YOHANES 17の有名な聖句

シェア

Pejadhi we ro ta do kemolo ta unu ri Ama we do narru pa lua mola-mira ne; lipedai Ama ke ne lua mola-mira ne.

Nadhe ke ne muri mada do petu nga do peloro ne; mita ie ddau ta tade Ama, do titu wata No he ke ne petu ne, jhe tade Yesus Kristus do pepue ri Ama ne.

Adho ke ta tu ro we do na hedhe, ne hebhajha Ya. Hebhajha lema Ya tu ddau ddau do medae ta parahajha ri lipeliba ro do na hedhe. Ne menangnge ri Ya, Ama, mii Ama do jadhi ta hahhi nga Ya, Ya do jadhi ta hahhi nga Ama. Jhe kinga ie mudhe he ro ta jadhi hahhi nga di, mita parahajha ddau raiwawa, ta do Ama ke ne do pepue Ya.

Ami dho ro ri Ya mita aggu ro ri Amu ngati raiwawa dhe tapulara ne ame ri Ya, mita ie ke ro ta jaga ri Ama ngati mone tao apa nga ke rewe ne.

Alla ke pe wie ya pa ro ne lua dhida nga kelodo do wie ri Ama pa Ya ne, mita ie ro ta jadhi hahhi, hela'u mii di le do jadhi ta hahhi we; Ya nga ro, jhe Ama nga Ya, mita tarra-tarra ro ta jadhi hahhi we. Moko do ta toi ke ri raiwawa dhe ta do Ama ke ne do pepue Ya, jhe Ama do hajha do ddhei nga ro, mii Ama do hajha do ddhei nga Ya.