MATIU 5の有名な聖句

シェア

Mɔ ɔ mɔ ee dambo a man, mbɛ a‑a a don samba kɔɔ. Chɛɛ ɛ a si kaina wan, ɛ manɛ be kaina mɔ ɔ mɔ ma chenɛ bu ɔ. A sin, mbɛ i wan, i wɛn maen mu yɔ sanku manɛ, i bɔɛ mɔ gbu n ko a, a ma i 'a manɛ ni man i bɔɛ mɔ gbu n tɛ ɔ, min mbe a ma, an ni a ɔ yen, e wai chɛndɛ min chɛ tena. Chɛ an mbe a ma‑a, an ni tando be Fa Yataa ma, min mbe banda bu ɔ.”

“Wo maen fan mu yɔ sanku manɛ, mɔ gbu gbɛɛ ko a dunya chɛ ɔ. Duu wa min mbe sɔ ɔ kɔnkɔ a yansama kun tɛ, a ee che nun‑da.

“Mɔɛ miin faa ɔ gbɛen mu, an duaen mu. An mbe Yataa yen‑da wan.

“Mɔɛ miin mbe an faa gbɛɛ chɛ‑a Yataa faa ma koe ma koe a, an duaen mu. Yataa ɛ faachima be‑a wan an ma.

Chɛɛ n mbe gbɛ sanche a fɔ tena wo ye, wo ko don ma nyɔɛ n ko a ni dia wo ye, a sin, wo ni samunɛ chɛ chɛ n ko a, miin mbe ko ma gbaaenɛ sa‑a wo ma.

“Mɔɛ miin‑na a ɔ sɔn chia ee nɔ, mɔɔ ni Yataa basan‑da an ma, an duaen mu. Yataa an mbe ma‑a an 'na mansa a.

“Mɔɛ miin mbe mɔɛ n tɛ ɔ bɛn, an duaen mu. Yataa ɛ an ya‑a wan a 'a denɛ n na.

“Mɔɛ miin mbe di chɛ‑a, an duaen mu. Yataa ɛ di ka‑a wan an ya a.

“Mɔɛ miin mbe ko yawaenɛ ɔ yen‑da, Yataa faa ma koe ma koe a, an duaen mu. Yataa an mbe ma‑a an 'na mansa a.

“Mɔɛ miin mbe chinchin an bɔɛ n ma, an duaen mu. Yataa ɛ chinchin‑da wan an ma.

“Ni mɔɛ n‑na ko yawaenɛ sa wo ma, an ni wo main, an ni fania yama kan kɔ kan fɔ wo ma, n fan, n bakoe a, wo duaen mu. Wo bu ɔ ni dia kaka, koe min na mu, Yataa ɛ tɔnɔnɛ chenama sa tena ɔ bɛn‑da wan wo ko a banda bu ɔ. Wo wo faa bia, a mu min na, an‑na ko yawaen dɔndɔ gbe chɛ an sa suun Yataa 'a gbonka chɛ mɔɛ n ma, an‑na min sa ka wo wɛɛ ma.”

“Mɔɛ miin dɔ ma fasi ni, an duaen mu. Yataa ɛ duu gboo chɛ gbɛɛ be‑a wan an ma, an ta a.

Chisɔsi ɔ, “Wo maen fan mu yɔ kuiɛ mɔ gbu gbɛɛ ko a dunya chɛ ɔ. Chɛɛ ni kuiɛ ɔ sɛ‑a, mɔ ee che to i ni a ma a dia ni yɛ a ɔ. A ma nyin to fen kɔ fen ko a. A nyin dechee mɔ ni a a dɛ baa ma, mɔɛ n mbe tɛn tɛn a ɔ kaina.

Chɛ an‑na a fɔ, koadia ma ban wo faa ɔ mɔ dɔ mende n ko a, yɔ koadia ee ban buɛ min dɔ Fa Yataa, min mbe banda bu ɔ, a faa ɔ.”

Wo e min ma, an mu yɔ chɛ, ni wo dɔn‑da gbɛ koe min ma, wo dɔn a ma wo faa gbɛɛ a. A sin, ni wo ma dɔn ni koe min ma a saa a, wo ma yɛ to, wo ni dɔn a ma a danka a. Bai dɔ mende kan kɔ kan, min mbe bɔ‑a wo da a a ben chɛ ma, Sitana an mbe a ma‑a wo ni a fɔ.”

Chisɔsi ɔ, “Wo‑a a a min fan, min na‑a fɔ suun, mbɛ ni mɔɛ‑a mɔ dɔ mende ya bɔ, an mbe a wɛɛ ta ya bɔ wan. Ni a‑a mɔ dɔ mende nyinɛ bɔ, an mbe a wɛɛ ta nyinɛ bɔ wan. Chɛɛ n mbe gbɛ sanche a fɔ tena wo ye, wo ma wo ta ɔ nyɔn mɔ ɔ mɔ ma, min mbe ko yama ma‑a wo a. Ni mɔ ɔ mɔ‑a wo boo nyima ɔ gbanɛ ɔ gbasi, wo wo man dɔ gbanɛ wɛɛ a mun, a ni a wɛɛ ɔ gbasi.

Chɛ an‑na a fɔ, ni i boo nyima ɔ ya, an mbe i a dɛ tena ko yama ɔ, a bɔ, i ni a a dɛ. Ɛ nyan fan i ni fo i sɔna dɔndɔ a, a ni ben i ta koe ma i sɔna gbɛɛ a kandenɛ a ta ɔ. Ni i boo nyima ɔ boo, an bɛɛ ɛ i a dɛ tena ko yama ɔ, a tɛ a a, i ni a a dɛ. Ɛ nyan fan i ni fo i sɔna dɔndɔ a, a ni ben i ta koe ma i sɔna gbɛɛ a kandenɛ a ta ɔ.”