Lukat 10の有名な聖句

シェア

Waalo aakumi inooka inom, nggitamuru inom, kiniyok paga aan mbelenogo pugwi, at kinom wim mbanak nogo omaawi lek eerogo tebenogo pugwi, eeko logobagip nduk, an nawone kilikkiragarak. Nawone kilikkiragarak me, maluk ambi kinoba arigin mondok lek aret o.

Yoge mbareegi, Yetut nen, “Marata, Marata. Kat yi eeriyak ndi eeriyak mban kiniki piirik logonet, anggon-panggon eerit nege keegi o. Ambiret mban miippunuk, eeriyak perak op o. Ndi, kat kawuluk Mariya nen ti aret miikerak me, an, Mage, yorigin mondok lek o,” yinuk, yoreegerak.

Yoge mbareegi, aap nogo nen, “Kiniki inom, kineebe inom, kinomaawi inom, abok aret kinogoba Ala mban kiniki kunik eeko logonip o,” ndi, ambi, “It ineebe iniki kunik eekkologo menggaarak ti kwak, it aakumi inom menggaarak ti, togop aret iniki kunik aganako logowak o,” yinuk, yoreegerak.

Nappiige logonet, “Eebe yugu ka'let agaarak kwe, mbanggo menggaarak ineebe mbereeluk me, at anggen yugu unde nogo nen anggen yugu nogo mbaniyak nappiyaawak nduk, yogo logonip o.

Yoge nagagerik, “Aap kenagan nogo it aakumi inom logonet, iniki kunik mbakwi pogom aap ambi ta nen aap yogoot wagangga nen wareegwaarak nogo iniki kunik mbareegerak mbaken o?” Yoge mbareegi, at aap Ala wone liiru mbanak unde nogo nen, “Aap at abuwa nen obeelom eeppereegerak nogo aret o.” Yoge mbareegi, at Yetut nen, “Kat ti, ndak-ndak aret eeri nak o,” yinuk, yoreegerak.

Ndi, kit perak, nanip o. Kit ndomba kwak yi, aakumi mba'ngge pogom wonogwe me, inenggela'me nappinagage agarik o.