LUKAS 23の有名な聖句

シェア

See Mawu Yesus inumal᷊iomanna, “O Iamang-Ku, ampungewe i mangitou! I mangitou wagga apa apan a'olaanni mangitou.” Laubbu Mawu Yesus nitahia isudde su wallatti mangitou wuṛṛu niundi.

“Pangimante,” unnu Mawu Yesus si tou, “Allo indi i'o su sampunna lai ringang-Ku su Firdaus.”

See i tou nabbisara, “Mawu Yesus, naungewe i ya'u, napawe I'o rumantate maola'a sangkatou Ratu!”

See Mawu Yesus inumui ma'ikka-ikkatta, “O Iamang-Ku! Sulal᷊ummu limanu i Ya'u manantillu watangang-Ku!” Napawe suete nabbisara aroddi, i Tou natete.

Napawe na'omate su tampa apan isassago “Tanggilal᷊a”, i mangitou nangarussate Mawu Yesus wuṛṛu ruang katou taumata lal᷊eo udde – sangkatou su samba'a uananna wuṛṛu sangkatou lai su samba'a aiṛṛi Mawu Yesus.

Iraṛṛangngo puulla mapul᷊o dua allattune, matannallo tawe semakke wuṛṛu ahewallu wanua udde naddandumma na'oman sara puulla tatallu wawallo. Pampele apan ua'ele su Wal᷊e Mawu nahesa'a natahia darua.

Napawe tembonannu tantara naasilo apa apan suete nariaddi, i tou nadalote Ruata. See i tou nabbisara, “Atonna-tonna, i Tou indi tawe sal᷊ane!”