niiŋ ka dɩ dʋnɩa nɩaa tʋɔŋ tɔrɛ, ma tʋɔŋ jaŋ chei, ama ma tʋɔ-chei-la jaŋ mɩɩra bɩrɩmɛ tʋɔtɔrʋŋ.