Ore i mexü̃ ga Luca ümatüxü̃ 19の有名な聖句

シェア

Rü Tupana Nane ya duü̃xü̃xü̃ ixĩcü, rü ñoma i naanewa naxũ nax naxca̱x yadauxü̃ca̱x i ngẽma duü̃xü̃gü i iyarütauxexü̃ nax namaxẽxẽẽãxü̃ca̱x —ñanagürü.

Rü ñanagürügü: —¡Namecümaxüchi ya daa ãẽ̱xgacü ya Tupanaégagu núma ũcü! ¡Rü pema rü ta, Pa Dauxü̃cüã̱x, rü petaãxẽgü rü nüxü̃ picua̱xüü̃gü ya Tupana! —ñanagürügü.

Rü Ngechuchu rü ñanagürü nüxü̃: —Ñoma i ngunexü̃gu cupatawa nangu i maxü̃ i taguma gúxü̃, erü cuma rü ta rü Abraáü̃rüxü̃ cuyaxõ.

Rü yexguma yéma naxüpetügu ga Ngechuchu, rü natanügu nadaunagü ga guma nai. Rü ñanagürü nüxü̃: —Pa Chaquéux, ¡paxa írüxĩ i ngéma! Erü cupatagu tá chape i ñu̱xma —ñanagürü. Rü paxa ínarüxĩ ga Chaquéu, rü taãẽãcü Ngechuchuxü̃ nayaxu.

Rü yexguma ga Chaquéu rü inachi rü ñanagürü Ngechuchuxü̃: —Dücax, Pa Corix, choma rü ngẽma ngearü diẽruã̱xgüxü̃na tá chanaxã i ngãxü̃gu i guxü̃ma i chorü ngẽmaxü̃gü. Rü ngẽxguma chi texé tüxü̃ chawomüxẽẽãcüma tüxü̃́ changíxgu, rü ãgümücüe̱xpü̱xcüna tá tüxü̃́ ngĩxü̃ chatáeguxẽxẽ i ngẽma tümaarü diẽru —ñanagürü.

Rü yéma duü̃xü̃gütanüwa nayexmagü ga ñuxre ga Parichéugü. Rü ñanagürügü Ngechuchuxü̃: —Pa Ngúexẽẽruxü̃x, ¡Yanachianegüxẽxẽ i ngẽma cuwe rüxĩxü̃ i duü̃xü̃gü! —ñanagürügü. Natürü Ngechuchu nanangãxü̃ rü ñanagürü nüxü̃: —Pemaxã nüxü̃ chixu rü ngẽxguma chi iyanangea̱xgügu i ñaa duü̃xü̃gü, rü daa nutagü ya namacüwawa ngẽxmagücü rü chi nüxĩ́ aita naxüe —ñanagürü.