TAUNET 3の有名な聖句

シェア

Ak ye kingogeer kwondo kole mie ketoto eng’ amet, ak ko kararan eng’ konyek, ak ko ketit ne kichamei ne ing’omiti chi, kobut anyun logoekyik koam; ak kogochi manong’otiondennyi ne kimi tuwai koam agine.

Ki ng’alindet ndaret kosiir tiony age tugul ne bo ng’ony ne kiga koyai Jehovah Kamuktaindet. Kilenji anyun kwondo, Tos, iman kimwa Kamuktaindet kole, Amat oam logoek che bo ketit age tugul ne bo mbaret?

ak ande bunyondit kwenung’wong’ inye ndaret ak kwondo; ak kwenutab iyoteng’ung’ ak nenyi; ak kotui inendet meting’ung’, ak iguoten aginye kwariandennyi.

Kolenji kwondo anyun, Atesun mising’ nyalildang’ung’ eng’ manageng’ung’; isiche lagok eng’ ng’wanindo; ak inyali manong’otiondeng’ung’ eng’ mageng’ung’, ak koboun.

ak iame amigwogik eng’ kaotik che bo togeng’ung’, kot iweekyige ng’ony; amu kiginemunenen yoto; amu i ng’ung’unyek, ak iweekyige ng’ung’unyek.

Kolenji anyun Adam, Amu kegas ng’alekab kwondang’ung’, ak kaiam che bo ketit ne kiang’atin, ale, Amat iam che bo ketoto: kagichub ng’ony agobo inye; iame che bo ng’ony eng’ nyalilda betusieguk tugul, kote isobe

Ak komwa kole, Ng’o ne kamwaun kole, Imi ach ngor? Keam che bo ketoto kiang’atin ale amat iam?

Kion anyun chichoto komanda, ak konde Kerubik kotebe komostab kong’asis ne bo mbaretab Eden, ak rotwetab chok ne ilyeli ne tokyingei komosi ak komosi, koribe oret ne wendi oldab ketitab sobondo.

Ak kiguure Adam kwondanyi Awa; amu inendet kametab tugul che soptos.