Luuk 9の有名な聖句

シェア

Ŋɩɩ nɛ ʋ bʋla pɩ nɩalɩŋ kala, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ tapʋlɩɩ-na kala a to mɩ harɩŋ.

Nɩɩ-la kala sɩɩ chɛ dɩ ʋ laa ʋ mɩɩsɩŋ, ʋ jaŋ joŋ ʋ mɩɩsɩŋ ta, ama nɩɩ-la sɩ vɩa ʋ mɩɩsɩŋ ta a tɩŋ mɩ wɩaa, ʋ jaŋ sɛnɛ laa ʋ mɩɩsɩŋ.

Ŋɩɩ nɛ Yesu bʋla pʋ, “Nʋʋ na-kala sɩ suomo dɩ ʋ pɛrɛ aŋ dɩdaasɛ ʋ harɩŋ, ʋ bɩ tɩntɩmɩɩ kala kɛnɛ Wɩa kuorii-la lɛ.”

Dɩ ŋ nɛ tɩɩ dʋnɩa kɩaa kala aŋ bɩ mɩɩsɩŋ kɛnɛ, bɛɛ kʋŋ nyʋʋrɩɩ nɛ ŋ na?

Dɩ nʋʋ nɛ fá hɩɩsɩŋ a tɩŋ mɩ wɩaa arɩ mɩ wʋbʋlaa lɛ, mɩ-na Nuhuobiine Bie ma jaŋ leŋ dɩ hɩɩsɩŋ kɛnʋ dɩ mɩ nɛ kɔ a chaanɛ arɩ mɩ nyɩmma tʋla, a pɛ Wɩa tɩndaaraa sɩ bɩ disiniŋ kɛnɛ lɛ.

Ŋɩɩ nɛ Yesu bʋla pʋ, “Jolluŋ kɛŋ bʋɔsʋŋ nɛ a jʋjʋʋ, diibiisiŋ ma kɛŋ dɛllɩŋ nɛ a jʋjʋʋ, ama mɩ-na Nuhuobiine Bie bɩ dɩpɩnɩŋ kɛnɛ dɩ mɩ pɩna wiesi.”

aŋ bʋla pɩba, “Dɩ nʋʋkala nɛ kɛŋ bii-bie deeŋ dɔŋɔ woruŋ a tɩŋ mɩ wɩaa, mɩ nɛ ʋ kɛŋ woruŋ ŋɩɩ. Nɩɩ-la ma kala sɩ kɛmmɛ woruŋ, mɩ dʋndʋŋa dee ʋ kɛŋ woruŋ ŋɩɩ. Nɩɩ-la sɩ tɩmmɛ ma nɛ ʋ kɛŋ woruŋ ŋɩɩ. Nɩɩ-la sɩ ŋaa nɩ-bie ma tʋɔŋ, ʋ nɛ ŋaa ma tʋɔŋ nɩbalɩŋ.”