TAUNET 7の有名な聖句

シェア

Kilenjin Jehovah Noa, Obwa melit, inye ak bikab gong’ung’ tugul; amu kaageerin ale i bo imanda eng’ tainnyu eng’ ibini.

Ak kigimegitu beek eng’ ng’ony betusiek bogol ak konom.

Eng’ kenyit ne kiite Noa kenyisiek bogol lo, arawet ne bo aeng’, betutab taman ak tisab ne bo arawet, eng’ betunoto anyun koyatogis kong’ik che kutune beek che bo riret ne o, ak koyatogis tirisiokab kipsengwetisiek.

Ak kigibar kiwong’ kiy age tugul ne kisobei, ne kimi ng’ony komugul, chi ak tany, agot ne ichuutegei, ak tarit age tugul ne bo barak; kigibar kiges eng’ ng’ony; Noa kityo ne king’et, koboto ichek che kimitei ak inendet eng’ melit.

Ak kirobonji ng’ony betusiek artam ak kemousiek artam.